အမှောင်လွှမ်းနေတဲ့ကမ္ဘာကြီးထဲမှာ မျှော်လင့်ချက်အလင်းရေးရေးနဲ့ ရှင်သန်သူ သို့မဟုတ် Days Gone

၂၀၁၆ E3 ပွဲမှာအားလုံးရဲ့အာရုံစိုက်မှုကိုဖမ်းယူသွားတဲ့ ဂိမ်းတစ်ခုရှိခဲ့ပါတယ်။ အဲဒါကတော့ The Last Of Us ဂိမ်းနဲ့ Walking Dead ဂိမ်းနှစ်ခုကို State Of Decay လိုမျိုးဂိမ်းစနစ်နဲ့ပေါင်းပြီးဆော့ရမယ့် Days Gone ဂိမ်းပဲဖြစ်ပါတယ်။ ဇာတ်လမ်းအကြောင်းအရာကို အခုချိန်ထိ တိတိကျကျမသိရသေးပေမယ့် လူသူကင်းမဲ့ခြောက်ကပ်ပြီးဇွန်ဘီတွေနဲ့ပြည့်နှက်နေတဲ့ကမ္ဘာကြီးအတွင်းမှာ ခပ်မိုက်မိုက်ကြေးစားတစ်ယောက်ရဲ့  အသက်ထွက်ပေါက်ရှာကြိုးစားရုန်းကန်မှုကို လက်တွေ့ဆန်ဆန်ပုံဖော်ကျူးထားတဲ့ Open World ဂိမ်းတစ်ခုဖြစ်ပါတယ်။ ကိုယ်ဟာအာနာခီစရိုက်နဲ့ ဟော့ဟော့ရမ်းရမ်းကြေးစားမုဆိုး Deacon St. John အနေနဲ့ ပါဝင်ဆော့ကစားရမှာပါ။ E3 ပွဲမှာအရိပ်အမြွက်ပြသခဲ့တဲ့အပြင်၊ ဂိမ်းကစားထွေလာပါထွက်ခဲ့တဲ့ Days Gone ဂိမ်းဟာ ဂိမ်မာမာျးအားလုံး မျှော်လင့်စောင့်စားနေတဲ့ PS4 exclusive ဂိမ်းတစ်ခုလည်းဖြစ်ပါတယ်။ ၂၀၁၈ နှစ်ဆန်းပိုင်းမှာထွက်ရှိလာမယ်လို့ခန့်မှန်းထားကြပေမယ့် တကယ်တမ်း ၂၀၁၉ ခုနှစ်၊ ဧပြီလ ၂၆ ရက်နေ့မှာမှ ထွက်ရှိလာမယ့် Survival Horror ဂိမ်းတစ်ခုဖြစ်တဲ့ Days Gone ဂိမ်းနဲ့ပတ်သတ်တဲ့ သိသိရသမျှကိုစုစည်းပြီး ဒီမှာဖော်ပြပေးလိုက်ပါတယ်။

Days Gone ဆိုတာဘာလဲ?

Days Gone ဆိုတာ Sony Interactive Entertainment ကအမည်ပေးထေားတဲ့ Survival Horror Open World ဂိမ်းတစ်ခုဖြစ်ပါတယ်။ Days Gone ဟာ Uncharted: Golden Abyss, Syphon Filter တို့ကိုဖန်တီးခဲ့တဲ့စတူဒီယိုမှာဖန်တီးထားတဲ့ ဂိမ်းတစ်ခုလည်းဖြစ်ပြီး ကြမ်းတမ်းခက်ထန်တဲ့စိန်ခေါ်မှုတွေကိုမှကြိုက်နှစ်သက်တဲ့ ကြေးစားမုဆိုးတစ်ယောက်နဲ့ ဗိုင်းရပ်စ်ရောဂါပျံ့နှံ့ပြီး လူသန်းပေါင်းများစွာသေဆုံးသွားတဲ့ကမ္ဘာကြီးကို အသားပေးဖော်ကျူးထားတဲ့ဂိမ်းလို့ဆိုရမှာပါ။ ထွေလာတွေအရဆိုရင်တော့ ဗိုင်းရပ်စ်ပျံ့နှံ့သွားပြီးနှစ်နှစ်အကြာကာလမှာ Deacon St. John အနေနဲ့ အဆုံးသတ်မဲ့ပြီးရပ်တန့်လို့မရတဲ့ဖုတ်ကောင်တွေကို ထိပ်တိုက်တွေ့ရင်ဆိုင်မယ့်ဇာတ်လမ်းလို့ သုံးသပ်ရမှာပါ။

ဂိမ်းကစားပုံစံနဲ့ သိသိရသမျှ

ကျယ်ပြန့်ပြီးနက်ရှိုင်းတဲ့ပတ်ဝန်းကျင်မှာဇာတ်အိမ်တည်ထားတဲ့ Days Gone မှာ အဓိကဂိမ်းကစားမှုစနစ်အဖြစ် လူနဲ့ဖုတ်ကောင်အကြတ်အနယ်တိုက်ပွဲတွေ၊ လက်နက်ကိရိယာဖန်တီးတာတွေနဲ့ နယ်မြေဧရိယာရှာဖွေလေ့လာတာတွေကို ပေါင်းစည်းပြီး ဂိမ်းရဲ့အဓိကကျောရိုးဂိမ်းစနစ်အဖြစ်တည်ဆောက်ထားပါတယ်။ ကိုယ်ဖြတ်ထိုးဉာဏ်ရှိရင်ရှိသလို သူမတူတဲ့အိုင်ဒီယာတွေနဲ့ များပြားလှတဲ့ဖုတ်ကောင်အုပ်တွေကို ပြန်လည်တွန်းလှန်နှိမ်နင်းမှာပါ။ များပြားလှတဲ့ဖုတ်ကောင်အုပ်လို့ ပြောရတာဟာ Days Gone ဂိမ်းရဲ့ထူးခြားချက်က ဂိမ်းအတွင်းမှာရင်ဆိုင်ရမယ့်ဖုတ်ကောင်တွေဟာ အရေအတွက်အဆမတန်များပြားအုပ်စုလိုက်တွေဖြစ်တဲ့အပြင် ဖုတ်ကောင်တွေဟာ ကိုယ့်ထက်လျင်မြန်သွက်လက်ပြီး အာရုံခံစားမှုထက်မြက်လို့ဖြစ်ပါတယ်။

ဆိုင်ကယ်ကိုအဓိကအသုံးပြုရမယ့် ဂိမ်းအတွင်းခရီးနှင်စနစ်နဲ့ ဂိမ်းပတ်ဝန်းကျင်

၂၀၁၆ E3 ပွဲကဂိမ်းကစားထွေလာမှာပြထားတဲ့အတိုင်းဆိုရင်တော့ ဖုတ်ကောင်တွေတောက်လျှောက်လိုက်မှုကြောင့် ထွက်ပြေးရင်း ထွက်ပြေးရင်း မျှော်စင်ထိပ်၊ တံတားအဆုံးနဲ့ နံရံတစ်ဖက်ပိတ်နေရာတွေကိုရောက်သွားတဲ့အခါ ထီထွင်နိုင်စွမ်းရှိရှိလွတ်မြောက်တဲ့လမ်းကို ရှာဖွေတတ်ဖို့အရေးကြီးပါတယ်။ ပတ်ဝန်းကျင်ရဲ့အထောက်အကူကိုလည်းယူရမှာဖြစ်ပြီး ကိုယ့်ဘေးနားဧရိယာတစ်ဝိုက်မှာလည်း ဖုတ်ကောင်တွေကိုတစ်နည်းနည်းနဲ့ ရပ်တန့်သွားအောင်လုပ်ဖို့ အခွင့်အရေးတွေရှိနိုင်ပါတယ်။ ဂိမ်းအတွင်းမှာတော့ ယာဉ်တွေနဲ့ခရီးနှင်ရမယ့်အခြေအနေမှာရှိပါတယ်။ သိရှိထားတဲ့ခရီးနှင်စနစ်အရတော့ အဓိကဇာတ်ကောင်ဖြစ်သူ Deacon St.John အနေနဲ့ ကိုယ်မောင်းနှင်နေတဲ့ မော်တော်ဆိုင်ကယ်ကို တစ်ဆင့်ချင်းစီပြင်ဆင်နိုင်မယ့် ဂိမ်းစနစ်ကို ထည့်သွင်းပေးထားပါတယ်။ သဘာဝကျစွာပဲ မောင်းနှင်ဖို့လောင်စာဆီကုန်ရင် နီးစပ်ရာလောင်စာဆီဖြည့်နေရာမှာ သွားရောက်ပြီးဖြည့်ယူရမယ်၊ ဆိုင်ကယ်နဲ့ ခရီးနှင်ဖို့အတွက် ပိုမိုအားကောင်းပြီး အကြမ်းခံနိုင်မယ့်အကာအကွယ်တွေ၊ မြန်နှုန်းတိုးမြှင့်ပေးမယ့် စွမ်းအင်မြင့်ဆိုင်ကယ်အင်ဂျင်တွေကို တစ်ဆင့်ဆီချင်း တပ်ဆင်သွားရမှာဖြစ်ပါတယ်။ ဒါ့အပြင် ဇာတ်လမ်းတဖြည်းဖြည်း ဆက်သွားရာကနေ ကားအမျိုးအစားပေါင်းစုံ၊ ဂျက်လေယာဉ်နဲ့ ရွက်လှေ၊ သင်္ဘောကြီးတွေကိုလည်း စီးနင်းခွင့်ရမယ်လို့ အချို့ကသုံးသပ်ကြပါတယ်။

 ဂိမ်းရေးဆွဲသူအဖွဲ့နဲ့ ထွက်ရှိလာမယ့်ရက်

Sony Interactive Entertainment ကဖြန့်ချိသွားမယ့် Days Gone ဂိမ်းကို ၂၀၁၈ နှစ်ဆန်းပိုင်းမှာထွက်ရှိလာမယ်လို့ ခန့်မှန်းထားကြပေမယ့် အကြောင်းအမျိုးမျိုးနဲ့ ကြန့်ကြာနေခဲ့ပါတယ်။ သို့ပေမယ့်လည်း အခုလာမယ့် ၂၀၁၉ ခုနှစ်၊ ဧပြီလ ၂၆ ရက်နေ့မှာတော့ Days Gone ဂိမ်းဟာ Playstation 4 ဂိမ်းပလက်ဖောင်းမှာ ထွက်ရှိလာတော့မှာဖြစ်ပါတယ်။ Days Gone ဂိမ်းကို SIE Bend စတူဒီယိုကဦးဆောင်ရေးဆွဲပြီး Unreal Engine ကပါဝင်အားဖြည့်တည်ဆောက်ထားပါတယ်။  လောလောဆယ်တော့ PS4 နဲ့ PS4 Pro ပလက်ဖောင်းမှာသာဆော့ကစားနိုင်မယ့် Days Gone ဂိမ်းဟာ အားလုံးထဲကွဲထွက်ပြီး စိတ်လှုပ်ရှားဖို့ကောင်းတဲ့ဇွန်ဘီဂိမ်းကောင်းတစ်ခုဖြစ်လာမယ်လို့ ဂိမ်းထွေလာတွေနဲ့ ဂိမ်းကစားဟန်ဗီဒီယိုတွေကို ကြည့်ရှုပြီး ဂိမ်မာပရိသတ်မာျးက သုံးသပ်ထားကြပါတယ်။

Yan
Ref: trustedreviews, Wiki

Sony ကအတည်ပြုလိုက်တဲ့ မျိုးဆက်သစ် Playstation 5 ဘယ်တော့ထွက်လာမှာလဲ?

Playstation 4 ကို ၂၀၁၃ နှစ်ကုန်ပိုင်းမှာပွဲဦးထွက် စတင်ဖြန့်ချိခဲ့ပါတယ်။ ထွက်ရှိခဲ့တဲ့အချိန်ကစပြီး လေးနှစ်တာကာလအတွင်းမှာ Xbox One နဲ့ယှဉ်ရင် ဘယ်ဟာပိုသာတဲ့ console ဖြစ်တယ်ဆိုတဲ့ အငြင်းပွားမှုတွေ၊ စကားနိုင်လုမှုတွေကြားကနေပြီး PS4 ဟာ ပိုမိုကောင်းမွန်တဲ့တည်ဆောက်မှုစနစ်၊ အထူးခြားဆုံး exclusive ဂိမ်းတွေနဲ့ Playstation အွန်လိုင်းအဖွဲ့ရပ်ဝန်းကို ပိုမိုအားကောင်းကျယ်ပြန့်လာစေခဲ့ပြီး Xbox console ထက်ရောင်းအားသွက်သွားခဲ့ပါတယ်။ Nintendo Switch console အပေါ်မှာလည်းစိတ်မဝင်စားပဲ ဘယ်လိုမျိုးဂိမ်းပလက်ဖောင်းမှာ ဂိမ်းဆော့ရမလဲဆိုတာစဉ်းစားနေသူများအတွက် PS4 ဟာအသင့်တော်ဆုံးနဲ့ အကောင်းဆုံးသောရွေးချယ်မှုတစ်ခုဖြစ်ခဲ့ပါတယ်။ PS4 exclusive ဂိမ်းများဖြစ်ကြတဲ့ God Of War စီးရီး၊ Uncharted စီးရီးတွေအပြင် The Last Of Us, Metal Gear Solid V: The Phantom Pain, Bloodborne, Persona 5, Horizon: Zero Dawn အစရှိတဲ့ဂိမ်းကောင်းတွေဟာ Playstation ပလက်ဖောင်းကို တန်ဖိုးမြင့်စေပြီး တစ်သီးပုဂ္ဂိုလ်လဆန်စွာအားလုံးထဲကကွဲထွက်စေခဲ့ပါတယ်။

4K ရုပ်ထွက်ရှိတဲ့တီဗီကိုပိုင်ဆိုင်ထားသူများအဖို့ Playstation 4 Pro ကိုဒေါ်လာ ၄၀၀ သုံးစွဲပြီးဝယ်ယူလိုက်တာနဲ့ အကြည်လင်အပြတ်သားဆုံး၊ ချောမွေ့သေသပ်တဲ့ရုပ်ထွက်နဲ့ အရည်အသွေးမြင့်ဂိမ်းကစားမှုအတွေ့အကြုံကို အဆင်သင့်ခံစားနိုင်မှာပါ။ အဲဒီလိုမျိုး PS4 နဲ့ Xbox One ဘယ် console ကပိုသာသလဲဆိုတဲ့ အားပြိုင်မှုတွေဟာ အဆင့်မြင့်မော်ဒယ်အသစ်၊ ဗားရှင်းအသစ်တွေထွက်ပေါ်လာတိုင်းရှိ ဖြစ်လေ့ဖြစ်ထရှိကြပေမယ့် ဘယ်ပလက်ဖောင်းပေါ်မှာဆော့ကစားမလဲဆိုတာကတော့ ကစားသူဂိမ်မာများက ကိုယ့်အကြိုက်နဲ့ကိုယ်ရွေးချယ်ရမှာပါပဲ။ PS4 စက်တွေထွက်မလာခင်အချိန်မှာ PS4 Pro နဲ့ PS4 Slim ဘယ်နေ့ဘယ်လမှာထွက်ရှိလာလိမ့်မယ်လို့ တိတိကျကျနဲ့အချိန်ကိုက်ခန့်မှန်းပြနိုင်ခဲ့တဲ့သုတေသီ Damian Thong ကနေပြီး မျိုးဆက်သစ် Playstation ဂိမ်းစက်အသစ်ဟာ ၂၀၁၈ နှစ်ကုန်ပိုင်းမှာထွက်ရှိလာလိမ့်မယ်လို့ ခန့်မှန်းချက်ပေးခဲ့ပါတယ်။ အသစ်ထွက်ရှိလာမယ့် Playstation စက်ဟာ Silm PS4 Pro မဟုတ်သလို နဂိုစက်တွေရဲ့ဗားရှင်းမြင့်၊ မော်ဒယ်မြင့် console မျိုးလည်းမဟုတ်ဘဲ မျိုးဆက်သစ် console တစ်ခုအနေနဲ့ Playstation 5 ဆိုတဲ့ခေါင်းစဉ်နာမည်နဲ့ ထွက်ရှိလာမှာဖြစ်တယ်လို့ဆိုပါတယ်။ Damian ဟာခန့်မှန်းချက်ပေးတဲ့နေရာမှာအလွန်တော်တာလား၊ အကြားအမြင်ရနေတာလားဆိုတာ မပြောနိုင်လောက်အောင်ပါပဲ။ ဘာဖြစ်လို့လည်းဆိုတော့ မကြာသေးမီကမှ Sony ကနေပြီး Playstation 5 ထွက်ရှိလာမယ်ဆိုတာကို အတည်ပြုခဲ့လို့ပါ။ PS5 နဲ့ပတ်သက်ပြီးထွက်နေတဲ့သတင်းတွေနဲ့ကောလဟာလတွေ ရှင်းလင်းပပျောက်သွားစေဖို့အတွက် Playstation ပြောရေးဆိုခွင့်ရှိသူ Shawn Layden ကနေပြီး ဂျာမန်ဝက်ဘ်ဆိုဒ်တစ်ခုနဲ့အင်တာဗျူးမှာ Playstation 5 ထွက်ရှိလာမယ်ဆိုတာ ဟုတ်မှန်တဲ့အကြောင်းကို ပြောပြအတည်ပြုခဲ့ပါတယ်။ Damian ဟာလည်း Wall Street Journal ကို Playstation ဂိမ်းစက်အသစ်တွေဟာ ၂၀၁၈ နှစ်ကုန်ပိုင်းမှာဈေးကွက်ထဲပွဲဦးထွက်ရောက်ရှိနိုင်တယ်ဆိုတဲ့ခန့်မှန်းချက်ပြောပြပြီး မကြာခင်မှာ Shawn Layden ကတရားဝင်ဖြေကြားခဲ့ခြင်းဖြစ်ပါတယ်။

PS4 ဂိမ်းစက်၊ ဂိမ်းခွေတွေဟာရောင်းအားမကျဘဲ အောင်မြင်မှုနှုန်းကို ဖြည်းဖြည်းနဲ့မှန်မှန်ဆက်လက်ထိန်းသိမ်းထားနိုင်တဲ့အတွက် Sony အနေနဲ့ PS5 ထွက်ရှိလာမယ့်အကြောင်း အရိပ်အမြွက်ပြောပြချက်ဟာ စောကောင်းစောနိုင်တယ်လို့တော့ တချို့ကသုံးသပ်ကြပါတယ်။ ဘာဖြစ်လို့လည်းဆိုတော့ PS3 စက်တွေနေရာမှာ PS4 စက်အဖြစ်အစားထိုးဝင်ရောက်လာဖို့အချိန် ၇ နှစ်အတိုင်းအတာကြာမြင့်ခဲ့သလို Playstation 4 စတင်ထွက်ရှိလာခဲ့တာကလည်း လေးနှစ်တာကာလလောက်သာရှိပါသေးတယ်။ ဒါပေမယ့် အားလုံးတစ်ခုသတိထားရမှာ Damian Thong ဟာ Playstation နဲ့ပတ်သက်ပြီး ခန့်မှန်းတဲ့နေရာမှာ လျစ်လျူရှုထားလို့မရတဲ့သုတေသီတစ်ယောက်ဆိုတာပါ။ Damian ဟာ PS4 ဂိမ်းစက်တွေထွက်ရှိလာမယ့်အကြောင်းကြေငြာနေတဲ့ကာလအတွင်းမှာလည်း စက်တွေထွက်လာပြီးရင် PS4 Pro နဲ့ Slim console နှစ်မျိုးနှစ်စားဖြစ်လိမ့်မယ်လို့ ခန့်မှန်းခဲ့တာ တက်တက်စင်အောင်မှန်ကန်ခဲ့ပါတယ်။ ဒီတော့ ၂၀၁၈ နှစ်ကုန်ပိုင်းမှာ PS5 ထွက်ရှိမယ်ဆိုတာသေချာမယ်ဆိုရင် ယခုနှစ် ၂၀၁၇ စက်တင်ဘာလမှာကျင်းပမယ့် Tokyo Game Show, ဒီဇင်ဘာလရဲ့ Playstation Experience အစရှိတဲ့ပွဲတွေမှာ Sony အနေနဲ့တရားဝင်အသိပေးကြေညာချက်တွေ ပြုလုပ်သွားရမှာပါ။ ဒီတော့ Damian Thong ရဲ့ခန့်မှန်းချက်တွေဟာပဲ သွေးထွက်အောင်မှန်ကန်မလား? Playstation 5 ဟာ ၂၀၁၈ ခုနှစ်ကုန်ပိုင်းကိုကျော်လွန်ပြီး ၂၀၁၉ ကိုကူးသွားမလားဆိုတာကတော့ ဂိမ်မာတွေက အချိန်နဲ့တပြေးညီ နားစွင်ေ့စာင်းဆိုင်းနေကြပါဦးဆိုတာကို ဒီကနေပြောလိုက်ချင်ပါတယ်။

Sony's PS5
Yan (14.7.2017)
Ref: Vulture, express.co.uk, gamerevolution

ဇာတ်လမ်းအစအဆုံးကိုအနှစ်ချူပ်ပေါင်းစည်းထားတဲ့ Naruto Ultimate Ninja Strom: Legacy

Naruto ဆိုတဲ့ဇာတ်ကောင်နဲ့ ဘယ်သူ့ကိုမှအထူးတလည်ပြန်ပြီး မိတ်ဆက်ပေးစရာလိုမယ်မထင်ပါဘူး။ ဂျပန်ကာတွန်းဆရာ Masashi Kishimoto ရေးဆွဲပြီး ၁၉၉၆ ခုနှစ်ကတည်းကထွက်ရှိခဲ့တဲ့ နင်ဂျာကာတွန်းဇာတ်လမ်းတွဲ Naruto ရဲ့အောင်မြင်ကျော်ကြားမှုဟာ ကမ္ဘာနဲ့အဝှမ်းအံ့မခန်းပါပဲ။ ဟုန်းဟုန်းတောက်ခဲ့တဲ့ အောင်မြင်ကျော်ကြားမှုကိုလိုက်ပြီး Naruto ဆိုတဲ့နာမည်အောက်ကနေ ကုန်ပစ္စည်းတွေ၊ အသုံးအဆောင်တွေ၊ အဝတ်အစားတွေ အစရှိတာတွေကိုတောင် ထုတ်လုပ်ဖြန့်ချိရောင်းချခဲ့ကြပါတယ်။ ၂၀၀၀ ခုနှစ်မှာ 2D ရုပ်ထွက်အမြင်နဲ့စတင်ခဲ့တဲ့ ပထမဦးဆုံး Naruto ဂိမ်းဟာ နင်ဂျာဇာတ်ကောင်တွေနေရာမှာ ကိုယ်တိုင်ကိုယ်ကျဝင်ရောက်တိုက်ခိုက်တဲ့ရသမျိုး ပေးစွမ်းခဲ့လို့ ပရိသတ်တွေကအတိုင်းအတာတစ်ခုထိအားပေးခဲ့ကြပါတယ်။ ၂၀၀၉ ခုနှစ်မှာတော့ Cyberconnect2 နဲ့ Bandai Namco တို့ပူးပေါင်းပြီး အလျားလိုက်အမြင်မဟုတ်ပဲ လွတ်လပ်တဲ့ရုပ်လုံးဖော်သုံးဖက်အမြင်နဲ့ Naruto: Ultimate Ninja Storm ဂိမ်းကို Playstation 3 ပလက်ဖောင်းမှာ စတင်ဖြန့်ချိခဲ့ရာကနေ တစ်ဟုန်ထိုးဆိုသလို ဂိမ်မာတွေအပြင်၊ Naruto ကြိုက်ပရိသတ်တွေရဲ့ အားပေးအသိအမှတ်ပြုမှုကို တစ်ခဲနက်ရရှိလာခဲ့ပါတယ်။ ဇာတ်ကြောင်းရဲ့ကဏ္ဍအသီးသီးကို ဂိမ်းအနေနဲ့ပြန်လည်သရုပ်ဖော်ထားတဲ့ Ultimate Ninja Storm လို့ပြောရလောက်တဲ့အထိ စီးရီးနဲ့ဂိမ်းတစ်တွဲတည်းထိုးဖေါက်အောင်မြင်သွားခဲ့ပါတယ်။ အဲဒီကနေစပြီး ၂၀၁၀ မှာ Naruto: Ultimate Ninja Storm 2, ၂၀၁၃ နဲ့ ၂၀၁၄ မှာ Naruto: Ultimate Ninja Storm 3 နဲ့ 4 အစရှိတဲ့နောက်ဆက်တွဲခွေကို ဆက်တိုက်ဖန်တီးထုတ်လုပ်သွားခဲ့ရာကနေ အခုဆိုရင် Naruto Shippuden: Ultimate Ninja Storm 4 ဆိုတဲ့နောက်ဆုံးဂိမ်းကို Road to Boruto expension အသစ်နဲ့ထွက်ရှိထားတဲ့အပြင် Naruto Shippuden ဇာတ်လမ်းကြီးပြီးဆုံးလို့ Naruto ရဲ့သားဖြစ်သူ Boruto ကိုပါပရိသတ်မာျးက တီဗီဖန်သားပြင်ပေါ်မှာတွေ့မြင်နေကြရပါပြီ။

Naruto ဇာတ္လမ္းႀကီးၿပီးဆုံးသြားလုိ႔ Ninja Storm ဂိမ္းေတြပါအဆုံးသတ္သြားၿပီလုိ႔ထင္မွတ္ေနၾကတဲ့ ပရိသတ္မ်ားအတြက္ ေမွ်ာ္လင့္ခ်က္ေတြအေရာင္ျပန္ေတာက္လာေစမယ့္ သတင္းထူးရွိေနပါတယ္။ အဲဒါကေတာ့ ထြက္ရွိခဲ့သမွ် Ninja Storm ဂိမ္းေလးေခြလုံးကုိ တစ္စုတစည္းတည္းေပါင္းစည္းၿပီး Naruto Ultimate Ninja Storm: Legacy အျဖစ္ထြက္ရွိလာမယ္လုိ႔ မၾကာေသးမွီကမွ Bandai Namco ကေနၿပီး ပရိသတ္ေတြကုိေျပာျပခဲ့လုိ႔ပါပဲ။ ၾသဂုတ္လ ၂၅ ရက္ေန႔မွာ ထြက္ရွိလာမယ္လုိ႔ Twitter မွာတရားဝင္ေၾကညာခဲ့တဲ့ Naruto Ultimate Ninja Storm: Legacy ဟာ ပုိမုိအဆင့္ျမႇင့္တင္လုိက္တဲ့႐ုပ္ထြက္ဂရပ္ဖစ္နဲ႔ ပင္မဇာတ္ေၾကာင္းအစကေနအဆုံးအေပၚမွာ နာရီေပါင္းရာေက်ာ္ေဆာ့ကစားရမွာျဖစ္ၿပီး ဝတ္စုံအသစ္ေတြ၊ မစ္ရွင္အသစ္ေတြ၊ လက္ရွိဇာတ္လမ္းရဲ႕ဇာတ္ေကာင္သစ္မ်ားကုိပါ ကိုယ္တုိင္ကုိယ္က်ကုိင္တြယ္ေဆာ့ကစားႏုိင္မွာျဖစ္တယ္လုိ႔ သိရပါတယ္။ Ninja Storm ဂိမ္းေဟာင္းေတြအေနနဲ႔လည္း ၿပီးျပည့္စုံတဲ့အျမင္အာ႐ုံခံစားမႈကုိ ေပးစြမ္းဖုိ႔အတြက္1080p အထိတုိးျမႇင့္ထားတဲ့ edition မ်ားထြက္ရွိခဲ့ၿပီးပါၿပီ။

Naruto Ultimate Ninja Storm: Legacy ဟာထွက်ရှိခဲ့သမျှ Storm အခွေအားလုံးကို စုစည်းအချောသတ်ပြီး သေသပ်ပြောင်မြောက်စွာဖန်တီးထားတဲ့ခွေဖြစ်တာကြောင့် နောက်ဆုံး remastered ခွေလို့တောင် သုံးသပ်နိုင်ပါတယ်။ အမြီးကိုးချောင်းမြေခွေး Kyuubi (九尾) ကြီး Konoha ရွာကိုဝင်ရောက်ဖျက်ဆီးတဲ့နေရာကနေ ဟိုးနောက်ဆုံး Kaguya ကိုနှိမ်နင်းလိုက်တဲ့အထိ ဇာတ်ကြောင်းထည့်သွင်းထားတာမို့ Naruto ဇာတ်လမ်းတွဲနဲ့မရင်းနှီးသူများ၊ Ninja Storm ဂိမ်းလည်းမဆော့ဖူးသူများအနေနဲ့တောင် ဒီတစ်ခွေကိုဆော့ကစားပြီး Naruto ဇာတ်လမ်းနဲ့နင်ဂျာလောကအကြောင်းကို လုံးစေ့ပတ်စေ့ သိရှိသွားနိုင်ပါတယ်။ Naruto Ultimate Ninja Storm: Legacy ဟာ Playstation 4, Xbox One နဲ့ PC ပလက်ဖောင်းတို့မှာ အသီးသီးထွက်ရှိသွားမှာပါ။ ဒီဂျစ်တယ်ဗားရှင်းအနေနဲ့ ပွဲထွက်မယ့်အပြင် Physical ဗားရှင်းအနေနဲ့လည်းထွက်ရှိမှာဖြစ်ပြီး Physical ဗားရှင်းဝယ်ယူသူများအဖို့ ဂိမ်းအခွေ၊ အသွင်ပြောင်းပုံစံလေးမျိုးလေးစားပါဝင်တဲ့ Naruto စတီးစာအုပ်၊ Boruto အထူးကာတွန်းဇာတ်လမ်းခွေ၊ ရုပ်ပုံပန်းချီစာအုပ်နဲ့ Storm 4 အခွေတို့ကို ပူးတွဲပိုင်ဆိုင်နိုင်မှာဖြစ်ပါတယ်။ Legacy အခွေနဲ့အတူ Naruto Ultimate Ninja Storm 1, 2, 3 နဲ့ Full Burst တို့ပေါင်းထားတဲ့ Trilogy အခွေဟာလည်း တစ်ရက်တည်းမှာ ထွက်ရှိမှာဖြစ်ပြီး Trilogy ကတော့ ဒီဂျစ်တယ်ဗားရှင်းအဖြစ်နဲ့သာထွက်ရှိသွားမှာပါ။ ဒီတော့ Naruto ဇာတ်လမ်းတစ်ခုလုံးကိုသိရှိရမှာဖြစ်ပြီး ကိုယ့်စိတ်ကြိုက်နင်ဂျာဇာတ်ကောင်တွေအဖြစ်နဲ့ ပါဝင်ဆော့ကစားနိုင်မယ့် Naruto Ultimate Ninja Storm: Legacy ခွေကို ရယူပိုင်ဆိုင်ချင်တဲ့သူများအဖို့ အချိန်တစ်လပဲ စောင့်ဖို့လိုပါတော့တယ်ဆိုတဲ့အကြောင်းကို ဒီကနေတဆင့်သတင်းကောင်းပါးပြီး ပြန်လည်မျှဝေလိုက်ရပါတယ်။

Naruto Ultimate Ninja Strom: Legacy
Yan (7.7.2017)
Ref: Comicverse, Wiki, n3rdabl3, trueachievements