Ubisoft နဲ့ Titan Comic တို့လက်တွဲပြီးဖေဖော်ဝါရီလမှာ ပွဲဦးထွက်မယ့် Assassin's Creed Origins Comic

Assassin's Creed Origins နဲ့ပတ်သက်ပြီး ကျွန်တော်ဆောင်းပါးတွေအများကြီးရေးခဲ့ပါတယ်။ ကိုယ်ကိုယ်တိုင်ကလည်း AC စီးရီးကိုစွဲစွဲမြဲမြဲဆော့သူဖြစ်တာက တစ်ကြောင်း၊ ဂိမ်းသတင်းနဲ့အချက်အလက်တွေကိုစာဖတ်သူ လက်ထဲအရောက်ထည့်ပေးလိုစိတ်ကြောင့်တစ်ကြောင်း အဲဒီလိုအကြောင်းကြောင်းနဲ့ ဂိမ်မာတွေသိသင့်သမျှအချက်တွေကို သတင်းဆောင်းပါးတွေကနေပြန်လည်မျှဝေပေးနေခဲ့တာ အခုဆိုရင်အချိန်အတိုင်းအတာတစ်ခုရောက်ခဲ့ပါပြီ။ အဲဒီတော့ ၂၀၁၇ ခုနှစ်၊ အောက်တိုဘာမှာထွက်ရှိခဲ့တဲ့ AC စီးရီးရဲ့နောက်ဆုံးအခွေ Assassin's Creed Origins ဟာဆိုရင် AC စီးရီးကိုပြန်လည်ဆန်းသစ်ပြီး နာမည်ကောင်းတွေရစေခဲ့တဲ့ဂိမ်းကောင်းတစ်ခုဖြစ်တယ်ဆိုတာ ဂိမ်မာတွေအားလုံးနီးပါး မပြောလည်းသိနှင့်နေပြီးပါပြီ။ AC ပရိသတ်များအတွက် Ubisoft Montreal ကတကယ့်ကိုပြောင်မြောက်တဲ့ဂိမ်းတစ်ခုကိုဖန်တီးပေးခဲ့ပြီး တစ်ဖက်မှာလည်း ဂိမ်းပရိသတ်တွေအတွက် ကွဲပြားခြားနားတဲ့ AC ဂိမ်းအတွေ့အကြုံတွေကိုပေးစွမ်းခဲ့လို့ Origins အခွေဟာ နှစ်ဦးနှစ်ဖက်အကျိုးရှိစေခဲ့တဲ့အခွေလို့ ဆိုရမှာပါ။ ဒါပေမယ့် Ubisoft ဂိမ်းကုမ္မဏီဟာ အခွေကိုထုတ်ပေးအပြီးမှာ နောက်ထပ်ဆင့်ပေါင်း Edition တွေကိုဈေးနှုန်းအစားစားနဲ့ ထုတ်ပေးခဲ့သလို ၂၀၁၈ ဇန်နဝါရီနဲ့ မတ်လမှာမှ အသီးသီးထွက်ရှိလာမယ့် DLC တွေကို အချိန်ကိုက်ညှိပြီးဈေးကွက်ထဲဖြန့်ချိဖို့ဆိုင်းထားတဲ့အပြင် Adidas ရဲ့တွဲဖက်ပါတနာဖြစ်တဲ့ Yeezy နဲ့လည်းပူးပေါင်းပြီး တစ်ကမ္ဘာလုံးမှာမှ ၁၆ ရံအတိပဲထုတ်ပေးမယ့် ရှားပါးစာရင်းဝင် Assassin's Creed Origins Yeezy ဖိနပ်တွေကို ထုတ်လုပ်ခဲ့ပြန်ပါသေးတယ်။ အဲဒီလိုအရှိန်အဟုန်ကောင်းကောင်းနဲ့ ကဏ္ဍပေါင်းစုံကနေ AC နာမည်ကိုကျယ်ပြန့်အောင်လုပ်ဆောင်နေတဲ့ Ubisoft ဟာ ယခုနှစ် ၂၀၁၈၊ ဖေဖော်ဝါရီလမှာတော့ Titan Comic နဲ့ပေါင်းစည်းပြီး Assasins's Creed Origins Comic ကိုပွဲထုတ်သွားမယ်လို့ ဇန်နဝါရီလ ၂၉ ရက်နေ့မှာ ကြေငြာပေးခဲ့ပါတယ်။ ဒီသတင်းဟာ AC ဂိမ်းတွေအပြင် Comic ကာတွန်းရုပ်ပြများကိုကြိုက်နှစ်သက်ကြတဲ့ပရိသတ်တွေအားလုံး ဘဝင်ခိုက်အကြိုက်တွေ့စေမယ့် သတင်းဖြစ်ပါတယ်။ Ubisoft နဲ့ Titan Comic တို့ရဲ့လက်ရာဖြစ်တဲ့ AC Origins Comic နဲ့ပတ်သက်တဲ့နောက်ဆုံးရသတင်းတွေကိုနားစွင့်နေကြတဲ့ ပရိသတ်တွေအတွက် သိရသမျှအချက်အလက်တွေကို ရှာဖွေစာတမ်းပြုစုပြီး ဒီကနေပြန်လည်မျှဝေပေးလိုက်ပါတယ်။

Titan Comic ဆိုတာ ဘယ်သူတွေလဲ? 

Ubisoft ဂိမ်းကုမ္ပဏီနဲ့ရေရှည်လက်တွဲဘော်တွေဖြစ်တဲ့ Titan Comic ဟာ ၂၀၁၃ ခုနှစ်မှာစတင်ထူထောင်ခဲ့တဲ့ ဗြိတိန်အခြေစိုက် Comic ကုမ္ပဏီဖြစ်ပြီး ၂၀၁၅ ခုနှစ်မှာတော့ Assassin's Creed လောကနဲ့ပတ်သက်တဲ့ကာတွန်းရုပ်ပြတွေကို လစဉ်ထုတ်ပေးဖို့အတွက် Ubisoft နဲ့စာချူပ်ချူပ်ဆိုခဲ့တာဖြစ်ပါတယ်။ Titan Comic အနေနဲ့ လက်ရှိမှာတော့ Wolfenstein 2, Tekken နဲ့ Bloodborne အစရှိတဲ့နာမည်ကျော်ဂိမ်းတွေအတွက် ကာတွန်းတွေရေးဆွဲထုတ်ပေးခဲ့ပြီးဖြစ်ပြီး နောက်လာမယ့်ကာတွန်းစီးရီးအနေနဲ့ Assassin's Creed Origins Comic ကို ဖေဖော်ဝါရီလမှာ ပွဲဦးထွက်ထုတ်ပေးသွားမှာဖြစ်ပါတယ်။

Assassin's Creed Origins Comic ဟာဘယ်လိုဇာတ်လမ်းမျိုးလဲ? ဘယ်လိုအရာတွေပါဝင်မလဲ?

ဇာတ်ကြောင်းဇာတ်အိမ်နဲ့ပတ်သက်ပြီးတော့ ဘာမှများများစားစားမသိရပေမယ့် တကယ့်အီဂျစ်သမိုင်းကြောင်းအထင်ကရဖြစ်ရပ်တွေ ပါဝင်ဆက်စပ်နေမယ်လို့တော့သိရပါတယ်။ AC Origins Comic ကို တကယ့် Assassin's Creed Origins ဂိမ်းရဲ့ဇာတ်ကြောင်းအဆုံးမှာ ဇာတ်အိမ်ပြန်ကောက်ထားတယ်လို့ သိရပြီး မာယာများတဲ့ဘုရင်မကီလီယိုပက်ထရာ အပါအဝင် သူ့ခေတ်သူ့အခါကဖြစ်စဉ်များကိုပါ ထည့်သွင်းသွားမယ်လို့ ခန့်မှန်းရပါတယ်။ ဂိမ်းကိုအောင်မြင်ပြီးမြောက်အောင်ဆော့ကစားပြီးသွားတဲ့အပြင် ဂိမ်းတစ်လုံးရဲ့ဇာတ်ကြောင်းဖြစ်စဉ်တွေအပြီးမှာ နောက်ထပ်ဘာတွေဆက်ဖြစ်မလဲသိချင်တဲ့ ကစားသူပရိသတ်များအတွက် Titan Comic ရဲ့ Assassin's Creed Origins ကာတွန်းရုပ်ပြစာအုပ်ကို အဆင်သင့်လေးဖတ်ရှုရုံပါပဲ။

ထွက်ရှိလာမယ့်ရက်စွဲနဲ့အတူ ဒီ Comic မှာဘာတွေကိုမျှော်လင့်လို့ရမလဲ

Assassin's Creed Origins Comic ကာတွန်းရုပ်ပြကို Titan Comic အနေနဲ့ဖေဖော်ဝါရီလမှာ ပွဲဦးထွက်ထုတ်ပေးသွားမှာဖြစ်ပြီး တစ်လတည်းမှာပဲ Bloodborne Comic ကိုပါထုတ်ပေးသွားမယ်လို့ ကြေငြာထားပါတယ်။ ဒါတင်မကသေးပဲ ဖေဖော်ဝါရီလအကုန် မတ်လမှာလည်း Ubisoft ဂိမ်းကုမ္ပဏီရဲ့ဂိမ်းတစ်ခုဖြစ်တဲ့ Sea Of Thieves ကာတွန်းရုပ်ပြစီးရီးကိုထုတ်ပေးသွားမှာဖြစ်ပါတယ်။ Assassin's Creed Origins Comic ဟာ မိနီစီးရီးအနေနဲ့ အပိုင်းပေါင်းလေးပိုင်းခွဲလာမှာဖြစ်ပြီး တစ်ပိုင်းစီကိုအချိန်နဲ့ကိုက်ညှိထုတ်ပေးသွားမှာပါ။ AC Origins Comic ရဲ့ အဓိကမျက်နှာဖုံးကာဗာတွေနဲ့ ကာတွန်းရုပ်ပုံတွေကို သရုပ်ဖော်ရေးဆွဲသူကတော့ The Wicked + The Divine, Queen Of Hel နဲ့ Jean Gray Comic များနောက်ကွယ်ကကာတွန်းပညာရှင် Stephanie Hans ပဲဖြစ်ပြီး အခုလာမယ့် AC စီးရီးရဲ့နောက်လာမယ့်ထုတ်ကုန်ဖြစ်တဲ့ Titan Comic ရဲ့လက်ရာကို AC ပရိသတ်များတင်မက Comic ပရိသတ်များပါ ရင်ခုန်စိတ်လှုပ်ရှားစွာနဲ့စောင့်မျှော်နေနိုင်ပြီဆိုတဲ့အကြောင်းကို ဒီကနေတဆင့်အသိပေးလိုက်ရပါတယ်။

Yan
Ref: gamespot, wikia, titancomic

၂၀၁၈ မတ်လမှာထွက်လာမယ့် Assassin's Creed Rogue Remastered အခွေသစ်နဲ့ အရှိန်ကောင်းနေတဲ့ AC စီးရီး

Ubisoft Monreal ဟာ Assasin's Creed စီးရီးရဲ့ဂိမ်းသစ်ဖြစ်တဲ့ Assasin's Creed: Origins အခွေကို  ၂၀၁၇ ခုနှစ်၊ အောက်တိုဘာလ ၂၇ ရက်နေ့မှာ ဈေးကွက်ထဲစတင်ဖြန့်ချိပေးခဲ့ပါတယ်။ ရှေးဟောင်းအီဂျစ်ပြည်မှာဇာတ်အိမ်တည်ထားပြီး ဆူဒန်မြို့မြောက်ပိုင်းသားဖြစ်တဲ့ Bayek ကိုအဓိကဇာတ်ကောင်အဖြစ်နဲ့ Assassin Brotherhood ကြီး စတင်ဖြစ်တည်လာတဲ့ဇာတ်ကြောင်းအပေါ်မှာ သစ်လွင်ဆန်းပြားတဲ့ဂိမ်းတွင်းအတွေ့အကြုံတွေကိုခံစားရစေခဲ့လို့ နောက်ဆုံးထွက်ရှိခဲ့တဲ့ Assassin Creed's Origins ဟာ AC စီးရီးကိုပြန်ပြီး အရောင်တောက်လာစေခဲ့တဲ့ Ubisoft ရဲ့ ဂိမ်းကောင်းတစ်ခုလို့ပြောမယ်ဆိုရင်လည်း မမှားပါဘူး။ Metacritic, IGN, Polygon အစရှိတဲ့ နာမည်ကြီးဂိမ်းမီဒီယာတွေဆီကပါ review ကောင်းတွေဆွတ်ခူးနိုင်ခဲ့တဲ့ Assassin's Creed Origins ဂိမ်းဟာ ယခု ၂၀၁၈ နှစ်သစ်အတွင်းမှာလည်း ထွက်ရှိဖို့ရာထားတဲ့ DLC အသစ်တွေနဲ့ ဂိမ်းလောကကိုထပ်ပြီး ဂယက်ရိုက်လာစေတော့မှာပါ။ ဒါတင်မကသေးပါဘူး၊  လေးနှစ်နီးပါးအချိန်ယူပြီးဖန်တီးခဲ့ရတဲ့  Assassin's Creed Origins အခွေဟာ အားလုံးရဲ့ရည်မှန်းချက်တွေနဲ့ မျှော်လင့်ချက်တွေကိုဖြည့်ဆည်းပေးခဲ့ပေမယ့်လည်း ခြေလှမ်းတွေသွက်တဲ့ Ubisoft အနေနဲ့ နောက်ထပ်ပြီးလှမ်းမယ့်အဆင့်တွေဟာ ၂၀၁၈ နှစ်သစ်အတွက် အသင့်ဖြစ်နေပါပြီ။ ဘာဖြစ်လို့လည်းဆိုတော့ Ubisoft Montreal ဟာ AC Origins ရဲ့ DLC အသစ်တွေဖြစ်တဲ့ The Hidden Ones နဲ့ The Curse Of Pharoahs တို့ကို ၂၀၁၈ ဇန်နီဝါရီလနဲ့ မတ်လတို့မှာ အသီးသီးထုတ်ပေးသွားမယ့်အပြင် မတ်လတစ်လတည်းမှာပဲ Assassin's Creed Rogue Remastered အခွေကိုပါ တစ်တွဲတည်းထုတ်ပေးသွားမယ်လို့ လွန်ခဲ့တဲ့ရက်ကပဲ အတိအလင်းကြေညာခဲ့လို့ပါ။ ကျွန်တော်အကြိုက်ဆုံး AC ဂိမ်းလည်းဖြစ်နေပြန်တဲ့ Rogue အခွေဟာ AC စီးရီးတွေထဲမှာ ဇာတ်အိမ်ဇာတ်ကြောင်းအကွဲထွက်ဆုံးအခွေဖြစ်ပြီး Templar တွေရဲ့ရှုထောင့်ကနေ Pieces Of Eden နဲ့အရာအားလုံးကို Shay Patrick Cormac ဆိုတဲ့ Assassin ဖြစ်ခဲ့ဖူးသူ Templar တစ်ယောက်ရဲ့ ကြီးမားတဲ့ဘဝအလှည့်အပြောင်းတွေကနေတဆင့် တွေ့မြင်ရမှာပါ။ ဒီတော့ Remastered အနေနဲ့ပြန်ထွက်မယ့် Assasin's Creed Rogue ကို Ubisoft အနေနဲ့ ဘယ်လိုမျိုးပြင်ဆင်မွန်းမံမှုတွေလုပ်ထားမလဲ? ဘယ်လောက်ထိဆွဲဆောင်မှုရှိတဲ့ ထပ်ပေါင်း add-on အသစ်တွေပါလာမလဲ? အစရှိတဲ့ သို့လောသို့လောတွေကို ဂိမ်မာအားလုံးသိရဖို့ ဒီကနေပြန်ပြီး မျှဝေလိုက်ရပါတယ်။

မူလ Assasin's Creed Rogue ဂိမ်းဖန်တီးသူများအဖွဲ့ဖြစ်တဲ့ Ubisoft Sofia ရဲ့ပြန်လည်ထုတ်ဝေမှု

၂၀၀၆ ခုနှစ်မှာစတင်တည်ထောင်ခဲ့တဲ့ Ubisoft Sofia ဟာ ဂိမ်းကြီးတွေထက်စာရင် လက်ကိုင် console ဂိမ်းဖြစ်တဲ့ Nintendo 3DS ပလက်ဖောင်းပေါ်က Tom Clancy's Ghost Recon: Shadow Wars, Imagine: Fashion Designer and Chessmaster: The Art of Learning ဂိမ်းရဲ့လက်ကိုင် console ဂိမ်းဗားရှင်းအစရှိတဲ့ ဂိမ်းတွေကိုဦးဆောင်ထုတ်ပေးခဲ့တဲ့ Ubisoft လက်အောက်က ဂိမ်းဖန်တီးသူအဖွဲ့ဖြစ်ပါတယ်။ ဒါ့အပြင် Ubisoft Sofia ဟာ Playstation Vita အတွက် Assassin's Creed III: Liberation နဲ့ Assasin's Creed Rogue ရဲ့ ပင်တိုင်ဂိမ်းဖန်တီးသူများဖြစ်ပြီး အခုထွက်ရှိလာမယ့် Remastered အခွေကိုလည်း Ubisoft Sofia ကနေပဲ ဦးစီးဦးဆောင်ပြီးထုတ်ပေးသွားမယ်လို့ သိရပါတယ်။

ဂိမ်းရဲ့ဇာတ်ကြောင်းအကျဉ်းနဲ့ ထုတ်လုပ်ဖြန့်ချိမှုသမိုင်းကြောင်း

Assassin's Creed Rogue ဂိမ်းကို ၁၈ ရာစု၊ မြောက်အမေရိကတိုက်အတွင်း ဇာတ်အိမ်တည်ထားတာဖြစ်ပြီး ဂိမ်းမှာ Shay Patrick Cormac ဆိုတဲ့ Assassin ဖြစ်ခဲ့ဖူးသူ Templar တစ်ယောက်ရဲ့ခိုင်မာတဲ့ယုံကြည်ချက်၊ ဖြောင့်မတ်တဲ့စိတ်သဘောထားနဲ့ လူသားမျိုးနွယ်အပေါ်ကိုကာကွယ်လိုတဲ့စိတ် အစရှိတာတွေကိုအသားပေးဖော်ပြထားပြီး အသွင်အနည်းငယ်ပြောင်းထားတဲ့ဂိမ်းပုံစံနဲ့ရောယှက်ထားပါတယ်။ Ubisoft Sofia အနေနဲ့ Assassin's Creed Rogue ဂိမ်းကို ၂၀၁၄ ခုနှစ်မှာ Ubisoft လက်အောက်ကနေ Playstation နဲ့ Xbox ပလက်ဖောင်းများအတွက် အသီးသီးထုတ်ပေးခဲ့တာဖြစ်ပြီး ၂၀၁၅ ခုနှစ်အစောပိုင်းမှာမှ PC ဗားရှင်းထုတ်ပေးခဲ့တာဖြစ်ပါတယ်။ နောက်ဆုံးအနေနဲ့ ယခုလာမယ့် ၂၀၁၈ ခုနှစ်၊ မတ်လ ၂၀ ရက်နေ့မှာ Assassin's Creed Rogue Remastered ဗားရှင်းကို AC စီးရီးရဲ့ခွေသစ်အနေနဲ့ ဖြန့်ချိပေးသွားမှာပါ။

ေဘာနပ်စ်မစ်ရှင်နှစ်ခု၊ ဝတ်စုံသစ်တွေနဲ့ 4K support ပေးမယ့် နောက်ဆုံးဗားရှင်း 

လာမယ့် Assasin's Creed Rogue Remastered အခွေသစ်မှာ The Armor of Sir Gunn နဲ့ The Siege of Fort de Sable ဆိုတဲ့ စိတ်ဝင်စားစရာဘောနပ်စ်မစ်ရှင်သစ်နှစ်ခုပါဝင်လာမှာဖြစ်ပြီး အခွေဟောင်းမှာပါဝင်ခဲ့တဲ့ content တွေနဲ့ add-on တွေ အားလုံးကိုပြန်လည်ထည့်သွင်းပေးထားမှာပါ။ ဒါ့အပြင်အထူးဝတ်စုံတွေ၊ လက်နက်တွေနဲ့ ပစ္စည်းတွေကိုကိုယ့်စိတ်ကြိုက်စီမံခန့်ခွဲနိုင်မယ့် Master Templar နဲ့ Explorer Packs ကဏ္ဍတွေလည်း အသီးသီးထပ်ပေါင်းပေးထားပါတယ်။ Playstation 4 Pro နဲ့ Xbox One X console များအတွက်တော့ အကြည်လင်အပြတ်သားဆုံးရုပ်ထွက်ကိုခံစားနိုင်မယ့် 1080p, 4K support ပေးထားပါတယ်။

ဒု

တတိယအကြိမ်နာမည်ပြန်ကြားရတော့မယ့် AC Rogue အခွေနဲ့ အနှစ်ချူပ် 

Assassin's Creed 4: Black Flag အခွေရဲ့ဇာတ်ကြောင်းနောက်ကိုလိုက်ထားတဲ့ Assassin's Creed Rogue အခွေဟာ Assassin's Creed: Unity အခွေရဲ့ကနဦးအစကိုပျိုးပေးထားတဲ့အခွေဖြစ်လို့ AC စီးရီးတစ်ခုလုံးမှာ ပရိသတ်တွေအားလုံးရဲ့ သတိမပြုမေ့လျော့ခြင်းကို ခံထားရတဲ့ ကြားခွေတစ်ခွေဖြစ်ပါတယ်။ AC 4 အပြီး AC Unity အကြိုထွက်ရှိခဲ့လို့ ကြားထဲကနေအဲဒီနှစ်ခွေလုံးကိုပံ့ပိုးခဲ့ပြီး အလယ်မှာမှေးမှိန်ပျောက်ကွယ်သွားတဲ့ AC Rogue အနေနဲ့ အခုအချိန်မှာတော့ နောက်တစ်ကြိမ်ပြန်ပြီးဈေးကွက်ထဲကိုရောက်ရှိလာမယ့်အပြင် Remastered ဗားရှင်းမှာ ပိုမိုကောင်းမွန်တဲ့ရုပ်ထွက်ဂရပ်ဖစ်ကိုပေးစွမ်းလာမယ်လို့ Ubisoft က အတည်ပြုခဲ့ပြီးဖြစ်ပါတယ်။ ဒါပေမယ့်လည်း ပါဝင်မယ့်အကြောင်းအရာအတိအကျနဲ့ ဈေးနှုန်းအသေးစိတ်ကိုတော့ အခုထိမသိရသေးပါဘူး။ ဒီတော့ AC ပရိသတ်များအနေနဲ့ နောက်နှစ်လအကြာမှာထွက်ရှိတော့မယ့် Assassin's Creed Rogue အပေါ်မှာရှိတဲ့ ထင်မြင်သုံးသပ်ချက်၊ မျှော်မှန်းချက်တွေနဲ့ ရည်မှန်းထားတဲ့စံနှုန်းအထိ remastered ဗားရှင်းဟာ အရည်အသွေးပြည့်မှီမလားဆိုတာတွေကိုတော့ တကယ်ဂိမ်းထွက်လာတဲ့အချိန်မှပဲ အကဲဖြတ်သုံးသပ်ကြဖို့ပြောရင်းနဲ့ Assassin's Creed Rogue Remastered အကြောင်းကို ဒီကနေပြန်လည်ဖော်ပြလိုက်ရပါတယ်။

Assassin's Creed Rogue Remastered
Yan
Ref: Ign, Polygon, Wikia

Batman နဲ့ Joker အပါအဝင် နာမည်ကြီးဇာတ်ကောင်တွေကို ဂျပန်ဗားရှင်းနဲ့တွေ့မြင်ရမယ့် Batman Ninja

DC ဟာ animated ရုပ်ရှင်ကဏ္ဍမှာ ခေတ်ပြိုင်ဖြစ်တဲ့ Marvel ထက်ပိုအားသာပါတယ်လို့ပြောရင် အားလုံးလက်ခံရမှာပါ။ ကျွန်တော်ကိုယ်တိုင်လည်း DC animated ရုပ်ရှင်တွေကို ထွက်ရှိကတည်းက တောက်လျှောက် မလွှတ်တမ်းအားပေးခဲ့တာ Batman Under The Red Hood ကနေ အခုဆိုရင် နောက်ဆုံးထွက်ခဲ့တဲ့ Batman Killing Joke အထိ နှစ်နှစ်ခြိုက်ခြိုက်ကြီးကို ကြည့်ခဲ့တာပါ။ Marvel နဲ့ DC ကွဲပြားတဲ့အချက်က DC ဟာ animated ရုပ်ရှင်တွေမှာ လေးနက်မှုကိုထည့်သွင်းထားပါတယ်၊ အဓိပ္ပါယ်ပြည့်ဝတဲ့ဇာတ်ကြောင်းနဲ့အတူ ဇာတ်ကောင်တိုင်းကို DC ဇာတ်ကောင်ဆိုတာမျိုးဖြစ်အောင် အကြောင်းအချက်အလက်အပြည့်အစုံနဲ့ ဖန်တီးထားတာဖြစ်ပါတယ်။ အဲဒါကြောင့်မို့ DC ကထွက်တဲ့ animated movie တိုင်းကို ပုံမှန်ကလေးကြိုက်ကာတွန်းကားမျိုးလို့မှတ်ယူလို့မရပါဘူး။ Under The Red Hood ရဲ့နောက်ဆုံးအခန်း Batman, Joker နဲ့ Jason Todd တို့သုံးယောက်လွန်ဆွဲမှုမှာဆိုရင် Jason ရဲ့နာကျည်းချက်အပြည့်နဲ့ စိတ်ခံစားချက်တွေ၊ ဝေခွဲရခက်နေတဲ့ Bruce နဲ့ လက်ရှိဖြစ်ရပ်အတွက်အဖြေကိုကြိုသိနေတဲ့ Joker တို့ရဲ့ စိတ်လှုပ်ရှားဖို့ကောင်းတဲ့ဇာတ်ကွက်ဟာ ရေးဆွဲဖန်တီးထားတဲ့ကာတွန်းဖြစ်ပစေဦးတော့ ပရိသတ်တွေရဲ့ရင်ထဲကိုထိထိမိမိကြီး ဖမ်းစားနိုင်ခဲ့တာပါ။ Son Of Batman မှာဆိုရင်လည်း ငယ်ရွယ်ပြီးထက်မြက်လွန်းတဲ့သားဖြစ်သူ Damian Wayne ကို အဖေဖြစ်သူ Bruce တစ်ယောက်အနေနဲ့ ခက်ခက်ခဲခဲ ထိန်းကျောင်းသွန်သင်ရပုံ၊ အခက်တွေ့ရပုံ၊ သားအဖနှစ်ယောက်ကြားပဋိကပ္ခဖြစ်ရပုံတို့ကို ဘက်စုံအောင်ထည့်သွင်းပြီ သပ်သပ်ရပ်ရပ်လေးဖန်တီးထားတာကို တွေ့ရဦးမှာပါ။ 

DC ဇာတ်ကားကြီးတွေထက်စာရင် DC animated ရုပ်ရှင်တွေအပေါ်မှာ ပိုပြီးအားစိုက်ကြည့်ကြသူများအဖို့ အခုမကြာတော့တဲ့အချိန်အတွင်းမှာ Batman Ninja ဆိုတဲ့ DC animated ရုပ်ရှင် လာတော့မယ်ဆိုတာ အားလုံးကိုပြောပြလိုက်ချင်ပါတယ်။ Warner Bros ကဦးဆောင်ထုတ်လုပ်တဲ့ဒီ animated ဇာတ်ကားကို Afro Samurai ရေးဆွဲသူဖြစ်တဲ့ Takashi Okazaki ကပင်တိုင်ဖန်တီးသွားမှာဖြစ်ပြီး ထွက်ရှိတော့မယ့်အကြောင်းကို ဒီဇင်ဘာလ ၁ ရက်နေ့မှာ တရားဝင်ထွေလာနဲ့တကွ အတိအလင်းကြေညာခဲ့တာဖြစ်ပါတယ်။ ဒီတော့ ဂျပန်စတိုင်အဖြစ် အရာအားလုံးကိုပြောင်းလဲဖန်တီးထားတဲ့ Batman ninja ဆိုတဲ့ဇာတ်ကားဟာ ဘယ်လိုမျိုးဇာတ်ကြောင်းနဲ့လာမလဲ? ဘယ်လိုမျိုးဇာတ်ကောင်တွေပါမလဲ? ပြောင်းလဲမှုတွေရော ဘယ်လိုရှိမလဲဆိုတာကို တစ်ချက်ကြည့်လိုက်ကြစို့၊

ဟိုးအရင်မြေရှင်ပဒေသရာဇ်ခေတ်ဂျပန်တေ်ကို ပြန်ရောက်သွားတဲ့ Bruce Wayne

ဘယ်လိုအကြောင်းမှန်းတော့မသိပေမယ့် ထွေလာအရဆိုရင်တော့ ဟိုးအရင်မြေရှင်ပဒေသရာဇ်ခေတ်ဂျပန်ပြည်ကို ရုတ်တရတ်ပြန်ရောက်သွားတဲ့ Batman ကို အားလုံးကတွေ့မြင်ရမှာပါ။ ဇာတ်လမ်းဘယ်ကနေအစပျိုးလာမလဲဆိုတာ ဘာမှမပြောထားပေမယ့် Gotham မြို့ကရန်သူတွေများဖြစ်တဲ့ Joker, Harley Quinn, Penguin, Poions Iny အစရှိတဲ့ဗီလိန်ဇာတ်ကောင်တွေအပြင် Batman ရဲ့ဘက်တော်သားတွေဖြစ်ကြတဲ့ Nightwing, Red Hood, Red Robin, Alfred Pennyworth နဲ့ Catwoman တို့ကိုပါ ဂျပန်ပုံစံနဲ့တွေ့မြင်ရဦးမှာဖြစ်ပါတယ်။

တရားမျှတမှုကိုလိုလားတဲ့ Batman နဲ့အတူ ပြောင်းလဲသွားတဲ့ချပ်ဝတ်တန်ဆာ

Warner Bros ကထုတ်လုပ်တာဖြစ်ပေမယ့် ဖန်တီးမှုအဆင့်ဆင့်အားလုံးကို ဂျပန်ဖန်တီးသူများက ကိုယ်တိုင်ကိုယ်ကျရေးဆွဲထားတာဖြစ်တဲ့အတွက် တွေ့မြင်ရသမျှ အရာအားလုံးမှာ ဂျပန်အငွေအသက်တွေလွှမ်းခြုံနေတာကို ခံစားရနေမှာပဲ။ အရင် Gotham မြို့ထဲမှာ ဒုစရိုက်မှုတွေကိုလိုက်နှိမ်နင်းသလို၊ မိုးပေါ်ကိုကြိုးလွှဲပျံတာမျိုး၊ လက်နက်ပုံးမျိုးစုံသုံးပြီး အမှောင်တရားကိုအဖော်ပြုတိုက်ခိုက်တာမျိုးမလုပ်တော့ဘဲ ဆာမူရိုင်းဆန်ဆန်ချပ်ဝတ်တန်ဆာတွေနဲ့ ဓါးရှည်တစ်ချောင်းကိုသာလက်မှာစွဲကိုင်ပြီး စစ်သူရဲကောင်းတစ်ယောက်လိုရဲရဲဝံ့ဝံ့ အားလုံးကိုရင်ဆိုင်တိုက်ခိုက်မယ့်အနေအထားရှိနေပါတယ်။

Batman ရဲ့အဓိကပွိုငျဖကျဗီလိနျကွီးဖွဈတဲ့ Joker တို့ရဲ့ နောကျဆုံးတိုကျပှဲ

ထွလာကိုကြည့်ပြီးရင်တော့ DC fan များရော ဂျပန် anime ပရိသတ်များပါရင် ရင်ခုန်ကြရလိမ့်မယ်လို့ထင်ပါတယ်။ DC ဇာတ်ကောင်တွေရဲ့ ဂျပန်တိုက်ခိုက်မှုပုံစံ ရောယှက်ထားတဲ့ အံ့မခန်းအက်ရှင်ဇာတ်ဝန်းတွေ၊ မြင်းစီးပြီးတော့ အင်တိုက်အားတိုက် တိုက်စစ်ဆင်တာတွေ၊ နောက်ဆုံးအခန်းမှာ စက်ရုပ်လက်ကြီး dojo ခေါင်မိုးထဲကပေါက်ထွက်လာမျိုးတွေ အစရှိသဖြင့် အားလုံးကိုရင်သပ်ရှုမောဖွယ်တွေ့မြင်ရမှာပါ။ ဒါတင်မကသေးပါဘူး၊ ဇာတ်အသွားအလာအရ နောက်ဆုံးအခန်းမှာ Batman နဲ့ Joker တို့နှစ်ယောက် သူသေကိုယ်သေတိုက်ပွဲဝင်ကြမှာပါ။ ထွေလာအဆုံးမှာ နှစ်ယောက်သား ဒဏ်ရာအလိမ်းလိမ်းနဲ့ ထိခဲ့တဲ့ဓါးချက်တွေအလိုက် ချပ်ဝတ်တွေကွာကျပြီး လေးနက်တဲ့ဒိုင်ယာလော့တွေကို တစ်ယောက်တစ်ခွန်းပြောနေရင်း ဆာမူရိုင်းတွေရဲ့ဓလေ့ဖြစ်တဲ့ နောက်ဆုံးဇီဝိန်ချွန်မဲ့ဓါးချက်ကို နှစ်ယောက်သားပြေးခုတ်လိုက်တဲ့အချိန်မှာ ထွေလာကအဆုံးသတ်သွားပါတယ်။ ဘယ်လိုဇာတ်ကြောင်းမျိုး၊ ရုပ်ရှင်ဇာတ်ကားမျိုးမှာပဲဖြစ်ဖြစ် Batman ရဲ့ရန်သူတော်ဖြစ်သူ Joker ဟာ အသက်မသေဆုံးခဲ့ပါဘူး။ ဒီတော့ အခုလာမယ့် DC animated ဇာတ်ကားဟာ အားလုံးနဲ့ကွဲထွက်တဲ့ ဂျပန်ပုံစံတွေရောယှက်ထားပြီး ထူးခြားတဲ့ဇာတ်ကြောင်းနဲ့ ဖန်တီးထားတာဖြစ်လို့ ဘယ်လိုမျိုးတွေဖြစ်လာဦးမလဲဆိုတာကတော့ ၂၁၀၈ အတွင်းတကယ်တမ်းထွက်လာတဲ့အခါမှပဲ ကျွန်တော်တို့စောင့်ကြည့်ရပါလိမ့်မယ်။

Yan
Ref: wikia, denofgeek