Resident Evil 3: Remake က Jill Valentine ရဲ့ဇာတ်ကောင်စရိုက်နဲ့ တည်ဆောက်ထားပုံကို ခွဲခြမ်းစိတ်ဖြာကြည့်ခြင်းနဲ့ ကျွန်တော်နှစ်ခြိုက်မိတဲ့အချက်တစ်ချို့ 👩‍🦰💙

ကျွန်တော်က Resident Evil စီးရီးရဲ့ long time fan ပါ၊ ဟိုးအရင် ငယ်ဘဝ ၆ တန်း ၇ တန်းဖြစ်တဲ့ ၂၀၀၆၊ ၂၀၀၇ ခုနှစ်လောက်ကတည်းက စွဲစွဲမြဲမြဲဆော့ခဲ့တာပါ။ ဒါပေမယ့် ဒီတစ်ခေါက် ဧပြီလ ၄ ရက်နေ့၊ ၂၀၂၀ မှာထွက်ခဲ့တဲ့ Resident Evil 3 Remake က Jill Valentine ဟာ စီးရီးတစ်လျှောက်မှာတွေ့ခဲ့ရတဲ့အမျိုးသမီးဇာတ်ကောင်တွေနဲ့မတူအောင်ကို ခံစားရစေလို့ ကျွန်တော့်အနေနဲ့ တော်တော်လေးနှစ်သက်သဘောကျမိပါတယ်။ ဒီစာစောင်မှာ Resident Evil 3: Remake ဂိမ်းတစ်ခုလုံးကိုဆော့ကစားရတာဟာ ဘယ်လောက်တိုကြောင်း၊ မူလဂိမ်းဟောင်းကို ပြန်လည်မထင်ဟပ်ကြောင်း၊ ဒေါ်လာ ၆၀ ပေးဝယ်ရတာ မတန်ကြောင်း အစရှိတာတွေကို ထိန်ချန်ထားပြီး အဲဒီထဲကမှ အဓိကဇာတ်ကောင်ဖြစ်တဲ့ Jill Valentine အကြောင်းကိုသာ တင်ဆက်ပေးသွားမှာဖြစ်ပါတယ်။ ကဲ ဒီတော့ဂိမ်းပရိသတ်တွေအားလုံးပဲ အဆင်သင့်ဖြစ်ပြီဆို ကျွန်တော်တို့စလိုက်ကြစို့လား။ Jill Valentine ရဲ့သမိုင်းကြောင်းကို အတိုချုံးပြီးပြောရမယ်ဆိုရင် လက်ရှိအချိန် Canon မှာ သူမရဲ့အသက်ဟာ ၄၆ နှစ်ရှိပြီဖြစ်ပြီး ဇီဝလက်နက်အကြမ်းဖက်စစ်ဆင်တိုက်ဖျက်ရေး (BSAA) အဖွဲ့ဝင်တစ်ယောက်အဖြစ် ကမ္ဘာနဲ့အဝှမ်းပြန့်နှံ့နေတဲ့ ဇီဝလက်နက်အကြမ်းဖက်မှုတွေကို တိုက်ခိုက်နှိမ်နင်းလျက်ရှိပါတယ်။ Resident Evil 3 ထဲက Jill Valentine ရဲ့အဖြစ်အပျက်ဟာ Resident Evil စီးရီးတစ်ခုလုံးအတွက်ပါ အရေးပါတဲ့ကဏ္ဍမှာရှိနေပြီး ကမ္ဘာတစ်ဝှမ်းလုံးကပရိသတ်များအနေနဲ့ Jill ဆိုတာ ဒါပဲကွလို့ လက်သီးလက်မောင်းတန်းကြုံးဝါးရလောက်အောင်ဖြစ်ခဲ့တဲ့ RE ဇာတ်ကောင်လည်းဖြစ်တာမို့ ဒီဆောင်းပါးမှာ Resident Evil 3 Remake က Jill Valentine ရဲ့ဇာတ်ကောင်စရိုက်နဲ့ တည်ဆောက်ထားပုံတို့ကို အချက်ကျကျသုံးသပ်သွားမှာဖြစ်ပါတယ် 🧐🧠

ယခုမျိုးဆက်သစ်ဂိမ်းလောကအထိ RE စီးရီးရဲ့မျက်နှာဖုံးဟာ Jill Valentine လို့ဆိုနိုင်တဲ့အထိ သူမဟာ စွမ်းဆောင်နိုင်စွမ်းအတော်မြင့်တဲ့ ရဲရင့်သူမိန်းမသားစစ်သည်တစ်ဖြစ်လည်း RE စီးရီးရဲ့အဓိကကျတဲ့မိန်းမသားဇာတ်ကောင်တစ်ယောက်ပါ။ မကြာသေးခင်ကမှ ထွက်ရှိခဲ့တဲ့ Resident Evil 3 Remake က Jill Valentine ရဲ့ရုပ်ရည်သွင်ပြင် 3D မော်ဒယ်ဟာ ရုရှားမော်ဒယ် Sasha Zotova ဖြစ်ပြီး အသံသရုပ်ဆောင်ကတော့ အမေရိကန်တက္ကဆက်မြို့အခြေစိုက် သရုပ်ဆောင် Nicole Tompkins ဖြစ်ပါတယ်။ RE စီးရီးကိုဆော့ဖူးသူမှန်သမျှဆိုရင်တော့ Jill Valentine ရဲ့နာမည်ကျော်ကြားမှုကို အနည်းနဲ့အများကြားဖူးကြမှာပါ။ ဒီတစ်ခေါက်မှာပွဲဦးထွက်လာခဲ့တဲ့ Jill Valentine အသစ်ဟာ ကျွန်တော့်အတွက်တော့ ယခင်က RE အမျိုးသမီးဇာတ်ကောင်တွေနဲ့မတူတဲ့ ကွဲပြားတဲ့ခံစားချက်ကိုပေးလို့နေပါတယ်၊ Jill ကို demo မှာစမြင်ပြီးဆော့လိုက်မိကတည်းက အဲဒီလိုခံစားချက်ရှိတာဖြစ်ပေမယ့် အသေအချာလေး အနည်ထိုင်သွားအောင်၊ ကိုယ်ကိုယ်တိုင်လည်း အတိအကျဘာခံစားနေရတာလဲဆိုတာ ကွဲကွဲပြားပြားသိရသွားရအောင် အချိန်တစ်ခုစောင့်ပြီးမှ ဒါကိုရေးဖြစ်တာပါ။ ဒီနေရာမှာ ဦးစွာပထမမေတ္တာရပ်ခံချင်တာကတော့ ကျွန်တော့်အနေနဲ့ Jill Valentine ကိုကြိုက်နှစ်သက်တယ်ဆိုတာ သူမရဲ့ခန္ဓာကိုယ်အချိုးအစားပြေပြစ်တာတွေ၊ ရုပ်အဆင်းချောလှတာတွေနဲ့ အခြားယေဘုယျဆန်တဲ့မိန်းမသားတစ်ယောက်ရဲ့ ဆွဲဆောင်မှုတွေအပေါ်မှာ သဘောခွေ့ပြီး နှစ်သက်နေတာမဟုတ်ဘူးဆိုတာ အရင်အသိပေးထားပါရစေ။ ခံစားချက်ဆိုတဲ့နေရာမှာလည်း ဖင်ကြီးတင်ကြီးနဲ့ anime ကောင်မလေးတွေကို weeb တွေလို သရေတမျှားမျှား ငမ်းငမ်းတတ်ဖြစ်ပြီး quarantine တုန်းလေး တစ်နေ့အကြိမ် ၁၀၀ ကြည့်ပြီး masturbate လုပ်တဲ့ပုံစံမျိုး တဏှာဃာဂနဲ့ စွဲလမ်းတာမျိုးမဟုတ်ပါဘူး 👀💦

ကျွန်တော် Jill ကိုသဘောကျမိတာဟာ Chris က Jill အပေါ်ထားတဲ့စိတ်သဘောထားနဲ့ အနည်းငယ်ဆင်တူမှုရှိပေမယ့် ကျွန်တော်ဟာ သူမထက်အသက်နှစ်ပေါင်းများစွာငယ်နေတဲ့အတွက် သူမကို ရဲရင့်တဲ့မိန်းမသားတစ်ဦးအဖြစ်၊ ထက်မြက်တဲ့စစ်သည်တစ်ဦးအဖြစ် လေးစားတဲ့စိတ်က ဒီနေရာမှာထပ်ဆောင်းပိုလို့နေပါသေးတယ်။ တကယ်တော့ ကျွန်တော့်ရဲ့သဘောထားကိုစာနဲ့နားလည်အောင် ပြောပြဖို့က ဆိုလိုရင်းကိုအတိအကျဖော်ပြမယ့် စကားလုံးရှာမတွေ့ပါဘူး၊ အထက်ပါပြောကြားချက်ဟာလည်း အနီးစပ်ဆုံးခိုင်းနှိုင်းတင်ပြခြင်းသာဖြစ်ပါတယ်။ ဆိုတော့ကာ ပထမဆုံးအနေနဲ့ Resident Evil 3 Remake က Jill Valentine ရဲ့ဇာတ်ကောင်စရိုက်ကို အရင်သုံးသပ်ကြည့်မယ်ဆိုရင် ၁၉၉၈ ခုနှစ်က Arklay တောင်တစ်ဝိုက်မှာဖြစ်တဲ့ Arklay Mansion အဖြစ်အပျက်က Jill ရဲ့စိတ်နေသဘောထား၊ အမူအကျင့်နဲ့ တည်ဆောက်ထားပုံတို့ကို အရင်ကြည့်မှရပါမယ်။ အဲဒီအချိန်တုန်းက အသက် ၂၂ နှစ်အရွယ်သာရှိသေးတဲ့ Jill ဟာ စိတ်သဘောထားဖြူစင်တယ်၊ သနားကြင်နာတတ်တယ်၊ ကိုယ့်ပတ်ဝန်းကျင်ကလူတွေကို အကောင်းမြင်တယ်၊ သူ့လိုပဲသဘောထားတယ်၊ ကိုယ်ချစ်ရတဲ့သူတွေအတွက် ကိုယ့်ကိုယ်ကိုစတေးဖို့ကို တွန့်ဆုတ်ဝန်မလေးဘူး၊ ယောင်္ကျားဆန်မှုကိုတွေ့ရတယ်၊ စဉ်းစားတွေးခေါ်မှုနဲ့ ဖြတ်ထိုးဉာဏ်ရှိပြီး အတိုက်အခိုက်မှာလည်း ကျွမ်းကျင်တယ်။ အစရှိတာတွေဟာ ပထမဦးဆုံး Resident Evil အခွေထဲမှာ Jill Valentine ကို ကြယ်တစ်ပွင့်လိုထွန်းတောက်ပြီး နာမည်ကျော်လာစေတဲ့ ဇာတ်ကောင်စရိုက်နဲ့ စိတ်နေသဘောထားတွေဖြစ်ပါတယ်။ ကဲ ဟုတ်ပြီ၊ ဒါဆိုရင် နဂိုမူလ Resident Evil 3 နဲ့ မကြာခင်ကထွက်ထားတဲ့ Resident Evil 3 Remake တို့မှာရော Jill ရဲ့ဇာတ်ကောင်ဟာ ဘယ်လိုမျိုးပြောင်းလဲသွားလဲ? ဆက်ကြည့်လိုက်ကြရအောင် 🖊📓

ဒီ RE 3 Remake မှာ Jill ရဲ့ အရင်ရှိခဲ့တဲ့အရည်အသွေးတွေဟာ ထက်မြက်သည်ထက်ပိုမိုထက်မြက်လာခဲ့ပြီး အတွေ့အကြုံပြည့်ဝသွားမှုနဲ့ ရင့်ကျက်မှုတစ်ခု တည်မြဲလာတယ်လို့ မြင်ပါတယ်။ ဘာကြောင့်လည်းဆိုတော့ Original RE 3 မှာမပေါ်လွင်ခဲ့တဲ့ အချို့သောဇာတ်ကောင်စရိုက်နဲ့ အမူအကျင့်တွေကို ဒီ RE 3 Remake ထဲမှာ ကွဲကွဲပြားပြားတွေ့မြင်ခံစားနိုင်လို့ပါပဲ။ ပထမဆုံး Resident Evil ဂိမ်းက Jill ဟာ Nemesis နဲ့ထပ်တိုက်ရင်ဆိုင်ရတဲ့ RE 3 Remake မှာ ပိုပြီးစိတ်ဓာတ်ခိုင်မာလာတယ်၊ ဆုံးဖြတ်ချက်ပြတ်သားလာတယ်၊ ခွန်အားချင်းမယှဉ်ပြိုင်နိုင်မှန်းသိရက်နဲ့တောင် ကိုယ့်ရန်သူကို အသက်နဲ့အလောင်းအစားလုပ်ပြီး သေသည်အထိ တိုက်ခိုက်ရင်ဆိုင်သွားမယ်ဆိုတဲ့ ဇာတ်ကောင်စရိုက်တွေနဲ့ ရင့်ကျက်မှုကိုအတိုင်းသားတွေ့ရပါတယ်။ Jill ရဲ့ခေါင်းငုံမခံလိုတဲ့စိတ်ထား၊ တစ်ယောက်တည်းနဲ့ တစ်တပ်ဖြစ်လည်း သေသည်အထိတိုက်မယ်ဆိုတဲ့ ရဲရင့်တဲ့သတ္တိနဲ့ လုံ့လ၊ ပေါက်ကွဲတတ်တဲ့ဒေါသမာန်နဲ့ အသက်ဘေးဒုက္ခနဲ့ကြုံနေချိန်မှာတောင် အရွှန်းဖောက်တတ်တာတွေကို သူမရဲ့ one liners တွေဖြစ်တဲ့ "Bitch cant even swim", "Come On, you creepy ass stalker, you want S.T.A.R.S? I'll give you S.T.A.R.S, "Rocket Launcher? Really?", "Its my turn, bitch", "Just so you know, this is the last fucking time", "Next time, take the fucking hint", "I dont mind a little detective work" အစရှိတဲ့ဒိုင်ယာလော့တွေမှာ တွေ့မြင်နိုင်ပါတယ် 👮‍♀️🎬

နောက်ပြီး RE 3 Remake မှာ ဇာတ်ကြောင်းရှေ့ဆက်ပုံကို အရင်ကလို ရွေးချယ်ခွင့်တွေပေးမထားဘဲ အဆုံးသတ်တစ်ခုတည်းနဲ့ Linear ပုံစံပြောင်းလဲလိုက်တဲ့အတွက် RE 3 Original မှာ ဝေဝေါးဝါးဖြစ်နေခဲ့တဲ့ Jill ရဲ့ဇာတ်ကောင်စရိုက်နဲ့ အရည်အသွေးတွေဟာ ပိုမိုပြီးပေါ်လွင်သွားစေခဲ့တာ အမှန်ပါပဲ။ ဒါ့အပြင် ကျွန်တော်နောက်ထပ်သဘောကျတဲ့အချက်က Jill ဟာ အထက်ကဆိုထားသလို ထက်မြက်ရဲရင့်ပြီး စိတ်သဘောာထားဖြူစင်တဲ့ မိန်းမသားတစ်ယောက်ဖြစ်ပေမယ့်လို့ ပြစ်မျိုးမှဲ့မထင်တဲ့ဇာတ်ကောင်တစ်ယောက်တော့မဟုတ်ပါဘူး။ သူမမှာလည်း သူမရဲ့အတိတ်ကပေးတဲ့စိတ်ဒဏ်ရာတွေ၊ စိတ်ကစဉ့်ကလျားဖြစ်မှုတွေ၊ အိပ်မက်ဆိုးတွေက အမြဲတမ်းခြောက်လှန့်နေတာတွေ၊ ခြောက်ခြားဖွယ်ဖြစ်ရပ်တွေကြား အသက်လုရုန်းကန်ခဲ့ရတာတွေ၊ လက်တွေ့ဘဝငရဲကို အရှင်လတ်လတ်ဖြတ်သန်းခဲ့ရတာတွေ အစရှိတာတွေဟာ သူမရဲ့ဖြစ်တည်မှုအတွင်း လောင်မြိုက်နေတဲ့ပြဿနာများဖြစ်ကြပြီး သူမ တစ်သက်လုံးစိတ်ထဲစွဲမှတ်နေရတော့မယ့်အဖြစ်ဆိုးတွေဖြစ်ကြပါတယ်။ Yin နဲ့ Yang သဘောတရားလို အရာရာတိုင်းဟာ ချိန်ခွင်လို ဘက်နှစ်ဖက်အမြဲတမ်းရှိနေကြတဲ့အတွက် သူမရဲ့အဖြူထည်နဲ့ နက်မှောင်မှုဟာ လူသားတိုင်းလို ဒွန်တွဲနေတာကို တွေ့မြင်ရတာ သဘာဝလည်းကျသလို Jill ရဲ့ဇာတ်ကောင်ဖြစ်တည်မှုကိုလည်း ပိုလို့တောင် ချီးကျူးနှစ်သက်ခဲ့ရပါတယ် 👏💙

ဆန့်ကျင်ဘက်လိင်ဖြစ်တဲ့ အဖိုနဲ့အမမှာ တစ်ဦးနဲ့တစ်ဦး ဆွဲဆောင်မှုဖြစ်ကြဆိုရင် လူအများစုက လိင်ပိုင်းဆိုင်ရာကိစ္စရပ် (sexual tension) ပဲဖြစ်မှာပါလို့ ခေါင်းစဉ်တပ်ကြပါတယ်။ တကယ်က အဲဒီဘောင်လေးကိုကျော်ပြီးကြည့်မယ်ဆိုရင် အမျိုးသမီးတစ်ယောက်ကို သူမရဲ့တွေးခေါ်ယူဆပုံ၊ အသိပညာကြွယ်ဝပုံ၊ ရဲရင့်သတ္တိရှိမှု၊ အကြင်နာတရားမျှဝေပုံ၊ သက်ရှိတွေအပေါ်ဆက်ဆံပုံ၊ အနုပညာဖန်တီးပုံ အစရှိတဲ့ ကဏ္ဍကိုယ်စီကနေ နှစ်သက်သဘောကျလို့ ရပါတယ်။ မိန်းမသားတစ်ယောက်ရဲ့ ရုပ်ရည်သွင်ပြင်အလှ၊ ခန္ဓာကိုယ်အချိုးအစားနဲ့ အသားအရည်စိုပြေမှုများကသာ အဲဒီလိုအရည်အသွေးတွေကို စုစည်းထိန်းသိမ်းပေးထားတဲ့ vessel ဖြစ်တာကြောင့် အမြင်အာရုံနဲ့ အထိအတွေ့အာရုံနှစ်ခုတည်းကိုသာ အသားပေးပြီး မိန်းမသားတွေကိုရွေးချယ်မယ်ဆိုရင် မိန်းမသားတွေရဲ့ဖြစ်တည်ပုံနဲ့ အဖို၊ အမပေါင်းစည်းရတဲ့ တကယ့်ရည်ရွယ်ချက်ကို ကိုယ့်ဘက်က မသိကြေးကျွံပြုနေသလိုပါပဲ။ ထိုနည်းလည်းကောင်းပဲ၊ အားလုံးလည်းတွေ့မြင်ပြီးတဲ့အတိုင်း Resident Evil 3 Remake ထဲက Jill ဟာ အရင်ကဇာတ်ကောင်မော်ဒယ်တွေလောက် မလှပါဘူး၊ ခန္ဓာကိုယ်အချိုးအစားက ပုံမှန်လေးရှိရုံလောက်သာလို့ ဆိုနိုင်တဲ့အပြင် ရုပ်ရည်သွင်ပြင်ကလည်း အချောအလှကြီးထဲမှာပါမနေပါဘူး။ သို့ပေမယ့်လည်း အထက်ကဖော်ပြခဲ့တဲ့ Jill ရဲ့ မိန်းမသားအရည်အသွေးတွေဟာ ကျွန်တော့်အတွက် ဆွဲဆောင်မှုဖြစ်စေပါတယ်၊ ဒါပေမယ့် အထိအတွေ့အာရုံကလှုံ့ဆော်တဲ့ ဆွဲဆောင်မှုမဟုတ်ဘဲ ဇာတ်ကောင်တစ်ယောက်အနေနဲ့ သူမထုတ်လွှတ်တဲ့ energy၊ သူမရဲ့လှုပ်ရှားပြုမူပုံနဲ့ ဖြစ်တည်နေတဲ့ပုံစံက ကျွန်တော့်အတွက် နှစ်သက်သဘောကျဖွယ်ကောင်းနေတာဖြစ်ပါတယ်။ အဲဒီအချက်ကပဲ ကျွန်တော့်ကို ဒီဆောင်းပါးကို ရေးသားစေဖို့ တွန်းအားပေးခဲ့တာပါပဲ။ ဖတ်ရှုရင်းနဲ့ ဒီနေရာအထိတောင်ရောက်လာတယ်ဆိုရင်တော့ ဒီစာစောင်ရဲ့ဆိုလိုရင်းကို သဘောပေါက်လိမ့်မယ်လို့ မျှော်လင့်ပါတယ်။ ကဲ ဒီတစ်ခေါက်မှာဖော်ပြချင်တဲ့ Resident Evil 3 Remake က Jill Valentine ရဲ့အလုံးစုံသောဇာတ်ကောင်စရိုက်နဲ့ တည်ဆောက်ထားပုံတို့ကတော့ ဒီလောက်ပါပဲ။ Jill ကိုကြိုက်ကြတဲ့ ပရိသတ်တွေအားလုံးလည်း Jill ကိုဘယ်ကနေသိပြီး ဘာကြောင့်ကြိုက်သွားတယ်ဆိုတာ ပြန်လည်မျှဝေခဲ့ကြပါဦး။ နောက်လာမယ့်ဆောင်းပါးမှာလည်း စိတ်ဝင်စားဖို့ကောင်းတဲ့ ဂိမ်းအကြောင်းအရာတွေကို အချိန်မှန်တင်ဆက်သွားမှာဖြစ်ကြောင်း အသိပေးရင်း ဒီဆောင်းပါးကို အဆုံးသတ်လိုက်ပါတယ်။ ဖတ်ရှုသူတစ်ဦးတစ်ယောက်ချင်းကို ကျေးဇူးအထူးတင်ပါတယ်။ ဂိမ်းချစ်သူများအားလုံးနဲ့ မကြာခင်မှာ ပြန်ဆုံကြပါမယ် 🤜🤛





Yan

The Last of Us 2 ဂိမ်းရဲ့ဇာတ်ကြောင်းကိုပေါက်ကြားစေခဲ့တဲ့ Leaked ဂိမ်းဗီဒီယိုဟာ Naughty Dog နဲ့ ပတ်သက်ပြီး ဂိမ်းလောကတစ်ခုလုံးကို ဘာပြောနေသလဲ? 🤦‍♂️👩‍❤️‍💋‍👩👎

အားလုံးကိုစိတ်မကောင်းချင်းများစွာနဲ့ သတင်းတစ်ခုပြောချင်ပါတယ်။ ကိစ္စအရပ်ရပ်ကို ဒီလိုမျိုးဖြစ်လာမယ်လို့ မမျှော်မှန်းထားခဲ့ပေမယ့် ဒါဟာအားလုံးသိသင့်တဲ့အရာဖြစ်တာကြောင့် အခုအချိန်မှာဒီစာစောင်ကိုရေးသားရခြင်းဖြစ်ပါတယ်။ Naughty Dog ရဲ့ The Last of Us 2 ဂိမ်းဟာ အခုပဲဖျက်သိမ်းခံရတော့မလို၊ မကြာခင်ပဲထွက်လာမလိုနဲ့ ဆန့်တငင်ငင်ဖြစ်နေခဲ့တာ အခုဆိုရင်အချိန်အတိုင်းအတာတစ်ခုရှိပါပြီ။ ဒါပေမယ့် လွန်ခဲ့တဲ့တစ်ရက်ကပဲ ဂိမ်းလောကကမျှော်လင့်တစ်ကြီးစောင့်မျှော်နေတဲ့ The Last of Us 2 ဂိမ်းရဲ့ နောက်ဆုံးရသတင်းကို ထပ်မံသိရှိခဲ့ရပါတယ်။ အဲဒါကတော့ The Last of Us 2 ဂိမ်းဟာ လာမယ့် ၂၀၂၀ ခုနှစ်၊ ဂျွန်လ ၁၈ ရက်နေ့မှာ ထွက်ရှိလာမှာဖြစ်တယ်ဆိုတဲ့ Sony ရဲ့ တရားဝင်ထုတ်ပြန်ချက်ဖြစ်ပါတယ်။ အရင်အခေါက်တွေကလို ထွက်ရှိမယ့်ရက်စွဲကိုသတ်မှတ်လိုက်၊ ဂိမ်းကပြီးပြည့်စုံတဲ့အနေအထားကိုမရောက်သေးတဲ့အတွက် ရက်ပြန်ရွေ့ရလိုက်ဖြစ်တာမျိုးတွေ ဒီတစ်ခေါက်မှာတော့ လုံးဝမဖြစ်လောက်တော့ပါဘူး၊ ဘာကြောင့်လည်းဆိုတော့ The Last of Us 2 ရဲ့ဇာတ်ကြောင်းနဲ့ အဆုံးသတ်ဇာတ်သိမ်းက ဘယ်လိုဖြစ်မလဲဆိုတာကိုဖော်ပြထားတဲ့ ဂိမ်းဗီဒီယိုတစ်ခု Leak ဖြစ်ခဲ့လို့ပါပဲ 🔓

တကယ့်ကိုရင်ထဲထိစေမယ့် စိတ်ပျက်စရာတွေကို မသိချင်သေးဘူးဆိုရင် အခုဒီစာစောင်ကိုဆက်မဖတ်ဘဲ နောက်ပြန်ဆုတ်ဖို့ကြိုတင်အသိပေးအပ်ပါတယ်။ The Last of Us 2 ဟာ အားလုံးမျှော်လင့်ထားသလို ဂိမ်းလောကတစ်ခုလုံးတွေ့ကြုံခံစားရစေဖို့ သန့်စင်တဲ့ရည်ရွယ်ချက်ဖန်တီးထားတဲ့ အနုပညာလက်ရာမြောက်ဂိမ်းတစ်ခုမဟုတ်တော့ပါဘူး။ ကျွန်တော်တို့နှစ်နဲ့ချီစောင့်ဆိုင်းခဲ့ရတဲ့ The Last of Us 2 ဟာ Naughty Dog စတူဒီယိုရဲ့ဆိုရှယ်သဘောထား၊ အယူအဆနဲ့ သူတို့မြှောက်စားချင်တဲ့ agenda ပေါင်းမြောက်မြားစွာကို ဂိမ်းလောကတစ်ခွင်စိမ့်ဝင်ပြန့်နှံ့သွားအောင် ထည့်သွင်းဖန်တီးထားတဲ့ အသုံးချခံဂိမ်းတစ်ခုအနေအထားဖြစ်နေပါပြီ။ ဆရာပေါ်ဦးသက်ပြောခဲ့တဲ့ "တစ်စုံတစ်ခုသော အကျိူးမျှော်ပြီး အနုပညာကို မဖန်တီးအပ်ဘူး။ တကယ်လို့ဖန်တီးခဲ့သည်ရှိသော် စစ်မှန်သော အနုပညာရဲ့သဘောတရားမှ အပသာလျှင် ဖြစ်ပေလိမ့်မယ်" ဆိုတဲ့စကားကို လွန်စွာမှအမှတ်ရမိပါတယ်။ အဲဒီသဘောတရားဟာ အနုပညာနယ်ပယ်မှသာမဟုတ် အခြားဘယ်လိုသောဖန်တီးမှုလုပ်ရပ်မျိုးမှာမဆို ရာနှုန်းပြည့်အဓိပ္ပါယ်သက်ရောက်မှုရှိလို့ပါပဲ။ ကျွန်တော်တို့တစ်တွေဟာ တစ်စုံတစ်ခုကိုဖန်တီးပြီဆိုရင် ဒီယုန်မြင်လို့ ဒီချုံထွင်တယ်ဆိုတဲ့ မျှော်မှန်းချက်တစ်စွန်းတစ်စမှ မရှိရပဲ သန့်စင်တဲ့ရည်ရွယ်ချက်နဲ့ အဲဒီတစ်စုံတစ်ရာကိုဖန်တီးမှသာလျှင် ကျွန်တော်တို့ရဲ့စိတ်ဝိညာဉ်နဲ့ အတွေးလုပ်ရပ်ကဖြစ်တည်တဲ့ ဖန်တီးမှုမှန်သမျှဟာ လေးကလွှတ်လိုက်တဲ့မြှားတစ်စင်းလို အရှိန်အဟုန်ကောင်းစွာ လေဟုန်ကိုထိုးခွင်းနိုင်မှာဖြစ်ပါတယ် 🏹🎯

ဖန်တီးမှုရသမြောက်လွန်းတဲ့အပြင် အနုပညာသက်ဝင်လွန်းတဲ့ The Last of Us ပထမဂိမ်းကို အသည်းခိုက်အောင်ကြိုက်တဲ့ ကျွန်တော့်အတွက်တော့ The Last of Us 2 နဲ့ပတ်သက်ပြီး Naughty Dog ရဲ့အခုလုပ်ပုံတွေဟာ တကယ့်ကိုအော့နှလုံးနာချင်စရာဖြစ်လို့နေပါတယ်။ အပွင့်လင်းဆုံးပဲပြောပါမယ်၊ ဒါဟာဇာတ်လမ်းတစ်ခုလုံးကိုချုံငုံသိသွားစေမယ့် Spoiler ဖြစ်ပါတယ်။ The Last of Us 2 မှာ Joel ဟာ ဂေါက်ရိုက်တံနဲ့ ရိုက်ခံရပြီးသေဆုံးမယ့်အပြင် လိင်ပြောင်းထားတဲ့ transgender ဖြစ်သူ Abby နေရာကနေ ကျွန်တော်တို့ဟာ ဝင်ရောက်ဆော့ကစားပြီး ဂိမ်းရဲ့နောက်ထပ်အဓိကဇာတ်ဆောင်ဖြစ်တဲ့ Ellie ကိုပါ လိုက်လံရှာဖွေသတ်ဖြတ်ရမှာပါ။ Abby ဟာ The Last of Us ပထမဂိမ်းမှာ Joel သတ်ဖြတ်လိုက်တဲ့ Fireflies က ဆရာဝန်တစ်ယောက်ရဲ့မျိုးဆက်ဖြစ်ပြီး Joel နဲ့ Ellie ကိုလက်စားပြန်ချေမှာဖြစ်တယ်လို့ သိရပါတယ်။ ပထမ The Last of Us ဂိမ်းရဲ့ Left Behind မှာထည့်သွင်းထားတဲ့ Ellie နဲ့ Riley ရဲ့ မိန်းမသားချင်းချစ်နှစ်သက်ခြင်း (မလိင်တူအချစ်စိတ်ဖြစ်ပွားခြင်း) ကို ပြန်လည်သုံးသပ်ကြည့်မယ်ဆိုရင် ယုတ္တိတန်သလို လက်သင့်ခွံနိုင်စရာအပြည့်အဝရှိပြီး ကဗျာတောင်ဆန်နေပါသေးတယ်။ Ellie ဟာ အဲဒီလိုမျိုးကွဲပြားခြားနားတဲ့မိန်းမသားဖြစ်တဲ့အတွက် ပိုလို့တောင် ကျွန်တော်တို့ပရိသတ်တွေအနေနဲ့ သဘောကျခဲ့ရတာ အမှန်ပင်ဖြစ်ပါတယ်၊ လူတစ်ဦးမှာ အဖို၊ အဖဓာတ်ဟာ ဒွန်တွဲရှိနေတတ်တဲ့အတွက် အခုလိုကြမ်းတမ်းခက်ထန်လွန်းတဲ့ လောကအလယ်မှာဖြတ်သန်းခဲ့ရတဲ့ မိန်းမကြမ်းလေး Ellie ကိုလည်း အဖိုဓာတ်ပိုလွှမ်းမိုးအားကောင်းတဲ့ မိန်းမသားတစ်ဦးဖြစ်တယ်လို့ ကျွန်တော်ကိုယ်တိုင်တောင် သတ်မှတ်ထားပေးခဲ့တာပါ။ Left Behind ကိုဆော့ပြီးချိန်မှာ Naughty Dog အနေနဲ့ လိင်တူချင်းချစ်တင်းနှီးနှောတာကို အားပေးထောက်ခံတဲ့ဝါဒနဲ့ လုပ်ငန်းစဉ် agenda ကို ရည်ရွယ်ချက်ရှိရှိ တမင်တကာ ထည့်သွင်းထားတယ်လို့ စိတ်အတွေးဝင်မိပေမယ့် အကောင်းမြင်ပြီးတော့ကို အဲဒီလိုမယူဆပေးခဲ့ပါဘူး။ Naughty Dog ဟာ Left Behind မှာ အဲဒီ agenda ကို အစပျိုးလာခဲ့ပြီး The Last of Us 2 ရောက်တဲ့အခါမှာ စီမံကိန်းကို ရာနှုန်းပြည့်အကောင်အထည်ဖော်ထားတာလို့ မှတ်ယူရတော့မှာဖြစ်ပါတယ် 🧩

လူအချင်းချင်းတန်းတူညီမျှမှုရှိစေရေးဆိုတဲ့ခေါင်းစဉ်အောက်မှာ လစ်ဘရယ်အနောက်နိုင်ငံများရဲ့ အဓိပ္ပါယ်မဲ့လွန်းတဲ့ဝါဒပေါင်းများစွာနဲ့ တောက်လျှောက်တိုးချဲ့နေတဲ့ လုပ်ငန်းစဉ်စီမံကိန်းတွေကို ကျွန်တော်တို့နားလည်သဘောပေါက်ပါတယ်။ ဆက်ပြောရင် အနောက်တိုင်းရဲ့ဝါဒဖြန့်ကျက်မှုတွေနဲ့ ဒီမိုကရေစီကိုဗန်းပြပြီး သူတို့မြှောက်စားရာ agenda ကို ကိုယ့်လည်မျိုထဲထိလာသွင်းတဲ့ကိစ္စတွေ၊ နိုင်ငံရေးနဲ့ ဆိုရှယ်အယူအဆတွေကို ဖြည့်စွက်ရမှာဖြစ်တဲ့အတွက် ဒီကိစ္စကိုတော့ ဒီမှာတင်စကားဖြတ်ရပါလိမ့်မယ်၊ ဘယ်လိုအခြေအနေထိရောက်ရောက် Naughty Dog ကတော့ ဒီလိုအချိုးမျိုးချိုးလိမ့်မယ်ဆိုတာကို ကျွန်တော်ယောင်လို့တောင် မတွေးထားမိပါဘူး။ ဂိမ်းတစ်ခုကိုဖန်တီးတယ်ဆိုတာဟာ ဂိမ်းဆော့ကစားသူတွေကို အရှင်းလင်းဆုံး၊ အပြောင်မြောက်ဆုံးနည်းနဲ့ စိတ်ခံစားမှုရသအစုံခံစားရအောင် ရည်ရွယ်ချက်သန့်သန့်နဲ့ ဖန်တီးရေးဆွဲတာမျိုးပဲဖြစ်သင့်ပါတယ်။ အဓိကဇာတ်ကောင်ဖြစ်တဲ့ Ellie ဟာ မိန်းမသားချင်းလိင်တူစိတ်ဝင်စားတဲ့ Lesbian ဖြစ်တာမျိုးတွေ၊ ဇာတ်ကြောင်းတစ်လျှောက်မှာအရေးကြီးတဲ့ကဏ္ဍကနေ ပါဝင်လာမယ့် Ellie နဲ့ Dina က လိင်တူချစ်သူဖြစ်တာတွေ၊ Dina က အဖိုရော၊ အမရောကိုပါ စိတ်ဝင်စားတဲ့ Bisexual ဖြစ်တာမျိုးတွေ၊ Joel နဲ့ Ellie နဲ့ကိုလက်စားလိုက်ချေမယ့် Abby က လိင်ြပောင်းထားတဲ့ Transgender ဖြစ်နေတာမျိုးတွေဟာ Naughty Dog အနေနဲ့ The Last of Us 2 ဂိမ်းကိုနှစ်ပေါင်းများစွာစောင့်ဆိုင်းနေရတဲ့ ကျွန်တော်တို့ပရိသတ်တွေရဲ့ မျက်နှာစေ့စေ့ကြည့်ပြီး စော်ကားလိုက်သလိုပါပဲ 😤

SJW တွေရဲ့ဖိအားပေးမှုတွေကြားမှာ ဂိမ်းကောင်းတစ်ခုရဲ့လှပတဲ့အနာဂတ်ကို ပျက်စီးစေခဲ့ပါပြီ၊ The Last of Us ဂိမ်းကိုဖန်တီးရေးဆွဲခဲ့တဲ့ Naughty Dog စတူဒီယိုကို လေးစားတဲ့စိတ်၊ အားပေးတဲ့စိတ်တွေဟာ ဒီတစ်ခေါက်မှာတော့ ပေက်ချင်းမလှပေါက်ရှသွားခဲ့ပါပြီ။ အားလုံးလည်း ဒီစာစောင်ကိုဖတ်ပြီး ဒေါ်လာ ၆၀ အဆုံးခံဖို့မလိုတော့သလို The Last of Us 2 ဝယ်မယ့်ပိုက်ဆံကို Cyberpunk 2077 လို၊ Ghost of Tsushima လို အခြားဂိမ်းတစ်ခုခုဝယ်ယူဆော့ကစားဖို့ အသုံးချသွားတယ်ဆိုရင်ဖြင့် ကျွန်တော်ဒီစာစောင်ကိုရေးရကျိုးနပ်ပါပြီ။ ဒီကိစ္စရပ်ဟာ ဂိမ်းအကြောင်းလို့ဆိုလို့မရတော့တာကြောင့် ရှည်ရှည်ဝေးဝေးတော့ ရေးမနေတော့ပါဘူး၊ ဒီလောက်ဆိုရင် စာဖတ်သူတွေလည်း အနည်းနဲ့အများ ဒီကိစ္စရဲ့ကြီးမားမှုကို မြင်လောက်ပြီလို့ ယူဆပါတယ်။ ဆောင်းပါးတွေကိုတော့ ပေ့ချ်မှာ ပုံမှန်အတိုင်း တင်ဆက်ပေးဖို့ရည်ရွယ်ထားပါတယ်။ အခုလိုမျိုးနိုင်ငံရေး၊ လူမျိုးရေး၊ ဝါဒပိုင်းဆိုင်ရာကဏ္ဍတွေကနေ ဂိမ်းချစ်သူပရိသတ်တွေရဲ့ အတွေးအမြင်ကိုတိမ်းစောင်းပြောင်းလဲစေမယ့် ကိစ္စရပ်မျိုးဖြစ်လာတယ်ဆိုရင်တော့ ဂိမ်းဂျာနယ်လစ်တစ်ယောက်ပီသစွာပဲ ကျွန်တော့်ဘက်ကလည်း ကိုယ်တတ်နိုင်ရာတဲ့နေရာကနေ ဖြစ်နေတဲ့အခြေအနေမှန်ကို အားလုံးသိစေဖို့ ဆောင်းပါးနဲ့တစ်မျိုး၊ ဗီဒီယိုနဲ့တစ်ဖုံ ပြောပြပေးရမှာပါပဲ။ ဖတ်ရှုရင်းနဲ့ ဒီနေရာအထိတောင်ရောက်လာသူများအားလုံးကို ကျေးဇူးတင်ပါတယ်။ နောက်လာမယ့်ဆောင်းပါးတွေမှာ ကျွန်တော်တို့ပြန်လည်ဆုံတွေ့ကြပါမယ်လို့ ပြောရင်း ဒီစာစောင်ကို အဆုံးသတ်လိုက်ပါတယ်။ The Last of Us 2 ဟာ ကျွန်တော်တို့ မျှော်မှန်းထားသလို ဖြစ်မလာခဲ့လည်း စိတ်မပူပါနဲ့၊ အခြားသောဂိမ်းကောင်းပေါင်းမြောက်မြားစွာဟာ အနာဂတ်မှာထွက်လာဦးမှာပါ 🌱🌳

Yan

The Last of Us 2 ရဲ့ Pre-order အားလုံးကို ပြန်ရုတ်သိမ်းအပြီးမှာ ဂိမ်းတစ်ခုလုံးပယ်ဖျက်ဖို့အထိပါ Sony ဖက်က ဆုံးဖြတ်ချက်ပြင်းထန်လာနိုင်မလား? 🎸🥀

လွန်ခဲ့တဲ့လေးနှစ် ၂၀၁၆ ခုနှစ်ကျင်းပခဲ့တဲ့ Playstation Experience (PSX) ပွဲကို တစ်နည်းမဟုတ်တစ်နည်းနဲ့ အားလုံးမှတ်မိကြလိမ့်မယ်ထင်ပါတယ်။ အဲဒီပွဲမှာ မှတ်မှတ်ရရ The Last of Us 2 ရဲ့ပထမဦးဆုံး reveal ထွေလာကို Naughty Dog နဲ့ Sony တို့က ပထဦးဆုံးအကြိမ်ထုတ်ပြခဲ့ပါတယ်။ လေးမိနစ်နဲ့တစ်စက္ကန့်ပဲရှိတဲ့ အဲဒီထွေလာအချိန်ခဏလေးဟာ ပရိသတ်တွေအားလုံး ဝမ်းသာလုံးဆို့ပြီး အာခေါင်တွေကွဲရှမတတ်အော်ဟစ်ခဲ့ရတဲ့ အခိုက်အတန့်လည်းဖြစ်ခဲ့ပါတယ်။ ၂၀၁၆ ကနေ၂၀၁၉ အထိကြားကာလအတွင်းမှာ The Last of Us 2 ခေါင်းစဉ်အောက်က ဂိမ်းထွေလာအသီးသီးထွက်ရှိခဲ့ပြီး အဲဒီထဲမှာ ဂိမ်းထွက်လာမယ့်ရက်စွဲကို ကြေညာတဲ့ထွေလာလည်းပါခဲ့ပါတယ်။ ကြည့်ရတာခံစားသက်ဝင်လွန်းပြီး အရည်အသွေးပြည့်ဝလွန်းတဲ့ Naughty Dog ရဲ့ဖန်တီးမှုမြောက်လက်ရာအပေါ်မှာ ကျွန်တော်တို့ပရိသတ်တွေအားလုံးဟာ အကျွင်းမဲ့ယုံကြည်တဲ့အတွက် The Last of Us 2 ဂိမ်းဟာ သူတို့တရားဝင်ကြေညာတဲ့ရက်မှာ တကယ်ကိုထွက်လာမယ်လို့ပဲ ထင်မှတ်ထားကြတာပါ။ ဒါပေမယ့်လည်း ကြီးမားတဲ့ကိစ္စတစ်ခုဖြစ်လာတော့မယ်ဆိုရင် ထင်မှတ်မထားတဲ့ အဖျက်အမှောင့်တွေဟာ တန်းစီဝင်လာတတ်ကြစမြဲပါ၊ ဒါဟာရှောင်လွှဲရခက်တဲ့ လောကကြီးရဲ့နိယာမလို့ကို မှတ်ယူရမလိုပါပဲ 🌫🍂

The Last of Us 2 ထွက်ရှိမယ့်နေ့ဟာ ၂၀၂၀ နှစ်ရဲ့ဖေဖော်ဝါရီလ ၂၁ ရက်နေ့ဖြစ်တယ်လို့ Naughty Dog နဲ့ Sony တို့ဖက်က ထုတ်ပြန်ကြေညာခဲ့ပါတယ်။ အဲဒီကြေညာချက်ကိုသိပြီးကတည်းက ကျွန်တော်တို့တစ်တွေဟာ အဲဒီနေ့ကိုရောက်ပါစေလို့ပဲ နေ့တိုင်းဆုတောင်းနေခဲ့ရတာပါ။ အခုဆိုနောက်ထပ်နှစ်လလွန်ပြီး ဧပြီလထဲတောင် ရောက်လာခဲ့ပြီ ဘာဆိုဘာမှအကြောင်းမထူးခဲ့ပါဘူး။ အဲဒီအစား ဖြေသိမ့်စရာပြန်ရခဲ့တာကတော့ ၂၀၁၉ ခုနှစ်၊ စက်တင်ဘာလ ၂၅ ရက်နေ့မှာ Playstation ချန်နယ်ကတင်ပေးခဲ့တဲ့ The Last of Us 2 ထွက်မယ့်ရက်စွဲ့နောက်ဆုတ်သွားပြီဆိုတဲ့ထွေလာပါပဲ။ ဂိမ်းထွက်မယ့်ရက်စွဲကို နောက်ရွေ့ပြီး ဒုတိယအကြိမ်ပြန်ကြေညာတာ ဂိမ်းဖန်တီးဖြန့်ချိသူတွေ ဖြစ်လေ့ဖြစ်ထရှိတဲ့ အချင်းအရာဖြစ်တဲ့အတွက် ဒီကိစ္စနဲ့ပတ်သက်ပြီး ဂိမ်းလောကက ကိုယ်ချင်းစာနားလည်ပေးခဲ့ပါတယ်။ တကယ်ဆိုရင် အချိန်သုံးလစောင့်ရတာ ဘယ်လောက်မှအပန်းမကြီးပေမယ့် အခုလက်ရှိအခြေအနေအရ The Last of Us 2 ဆိုတဲ့ဂိမ်းဟာ ကျွန်တော်တို့တွေ့ကြုံခံစားဖို့ ဒီတစ်သက် ထွက်ချင်မှတောင်ထွက်လာတော့မယ်ဆိုတဲ့ အနေအထားကိုရောက်ရှိလို့နေပါပြီ။ နောက်ဆုံးကြေညာခဲ့တဲ့ ရက်စွဲအရဆိုရင် ဂိမ်းထွက်မယ့်ရက်ဟာ ၂၀၂၀ ခုနှစ်၊ မေလ ၂၉ ရက်ဖြစ်ပေမယ့် လွန်ခဲ့တဲ့တစ်ပါတ်လောက်က Sony ဖက်က Playstation Store မှာ ဒီဂျစ်တယ်အခွေ ကြိုတင်မှာယူထားတဲ့ The Last of Us 2 ဂိမ်း Pre-order တွေအားလုံးကို ငွေပြန်အမ်းပြီးဖျက်သိမ်းခဲ့ပါတယ်။ ဒါဟာလုံးဝကို unseen ကြီးဖြစ်တာကြောင့် ဂိမ်းမီဒီယာဂျာနယ်လစ်များနဲ့ နှစ်နဲ့ချီစောင့်မျှော်နေကြသူတွေက အကုန်အငိုက်မိအံ့အားသင့်ခဲ့ရပါတယ်၊ ဒီကိစ္စရဲ့နောက်ကွယ်မှာ ဘာတွေများဖြစ်လို့နေပါသလဲ? ဒီတစ်ခေါက်ကိစ္စဟာ အရင်လိုဂိမ်းတွင်းပြဿနာမဟုတ်ခဲ့ဘဲ Naughty Dog မှာဖြစ်နေတဲ့ကြပ်တည်းမှုတစ်ချို့နဲ့ ကုမ္ပဏီပြဿနာဖြစ်ပါတယ်။ ဘယ်လိုကိစ္စတွေဖြစ်ပြီး ဘယ်လောက်တောင်မှ အကျိုးသက်ရောက်မှုရှိလို့ The Last of Us 2 ဂိမ်းတစ်ခုလုံးကိုပါ ရိုက်ခတ်ခဲ့ရတာလဲဆိုတာ တစ်ချက်လောက်ကြည့်ကြဖို့အတွက် အဆင်သင့်ဖြစ်ပြီဆို ကျွန်တော်တို့ဆက်သွားကြပါမယ် 👨‍🦳👩⬇️

ဒီကိစ္စတစ်လုံးဖြစ်ပွားခဲ့ရတဲ့ အဓိကအကြောင်းအရင်းလို့ဆိုရမှာကတော့ Crunch Crisis ပါပဲ။ Crunch ကိုနားလည်ရလွယ်အောင် ရှင်းပြရမယ်ဆိုရင်တော့ ဂိမ်းတစ်ခုကို အဖက်ဖက်ကပြီးပြည့်စုံနေဖို့၊ ပြည့်မှီတဲ့အရည်အသွေးရောက်ရှိဖို့နဲ့ သတ်မှတ်တဲ့ရက်အတွင်း အဆင်သင့်ပြီးမြောက်စေဖို့အတွက် ဂိမ်းကုမ္ပဏီဝန်ထမ်းတွေဟာ ပုံမှန်လုပ်အားထက် ဆပေါင်းများစွာပိုပြီး ကိုယ်ကျရာကဏ္ဍက နေ့ညမနားအလုပ်လုပ်ကျတာပဲဖြစ်ပါတယ်။ ဒါဟာ အပေါ်ယံကြည့်မယ်ဆိုရင်တော့ ကုမ္ပဏီတစ်ခု၊ ဂိမ်းစတူဒီယိုတစ်ခုရဲ့ ကောင်းမွန်တဲ့လက်စွဲပေါ်လစီ၊ အရည်အသွေးထိန်းသိမ်းတဲ့ကုဒ်ဖြစ်သလိုနဲ့ တကယ်တမ်းမှာ ကုမ္ပဏီဝန်ထမ်းများရဲ့အသက်သွေးကြောနဲ့ ဝိညာဉ်ကိုစုပ်ယူနေတဲ့အလား လွန်စွာမှပင်ပန်းရတဲ့ကိစ္စဖြစ်ပါတယ်၊ ကုမ္ပဏီဝန်ထမ်းအများစုဆို နားလည်သဘောပေါက်ကျမှာပါ။ အင်တာနက်မှာရှာဖွေကြည့်မယ်ဆိုရင် Crunch ကြောင့် ကျန်းမာရေးပြဿနာဖြစ်ကြသူတွေ၊ ကာလကြာရှည်စိတ်ဖိစီးမှုခံစားရသူတွေနဲ့ နောက်ဆုံးအဆင့် အသက်သေဆုံးမှုအထိပါဖြစ်ခဲ့ကြတဲ့ ဝမ်းနည်းစရာဖြစ်ရပ်ပေါင်းများစွာရှိပါတယ်။ ဒါဟာ ဖန်သားပြင်ပေါ်က အရုပ်လေးတွေကိုကြည့်ပြီး ဆိုဖာပေါ်မှာအကျအန စိမ်ပြေနပြေထေိုင်ဆော့နေကျတဲ့ ဂိမ်မာလူထု public က လုံးဝမှကိုကြားဖူးနားဝရှိတဲ့ကိစ္စမဟုတ်သလို တကယ့်လူရှေ့ရောက်လာတဲ့ Crunch ဖြစ်ရပ်ဆိုတာကလည်း ဂိမ်းကုမ္ပဏီကြီးတွေရဲ့မီဒီယာတွေရဲ့ ဖုံးဖိမှုအောက်မှာ ပျောက်ချင်းမလှပျောက်ဆုံးသွားကြတာကြီးပါ။ ကျွန်တော်တို့ စောင့်မျှော်နေကြတဲ့ ဒီ The Last of Us 2 ဂိမ်းဟာလည်း အဲဒီ Crunch ကရလာတဲ့အကျိုးဆက်တွေကြောင့် ကြာခြင်းမလှကြောင့်ကြာခဲ့ရပါပြီ၊ အချို့လုပ်ငန်းတွေမှာ Crunch ကာလဆို ချမှတ်တဲ့ schedule နဲ့ timeline အချိန်ရောက်ဖို့နီးလာလေ ကျရာနေရာကနေ တာဝန်သိသိလုပ်ကိုင်ကျလေဆိုတာ မှန်နေပေမယ့် လုပ်ငန်းနဲ့ လုပ်အားမမျှချိန်တွေမှာဆိုရင် လူတစ်ဦးပိုပြီးထုတ်နိုင်တဲ့စွမ်းဆောင်ရည်တွေကို ကျန်းမာရေးအထိအခိုက်ခံပြီး လုပ်ကြရတာမျိုးတွေ ဖြစ်တတ်ပါတယ်၊ Naughty Dog ကလည်း အဲဒီချွင်းချက်အတိုင်းကို ဒဲ့ကြီးဖြစ်ခဲ့တာပါ။ ဒီမှာတော့ ချွင်းချက်ဆိုတာထက်ကို Naughty Dog က တမင်တကာကြီးကို ကျင့်သုံးခဲ့တဲ့ကုမ္ပဏီရဲ့ပေါ်လစီဖြစ်တယ်လို့ ဆိုရင်ပိုမှန်ပါလိမ့်မယ် 👔💰

ဒီစကားကိုပြောလိုက်ရင် အားလုံးအံသြရပါလိမ့်မယ်၊ အဲဒါကဘာလည်းဆိုတော့ The Last of Us 2 ဂိမ်းဟာ ပြီးပြည့်စုံတဲ့အဆင့်ကိုမရောက်သေးပါဘူး၊ ဂိမ်းလောကတစ်ခုလုံးကိုချပြလို့ရလောက်တဲ့အသွင်ကို မရောက်ရှိသေးတဲ့ အပြီးသတ်ဆဲအဆင့်မှာသာရှိသေးတဲ့ ဂိမ်းဖြစ်ပါတယ်။ Mario ဖန်တီးသူ Shigeru Miyamoto ရဲ့ကျော်ကြားတဲ့စကားဖြစ်တဲ့ "အချိန်နှောင့်နှေးပြီးထွက်လာတဲ့ဂိမ်းဟာ ဘယ်လိုပဲဖြစ်ဖြစ်ကောင်းနိုင်ပေမယ့် အမြန်ထုတ်လိုက်ရတဲ့ဂိမ်းကတော့ ထာဝရကိုဆိုးတယ်" ဆိုတဲ့ပြောကြားချက်ကို ဒီနေရာမှာလက်ကိုင်ထားပြီး Naughty Dog ဘက်က မပြီးသေးတဲ့ဂိမ်းကိုထုတ်မပေးခဲ့တာဘဲ ကျေးဇူးအထူးတင်ရမလိုဖြစ်နေပါပြီ။ သို့ပေမယ့် Naughty Dog ကိုယ်တိုင်ထုတ်ချင်ရင်တောင်မှ Sony ဖက်က သူတို့ရဲ့စံနှုန်းစံထားတွေနဲ့ မကိုက်ညီတဲ့ဂိမ်းဆို ပေးထုတ်မှာမဟုတ်ဘူးဆိုတော့ကာ မပြီးပဲဂိမ်းမထွက်လာမှာတော့ မပူပါနဲ့။ Crunch အကြောင်းကိုဆက်ရရင် လွန်ခဲ့တဲ့ ၂၀၁၉ ခုနှစ်၊ ဂျုလိုင်လဝန်းကျင်တုန်းကလည်း Naughty Dog ရဲ့ Crunch နဲ့ ပတ်သတ်ပြီး သတင်းတစ်ချို့ထွက်ခဲ့ပေမယ့် အခုလောက်ကြီး မကြီးမားတဲ့အတွက် ဂိမ်းလောကက အရေးတယူနဲ့ သတိမထားမိခဲ့ပါဘူး။ အခုကတော့ ဂိမ်းကိုအပြီးသတ်တဲ့နေရာမှာ အဓိကနေရာကလိုအပ်တဲ့ ဂိမ်းရုပ်ပိုင်းရေးဆွဲပုံဖော်သူ (animator) တွေ၊ ဂိမ်းဒီဇိုင်နာတွေဟာ တစ်ယောက်ပြီးတစ်ယောက်ကို အလုပ်ထွက်သွားခဲ့တဲ့အတွက် ထွက်မယ့်ရက်ကြေညာထားချိန်မှာတောင် ရုတ်တရတ်ကြီး pre-order မှာယူမှုတွေကို ဖျက်သိမ်းပြီး ဂိမ်းပြီးမြောက်ဖို့အရေးမှာသာ အာရုံပြန်စိုက်နေကြတာဖြစ်ပါတယ်။ Naughty Dog မှာ အခုလိုအချိန်တွေဆိုရင် တစ်ပါတ်ကိုနာရီ ၇၀၊ တစ်ရက်ကို ၁၄ နာရီနဲ့ ဂိမ်းထွက်မယ့်ရက်နီးလာပြီဆိုရင် နာရီ ၆၀ ကနေ ၈၀ အထိမြင့်တတ်သွားနိုင်တယ်လို့ ဆိုပါတယ်။ Uncharted 4 နဲ့ The Last of Us စီးရီးတို့ကိုဖန်တီးခဲ့သူတွေထဲ ဂိမ်းရေးဆွဲသူ developer တစ်ယောက်က "ဂိမ်းက အရမ်းကောင်းတာမှန်ပေမယ့် လူတွေရဲ့သွေး၊ ချွေးပေါင်းပေါင်းများစွာ ကုန်ဆုံးခဲ့ရတယ်" လို့ ခံစားချက်ပါပါပြောပြခဲ့ပြီး Naught Dog စတူဒီယိုကို နှစ်ပေါင်းများစွာခြောက်လှန့်နေတဲ့ မေးခွန်းဖြစ်တဲ့ "ဒီလုပ်ရပ်ကိုလုပ်နေရတာ ထိုက်တန်မှုရောရှိရဲ့လား?" ဆိုတာနဲ့အတူ ဝန်ထမ်းများဟာ ကိုယ့်လုပ်ရပ်ကိုယ်ဝေခွဲမရဖြစ်ခဲ့ကြတဲ့အထိပါ။ အခုဆိုရင် ဝန်ထမ်း ၃၂၀ ကျော်ရှိတဲ့ Naughty Dog မှာ ဝန်ထမ်း ၁၄ ရာခိုင်နှုန်းကနေ ၇၀ ရာခိုင်နှုန်းအထိ အားလုံးအကုန်လုပ်ထွက်ကုန်ကြတဲ့အတွက် တကယ်တမ်းဂိမ်းထွက်လာဖို့ကို အခုလိုကြံ့ကြာနေခဲ့တာဖြစ်ပြီး Pre-order ကြိုတင်မှာယူမှုတွေကို Playstation Store ကတောင် refund ပြန်ပေးရုတ်သိမ်းလိုက်တာဖြစ်ပါတယ် 📮📊

ကဲ ဒီစာစောင်မှာတင်ပြချင်တာကတေ့ ဒီလောက်ထိပါပဲ၊ အားလုံးလည်းဖတ်ရှုရင်း ဒီထိတောင်ရောက်လာပြီဆိုတော့ The Last of Us 2 နဲ့ပတ်သက်တဲ့နောက်ဆုံး update အခြေအနေကို သိသွားလောက်ပြီထင်ပါတယ်။ ဒါပေမယ့် နောက်ဆုံးအနေနဲ့ စိတ်ထဲမှာရှိနေတဲ့မေးခွန်းတစ်ခု ဒါမှမဟုတ် စိုးရိမ်ပူပင်မှုတစ်ခုတော့ ကျန်လိမ့်ဦးမယ်ထင်ပါတယ်။ "ဟာ ဒါဆို The Last of Us 2 က ထွက်မလာတော့ဘူးလား? ဘယ်အချိန်ထွက်လာမယ်မှန်းလည်းမသိ ဆော့လို့မရတော့ဘူး? ဘယ်တော့ထွက်လာနိုင်ချေရှိလဲ?" ဆိုတဲ့မသေချာမရေရာမှုတွေပါပဲ။ အဲဒါတွေရဲ့အနောက်ဆုံးအဖြေကို ပြောရမယ်ဆိုရင်တော့ အခုလက်ရှိမှာ The Last of Us 2 ဂိမ်းကို ဖြန့်ချိမယ့် Naughty Dog ရဲ့ တစ်ဦးတည်းသောဂိမ်းဖြန့်ချိသူကုမ္ပဏီဖြစ်တဲ့ Sony ကနေ refund တွေ ပြန်အမ်းလိုက်ပေမယ့်လို့ ဂိမ်းကိုဖျက်သိမ်းဖို့အတွက်ကတော့ တရားဝင်ဆုံးဖြတ်ချက်အတည်မချရသေးဘူးလို့ သိရပါတယ်၊ ဆိုလိုတာကတော့ မျှော်လင့်ချက်အလင်းမျှင်မျှင်လေးကတော့ ဝေ့ကာဝှက်ကာနဲ့ ကျွန်တော်တို့ဘက်မှာကျန်ရစ်နေပါသေးတယ်ဆိုတာပါ။ မျက်မှောက်ခေတ်ကာလအရ COVID-19 ရဲ့ မွေနှောက်မှုအကြားမှာ (ကျွန်တော်တို့ဂိမ်မာတွေဂိမ်းကစားဖို့အချိန် ပိုတိုးလာပေမယ့်လို့) တိုင်းပြည်နိုင်ငံမရွေး၊ လူတန်းစားမရွေး၊ အသက်အရွယ်အပိုင်းအခြားမရွေး နယ်ပယ်တိုင်းကြုံတွေ့နေရတာမို့လို့ လုပ်ငန်းကိစ္စရပ်တိုင်းမှာ မလိုလားအပ်တဲ့အခက်အခဲတစ်ချို့ပိုလို့လာပါတယ်။ ဒါကြောင့်မို့ Naughty Dog နဲ့ Sony ဖက်ကလည်း The Last of Us 2 သာထွက်ရှိလာမယ်ဆိုရင် Physical အခွေနဲ့မဟုတ်ဘဲ ဒီဂျစ်တယ်ပလက်ဖောင်းတစ်မျိုးတည်းကသာ ဂိမ်းကိုဖြန့်ချိသွားဖို့ များပါတယ်။ အားလုံးက အခုလိုအချိန်မှာစိတ်ရှည်သည်းခံကြဖို့နဲ့ အရာရာကိုအကောင်းမြင်စိတ်နဲ့ ရှုမြင်နိုင်ဖို့က ကိုယ့်စိတ်ဝိညာဉ်နှလုံးသားအတွက် အသင့်တော်ဆုံးပါပဲ။ ဒီရက်အတွင်းမှာပဲ Naughty Dog ရဲ့ The Last of Us 2 ဂိမ်းဖန်တီးတည်ဆောက်ထားပုံနဲ့ ပတ်သက်ပြီး အရေးကြီးအကြောင်းအရာတစ်ခုကို တင်ပြဖို့ရှိပါသေးတယ်။ ဖော်ပြမယ့်အကြောင်းအရာဟာ The Last of Us 2 ကို အလွန့်အလွန်ကိုဘဝင်ခိုက်ကြိုက်နှစ်သက်သူတွေပါ franchise ကို လက်လှန်သွားနိုင်တာမို့ စိတ်တံခါးကိုဖွင့်ပြီး နှလုံးသွင်းဖို့တော့ အခုကတည်းက ကြိုတင်မေတ္တာရပ်ခံချင်ပါတယ်။ ဟုတ်ကဲ့ပါ၊ ဒါဆိုရင် နောက်လာမယ့်ဆောင်းပါးတွေမှာ ကျွန်တော်တို့တွေ ပြန်လည်ဆုံတွေ့ကြပါမယ်လို့ပြောရင်း ဒီကနေနှုတ်ဆက်လိုက်ပါရစေ။ ဖတ်ရှုသူများအားလုံးကိုကျေးဇူးတင်လျက် 💐



Yan

၂၀၂၂ ခုႏွစ္ရဲ႕ Resident Evil 4 Remake သတင္းေတြနဲ႔အတူ ဘာနဲ႔မွ Remake ျပန္လုပ္လုိ႔မရတဲ့ Resident Evil 4 ရဲ႕ႀကီးက်ယ္ခမ္းနားမႈ (ဒုတိယပုိင္း) ✒️📰

ဟုတ္ကဲ့ပါ၊ ဂိမ္းခ်စ္သူေတြအားလုံးကုိ မဂၤလာမနက္ခင္းေလးျဖစ္ပါစေလုိ႔ အရင္ႏႈတ္ဆက္လုိက္ပါရေစ။ အခုဒီမွာေတာ့ RE4 Remake ဟာ ဘာေၾကာင့္ျဖစ္မလာႏုိင္ေၾကာင္းနဲ႔ အံ့မခန္းလႊမ္းမုိးမႈအားေကာင္းခဲ့တဲ့ Resident Evil 4 ရဲ႕ႀကီးက်ယ္ခမ္းနားမႈ ဒုတိယပုိင္းကုိ ဆက္လက္တင္ဆက္ေပးသြားမွာျဖစ္ပါတယ္။ ပထမပုိင္းမွာ Capcom ကထုတ္ေပးခဲ့တဲ့ RE Remake ေတြရဲ႕လက္ရွိအေျခအေနနဲ႔ နဂုိမူလ Resident Evil 4 ဂိမ္းရဲ႕ႀကီးမားက်ယ္ျပန္႔ပုံကုိ ေျပာျပခဲ့ၿပီးျဖစ္ပါတယ္။ အဲဒီေတာ့ကာ Resident Evil 4 Remake ဘာေၾကာင့္ျဖစ္မလာႏုိင္တာလဲဆုိတဲ့အေပၚမွာ ထဲထဲဝင္ဝင္ အေသးစိတ္ၾကည့္ၿပီး ဒါဟာျဖစ္ႏုိင္တဲ့ကိစၥရပ္ဟုတ္မဟုတ္ သေခ်ာေတြးၾကည့္ဖုိ႔လုိလာပါၿပီ။ ပထမဆုံးအေနနဲ႔ သိရမွာက RE4 အေနနဲ႔ Remake ျပန္မထုတ္သင့္တာ ရာခိုင္ႏႈန္း ၁၀၀ ဆုိရင္ ပထမပုိင္းမွာေျပာခဲ့တဲ့အခ်က္ေတြဟာ အဲဒီ ၁၀၀ ထဲက ရာခိုင္ႏႈန္း ၄၀ ေလာက္ပဲ ရွိတယ္ဆုိတာပါပဲ။ မူရင္းဂိမ္းက ဘာကုိမွမထိန္ခ်န္ဖုိ႔၊ ပုိေကာင္းမြန္တဲ့ အျမင္သစ္နဲ႔ ေတြ႔ျမင္ရဖုိ႔၊ နဂုိအေငြ႔အသက္ကုိလည္း ျပန္လည္ထိန္းသိမ္းထားဖုိ႔ အစရွိတာေတြဟာ Remake တစ္ခုကုိ ျပန္လည္ဖန္တီးတဲ့ေနရာမွာ အေရးႀကီးတဲ့အခ်က္ေတြျဖစ္ေသာ္ျငားလည္း ဒီေနရာမွာ Resident Evil 4 Remake ထြက္လာဖုိ႔ လုံးဝမျဖစ္ႏုိင္တဲ့ က်န္ရာခုိင္ႏႈန္း ၆၀ ကေတာ့ စလယ္ဆုံး RE 4 မူရင္းဂိမ္းတစ္လုံး တည္ေဆာက္ထားပုံနဲ႔ ဇာတ္ေၾကာင္းေရွ႕ဆက္ပုံဟာ အရင္ထြက္ခဲ့ၿပီး RE2 နဲ႔ 3 လုိမ်ိဳး မဟုတ္လုိ႔ပါပဲ။ အဲတာ ဘာကုိဆုိလုိသလဲ? နားလည္လြယ္ေအာင္ ေျပာျပပါ့မယ္ 💡



အားလုံးသိၾကတဲ့အတုိင္း RE4 ဟာ Resident Evil ဂိမ္းေတြထဲမွာ အခ်ိန္အေတာ္အသင့္ၾကာေအာင္ ေဆာ့ရတဲ့ဂိမ္းျဖစ္ၿပီး ၁၆ နာရီကေန နာရီ ၃၀ ၾကား ၾကာျမင့္မႈအပုိင္းအျခားမွာရွိေနပါတယ္။ ထြက္ခဲ့ၿပီးတဲ့ RE 2 Remake ရဲ႕ ၾကာျမင့္ခ်ိန္ဟာ စုစုေပါင္းမွ ၆ နာရီခန္႔သာရွိၿပီး RE 3 Remake ဆုိရင္ ၅ နာရီဝန္းက်င္သာရွိပါတယ္။ RE4 ထဲက ဂိမ္းတြင္းအေၾကာင္းအရာေတြဟာ RE 2 နဲ႔ 3 ႏွစ္ခုေပါင္းတာထပ္ေတာင္ ပုိမ်ားၿပီး စုစုေပါင္းအခန္းႀကီး ၅ ခန္းမွာ က႑ခြဲသုံးခုကေန ေလးခုအထိ ပါဝင္ျပန္ပါေသးတယ္။ RE 2 နဲ႔ RE 3 တုိ႔ဟာ ျဖစ္ရပ္ခ်င္းဆက္စပ္ေနၿပီး အခ်ိန္တစ္ရက္သာကြာဟမႈရွိေပမယ့္ RE 4 ကေတာ့ တည္ေနရာတစ္ခုကေန ေနာက္တစ္ခုကုိ အိမ္ဦးနဲ႔ၾကမ္းျပင္ ေခါက္တုံ႔ေခါက္ျပန္ခရီးႏွင္ေနရၿပီး ဂိမ္းဇာတ္ေၾကာင္းေရွ႕ဆက္တာနဲ႔အမွ် က႑ခြဲတစ္ခုကေန တစ္ခုေတာင္ တည္ေနရာေတြမတူၾကပါဘူး။ RE 2 နဲ႔ RE 3 တုိ႔ဟာ ဇာတ္ခ်င္းႏြယ္ေန႐ုံသာမက ျဖတ္သန္းရတဲ့ေနရာေတြဟာလည္း သုံးပုံတစ္ပုံထိ တူညီမႈရွိေနတဲ့အတြက္ အဲဒီလုိေနရာေတြမွာ ဇာတ္ေၾကာင္းနဲ႔ ဇာတ္ေကာင္ေျပာင္းလဲလုိက္တာနဲ႔ ဂိမ္းထဲထည့္သြင္းေဆာ့ကစားလုိ႔ရပါၿပီ။ သုိ႔ေပမယ့္ RE 4 ဟာ အဲဒါေတြအားလုံးနဲ႔ေျပာင္းျပန္ပါ၊ Capcom က Remake ေတြဆက္တုိက္ထုတ္ေနတဲ့အတြက္ Remake ေတြလုပ္ရတာ စိတ္ေအးလက္ေလးအလြယ္ေလးလုိ႔ထင္ရတာ တကယ့္တကယ္မွာ ဂိမ္းသစ္တစ္ခုကုိသာ စလုံးေရစၿပီးေရးဆြဲဖန္တီးလုိက္မယ္၊ ထြက္ၿပီးသားနာမည္ရွိတဲ့ဂိမ္းေဟာင္းတစ္ခုကုိ အစစအရာရာျပန္မြမ္းမံၿပီး Remake ျပန္ထုတ္ဖုိ႔ဆုိတာ အေတာ္ေလးခက္ခဲတဲ့အျပင္ လက္ေပါက္ကတ္တဲ့ပေရာဂ်က္ဖန္တီးမႈပါပဲ 😫💢



RE 4 Remake ျဖစ္မလာႏုိင္တဲ့အေၾကာင္းကုိ ေသခ်ာအခ်က္ေတြခြဲၿပီးတင္ျပရမယ္ဆုိရင္ နံပါတ္တစ္အခ်က္ကေတာ့ RE 4 ျဖစ္တည္ေနတဲ့ ဂိမ္းပုံစံေၾကာင့္ပါပဲ။ Remaster မဟုတ္တဲ့ Remake ျဖစ္တာေၾကာင့္ မူရင္း RE 4 ဂိမ္းတစ္ခုလုံးမွာ ပါဝင္ခဲ့တဲ့တည္ေနရာ၊ ဂိမ္းပတ္ဝန္းက်င္ေတြ၊ တုိက္တာအေဆာက္အဦးေတြ၊ ေနာက္ခံသဘာဝနဲ႔ ေတာေတာင္ပထဝီေျမအေနအထား အစရွိတဲ့ကုိယ္ျဖတ္သန္းရမယ့္ေနရာမွန္သမွ်ကုိ from the ground up ၁ ရာခုိင္ႏႈန္းကေန စတင္ဖန္တီးရေတာ့မွာပါ၊ မူရင္းဂိမ္းမွာပါဝင္ခဲ့တဲ့ ေနရာဒီဇိုင္းေတြ၊ ေမာ္ဒယ္အေဟာင္းေတြနဲ႔ ဖြဲ႕စည္းပုံအၾကမ္းထည္ေတြရွိမွာျဖစ္ေပမယ့္ Resident Evil 7 ကစလုိ႔ ေနာက္ပုိင္း RE ဂိမ္းေတြကုိ RE Engine နဲ႔ လည္ပတ္ေစတာျဖစ္တဲ့အတြက္ RE 4 ကုိ RE Engine နဲ႔ကုိက္ညီေစဖုိ႔အတြက္ကုိပဲ အစကေနျပန္လုပ္ေဆာင္ရေတာ့မွာပါ။ RE Engine ရဲ႕အားသာခ်က္ဟာ မ်က္စိပဒႆျဖစ္ေလာက္ေအာင္ လက္ေတြ႔ဆန္လြန္းတဲ့႐ုပ္ထြက္နဲ႔ ယုတၱိတန္တဲ့ဂိမ္းအေတြ႔အႀကံဳကုိေပးစြမ္းတာျဖစ္ေပမယ့္ RE 4 မွာ ပါဝင္တဲ့တည္ေနရာေတြဟာ အဆမတန္ေအာင္ မ်ားျပားလြန္းတာေၾကာင့္ အခ်ိန္တစ္ႏွစ္ေက်ာ္ေလးအတြင္းမွာ ဒါႀကီးတစ္ခုလုံးကုိ အေခ်ာသတ္ၿပီးစီးဖုိ႔ဆုိတာ ျဖစ္ႏုိင္ေခ်မရွိပါဘူး။ ဒီေနရာမွာ Capcom ရဲ႕မ်ိဳးဆက္သစ္ဂိမ္းေတြကုိ အဆင္ေျပေခ်ာေမြ႔စြာလည္ပတ္ေစတဲ့ RE Engine အေၾကာင္းကုိ ေျပာျပမွရပါလိမ့္မယ္။ တကယ္ေတာ့ RE Engine ဆုိတာ Resident Evil Engine မဟုတ္ပါဘူး၊ "Reach for the Moon - လမင္းဆီအေရာက္သြားမယ္" ဆုိတဲ့နာမည္ရွည္အျပည့္အစုံရဲ႕ ေရွ႕ဆုံးႏွစ္လုံးကုိယူထားၿပီး RE Engine လုိ႔ အတုိခ်ံဳးေခၚေဝၚၾကတဲ့ Capcom တည္ေဆာက္ထားတဲ့ ဂိမ္းအင္ဂ်င္တစ္ခုပါ။ RE Engine ဟာ သူ႔ရဲ႕ေရွ႕ကဂိမ္းအင္ဂ်င္ျဖစ္တဲ့ MT Framework ကေန ဆင္းသက္လာခဲ့တဲ့ ေနာက္မ်ိဳးဆက္ျဖစ္ၿပီ ၂၀၁၇ ခုႏွစ္က Resident Evil 7: Biohazard ဂိမ္းတစ္မ်ိဳးတည္းမွာ စတင္သုံးစြဲဖုိ႔ ရည္ရြယ္ထားခဲ့တာျဖစ္ေပမယ့္ လက္ရွိအခ်ိန္မွာ Resident Evil 7 သာမက Devil May Cry 5, Resident Evil 2 Remake, Resident Evil 3 Remake နဲ႔ RE Resistance တုိ႔ကုိ လည္ပတ္ေစတဲ့ဂိမ္းအင္ဂ်င္ျဖစ္ပါတယ္ 🎮⚙️

နံပါတ္ႏွစ္အခ်က္က ဘာလဲဆုိေတာ့ ဇာတ္ေကာင္ဖန္တီးမႈနဲ႔ ဂိမ္းမွာပါဝင္သမွ်ဇာတ္ေကာင္တစ္ေယာက္ခ်င္းစီကုိ ျပန္လည္ေရးသားတည္ေဆာက္ဖုိ႔ပါ။ ဒါဟာ RE 4 Remake ျဖစ္လာဖုိ႔ အခက္ခဲဆုံးအခ်က္ျဖစ္မလားေတာင္ မသိပါဘူး၊ ဘာေၾကာင့္လည္းဆုိေတာ့ RE 4 ကဇာတ္ေကာင္တစ္ေယာက္ခ်င္းစီရဲ႕ ကြဲျပားတဲ့စိတ္ေနစိတ္ထား၊ သြင္ျပင္လကၡဏာကုိယ္စီနဲ႔ စိတ္ဝင္စားစရာေကာင္းတဲ့က႑ေတြကုိ ဇာတ္ေကာင္သ႐ုပ္ေဆာင္သစ္၊ ေနာက္ခံအသံသ႐ုပ္ေဆာင္သစ္ေတြနဲ႔ ျပန္လည္ဖန္တီးရမွာေၾကာင့္ပါ။ RE Engine ဟာ Capcom ရဲ႕မ်ိဳးဆက္သစ္ဂိမ္းေတြကုိ လက္ေတြ႔ဆန္လြန္းတဲ့အျမင္နဲ႔ အံ့မခန္းစြမ္းေဆာင္ရည္ေတြေပးစြမ္းတယ္ဆုိေပမယ့္ သူ႔မွာလည္းအားနည္းခ်က္ေတြရွိေနျပန္ပါတယ္။ ဂိမ္းတြင္းအေၾကာင္းအရာမွန္သမွ်ကုိ RE Engine နဲ႔ လည္ပတ္ေစဖုိ႔အတြက္ ဂိမ္းမွာပါဝင္တဲ့ဇာတ္ေကာင္တစ္ေယာက္ခ်င္းစီ၊ ပစၥည္းတစ္ခုခ်င္းစီကုိ 3D ဓါတ္ပုံ႐ုိက္ကူးဖတ္႐ႈျခင္းျပဳလုပ္ရပါတယ္။ အဲဒီလုပ္ငန္းစဥ္ဟာ ေနာက္ပုိင္းဂိမ္းေတာ္ေတာ္မ်ားမ်ားမွာ အသုံးခ်ၾကတဲ့လုပ္ငန္းစဥ္ျဖစ္ေပမယ့္ RE 4 ဂိမ္းမွာပါဝင္တဲ့ ဇာတ္ေကာင္တစ္ေယာက္ခ်င္းနဲ႔ ပါဝင္ပစၥည္းတုိင္းကုိ အခ်ိန္တုိအတြင္း 3D scanning ျပဳလုပ္ဖုိ႔ဆုိတာ လုံးဝမွကုိမလြယ္ကူပါဘူး၊ ဇာတ္ေကာင္တင္သာမက သူတုိ႔ရဲ႕အက်ီအဝတ္အစား၊ ကုိင္ေဆာင္တဲ့လက္နက္၊ စီးနင္းလုိက္ပါတဲ့ယာဥ္အစရွိတာေတြကုိပါ တစ္ခုခ်င္းစီအစေန တကယ့္ပစၥည္းအျဖစ္ ဖန္တီးလုပ္ယူၿပီး scan ဖတ္မွသာ RE Engine ထဲထည့္သြင္းႏုိင္တာျဖစ္ပါတယ္။ ဥပမာေျပာရမယ္ဆုိရင္ ဇာတ္ေကာင္ဆယ္ေယာက္ဝန္းက်င္သာ ပါဝင္တဲ့ Devil May Cry 5 ဂိမ္းအတြက္ ဇာတ္ေကာင္အဝတ္အစားသီးသန္႔ကုိ လန္ဒန္ၿမိဳ႕မွာဖန္တီးခဲ့ရၿပီး scan ဖတ္ယူေတာ့ ဆားဘီးယား (Serbia) မွာဖတ္ခဲ့ရတာပါ၊ အဲဒီေနရာမွာ Nero ရဲ႕ကုတ္အက်ီကုိဖန္တီးယူရတာေတာင္ ကားတစ္စီးစာကုန္က်ခဲ့ၿပီး ဂိမ္းထဲက Devil May Cry ဗန္ကားတစ္စီးတည္းကုိ ဖန္တီးရတာေတာင္ အခ်ိန္တစ္ႏွစ္ေက်ာ္ၾကာျမင့္ခဲ့ပါတယ္။ ဒီေလာက္ဆုိရင္ အဲဒီလုပ္ငန္းစဥ္ဟာ ဘယ္ေလာက္ေတာင္မွ အခ်ိန္အား၊ လူအားနဲ႔ ေငြအား ကုန္ခမ္းေစတဲ့အလုပ္ဆုိတာ သေဘာေပါက္သြားေလာက္ၿပီ ထင္ပါတယ္။ ဒါ့အျပင္ RE Engine သစ္မွာ အရင္ MT Framework နဲ႔ယွဥ္လုိက္ရင္ ေဒတာေဖာ္မတ္ကြဲျပားသြားၿပီး ဂိမ္းေဒတာတစ္ခုလုံးကုိ PAK Archive ဖုိင္အျဖစ္ထုတ္ယူရတဲ့အတြက္ ဖုိင္ေတြကုိေျပာင္းလဲျပဳျပင္ဖန္တီးတဲ့ေနရာမွာ အရင္ကေလာက္ သက္ေတာင့္သက္သာမျဖစ္ေတာ့ပါဘူး 🤷‍♂️💽





နံပါတ္သုံးအခ်က္ကေတာ့ ဇာတ္ေကာင္ေတြရဲ႕သ႐ုပ္ေဆာင္က႑၊ ဂိမ္းအတြင္းတင္ဆက္ျပသမႈနဲ႔ ပုံစံအသြင္အျပင္ကြဲျပားသြားျခင္းျဖစ္ပါတယ္။ နံပါတ္ႏွစ္အခ်က္အရ RE Engine မွာထည့္ဖုိ႔ ပါဝင္မယ့္ဇာတ္ေကာင္ေတြကုိေရာ၊ ပစၥည္းအရာဝတၳဳအလုံးစုံနဲ႔ ဂိမ္းေလာကပတ္ဝန္းက်င္ေတြ အားလုံးကုိပါ သတ္မွတ္အခ်ိန္တစ္ခုအတြင္း ျဖစ္ေျမာက္ေအာင္လုပ္ႏုိင္ခဲ့တယ္ဆုိပါစုိ႔။ အဲဒါဆုိရင္ အားလုံးေတြ႔ႀကံဳခံစားရေတာ့မယ့္ RE 4 Remake ရဲ႕ဇာတ္ေကာင္ပုံစံအသစ္ေတြနဲ႔ကြဲျပားေနတဲ့ သြင္ျပင္လကၡဏာဟာ ယခင္မူလ RE 4 ကုိ ကုိယ္စားျပဳရဲ႕လား? တူညီတဲ့ခံစားခ်က္နဲ႔ အေငြ႔အသက္ကုိေပးရဲ႕လားဆုိတာ ေနာက္ထပ္ႀကံဳေတြ႕ရမယ့္ တတိယအခက္အခဲျဖစ္ပါတယ္။ RE Engine နဲ႔လည္ပတ္တဲ့ RE 2 Remake က ဇာတ္ေကာင္ေတြျဖစ္တဲ့ Leon, Ada နဲ႔ Hunk တုိ႔ကုိ RE 4 Remake မွာ ျပန္လည္သုံးစြဲခဲ့တယ္ဆုိရင္ေတာင္ တျခားက်န္တဲ့ဇာတ္ေကာင္ေတြအတြက္ ဇာတ္ေဆာင္စ႐ုိက္ကုိေပၚလြင္ေစမယ့္ လူသ႐ုပ္ေဆာင္ေရြးခ်ယ္တာေတြ၊ အသံသ႐ုပ္ေဆာင္ေရြးခ်ယ္တာေတြ၊ စကာတင္စာရင္းကုိျပန္လည္စိစစ္တာေတြ အစရွိတဲ့က႑ေပါင္းမ်ားစြာ က်န္ရွိေနပါေသးတယ္။ ဒီအခ်က္ဟာ ကၽြန္ေတာ္တုိ႔လုိ ငယ္ဘဝအခ်ိန္တစ္ခုကုိ RE 4 ေဆာ့ကစားရင္း ျဖတ္သန္းခံရတဲ့လူေတြအတြက္ လြန္စြာမွအေရးႀကီးတဲ့အခ်က္တစ္ခ်က္ျဖစ္လုိ႔ေနပါတယ္။ ဘာေၾကာင့္လည္းဆုိေတာ့ RE 4 မွာပါဝင္ၾကတဲ့ ဇာတ္ေကာင္ေတြအားလုံးနဲ႔ သူတုိ႔ရဲ႕ျဖစ္တည္မႈ၊ စကားေျပာအသံကအစ အစစအရာရာဟာ ဂိမ္းခ်စ္သူပရိသတ္ေတြစိ္တ္ထဲစြဲၿမဲေနၾကပါၿပီ၊ အဲဒီလုိဆယ္စုႏွစ္တစ္ခုေက်ာ္ၾကာ အျမတ္တႏုိးသိမ္းဆည္းထားတဲ့မွတ္ဉာဏ္တစ္ခုကို မတူညီကြဲျပားတဲ့ျပန္လည္ျပင္ဆင္မႈေတြနဲ႔ အသစ္ဖန္တီးယူဖုိ႔ဆုိတာ တကယ္တမ္းမွာ မျဖစ္ႏုိင္တဲ့ကိစၥတစ္ခုပါပဲ။ RE 4 ကအစျပဳလို႔ ေနာက္ထြက္ခဲ့သမွ် RE ဂိမ္းေတြရဲ႕ ဇာတ္ေကာင္ေမာ္ဒယ္နဲ႔ ဂိမ္းကစားဟန္ဟာ RE 4 ကပဲ အေျခခံယူထားတာျဖစ္တဲ့အတြက္ အဲဒီေနာက္ခံေက်ာ႐ုိးကုိ ေျမလွန္ေျပာင္းလဲပစ္ဖုိ႔ဆုိတာ လက္ေတြ႔ေတာင္မဆန္ေတာ့တဲ့ခက္ခဲမႈတစ္ခု ျဖစ္ပါတယ္ 🤧💫





ဒီအခ်က္သုံးခ်က္နဲ႔တင္ RE 4 Remake ဟာ ျပန္လုပ္ယူဖန္တီးလုိ႔ရမယ့္ ဂိမ္းတစ္ခုမဟုတ္ေၾကာင္း အရွင္းအလင္းနားလည္သေဘာေပါက္သြားေလာက္ၿပီ ထင္ပါတယ္။ အခုတင္ျပခဲ့တဲ့အခ်က္ေတြနဲ႔တင္ RE 4 Remake ျဖစ္မလာဖုိ႔ လုံေလာက္မႈရွိတဲ့အတြက္ ဒီသုံးခ်က္ကုိ အဓိကဦးစားေပးၿပီး တင္ဆက္လုိက္ပါတယ္။ ကၽြန္ေတာ့္အတြက္ကေတာ့ RE 4 ဟာ ဘယ္နဲ႔မွႏႈိင္းယွဥ္မရတဲ့ ႏွလုံးသားတစ္ေထာင့္တစ္ေနရာမွာ သီးသီးသန္႔သန္႔ရွိလုိ႔ေနပါတယ္။ RE 4 Remake အတြက္ ေနာက္ထပ္ထည့္သြင္းစဥ္းစားလုိ႔ရတာ ဘာလဲဆုိေတာ့ မူလ RE 4 မွာပါဝင္ခဲ့တဲ့ ဂိမ္းတြင္းထပ္ေပါင္းအေၾကာင္းအရာေတြပါပဲ၊ RE 4 မွာ အဓိကဇာတ္ေၾကာင္းျဖစ္တဲ့ Leon ရဲ႕ဇာတ္လမ္းကုိေဆာ့ႏုိင္႐ုံတင္မက Ada ကုိကုိင္ၿပီး ေဆာ့ကစားရတဲ့ The Separate Ways နဲ႔ Assignment Ada တုိ႔လည္း ထပ္မံေပါင္းထည့္ေပးထားပါတယ္၊ ဒါ့အျပင္ ကၽြန္ေတာ္တုိ႔လုိ RE ခ်စ္သူေတြ ဘဝင္ခုိက္ႏွစ္ၿခိဳက္ၾကတဲ့ Leon, Ada, Wesker, Hunk, Krauser တို႔ငါးေယာက္ရဲ႕ Mercenaries မုဒ္ဟာဆုိရင္လည္း စိန္ေခၚမႈကုိႀကိဳက္တဲ့သူေတြ၊ အရည္အခ်င္းရွိသူေတြအတြက္ Handcannon ေသနတ္ကုိ ပုိင္ဆုိင္ႏုိင္တဲ့အခြင့္အေရးလည္း ျဖစ္ျပန္ပါတယ္။ RE 4 ဟာ ကၽြန္ေတာ္ေသဆုံးခ်ိန္အထိ ဘာေၾကာင့္အႀကိဳက္ရဆုံးဂိမ္းေတြထဲက တစ္ခုျဖစ္တာလဲဆုိတာကုိ ေျပာရင္ အခ်က္ေပါင္းေျမာက္မ်ားစြာ မကုန္ႏုိင္ပါဘူး၊ ဒါေၾကာင့္မို႔ပဲ ဒီေဆာင္းပါးကုိအေသအခ်ာေရးျဖစ္ခဲ့တာျဖစ္သလုိ Resident Evil စီးရီးတစ္ခုလုံးကုိ ျမတ္ႏုိးတဲ့စိတ္ေၾကာင့္ Capcom က ဘယ္လုိလုပ္ရပ္မ်ိဳးပဲလုပ္လုပ္ အျပစ္ေတာ့မျမင္ရက္ပါဘူး။ သို႔ေပမယ့္ RE 4 Remake ကေတာ့ သိၾကားမင္းဆင္းကူရင္ေတာင္ အထျေမာက္ႏုိင္ေလာက္မွာမဟုတ္တဲ့ Mission Impossible ျဖစ္တဲ့အတြက္ အစကတည္းက ဘာေၾကာင့္ Mission Impossible ျဖစ္သလဲဆုိတာကုိ အားလုံးထဲထဲဝင္ဝင္ သိသြားရေအာင္ ဒီစာေစာင္ကုိေရးၿပီး တင္ဆက္လုိက္ရပါတယ္။ Resident Evil 8 ရဲ႕သတင္းသစ္ေတြကုိေတာ့ အၿမဲတမ္းၾကားသိရဖုိ႔ ေစာင့္ေမွ်ာ္ေနရင္း ဂိမ္းပရိသတ္ေတြကုိသိေစခ်င္တဲ့ ဂိမ္းသတင္းအေၾကာင္းအရာေတြကုိ ေပ့ခ်္မွာ အစဥ္မျပတ္ေရးသားတင္ဆက္ေပးေနပါတယ္ (လတ္တေလာမွာ RE အေၾကာင္းေတြပဲျေပာေနရလုိ႔ ၾကာရင္ Resident Evil အထူးျပဳဂိမ္းသတင္းေရးတဲ့ေပ့ခ်္ျဖစ္လုနီးနီးပါပဲ) ကဲ ဆုိေတာ့ကာ ဖတ္႐ႈသူတစ္ေယာက္ခ်င္းစီကုိ ေက်းဇူးတင္ပါတယ္။ ပထမပုိင္းကုိ မဖတ္လုိက္ရလည္း ဒုတိယပုိင္းကုိ ဖတ္တာနဲ႔ RE 4 Remake အေၾကာင္းကုိ ၿခံဳငုံသိႏုိင္ပါတယ္၊ ဒုတိယပုိင္းအၿပီး ပထမပုိင္းကုိ ေလ့လာဖတ္႐ႈခ်င္သူေတြအတြက္လည္း ေအာက္မွာ ပထမေဆာင္းပါးလင့္ခ်္ကုိ ထည့္သြင္းေပးထားပါတယ္။ ဖတ္ရင္းနဲ႔ ဒီေနရာထိေတာင္ေရာက္လာသူေတြအတြက္ စိတ္ဝင္စားစရာဂိမ္းအေၾကာင္းအရာေတြကို ထပ္မံတင္ဆက္သြားေပးပါမယ္။ အားလုံးပဲ ေဆာ့လက္စဂိမ္းမွာ ျပန္စီးေမ်ာၾကပါလုိ႔ ဒီေနရာကႏႈတ္ဆက္လုိက္ရပါတယ္။ အလားတူပဲ ေနာက္လာမယ့္ ဂိမ္းေဆာင္းပါးေတြမွာ ကၽြန္ေတာ္တုိ႔ျပန္လည္ေတြ႔ဆုံၾကပါမယ္ 🌈💜





Yan

၂၀၂၂ ခုနှစ်ရဲ့ Resident Evil 4 Remake သတင်းတွေနဲ့အတူ ဘာနဲ့မှ Remake ပြန်လုပ်လို့မရတဲ့ Resident Evil 4 ရဲ့ကြီးကျယ်ခမ်းနားမှု (ပထမပိုင်း) ✒️📰

Resident Evil 8 ရဲ့သတင်းအချက်အလက်တွေတောင် အနည်ထိုင်ဖို့အချိန်ယူနေရချိန်မှာ လွန်ခဲ့တဲ့နှစ်ရက်လောက်ကပဲ Resident Evil နဲ့ ပတ်သက်ပြီး သတင်းတစ်ခုတတ်လာတာ ဖတ်လိုက်ရပါတယ်။ အဲဒါက ဘာလဲဆိုတော့ Capcom ဟာ Resident Evil 4 Remake ကို စတင်ရေးဆွဲဖန်တီးနေပြီဖြစ်ကြောင်းနဲ့ ဒီသတင်းသာဟုတ်မှန်ကြောင်းအတည်ဆိုရင် ၂၀၂၂ ခုနှစ်မှာ ထွက်လာနိုင်ဖို့မှန်းထားကြောင်း အစရှိသဖြင့် သက်ဆိုင်ရာအချက်အလက်တွေကို ပြောပြထားတာတွေ့ရပါတယ်။ Resident Evil 3 Remake ထွက်ရှိခဲ့တာ ဧပြီလ ၄ ရက်ဖြစ်တဲ့အတွက် ဂိမ်းအသစ်စက်စက်ကြီးထွက်ပြီးတာ ဆယ်ရက်တောင်မပြည့်သေးတဲ့အချိန် ဒါအခုလိုနောက်ထပ်သတင်းတစ်ခုကို ထပ်သိခဲ့ရတာဖြစ်ပါတယ်။ အခုလို RE နဲ့ ပတ်သက်တဲ့သတင်းနဲ့ ကောလဟာလတွေ တစ်ခုပြီးတစ်ခုကြားနေရတာ ဟုတ်သလိုလိုနဲ့ Resident Evil 4 Remake ထွက်လာမှာနဲ့ပတ်သက်ပြီး တကယ်တမ်းသေချာပြန်စဉ်းစားကြည့်တဲ့အခါမှသာ ကိုယ်လိုချင်တာနဲ့ကိုက်ညီမှုမရှိမှန်း ပြန်လည်ဆန်းစစ်မိပါတယ်။ ကျွန်တော်တို့ငယ်ဘဝတွေကို အရောင်စုံအောင်ချယ်ပေးခဲ့တဲ့၊ စိတ်ခံစားချက်တွေစုံနေအောင် ပေးစွမ်းခဲ့တဲ့၊ တစ်သက်တာအမှတ်ရစေခဲ့တဲ့ ဂန္တဝင်မြောက် Resident Evil 4 ကို အစကနေပြန်ပြီး from the ground up Remake လုပ်မယ်ဆိုတာ ယုတ္တိတန်တဲ့ကိစ္စတစ်ခုမဟုတ်တဲ့အပြင် ဘယ်လိုရှုထောင့်ကပဲကြည့်ကြည့် အကျိုးအကြောင်းမသင့်ပါဘူး။ အခုအချိန်ဟာ Resident Evil ရဲ့ဇာတ်ကိုရှေ့ဆက်စေတဲ့ RE 8 လို ဂိမ်းသစ်တွေကို ပရိသတ်တွေလက်ထဲအရောက်ထည့်ရမယ့်အချိန်ပါ၊ နှစ်အတော်အတန်အကြာက ထွက်ခဲ့ပြီးသားဂိမ်းတွေကို ခေတ်နဲ့အညီ ပြန်လည်မွန်းမံပြီး Remake အနေနဲ့ထုတ်တာ ဂိမ်းလောကအတွက် ကောင်းမွန်တဲ့ကိစ္စဖြစ်ပေမယ့် ပကတိပြီးပြည့်စုံတဲ့အနေအထားမှာရှိနေတဲ့ လက်ရာမြောက်ဂိမ်းကောင်းတွေတော့ သူနဲ့ထိုက်တန်တဲ့နေရာမှာ ထာဝရထားထားရမှာ ဂိမ်းလောကရဲ့စံသတ်မှတ်ချက်ပါပဲ။ အခုဒီမှာ Resident Evil 4 ဂိမ်းဟာ Remake ပြန်လုပ်လို့ကိုမရနိုင်အောင် ကြီးကျယ်ခမ်းနားလွန်းတဲ့အကြောင်းကို အချက်တစ်ချို့ခွဲပြီးတင်ပြပေးသွားပါမယ်။ စာဖတ်သူတွေလည်း RE4 နှစ်ခြိုက်ခဲ့ဖူးရင် ကျွန်တော်နဲ့အတွေးချင်းတူမယ်လို့ ယူဆမိပါတယ် 🤝💭

Resident Evil 4 ဟာ ဘာကြောင့် Remake ပြန်လုပ်လို့ရတဲ့ဂိမ်းမဟုတ်တာလဲဆိုတာ မပြောခင်မှာ ဘူတာဆိုက်ဖို့လမ်းမမြင်သေးတဲ့ Capcom နဲ့ Remake ရထားတွဲကြီးရဲ့ နောက်ဆုံးခရီးစဉ်ကို ကျွန်တော်တို့ အရင်လေ့လာကြည့်ရပါမယ်။ အဲဒါကတော့ လွန်ခဲ့တဲ့ ၉ ရက်တိတိကမှ ထွက်ထားခဲ့တဲ့ Resident Evil 3 Remake ဖြစ်ပါတယ်။ RE3 Remake ဟာ ဖန်တီးထားတဲ့ဂိမ်းလောက၊ ဂရုပ်ဖစ်ရုပ်ထွက်၊ ဇာတ်ကောင်ဒီဇိုင်းနဲ့ ဂိမ်းကစားဟန်ကဏ္ဍတို့မှာ ပြောစရာမရှိအောင် ပြည့်စုံတဲ့ဂိမ်းကောင်းတစ်ခုဖြစ်တယ်လို့ ယေဘုယျအားဖြင့်ဆိုနိုင်ပေမယ့် Remake ဆိုတဲ့ခေါင်းစဉ်အောက်က မူရင်းနဲ့ လက်သစ်ကိုနှိုင်းယှဉ်ကြည့်လိုက်တဲ့အခါ လိုအပ်ချက်အတော်များများရှိနေတာကို တွေ့ရမှာဖြစ်ပါတယ်။ အချက်အလက်အရကြည့်မယ်ဆိုရင် ၁၉၉၉ ခုနှစ်ကထွက်ခဲ့တဲ့ Resident Evil 3: Nemesis ဂိမ်းကိုယ်တိုင်ကိုက ကစားချိန်နာရီနဲ့ ဇာတ်ကြောင်းအရကိုကပါ အရင် RE ဂိမ်းတွေထက် ပိုတိုတောင်းတဲ့ဂိမ်းတစ်ခုဖြစ်တာတောင် လက်ရှိ ၂၀၂၀ ခုနှစ်ရဲ့ RE3 Remake အသစ်မှာ တကူးတကထိန်ချန်ထားခဲ့ရတဲ့ အထင်ကရနေရာတွေနဲ့ ဂိမ်းဇာတ်လမ်းတစ်ခုလုံးခြုံငုံပြီး ရုပ်ရှင်ဆန်ဆန် linear ဖက်ရှင်အဖြစ် ပြောင်းလဲခဲ့တာ တွေ့မြင်နိုင်ပါတယ်။ ဒါဟာ ဘာအချက်နှစ်ချက်ကိုပြောနေသလဲဆိုတော့ Remake တိုင်းဟာ RE2 Remake လိုဖြစ်လာမှာမဟုတ်ကြောင်းနဲ့ နဂိုမူလပြီးပြည့်စုံပြီးသား ဂိမ်းတွေဆိုတာ သူ့ကိုယ်ပိုင်ခမ်းနားမှုနဲ့သူ၊ အောင်မြင်မှုနဲ့သူရှိနေတာကပဲ အကောင်းဆုံးဖြစ်တယ်ဆိုတာ သတိပေးနေသလိုပါပဲ။ Capcom ကိုယ်တိုင် RE 2 နဲ့ 3 ကို Remake လုပ်ရတဲ့ ရည်ရွယ်ချက်ကိုက ၂၀၀၀ ပြည့်နှစ်မတိုင်ခင် နည်းပညာမဖွံဖြိုးသေးတဲ့ခေတ်က ထွက်ရှိခဲ့တဲ့ ဂိမ်းကောင်းတွေကို ဒီခေတ်အသွင်အမြင်နဲ့ ဂိမ်းပရိသတ်တွေတွေ့ကြုံခံစားနိုင်အောင် RE Engine နဲ့ဖန်တီးရေးဆွဲထုတ်ပေးခဲ့တာဖြစ်ပါတယ်။ ပြောင်းလဲလာတဲ့ခေတ်ကြောင့် ရုပ်ထွက်ပိုင်းကွာဟသွားတယ်ဆိုပေမယ့် ခါးသက်သက် အမှန်တရားတစ်ခုက ဘာလဲဆိုတော့ အရင် RE3 နဲ့ အခု RE3 Remake တို့မှာ ရင်ခုန်စိတ်လှုပ်ရှားရတာနဲ့ ခန့်မှန်းမရတဲ့ဂိမ်းအတွေ့အကြုံပိုင်းကတော့ ကိုယ်ရွေးတဲ့လမ်းနဲ့ ဂိမ်းတွင်းဆုံးဖြတ်ချက်တွေအပေါ်မူတည်ပြီး ကွဲပြားတဲ့ဇာတ်သိမ်းအမျိုးမျိုးထွက်လာနိုင်တဲ့ RE3 Original က ပိုသာလွန်တာ အမှန်ပါပဲ 💁‍♂️🦠

အပွင့်လင်းဆုံးပြောရရင် ဘယ်သူတွေဘာပြောပြော RE 3 Remake ကို ကျွန်တော်ကြိုက်ပါတယ်၊ အခု Jill Valentine ကို အရင် Jill ဖြစ်တဲ့ Julia Voth ထက်ပိုပြီး သဘောကျနှစ်ခြိုက်မိသလို သူမရဲ့ ဇာတ်ကောင်တည်ဆောက်ထားပုံ၊ ရုပ်ရည်နဲ့ခန္ဓာကိုယ်အချိုးအစား၊ စကားပြောဟန်နဲ့ လှုပ်ရှားမှုအမူအရာတို့ကအစ ပြောစရာမလိုအောင်ကြိုက်ပါတယ် (arm fetish ရှိတဲ့အတွက် မူရင်းအပြာရောင် tube top နဲ့ ဆွယ်တာကိုခါးမှာစည်းထားပြီး ပြေးလိုက်တိုင်း ခါးနဲ့တင်ကကပြေပြေလေး ဘယ်ညာယိမ်းသွားတဲ့ Jill ကို အနောက်ကနေ thrid person view နဲ့မြင်ရတာ ထာဝရစွဲမှတ်စရာပါပဲ) ဒီမှာတစ်ချက်စဉ်းစားရမှာက ကစားချိန်ခြောက်နာရီသာသာပဲရှိတဲ့ Raccoon မြို့လေးထဲက မူရင်း RE3 ကို Remake ပြန်လုပ်တာတောင် ထင်ရှားတဲ့နေရာတစ်ချို့နဲ့ အရေးကြီးအခိုက်အတန့်တွေကို ပြည့်စုံအောင် ပြန်ထည့်သွင်းမထားနိုင်တာ RE 4 လိုမျိုး မြောက်ဝင်ရိုးစွန်းကနေ တောင်ဝင်ရိုးစွန်းလောက်ထိ ကျယ်ပြန့်တဲ့ဂိမ်းလောကနဲ့ ရှည်လျားထွေပြားတဲ့ဇာတ်ကြောင်းတစ်ခုလုံးကို လိုလေးသေးမရှိ တစ်ခုမကျန်ပြန်ထည့်ပြီး Remake အဖြစ်ထုတ်ဖို့ဆိုတာ ဖြစ်နိုင်ပါ့မလားဆိုတာ သေချာစဉ်းစားကြည့်ပါ၊ ကျွန်တော်တို့အခု Remake ပြန်လုပ်ဖို့ပြောနေတဲ့ ဂိမ်းဟာ ဟိုးအရင် ၂၀၀၀ ပြည့်နှစ်မတိုင်ခင် Playstation 1 ခေတ်က ထွက်ခဲ့တဲ့ သာမန်ဂိမ်းမျိုးမဟုတ်ပါဘူး၊ အခုပြောနေတာ မော်ဒန်ခေတ်ဂိမ်းလောကသတ်မှတ်ချက်တွေကို အမြစ်လှန်ပြောင်းလဲပြီး အနာဂတ်တစ်ချိန်မှာ ဂိမ်းတိုင်းနီးပါးအသုံးပြုလာကြမယ့် over-the-shoulder third person လက်စွဲဖော်မျူလာ blueprint ကို ဂိမ်းလောကဆီချပြခဲ့တဲ့ ဂင်းနစ်စံချိန်တင် ကမ္ဘာ့အကောင်းဆုံးဂိမ်းစာရင်းဝင် Resident Evil 4 ပါ။ RE4 ဟာ ၂၁ ရာစုဂိမ်းလောကမှာ လွှမ်းမိုးမှုအားအကောင်းဆုံးဂိမ်းတစ်ခုအဖြစ် ကမ္ဘာ့ဂိမ်းလောကရဲ့ အသိအမှတ်ပြုလေးစားခြင်းကို ခံရသလို RE4 ဟာ ဂိမ်းတစ်ခုတည်းမှာ Survival Horror နဲ့ Third Person Shooter ကစားဟန်နှစ်မျိုးကို အချိုးကျကျရောယှက်ထားပြီး သွေးသစ်လောင်းဖန်တီးခဲ့တဲ့ ဂိမ်းဖြစ်ပါတယ် 🧬🧬

၂၁ ရာစုဂိမ်းလောကအတွက် RE 4 ချမှတ်လိုက်တဲ့အဆင့်အတန်းနဲ့ ဦးဆောင်လမ်းညွှန်မှုဟာ ဂိမ်းလောကမှာ တဖြည်းဖြည်းပဲ့တင်ရိုက်ခတ်သွားခဲ့ပြီး တစ်ချိန်မှာနာမည်ကျော်ဂိမ်းများဖြစ်လာကြမယ့် Dead Space, Grand Theft Auto, Gears of Wars, Batman: Arkham Asylum, Fallout, Uncharted နဲ့ Mass Effect အစရှိတဲ့ဂိမ်းတွေဟာ RE4 ကိုလေ့လာအတုယူရင်း RE4 ရဲ့အခြေခံဖော်မျူလာအပေါ်မှာ သူတို့ရဲ့ဂိမ်းကစားဟန်ကိုပဲ မှီငြိမ်းတည်ဆောက်ထားကြတာ ဖြစ်ပါတယ်။ ဂိမ်းလောကမှာနာမည်တစ်လုံးနဲ့ ရပ်တည်နေတဲ့ Naughty Dog အနေနဲ့ The Last of Us ဂိမ်းရဲ့ စိတ်ခြောက်ခြားတုန်လှုပ်မှုနဲ့ အက်ရှင်ကဏ္ဍတို့ အသက်ဝင်ဖို့အတွက် RE 4 ဆီကနေ မှတ်သားစရာတစ်ချို့ ကောက်နှုတ်ပြီး အသုံးပြန်ချခဲ့ပါတယ်။ ဒါတင်မက God of War စီးရီးရဲ့ဒါရိုက်တာ Cory Barlog ကိုယ်တိုင်ကိုက RE4 ဟာ God of War ဂိမ်းစီးရီးတစ်ခုလုံးအတွက် လွှမ်းမိုးမှုရှိခဲ့တယ်လို့ ပြောပြခဲ့ပြီး အထူးသဖြင့် God of War 2 နဲ့ ကမ္ဘာ့ရောင်းအားအကောင်းဆုံး Playstation 4 ဂိမ်းဖြစ်ခဲ့တဲ့ ၂၀၁၈ ခုနှစ်က God of War တို့မှာ RE4 ရဲ့တစ်သားတည်းကျနေတဲ့ ကင်မရာလှုပ်ရှားမှုနဲ့ ရောက်လေရာမှာ ဂိမ်းတွင်းလိုအပ်သမျှကို အမြဲလှန်လှောရှာဖွေဖို့သတိတို့ဟာ အဓိကလွှမ်းမိုးမှုခဲ့တဲ့ဂိမ်းကစားဟန်ဖြစ်ကြောင်း အသေးစိတ်ရှင်းပြခဲ့ပါတယ်။ အစကတော့ ဒီစာစောင်ကိုတစ်ပုဒ်တည်းအပြီးရေးပြီး တင်ပေးမလို့ပါပဲ၊ ဒါပေမယ့် ရေးမယ့်ရေးတော့လည်း ပါဝင်သင့်တဲ့အရာမှန်သမျှနဲ့ လေးစားဂုဏ်ပြုထိုက်သူတွေရော၊ လူတွေသတိမမူဂူမမြင် ဖြစ်နေတဲ့၂၁ ရာစုဂိမ်းလောကက RE4 ရဲ့ အရှိန်အဝါနဲ့ လွှမ်းမိုးမှုကိုပါ သိသွားရလေအောင် ထည့်သွင်းတင်ဆက်ပေးလိုက်ပါတယ်။ ဒါဆိုရင် ဒီလောက်နဲ့ ပထမပိုင်းကို ခေတ္တရပ်နားလိုက်ပါရစေ။ RE4 Remake ဟာ ဘာကြောင့်ဖြစ်လာနိုင်ချေမရှိမှန်း ဒုတိယပိုင်းမှာ အချက်တွေခွဲပြီး ပြောပြသွားပါမယ်။ ဖတ်ရှုသူများအားလုံးကို ကျေးဇူးတင်ပါတယ်၊ RE ပရိသတ်တွေလည်း ကျွန်တော်နဲ့တစ်ချို့သော အတွေးလေးတွေ တူညီနေလိမ့်မယ်လို့ ယူဆမိပါတယ်၊ ဒါဆိုရင် ဒုတိယပိုင်းမှာ ကျွန်တော်တို့ ပြန်လည်ဆုံတွေ့ကြတာပေါ့ဗျာ 🥤🤓

Yan

Survival Horror ကိုအဓိပ္ပါယ်သစ်ဖွင့်ဆိုမယ့် Resident Evil စီးရီးရဲ့ဂိမ်းအသစ် Resident Evil 8: Village ကို ကျွန်တော်တို့ဘယ်အချိန်မှာတွေ့ရမလဲ? 🏚🥀

Capcom ကတော့ လုံးဝ every day is on fire ပါပဲ။ ပြီးခဲ့တဲ့ဧပြီလ ၄ ရက်နေ့ကပဲ ဂိမ်းလောကတစ်ခုလုံးမျှော်လင့်ချက်ကြီးစွာ စောင့်ဆိုင်းနေတဲ့ Resident Evil 3 Remake ကို ထုတ်ပေးပြီး တစ်ပါတ်တောင်မပြည့်သေးတဲ့အခုလိုအချိန်မှာ Resident Evil စီးရီးရဲ့ နောက်ဆက်မယ့်ခြေလှမ်းသစ် အရိပ်အမြွက်ပြောပြခဲ့ပါတယ်။ အဲဒါကဘာလဲဆိုတော့ Resident Evil စီးရီးရဲ့အဓိကဇာတ်ကြောင်းကို ရှေ့ဆက်မယ့်ဂိမ်းသစ်ဟာ Resident Evil 8 ဖြစ်ကြောင်းနဲ့ လောလောဆယ်မှာ အဲဒီ Resident Evil 8 ရဲ့ codename ဟာ Village ဖြစ်တယ်လို့ ထုတ်ဖော်ပြောကြားခဲ့လို့ပါပဲ။ တစ်ခုစိတ်ထဲသွင်းထားရမှာက ဒါတွေအားလုံးဟာ ခန့်မှန်းချက်ထုတ်သူတွေ၊ သတင်းမှားဖြန့်သူတွေရဲ့ စနက်လုံးဝမဟုတ်တဲ့ Capcom ရဲ့တရားဝင် leaked အချက်အလက်များဖြစ်တဲ့အတွက် Resident Evil 8 ဂိမ်းဟာ ရေးဆွဲဖန်တီးတဲ့အဆင့်ထဲရောက်နေပြီလို့ မှတ်ယူနိုင်ပါတယ်။ ကဲ ဒီတော့ဗျာ ဝမ်းသာလုံးတွေဆို့ရင်း အနာဂတ်မှာလာမယ့် Resident Evil 8: Village ဂိမ်းနဲ့ပတ်သတ်လို့ လတ်တလောသိရတဲ့ ရင်ခုန်စရာအချက်အလက်တွေကို ဒီဆောင်းပါးမှာ တင်ဆက်သွားပါမယ်။ အဆင်သင့်ဖြစ်ပြီဆို စလိုက်ကြစို့နော့ 🤓⬇️

Resident Evil 8 ဟာ Village ဖြစ်ကြောင်းသတင်းဟာ လွန်ခဲ့တဲ့တစ်ရက်ကျော်နှစ်ရက်နီးပါးလောက်ကမှ ပေါက်ကြားလာခဲ့တဲ့ဖြစ်ပါတယ်။ သိပ်မကြာသေးခင်ကပဲ Playstation က နောက်လာမယ့်မျိုးဆက်သစ် PS5 ရဲ့ဂိမ်းခလုတ်ဖြစ်တဲ့ DualSense ကို ထုတ်ပြခဲ့တဲ့အတွက် ဂိမ်းလောကတစ်ခုလုံးပွတ်ပွတ်ညံလို့နေပါတယ်။ သိရတဲ့အချက်အလက်တွေအရ လာမယ့် Resident Evil 8: Village ဂိမ်းဟာ Resident Evil စီးရီးက မွေးထုတ်ပေးခဲ့တဲ့ Survival Horror ဂိမ်းအမျိုးအစားအတွက် မှတ်ကျောက်စိုက်ထူရာလက်ရာတစ်ခုဖြစ်လာမယ်လို့ မျှော်လင့်ရပါတယ်။ ဒီဂိမ်းဟာ Survival Horror ရဲ့ Pioneer ဖြစ်တဲ့ Resident Evil စီးရီးအနေနဲ့ သူဖန်တီးခဲ့တဲ့ဂိမ်းရသ Survival Horror ကို နောက်ထပ်အဓိပ္ပါယ်သစ်တစ်ခု ထပ်မံဖွင့်ဆိုမယ့် ဂိမ်းလို့ယူဆရပါတယ်။ ဂိမ်းရဲ့ဇာတ်ကြောင်းနဲ့ ဖန်တီးထားတဲ့ပုံစံဟာ သိရသလောက်ကတော့ ဒီတစ်ခေါက် Resident Evil 8 မှာ စီးရီးရဲ့လူကြိုက်များတဲ့ ဇီဝလက်နက်တိုက်ဖျက်စစ်ဆင်ရေးအဖွဲ့ BSAA က Chris Redfield ကို အဓိကဇာတ်ကောင်အဖြစ် ပြန်လည်ခေါ်ဆောင်လာမှာဖြစ်တယ်လို့ သိရပါတယ်။ Codename Village လို့အမည်ပေးထားတဲ့အတိုင်း ဇာတ်အိမ်ဟာ ဥရောပတိုက်အတွင်းက လူသူကင်းမဲ့ခြောက်ကပ်တဲ့ရွာလေးတစ်ရွာမှာ စတင်ရမယ်လို့သိရပြီး မှော်ဝင်ခြောက်ခြားတဲ့ မနှစ်မြို့စရာပတ်ဝန်းကျင်အဖြစ် ပုံဖော်ထားပါတယ်။ နောက်ပြီး Chris ရင်ဆိုင်ရမယ့်ရန်သူတွေထဲမှာ မြေခွေးဆန်ဆန်အရာတွေနဲ့ ကျောချမ်းဖို့ကောင်းတဲ့စုန်းနဲ့ အောက်လမ်းဆန်ဆန် မှော်ဆရာမတွေလည်း ပါဝင်တယ်လို့ သိရပါတယ် 🕷🌒

ဒီဂိမ်းမှာ Chris ကို ဟိုအရင် Resident Evil 5 နဲ့ 6 တွေတုန်းကလို ရဲမာန်အပြည့်နဲ့ ဇီဝလက်နက်တွေကိုအမြစ်ဖျက်ခြေမှုန်းမယ့် စစ်သည်တစ်ယောက်အသွင်နဲ့ မြင်ရမှာမဟုတ်ဘဲ သူ့လက်အောက်က သူ့ကိုလေးစားအတုယူတဲ့စစ်သားတွေရဲ့ကျဆုံးမှုတွေနဲ့ များပြားတဲ့ရှုံးနိမ့်မှုတွေရဲ့ ဝါးမြိုတိုက်စားခြင်းခံနေရတဲ့ စိတ်ဒဏ်ရာရနေသူတစ်ယောက်နေရာကနေ ဆော့ကစားရမှာပါ။ Chris ကို အတိတ်ကဖြစ်ရပ်တွေဟာ လိုက်လံခြောက်လှန့်နေတာဖြစ်ပြီး Resident Evil 8 ရဲ့သိရတဲ့ ဇာတ်အိမ်ဇာတ်ကြောင်တည်ဆောက်ပုံနဲ့ပေါင်းလိုက်တဲ့အခါ ဒါဟာလုံးဝကို ကွတ်တိကျတဲ့တွဲလုံးတစ်ခုပါပဲ။ နောက်ပြီး ဒီဂိမ်းဟာ စီးရီးရဲ့ရှေ့ဇာတ်ကိုဆက်တဲ့ Resident Evil 7 နဲ့ တစ်မျိုးတစ်ဖုံချိတ်ဆက်နေတယ်လို့ သိရပြီး Resident Evil 7 က ပေးစွမ်းတဲ့ဂိမ်းကစားဟန်တစ်ချို့ကို Resident Evil 8: Village မှာ ပြန်လည်ရောပြွန်းထားတယ်လို့ သိရပါတယ်။ Chris ဟာ Resident Evil စီးရီးထဲမှာ ကျွန်တော်အကြိုက်ရဆုံး အမျိုးသားဇာတ်ကောင်ဖြစ်တာကြောင့် နောင်လာမယ့် Resident Evil 8 မှာ သူပြန်လည်ပါဝင်လာတာကို ဘဝင်ခိုက်မိတဲ့အပြင် သူ့ရဲ့ရှုပ်ထွေးလှတဲ့အတိတ်ရဲ့ဖြစ်ရပ်တွေကနေ ဒီဂိမ်းအပြီးမှာ အပြီးအပိုင် ထွက်ပြေးလွတ်မြောက်နိုင်ပါစေလို့ ဆုတောင်းမိပါတယ်။ ကဲ ဒီတော့ အနာဂတ်မှာအားလုံးကိုအငိုက်ဖမ်းမယ့် Resident Evil 8: Village ရဲ့ သိရသမျှ အချက်အလက်တွေကတော့ ဒါပါပဲ။ ဂိမ်းချစ်သူတွေအားလုံးလည်း Capcom ရဲ့နောက်လာမယ့် Resident Evil 8 မှာ ဘယ်လောက်တောင်မှ သစ်လွင်ဆန်းပြားပြီး ခမ်းနားတဲ့အကြောက်တရားတွေကို ခံစားရမလဲဆိုတာ သိချင်နေလောက်ပြီထင်ပါတယ်။ ဖတ်ရှုသူများကို ကျေးဇူးအထူးတင်ရှိပါတယ်၊ နောက်လာမယ့်အခုလို စိတ်ဝင်စားဖွယ် ဂိမ်းဆောင်းပါးတွေမှာ ကျွန်တော်တို့ ပြန်လည်ဆုံတွေ့ကြပါမယ် 🚪💜

Yan