ဂိမ်းလောကနဲ့ ဆယ်နှစ်တာဝေးကွာနေခဲ့ပေမယ့် update အသစ်နဲ့ အားလုံးဆီ ပြန်လည်ရောက်ရှိလာမယ့် Left 4 Dead 2: The Last Stand 📺

ငယ်စဉ်ကတည်းကကွန်ပျူတာဂိမ်းဆိုင်တွေမှာ သူငယ်ချင်းတွေနဲ့ဂိမ်းအတူဆော့ရင်း ကြီးပြင်းလာသူတွေဆိုရင်တော့ Left 4 Dead ဂိမ်းနဲ့ အထွေအထူးမိတ်ဆက်ပေးစရာ လိုမယ်မထင်ပါဘူး။ ဆော့ကစားသူလေးယောက်ပေါင်းစည်းပြီး များပြားလှတဲ့သန္ဓေပြောင်းဇွန်ဘီအုပ်တွေကို အခန်းဆက်တစ်ခုဆီအ လိုက် နှိမ်နင်းသုတ်သင်ရတဲ့ Left 4 Dead ဂိမ်းဟာ Dota တို့လို၊ Warcraft တို့လို ဂိမ်မာတွေရဲ့ ငယ်ဘဝကို အမှတ်တရအပြည့်နဲ့ အရောင်စုံစေခဲ့တဲ့ဂိမ်းတစ်ခုလည်းဖြစ်ပြန်ပါတယ်။ ၂၀၀၉ ခုနှစ်ကတည်းကစပြီး ဘာသတင်းအစအနမှမကြားရတော့တဲ့ Valve ဂိမ်းကုမ္ပဏီထုတ် Left 4 Dead ဟာ ဂိမ်မျိုးဆက်နှစ်ဆက်တိုင်တိုင် ကူးပြောင်းလာခဲ့တဲ့ဂိမ်းလောကရဲ့အချင်းအရာတွေနဲ့အတူ တိတ်တဆိတ်ငုပ်လျှိုးပျောက်ကွယ်ခဲ့ရပါတယ်။ သို့ပေမယ့် Left 4 Dead ဂိမ်းကိုရင်ထဲစွဲမြဲစွာ ကြိုက်နေတဲ့ ဂိမ်းပရိသတ်တစ်ချို့ကတော့ အင်တာနက်စကားဝိုင်းတွေ၊ ဆွေးနွေးမှုတွေနဲ့ သက်ဆိုင်ရာဝက်ဘ်ဆိုဒ်တွေမှာ Left 4 Dead ဂိမ်းရဲ့ နောင်လာမယ့်ခြေလှမ်းတွေနဲ့ ပတ်သက်ပြီး မေးခွန်းပေါင်းများစွာ ထုတ်လို့နေခဲ့ပါတယ် 💻

အဲဒီလိုဆယ်နှစ်တာစောင့်မျှော်နေသူတွေရဲ့ မျှော်လင့်ချက်ကို Valve ကိုယ်တိုင်ကအခုအချိန်မှာ ပြည့်ဝသွားအောင် ဖြည့်စည်းပေးတော့မှာပါ။ ဘာကြောင့်လဲတော့ ဆယ်စုနှစ်တစ်ခုအထိ ပျောက်ချင်းမလှပျောက်နေခဲ့ရတဲ့ Left 4 Dead ဂိမ်းအတွက် အသစ်အသစ်သောပြောင်းလဲမှုတွေပါဝင်တဲ့ The Last Stand ထပ်ပေါင်း update ဟာ အားလုံးအတွက် မကြာခင်မှာ ထွက်ရှိလာတော့မှာမို့ပါပဲ။ ဟိုးယခင်ကတည်းက Left 4 Dead 2 ဂိမ်းကပေးစွမ်းတဲ့ ရင်ခုန်စိတ်လှုပ်ရှားမှုနဲ့ ကွဲပြားတဲ့ရသကို အသစ်တဖန်ပြန်လည်ခံစားချင်ရင်တော့ အခုလာမယ့် Left 4 Dead: The Last Stand update ဟာ ၁၀၀ ရာခိုင်နှုန်း ဂိမ်းပရိသတ်တွေအဖို့ ရည်ရွယ်ပါတယ်။ လာမယ့် Left 4 Dead: The Last Stand ဟာ အခမဲ့ update ဖြစ်ပြီး ဂိမ်းမှာ အသစ်ထည့်သွင်းထားတဲ့ ဂိမ်းမြေပုံအခန်း ၂၀ ကျော်၊ အနီးအဝေးလက်နက်သစ်တွေ၊ အသွင်ကွဲပြားပြီးကျောချမ်းဖို့ကောင်းတဲ့ ဇွန်ဘီရန်သူသစ်နှစ်မျိုးနဲ့ ဇာတ်ကောင်ဒိုင်ယာလော့အသစ်တွေအပါအဝင် ကစားသူအချင်းချင်း ရင်ဆိုင်တိုက်ခိုက်ရမယ့် PvP စနစ်နဲ့ အချောသတ်ပြင်ဆင်မှုပေါင်းများစွာ ပါဝင်တယ်လို့ သိရပါတယ်။ ဒါဟာ ဟိုးယခင်ကတည်းက အခုချိန်ထိ Left 4 Dead 2 ဂိမ်းကိုကြိုက်နှစ်သက်နေသူများအတွက် လက်လွှတ်မခံသင့်တဲ့ အခွင့်အရေးလည်းဖြစ်နေပြန်ပါတယ် 📣📣

နောက်ထပ်ဝမ်းသာစရာတစ်ခုက အခမဲ့ဖြစ်တဲ့ ဒီ Left 4 Dead: The Last Stand ကို မကြာခင်လာတော့မယ့် စက်တင်ဘာလ ၂၄ ရက်နေ့ကျရင် PC ပလက်ဖောင်းအတွက် တရားဝင်ထုတ်ပေးသွားမယ်ဆိုတာပါပဲ။ မျိုးဆက်သစ်ဂိမ်းတွေအတွက် အားပါးတရပြင်ဆင်နေတုန်းမှာ အခါအခွင့်သင့်စွာ ရောက်ရှိလာမယ့် Left 4 Dead: The Last Stand နဲ့ ငယ်ဘဝအချိန်တွေကို ပြန်လည်ရှာဖွေဖို့ အားလုံးပဲ အဆင်သင့်ဖြစ်နေလောက်ပြီလို့ ယူဆပါတယ်။ ထပ်ဆောင်းအသိပေးချင်တာတစ်ခုက မနေ့ညက ဆောင်းပါးရေးဖို့ပြင်ဆင်နေတုန်း ရုတ်တရတ်ကြီး Laptop ပိတ်ကျသွားတဲ့အတွက် ဒီဆောင်းပါးကိုဖုန်းနဲ့ရေးသားထားခြင်းဖြစ်တယ်၊ Laptop ကိုဆိုင်မှာသွားပြဖို့ ရည်ရွယ်ထားပေမယ့် ကြားကာလမှာတော့ ဆောင်းပါးတွေကို အခုလိုအလျင်းသင့်စွာပဲ ပုံမှန်တင်ဆက်ပေးဖို့ ကြိုးစားပါမယ်။ အဲဒီတော့ ဂိမ်းချစ်သူများအားလုံးကို ကြိုတင်အသိပေးရင်း ဖတ်ရှုသူများအားလုံးကိုလည်း ကျေးဇူးအထူးတင်ကြောင်း ဒီကနေပြောလိုက်ရပါတယ်။ နောင်လာမယ့် ဂိမ်းလောကသတင်းဆောင်းပါးတွေမှာ ကျွန်တော်တို့ ပြန်လည်ဆုံတွေ့ကြတာပေါ့ဗျာ 🙏

Yan

မျိုးဆက်သစ်ဂိမ်းလောကကို Vergil နဲ့အတူ ပြန်လည်ခြေစုံပစ်ဝင်ရောက်လာမယ့် Devil May Cry 5: Special Edition 💙❤️

အခုအချိန်ဟာ CAPCOM ချစ်သူတစ်ယောက်ဖြစ်တဲ့ ကျွန်တော့်အတွက်တော့ လုံးဝကိုအပျော်လုံးဆို့ပြီး ဝမ်းမြောက်ဝမ်းသာဖြစ်ရမယ့်အချိန်ပါပဲ၊ Depression down to 0%, Motivation up to 1000% ပါ။ ဘာကြောင့်လဲဆိုတော့ လွန်ခဲ့တဲ့တစ်နာရီလောက်က CAPCOM ကနေပြီး Devil May Cry 5: Special Edition ထွက်ရှိလာမယ့်ဆိုတဲ့အကြောင်းကို ဂိမ်းထွေလာဗီဒီယိုနဲ့အတူ ကမ္ဘာတစ်ဝှမ်းလုံးကစောင့်မျှော်နေကြတဲ့ပရိသတ်တွေဆီ ထုတ်ဖော်ပြသလိုက်လို့ပါပဲ။ ပေ့ချ်မှာ Devil May Cry 5: Special Edition ဘယ်တော့ထွက်ရှိလာနိုင်မလဲဆိုတဲ့ဆောင်းပါးတွေ အဆက်မပြတ်တင်ပေးခဲ့တာဟာ အခုဆိုရင်တော့ တကယ့်ကို ဆုတောင်းပြည့်မြောက်ခဲ့ပြီလို့ ဆိုရမှာပါပဲ။ စာဖွဲ့လို့မရလောက်အောင်ကိုဝမ်းမြောက်မိပါတယ်၊ Devil May Cry 5 စတင်ထွက်လာပြီး လအနည်းငယ်အကြာလောက်က Devil May Cry 5 ဂိမ်းရဲ့ပရိုဂျူဆာဖြစ်တဲ့ Matt Walker နဲ့ ဂိမ်းဒါရိုက်တာ Hideaki Itsuno ကိုယ်တိုင်ကိုက DMC5 နဲ့ ပတ်သက်တဲ့နောက်ထပ်ဂိမ်း edition တွေ ထပ်မံထွက်ရှိလာမှာမဟုတ်တော့ဘူးလို့ Twitter မှာအတိအလင်းပြောကြားခဲ့တာကြောင့် ကျွန်တော်တို့ DMC ပရိသတ်တွေအားလုံး အားအင်ယုတ်လျော့ခဲ့ရပါတယ်။ ဒါပေမယ့် အချိန်နဲ့အမျှပေါက်ကြားလာတဲ့သတင်းအစအနတွေနဲ့ ရှိတဲ့မျှော်လင့်ချက်လေးကိုမရမကဆုပ်ကိုင်ရင်း တစ်ချိန်မှာတော့ DMC5 ဂိမ်းရဲ့ edition နောက်ထပ်အသစ်ထွက်လာလေမလားဆိုပြီး ယုံကြည်ချက်တစ်ခုနဲ့ပဲ ဒီနေ့ဒီအချိန်ထိစောင့်ဆိုင်းနေရခဲ့ရတာပါ။ အခုတော့ပရိသတ်တွေအားလုံးရဲ့ဆုတောင်းကို CAPCOM က မျိုးဆက်သစ်ဂိမ်းလောကနဲ့အတူ ဖြည့်ဆည်းပေးခဲ့ပါပြီ 🖥🎮

Devil May Cry စီးရီးရဲ့ထုံးစံအရ ထွက်ရှိလာတဲ့ဂိမ်းတစ်ခုမှာ နောက်ထပ်အခွဲ edition ဆိုတာ အချိန်တစ်ခုကြာမြင့်ပြီးတိုင်း ထွက်လာလေ့ရှိစမြဲပါ။ DMC 1, 2, 3 ကို စုပေါင်းပေးထားပြီး Texture အချောပြန်ကိုင်ထားတဲ့ Devil May Cry HD Collection, Devil May Cry 3 အတွက်ဆိုရင် Devil May Cry 3: Special Edition, Ninja Theory ရဲ့ DMC: Devil May Cry မှာလည်း DMC: Devil May Cry - Definitive Edition ကိုထုတ်ပေးခဲ့တဲ့အပြင် Devil May Cry 4 မှာလည်း Devil May Cry 4: Special Edition ဆိုပြီး edition တွေ အသီးသီးထွက်ရှိထားခဲ့တာ သက်သေပါပဲ။ CAPCOM ရဲ့အချိုးကိုကြိုသိနေတဲ့ DMC ပရိသတ်တွေကတော့ DMC 5 နဲ့ပတ်သက်ပြီး တစ်ခုမဟုတ်တစ်ခုတော့ တစ်ချိန်မှာထွက်လာမယ်လို့ တစ်ထစ်ချယုံကြည်ခဲ့တာဟာ အခုဆိုရင်လာမယ့်မျိုးဆက်သစ်ဂိမ်းလောကမှာ DMC 5 Special Edition ကို နဖူးတွေ့ဒူးတွေ့ ကိုယ်တိုင်တွေ့မြင်ခံစားရတော့မှာပါ။ အရင်ဆောင်းပါးတွေမှာပြောခဲ့တဲ့အတိုင်း လာမယ့် DMC 5 Special Edition မှာ Sparda ရဲ့သားအကြီးတစ်ဖြစ်လည်း Dante ရဲ့အမွှာအစ်ကိုဖြစ်တဲ့ Vergil ကို အဓိကပေါ်လွင်အောင် အသားပေးထားပြီး Turbo Mode, Ray Tracing အစရှိတဲ့နည်းပညာအဆင့်မြှင့်မှုတွေနဲ့ ပံ့ပိုးထားထားကို တွေ့ရပါတယ် ⬆️⬆️

ဆိုတော့ကာ မျိုးဆက်သစ်ဂိမ်းစက်တွေဖြစ်ကြတဲ့ Playstation 5 နဲ့ X Box Series X တို့ စတင်ထွက်ရှိပြီဆိုတဲ့ ပထမရက်ကတည်းက Devil May Cry 5: Special Edition ကို ဂိမ်းပရိသတ်တွေက ဝယ်ယူဆော့ကစားနိုင်မှာဖြစ်ပြီး လက်ရှိမျိုးဆက်ဖြစ်တဲ့ Playstation 4, X Box One X နဲ့ PC ပလက်ဖောင်းတွေအတွက်ကတော့ အချိန်တစ်ခုကြာမှ ထပ်ပေါင်း DLC အဖြစ် အပိုဆောင်းဝယ်ယူနိုင်မယ်လို့ သိရပါတယ်။ ဘယ်လိုပဲပြောပြော ဒီသတင်းကိုကြားပြီး ဒီဆောင်းပါးကိုရေးမှဖြစ်တော့မယ်ဆိုတဲ့အတွေးကြောင့် DMC 5 SE အကြောင်းကို ဒီကနေပြန်လည်မျှဝေလိုက်ရပါတယ်။ ဒီလောက်ဆိုအားလုံးလည်း ရင်ခုန်စိတ်လှုပ်ရှားဖို့ကောင်းတဲ့ Devil May Cry 5: Special Edition နဲ့အတူ အခြားဂိမ်းလောကသတင်းတွေနားစွင့်နေကြလိမ့်မယ်လို့ ယုံကြည်ပါတယ်။ ကျွန်တော်ကတော့ ဒီနေ့ကစပြီးတစ်ရက်တစ်ရက်တွက်ရင်း လာမယ့် DMC 5 SE ကို စောင့်ရပါတော့မယ်၊ ဖတ်ရှုသူအားလုံးကို ကျေးဇူးအထူးတင်ပါတယ်။ အခုလိုဂိမ်းလောကဆက်စပ်ဆောင်းပါးတွေကို အချိန်မှန်ပေ့ချ်မှာတင်ဆက်ပေးသွားမှာမို့ စောင့်မျှော်ဖတ်ရှုနိုင်ကြောင်းလည်း အသိပေးလိုက်ရပါတယ်။ နောင်လာမယ့်ဆောင်းပါးတွေမှာ ကျွန်တော်တို့ပြန်လည်ဆုံတွေ့ကြပါမယ် 💐

Yan

မျိုးဆက်သစ်ဂိမ်းလောကဆီ အသွင်သစ်၊ ရသသစ်နဲ့ တစ်ကျော့ပြန်လာမယ့် Amnesia: Rebirth 🚪🕸

ဂိမ်းလောကထဲမှာအချိန်အတိုင်းအတာတစ်ခုလောက်အထိရှိနေတဲ့ ဂိမ်းပရိသတ်တွေကို Amnesia ဂိမ်းနဲ့ အထွေအထူးမိတ်ဆက်ပေးစရာလိုမယ် မထင်ပါဘူး။ လွန်ခဲ့တဲ့ဆယ်စုနှစ်တစ်ခုလောက်က ဂိမ်းချစ်သူတွေရဲ့ စိတ်နှလုံးကိုညို့ငင်ဖမ်းစားနိုင်ခဲ့တဲ့ ၂၀၁၀ ခုနှစ်ထုတ် Amnesia: The Dark Descent ဂိမ်းဟာ ဆွီဒင်နိုင်ငံအခြေစိုက် လွတ်လပ်တဲ့ဂိမ်းကုမ္ပဏီတစ်ခုဖြစ်တဲ့ Frictional Games ရဲ့ အနုပညာမြောက်ဒီဂျစ်တယ်ဖန်တီးမှုလက်ရာတစ်ခု ဖြစ်ပါတယ်။ ၂၀၁၀ ခုနှစ်မှာထွက်ရှိခဲ့တယ်ဆိုပေမယ့် အဲဒီအချိန်တုန်းက အင်တာနက်ကွန်ယက်ဖြန့်ကျက်မှုနဲ့ ဂိမ်းတစ်ခုပြန့်နှံ့မှုနှုန်းထားဟာ ယခုခေတ်လောက်အားမကောင်းသေးတာကြောင့် နောက်ထပ်နှစ်နှစ်အကြာ ၂၀၁၂ ခုနှစ်လောက်မှာစပြီး Amnesia ရဲ့လူသိများကျော်ကြားမှုဟာ တစ်ယောက်စကား၊ တစ်ယောက်နားနဲ့ တဖြည်းဖြည်းမြင့်မားလာခဲ့တယ်လို့ ဆိုရမှာပါ။ အထူးသဖြင့်ဆွီဒင်နိုင်ငံအခြေစိုက် YouTuber တစ်ယောက်ဖြစ်တဲ့ Pewdiepie, အမေရိကန်နိုင်ငံအခြေစိုက် Markiplier နဲ့ အိုင်ယာလန်နိုင်ငံအခြေစိုက် YouTuber ဖြစ်တဲ့ Jacksepticeye တို့ရဲ့ဂိမ်းဆော့ကစားပြတဲ့ဗီဒီယိုစီးရီးတွေကနေတဆင့် Amnesia ရဲ့ အရှိန်အဟုန်ဟာ ပြန့်နှံ့အားကောင်းစွာပဲ ထင်ပေါ်ကျော်ကြားတဲ့ခေတ်ပေါ်ဂိမ်းရေစီးကြောင်းထဲကို ရောက်မှန်းမသိရောက်သွားခဲ့ရတာဖြစ်ပါတယ်။ အခုဒီဆောင်းပါးမှာပြောချင်တာကတော့ အရင်ဆယ်စုနှစ်တစ်ခုအလွန်က ထွက်ရှိခဲ့တဲ့ Amnesia: The Dark Descent အကြောင်းမဟုတ်ပါဘူး။ ၂၀၂၀ ခုနှစ်ရဲ့မကြာတော့တဲ့အချိန်မှာပုံစံသစ်နဲ့ တစ်ကျော့ပြန်ထွက်ရှိလာမယ့် Amnesia: Rebirth ဂိမ်းသစ်အကြောင်းပဲဖြစ်ပါတယ်။ အဆင်သင့်ဖြစ်ပြီဆို ဆက်ကြည့်လိုက်ကြရအောင်ဗျာ 🛋

သန့်စင်တဲ့အကြောက်တရားကိုပေးစွမ်းပြီး အဖြေမသိတဲ့လျှို့ဝှက်ဆန်းကြယ်မှုကို တစ်ကိုယ်တည်း တစ်ဆင့်ချင်းရှာဖွေရတဲ့ Amnesia ဂိမ်းဟာ မှောင်မဲမွန်းကြပ်လွန်းလှတဲ့ဂိမ်းလောကမှာ အသက်ရှင်ရုန်းကန်ရတဲ့ခံစားချက်ကိုပေးစွမ်းတဲ့ Survival horror, Adventure အမျိုးအစားဖြစ်ပါတယ်။ အမှောင်ထုထဲမှာကိန်းအောင်းနေတဲ့အန္တရာယ်တွေကို ကွက်ကွင်းရှောင်ရှားပြီး ကြုံရတဲ့ပဟေဠိတွေကို အလျင်းသင့်ရင်သင့်သလို စဉ်းစားအဖြေရှာရမယ်၊ ကိုယ့်ရဲ့ရုပ်၊ နာမ်အပေါ်မှာ အမြဲသတိကပ်နေပြီး ဆင်ခြင်တုံတရားကို ပျက်ယွင်းအောင်လုပ်မယ့်အရာတွေဆီက ထွက်ပြေးပုန်းရှောင်ရမယ်၊ ပြန်လည်တုံ့ပြန်တိုက်ခိုက်လို့မရတဲ့ ဂိမ်းကစားမှုစနစ်အောက်မှာ တွယ်ရာမဲ့နေတဲ့ကလေးငယ်တစ်ယောက်လို အထီးကျန်နေမှာလား ဒါမှမဟုတ် အမှောင်ထဲကနေ လိမ္မာပါးနပ်စွာရှောင်ကွင်းပြီး ကိုယ်လိုရာကိုပြီးမြောက်အောင်ဆောင်ရွက်မှာလားဆိုတာ ကိုယ့်ဘာသာကိုယ် မေးခွန်းထုတ်အဖြေပေးရမယ့် စိတ်ပိုင်းဆိုင်ရာကိုလှုံဆော်တဲ့ဂိမ်းတစ်ခုဖြစ်တာကြောင့် ကမ္ဘာတစ်ဝှမ်းမှာ Amnesia ဂိမ်းကိုကြိုက်နှစ်သက်ဆော့ကစားကြသူတွေ ယနေ့တိုင်ရှိနေဆဲဖြစ်ပါတယ်။ ဆိုတော့ကာ မကြာခင်မှာအသစ်ထွက်ရှိလာမယ့် Amnesia ဂိမ်းသစ်ဟာ Amnesia: Rebirth လို့ အမည်ရပြီး ဂိမ်းထဲမှာဘယ်လိုအရာတွေကို ကြုံတွေ့ရမလဲဆိုတဲ့ထွေလာနဲ့ ထွက်ရှိလာမယ့်ရက်စွဲကိုတရားဝင်ကြေညာထားတဲ့ထွေလာဆိုပြီး ဂိမ်းတည်ဆောက်ထားပုံနဲ့ ဆော့ကစားမယ့်ဂိမ်းစနစ်ကို အမြည်းသဘောပြသထားတဲ့ထွေလာနှစ်ခုတိုင်တိုင် ထွက်ရှိထားပြီး ဖြစ်ပါတယ် 🕷🕷

Amnesia: Rebirth ဂိမ်းနဲ့ပတ်သက်လို့ သတင်းအချက်အလက်များများစားစား မသိရှိနေသေးပေမယ့် လက်တလောသိရတဲ့အကြောင်းအချက်များအရတော့ ဒီဂိမ်းဟာ Algerian သဲကန္တာရမှာဇာတ်အိမ်တည်ထားကြောင်းသိရပြီး Tasi Trianon လို့အမည်ရတဲ့မိန်းမသားဇာတ်ကောင်နေရာကနေ ဂိမ်းကစားသူတွေဟာ အဓိကဝင်ရောက်ဆော့ကစားရမယ်ဆိုတာကတော့ သေချာနေပါတယ်။ အဲဒီမှာမှ ကိုယ့်ရဲ့ဖြတ်ထိုးဉာဏ်ကို အပါးနပ်ဆုံးအသုံးချပြီး ခြောက်ခြားဖို့ကောင်းတဲ့အရိပ်သဏ္ဍာန်သတ္တဝါတွေဆီက ဘယ်လိုထွက်ြပေးမလဲ? ကိုယ့်ဆီမှာရှိတဲ့ပစ္စည်းအသုံးအဆောင်တွေကို အသုံးအတည့်ဆုံးဖြစ်အောင် ဘယ်လိုအသုံးချမလဲ? အစရှိတဲ့ဆုံးဖြတ်ချက်တွေကို စိတ်ဖိအားများနေတဲ့အခိုက်အတန့်တွေကြားမှာ အလျင်အမြန်ဆုံးဖြတ်ချက်ချရမယ့် ဂိမ်းပုံစံမျိုးကိုအသားပေးထားတာလည်း တွေ့မြင်နိုင်ပါတယ်။ အဲဒီတော့ ဆွီဒင်နိုင်ငံအခြေစိုက်ဂိမ်းကုမ္ပဏီ Frictional Games ကဖန်တီးရေးဆွဲတဲ့ Amnesia: Rebirth ဂိမ်းကို လာမယ့်အောက်တိုဘာလ ၂၀ ရက်နေ့မှာ တရားဝင်ထုတ်ပေးသွားမှာဖြစ်ပြီး အခုအချိန်ကစလို့ ကြိုတင်မှာယူမှုများကို လုပ်ဆောင်နိုင်ပြီဖြစ်ကြောင်း အသိပေးအကြောင်းကြားလိုက်ရပါတယ်။ ဆော့ကစားနိုင်မယ့်ပလက်ဖောင်းများကတော့ PC နဲ့ Playstation 4 တို့ဖြစ်ပြီး GOG, Steam နဲ့ Epic Games Store တို့မှာ ဝင်ရောက်ကြည့်ရှုမှာယူနိုင်ပါပြီ။ ကဲ အဲဒီလောက်ဆိုရင်တော့ လာမယ့်မျိုးဆက်သစ်ဂိမ်းတွေနဲ့အတူ မကြာခင်ထွက်လာမယ့် Amnesia: Rebirth ကို အားလုံးစိတ်ဝင်စားနေကြမယ်လို့ မျှော်လင့်မိပါတယ်။ အခုလိုပဲပေ့ချ်မှာ ဂိမ်းလောကဆက်စပ်သတင်းအကြောင်းအရာများနဲ့ ဂိမ်းဆောင်းပါးတွေကိုတစ်ရက်ခြားတစ်ခါကြိမ်နှုန်းနဲ့ အချိန်မှန်မှန် ရေးသားတင်ဆက်ပေးသွားမှာမို့ စိတ်ဝင်စားတဲ့ဂိမ်းချစ်သူများအနေနဲ့ စောင့်မျှော်ဖတ်ရှုနိုင်ကြောင်းလည်း သတင်းကောင်းပါးလိုက်ပါရစေ။ ဖတ်ရှုသူဂိမ်းပရိသတ်များကို ကျေးဇူးအထူးတင်လျက်ရှိကြောင်းပြောရင်း နောင်လာမယ့်ဆောင်းပါးတွေမှာ ကျွန်တော်တို့ ပြန်လည်ဆုံတွေ့ကြစို့ဗျာ 🪔



Yan

၂၀၂၀ ခုနှစ်ဂိမ်းလောကဆောင်းပါးများပြန်လည်ရေးသားဖို့အကြောင်းဖန်လာခြင်းနဲ့အတူ Count of Owls ကိုကျောချမ်းဖွယ်အသွင်သစ်နဲ့တွေ့မြင်ရမယ့် Batman: Gotham Knights 🦉🌫

ကိုယ်ရေးကိုယ်တာကိစ္စတွေရော၊ မိတ်ဆွေအပေါင်းအသင်း ဂီတကိစ္စတွေနဲ့ပါ အလုပ်များနေတဲ့အတွက် ဂိမ်းဆောင်းပါးမရေးဖြစ်တာ မှတ်မှတ်ရရ အချိန်တစ်လကျော်သွားခဲ့ပါတယ်။ ပုံမှန်အတိုင်းဆိုရင် အချိန်တစ်ခုတော့ မရရအောင်ယူပြီး ဂိမ်းဆောင်းပါးတွေကို ရေးသားဖြစ်ပေမယ့် ဒီကြားကာလမှာ ကိုယ့်ရဲ့စိတ်ကူးဉာဏ်ကိုကွန့်မြူးစေပြီး inspire ဖြစ်စေမယ့် ဂိမ်းလောကဆက်စပ် သတင်းအကြောင်းအရာမျိုးကို ရှာဖွေမတွေ့တာကြောင့် ဆောင်းပါးရေးသားဖန်တီးမှုကို ခဏတာရပ်ထားတယ်လို့ ပြောရင်လည်း ရကောင်းရနိုင်ပါတယ်။ အကြောင်းဖန်ချင်တော့ ပင်တိုင်ဆောင်းပါးရှင်အဖြစ် လစဉ်ရေးသားပေးနေတဲ့ မြန်မာနိုင်ငံရဲ့တစ်ခုတည်းသော ဂိမ်းဂျာနယ် (Gamers Magazine) ကလည်း ဂျူလိုင်လကုန်ကစလို့ နောက်ထပ်ဂိမ်းစာစောင်တွေ ထပ်ထုတ်ခြင်း၊ မထုတ်ခြင်းကိစ္စနဲ့ပတ်သက်ပြီး ခေတ္တလုပ်ငန်းရပ်တန့်ထားတယ်လို့ အသိပေးအကြောင်းကြားလာတာကြောင့် လက်ရှိပြည်တွင်းဂိမ်းလောကနဲ့ပတ်သက်တဲ့ ကျွန်တော့်ရဲ့မျှော်လင့်ချက်တွေ ယုတ်လျော့သလိုဖြစ်ခဲ့ရပါတယ်။ ဒါပေမယ့် လတ်တလောကပဲ ထွက်ပေါ်လာခဲ့တဲ့ဂိမ်းသတင်းတွေနဲ့ ဂိမ်းလောကနောက်ဆုံးရဖြစ်ရပ်တွေဟာ ကျွန်တော့်ရဲ့ဆောင်းပါးရေးသားဖန်တီးလိုစိတ်ကို တွဲခေါ်အားပေးပြီး ပြန်လည်နှိုးဆွခဲ့ပါတယ်။ မြင်သာအောင်ပြောရမယ်ဆိုရင် ဒီတစ်ပါတ်ထဲမှာပဲ ဂိမ်းချစ်သူပရိသတ်တွေကြားသိခဲ့ရတဲ့ ဂိမ်းလောကသတင်းအဖြာဖြာဟာ အားလုံးအတွက် ဝမ်းသာလုံးဆို့ရလောက်အောင်ကို ပျော်ရွှင်ပီတိဖြစ်ရမယ့်အရာမျိုးတွေ အတော်များများပါနေလို့ပါပဲ။ အချို့သောအရာတွေကို ဂိမ်းချစ်သူတွေ သိကောင်းသိပြီးမှာဖြစ်သလို ဂိမ်းကုမ္ပဏီများဟာလည်း အချိန်ကောင်းမှာမှ ထုတ်ဖော်ပြသမယ်ဆိုတဲ့ရည်ရွယ်ချက်နဲ့ သူ့ထက်ငါအပြိုင်အဆိုင်ကို ဂိမ်းသစ်ထုတ်ဖော်ပြသမှုတွေ လုပ်လာကြပါတယ်။ အဲဒီထဲကမှ ပရိသတ်များရဲ့တစ်ခဲနက်အားပေးထောက်ခံမှုကိုရရှိထားပြီး ကျွန်တော်ကိုယ်တိုင်လည်း ရင်ခုန်စိတ်လှုပ်ရှားစွာ စောင့်ဆိုင်းမှုနေတာကတော့ လွန်ခဲ့တဲ့မကြာသေးခင်ကမှ DC ချန်နယ်က တင်ပေးခဲ့တဲ့ Batman: Gotham Knights ဂိမ်းပါပဲ 🦇🦇



မျိုးဆက်သစ်ဂိမ်းလောကမှာ ထွက်ရှိလာမယ်လို့ သတင်းအစအနတွေကြားသိနေရတဲ့ Batman ဂိမ်းသစ်အကြောင်းကို ဒီပေ့ချ်မှာဆောင်းပါးရေးပြီး တင်ဆက်ခဲ့ပါသေးတယ်။ အဲဒီအချိန်တုန်းက ဘယ်သူမှသတိမမူ၊ အာရုံမရသေးတဲ့အချိန်ဖြစ်တာကြောင့် ကျွန်တော်ကိုယ်တိုင်လည်းပေ့ချ်မှာတင်အပြီး မေ့မေ့ေပျောက်ပျောက်ပဲ နေခဲ့မိပါတယ်။ ဒါပေမယ့် အခုအချိန်မှာကြားသိခဲ့ရတဲ့သတင်းတွေအရ Court of Owls ကို အဓိကဗီလိန်အဖြစ် နေရာပေးထားပြီး Nightwing (Dick Grayson), Red Hood (Jason Todd), Robin (Tim Drake), Batgirl (Barbara Gordon) အစရှိတဲ့ Bat family အဖွဲ့ဝင်တွေနေရာကနေ ဝင်ရောက်ဆော့ကစားရမယ့် Batman: Gotham Knights ဂိမ်းဟာ DC ကို နှစ်ရှည်လများတစ်ခဲနက်အားပေးလာတဲ့ ကျွန်တော့်အတွက်တော့ တကယ့်ကိုနားဝင်ချိုကြားကောင်းလှတဲ့ သတင်းတစ်ခုပါပဲ။ အထူးသဖြင့် အမှောင်ထုထဲမှာလှုပ်ရှားပြီး လျှို့ဝှက်နက်နဲအင်အားကြီးတဲ့ Count of Owls ကို ဂိမ်းရဲ့အဓိကကျောရိုးဗီလိန်အဖြစ် မြင်တွေ့ရမှာဆိုတော့ ရင်ခုန်စိတ်လှုပ်ရှားရမယ်ဆိုတာ မဆန်းပါဘူး။ တစ်ကိုယ်တော်ဇာတ်လမ်းသွားအသားပေးဂိမ်းတွေနဲ့ အနုစိတ်စွာဖန်တီးထားတဲ့ဂိမ်းများအားလုံးဟာ ကျွန်တော့်ရဲ့ပင်တိုင်အားနည်းချက်လို့ဆိုရလောက်အောင် ရင်ကိုဆွဲခါလှုပ်စေနိုင်တဲ့ အနာဂတ်ဆန်သောဒီဂျစ်တယ်ဖန်တီးမှုတွေဖြစ်ကြပါတယ်။ ဒီနေရာမှာ အရင်ဆုံးအသိပေးလိုတာကတော့ လက်ရှိမှာပေါက်ကြားနေတဲ့ဂိမ်းများအားလုံးကို ကျွန်တော်သဘောတွေ့မိပါတယ်၊ Batman: Gotham Knights ဂိမ်းကို ပထမအဖွင့်ဆောင်းပါးအဖြစ် ပြန်လည်ရေးသားရတဲ့အကြောင်းကတော့ ဟိုအရင်ကလည်း စလုံးရေစထားဖူးတဲ့ ဆောင်းပါးတစ်ပုဒ်ရှိသလို စာဖတ်သူဂိမ်းပရိသတ်အားလုံးကို Batman နဲ့ Count of Owls တို့ကြားကအရှုပ်တော်ပုံတွေနဲ့ ဖြစ်ပွားခဲ့တဲ့ကိစ္စရပ်အချို့ကို အရင်ဆုံးတင်ဆက်ပေးချင်တာကြောင့် ဖြစ်ပါတယ်၊ ဒါတင်မကဂိမ်းသစ်တွေနဲ့ ပတ်သက်တဲ့ဆောင်းပါးတွေကိုလည်း တစ်ရက်ခြားတစ်ခါပေ့ချ်မှာ ရေးသားတင်ဆက်သွားဖို့ ရည်ရယ်ထားပြီးဖြစ်ပါတယ်။ ဆိုတော့ကာ အဆင်သင့်ဖြစ်ပြီဆိုရင် Batman: Gotham Knights မှာ Count of Owls ရဲ့ ပါဝင်ပတ်သက်မှုတွေက ဘယ်လိုလဲ? ဘယ်လိုမျိုးအသွင်ပုံစံနဲ့ သူတို့ကိုတွေ့မြင်ရမလဲ? ဒီဂိမ်းမှာဘာတွေကိုမျှော်လင့်လို့ရမလဲဆိုတာ တစ်ချက်လောက်ကြည့်လိုက်ကြစို့လားဗျာ ⬇️⬇️



ပထမဦးဆုံးဂိမ်းပရိသတ်တွေသိရမှာကတော့ ဒီဂိမ်းဟာအရင် Batman ဂိမ်းတွေဖြစ်တဲ့ Arkham စီးရီးထဲက Universe မှာ ဇာတ်အိမ်တည်ထားတာမဟုတ်ပါဘူး။ ၂၀၀၉ ခုနှစ်မှာစတင်ထွက်ရှိလာတဲ့ Batman: Arkham Asylum နဲ့ ၂၀၁၅ ခုနှစ်အထိနောက်ဆုံးထွက်ရှိထားတဲ့ Batman: Arkham Knights ကြားထဲက timeline ဖြစ်ရပ်တွေဟာ အခုလာမယ့် Batman: Gotham Knights အတွက်အကျုံးမဝင်ပါဘူး။ တကယ်တမ်းအတိအကျ timeline နဲ့ပတ်သက်လို့ Batman: Animated Series လား? DCAU လား? The New 52 က ဇာတ်လမ်းအကြောင်းအရာတွေကို အခြေခံပြီးပြန်လည်ခွဲထွက်တဲ့ DC Universe Animated Original Movies လား? ဒါမှမဟုတ် သက်သက်ဖန်တီးတည်ဆောက်ထားတဲ့ timeline အသစ်တစ်ခုလား? ဆိုတာကတော့ DC နဲ့ Warners Bros Montreal ဘက်က ဘာမှမထုတ်ပြန်ထားသေးပါဘူး။ Batman: Gotham Knights ဂိမ်းသစ်ရဲ့ထုတ်ဖော်ပြသမှုမှာ တကယ့်ကိုအရေးကြီးတဲ့အခန်းကဏ္ဍတစ်ခုကတော့ Bat family ကအဓိကရင်ဆိုင်ရမယ့် ရန်သူဂိုဏ်းဟာ Gotham မြို့ရဲ့နောက်ကွယ်က ခွန်အားကြီးတဲ့အင်အားစုတစ်ခုဖြစ်တဲ့ Count of Owls ဖြစ်တယ်ဆိုတာပါပဲ။ DC Universe ထဲမှာပါဝင်တဲ့ Batman ရဲ့မဟာရန်သူတွေထဲမှာမှ Court of Owls ဟာ စိတ်ဝင်စားဖို့အကောင်းဆုံးနဲ့ လျှို့ဝှက်အနက်နဲဆုံးလို့ ကောက်ချက်ချသုံးသပ်လို့ရပါတယ်။ အားလုံးလည်းသိကြတဲ့အတိုင်း Batman ဆိုတဲ့ ဇာတ်ကောင်ဟာ သူရဲ့ရန်သူတိုင်းအတွက် တစ်ကွက်မဟုတ်တစ်ကွက် ဆရာစားအမြဲချန်ပြီး နောက်ဆုံးမှာမှ လက်တစ်လုံးခြားအနိုင်ယူတတ်တဲ့ဂုဏ်သတ္တိကို အသားပေးထားတဲ့ ဇာတ်ကောင်ဖြစ်ပါတယ်။ Batman ရဲ့ဇာတ်ကောင်အရည်အသွေးမှာ အခြေအနေနဲ့အချိန်အခါကိုလိုက်ပြီးလူသားတွေရဲ့ဆင့်ကဲပြောင်းလဲနိုင်မှု၊ လူသားတို့ရဲ့အားမတန်မာန်တင်းတဲ့ ရုန်းကန်ရှင်သန်မှုနဲ့ အံ့မခန်းလုပ်ဆောင်နိုင်စွမ်းကို အဓိကဖော်ကျူးထားတာကြောင့် တစ်ကမ္ဘာလုံးက ပရိသတ်တွေဟာ Batman တဖြစ်လဲ Burce Wayne ကို လေးစားကြိုက်နှစ်သက်ကြတာ ဖြစ်ပါတယ်။ ဒါပေမယ့် Court of Owls နဲ့ ရင်ဆိုင်တွေ့ရတဲ့အချိန်မှာ Batman ကြုံတွေ့ရတဲ့ဒုက္ခတွေဟာ သူတစ်ခါမှမရင်ဆိုင်ဖူးတဲ့အရာတွေဖြစ်နေပြန်ပါတယ်။ အဲဒီမှာစပြီး ကျွန်တော်ဟာ Court of Owls ကို စတင်စိတ်ဝင်စားခဲ့ရတာပါ 🧐



တရားဥပေဒမျှတမှုဘက်ကရပ်တည်ပြီး ကမ္ဘာ့အတော်ဆုံးစုံထောက်လို့ချီးမွန်းခြင်းခံရတဲ့ Batman ရဲ့ဆည်းပူးလေ့လာခြင်းဉာဏ်ပညာနဲ့ သိုမြီးထားတဲ့ဗဟုသုတပမာဏကို DC Universe ရဲ့ စွယ်စုံကျမ်း encyclopedia လို့ အမွှန်းတင်လို့ရပါတယ်။ ဒါပေမယ့် Court of Owls အဖွဲ့အစည်းရဲ့ဖြစ်တည်မှုကို ကိုယ်တိုင်နဖူးတွေ့ဒူးတွေ့မကြုံခင်မထိ Batman တစ်ယောက် မသိဘူးဆိုကတည်းက Gotham နောက်ကွယ်မှာရှိနေတဲ့ Court of Owls ဟာ ဘယ်လောက်တောင်လျှို့ဝှက်နက်နဲတဲ့အဖွဲ့အစည်းဖြစ်သလဲဆိုတာ အတိုင်းသား ပေါ်လွင်စေပါတယ်။ Batman ကိုပိုပြီးခေါင်းနပန်းကြီးစေတဲ့အချက်က Court of Owls ဟာ ဟိုးလွန်ခဲ့တဲ့ရာစုနှစ်ပေါင်းများစွာ (၁၅ ရာစုဝန်းကျင်) ကတည်းက Gotham မြို့ရဲ့ဖြစ်တည်မှုကဏ္ဍရပ်အသီးသီးကို နောက်ကွယ်က တိတ်တခိုးကြိုးဆွဲနေတဲ့ အင်အားကြီးလျှို့ဝှက်အဖွ့ဲအစည်းတစ်ခု ဖြစ်တယ်ဆိုတာပါပဲ။ Court of Owls အဖွဲ့အစည်းဟာ အာဏာရှိနိုင်ငံရေးသမားတွေ၊ ချမ်းသာကြွယ်ဝတဲ့စီးပွားရေးပညာရှင်တွေ၊ လက်ရာမြောက်ဗိသုကာပညာရှင်တွေအစရှိတဲ့ Gotham ရဲ့ထိပ်သီးမြို့မျက်နှာဖုံးတွေနဲ့ တည်ဆောက်ထားတဲ့ နှစ်ပေါင်းရာချီသက်တမ်းရှိ ရှေးဟောင်းလျှို့ဝှက်အဖွဲ့အစည်းတစ်ခုဖြစ်ပါတယ် (အမှန်တရားတစ်ခုအပေါ်မှာအခြေခံထားပေမယ့် လူတွေရဲ့တစ်ဆင့်စကားတစ်ဆင့်နားနဲ့ မခိုင်လုံတဲ့အကြောင်းအချက်ပြန့်နှံ့မှုတွေကြောင့် ယုံတမ်းစကားယောင်ယောင်၊ စိတ်ကူးယဉ်ဇာတ်လမ်းယောင်ယောင်လို့ လူတွေသတ်မှတ်ထားကြတဲ့ Conspiracy Theory တွေထဲက လျှို့ဝှက်အဖွဲ့အစည်းလိုမျိုး Court of Owls ကို သတ်မှတ်နိုင်ပါတယ်)။ Gotham မြို့ရဲ့နိုင်ငံရေး၊ စီးပွားရေး၊ လှုမှုရေးနဲ့ ရာဇဝတ်မှုအဖြာဖြာကို ကန့်လန်ကာနောက်ကွယ်ကနေ ကြိုးကိုင်နေတဲ့ Court of Owls ဟာ တစ်ချိန်မဟုတ်တစ်ချိန်မှာတော့ Wayne Enterprise ရဲ့မျိုးဆက်ဖြစ်တဲ့ Bruce Wayne နဲ့ထိပ်တိုက်ရင်ဆိုင်တွေ့ရမှာအမှန်ပါပဲ။ Comics ထဲမှာဆိုရင်တော့ Gotham မြို့ကို ပြန်လည်မြေလှန်ထူထောင်တည်ဆောက်မယ်ဆိုတဲ့ Bruce Wayne ရဲ့ရည်ရွယ်ချက်နဲ့ပတ်သက်ပြီး Bruce Wayne ရဲ့လုပ်ရပ်တွေဟာ Count of Owls ရဲ့လုပ်ငန်းစဉ်နဲ့ အခွင့်အာဏာကို တစ်နည်းမဟုတ်တစ်နည်းထိပါးလာနိုင်တယ်လို့ ယူဆတဲ့အတွက် Bruce ကို စတင်လုပ်ကြံခြင်းကနေ နှစ်ဦးနှစ်ဖက်တွေ့ဆုံမှု စတင်လာခဲ့တာဖြစ်ပါတယ်။ Court of Owls အဖွဲ့အစည်းရဲ့သဘောသဘာဝါနဲ့ ပုံပန်းသွင်ပြင်ကိုလေ့လာချင်တယ်ဆိုရင်တော့ ၂၀၁၄ ခုနှစ်ကထွက်ရှိခဲ့တဲ့ Batman: Son of Batman Animated Movie ကို အရင်ဆုံးကြည့်ရှုကြဖို့ တိုက်တွန်းလိုက်ရပါတယ်။ Court of Owls နဲ့ Wayne Enterprise ရဲ့ဆက်နွှယ်မှုဟာ ဒီတစ်ခေါက်မှာမှမဟုတ် Bruce ရဲ့မိဘဘိုးဘေးဘီဘင်တွေလက်ထက်ကတည်းကို တည်ရှိနှင့်တာဖြစ်ကြောင်းကို Bruce တစ်ယောက် ရှာဖွေသိရှိပြီးနောက်မှာတော့ ဘာတွေဆက်ဖြစ်လာမလဲဆိုတာကတော့ ကျွန်တော်တို့တစ်တွေဟာ Batman: Gotham Knights ဂိမ်းမှာ ကိုယ်တိုင်ကိုယ်ကျတွေ့မြင်ခံစားရမှာဖြစ်ပါတယ် 🖤



Scott Synder ဖန်တီးရေးသားပြီး ၂၀၁၁ ခုနှစ်မှာ စတင်ပွဲထွက်ခဲ့တဲ့ Court of Owls အဖွဲ့အစည်းဟာ ၂၀၂၀ ခုနှစ်၊ လက်ရှိ timeline အထိ DC Universe ထဲမှာ သက်ရှိထင်ရှားကျန်ရှိနေသေးတဲ့ လျှို့ဝှက်အင်အားစုတစ်ခုဖြစ်တာကြောင့် Bat family အဓိကထိပ်တိုက်ရင်ဆိုင်ဖြိုခွင်းရမယ့် ရန်သူအဖွဲ့အစည်းတွေထဲကတစ်ခုအဖြစ်ရှိလို့နေပါတယ်။ မျိုးဆက်သစ်ဂိမ်းစက်ဖြစ်တဲ့ Playstation 5 မှာဆော့ကစားနိုင်မယ်လို့ လက်ရှိအချိန်မှာသိထားရတဲ့ Batman: Gotham Knights ဂိမ်းရဲ့နောက်ထပ်ရသတင်းတွေကိုတော့ Warners Bros Montreal က အချိန်နဲ့တစ်ပြေးညီ ဆက်လက်ထုတ်ပြန်သွားပါလိမ့်မယ်။ ဆိုတော့ကာ ဒီဆောင်းပါးလေးကိုဖတ်ပြီး အသစ်လာမယ့် Batman ဂိမ်းအတွက် အားလုံးရင်ခုန်စိတ်လှုပ်ရှားနေကြမယ်လို့ ယုံကြည်မိပါတယ်။ အခုလိုဂိမ်းဆောင်းပါးတွေကို ပေ့ချ်မှာ အချိန်မှန်ရေးသားတင်ဆက်ပေးသွားမှာဖြစ်တာကြောင့် ဂိမ်းပရိသတ်များအနေနဲ့ စောင့်မျှော်ဖတ်ရှုနိုင်ကြောင်းကိုလည်း သတင်းကောင်းပါးလိုက်ရပါတယ်။ ဒီဆောင်းပါးအောက်မှာလည်း အရင်ကရေးသားခဲ့ဖူးတဲ့ Batman ဂိမ်းအသစ်ဆောင်းပါးရဲ့လင့်ခ်ကို တစ်ခါတည်းဖြည့်စွက်ဖော်ပြထားလိုက်ရပါတယ်။ ဖတ်ရှုသူဂိမ်းချစ်ပရိသတ်အားလုံးကို ကျေးဇူးအထူးတင်ရှိကြောင်းပြောရင်း မကြာခင်မှာကျွန်တော်တို့တွေ ပြန်လည်ဆုံတွေ့ကြပါမယ် 🤜🤛

Yan

မကြာခင်မှာ ပွဲထွက်လာမယ့် Monster Hunter Live Action ရုပ်ရှင်ဇာတ်ကားကို ဂိမ်းနဲ့ ရုပ်ရှင်ပရိသတ်တွေအားလုံးက ဘယ်လိုပုံစံနဲ့တွေ့မြင်ရမှာလဲ? 🦖🏞

၂၀၁၇ ခုနှစ်ကထွက်ရှိခဲ့တဲ့ CAPCOM ရဲ့ Monster Hunter World ဂိမ်းဟာ ဂိမ်းလောကတစ်ခွင်မှာလူကြိုက်များပြီး ကျယ်ပြန့်ကြီးမားတဲ့ဂိမ်းလောကနဲ့ သူမတူထူးခြားတဲ့ဂိမ်းစနစ်တည်ဆောက်မှုတွေကြောင့် ပရိသတ်အကြိုက်ဘဝင်ခိုက်ခဲ့ရတဲ့ လက်ရာမြောက်ဂိမ်းတစ်ခုဆိုရင်လည်း မမှားပါဘူး။ ထွက်ရှိလာချိန်ကတည်းက အခု ၂၀၂၀ ခုနှစ်ရောက်တဲ့အထိ အချိန်သုံးနှစ်တာကာလအတွင်း ဆော့ကစားသူသန်းပေါင်းများစွာရှိခဲ့ပြီး လက်ရှိအချိန်အထိကို ကစားသူတွေစဉ်ဆက်မပြတ် ရှိနေသေးတဲ့အတွက် Monster Hunter franchise ရဲ့ အနာဂတ်နဲ့ပတ်သက်ပြီး CAPCOM ဘက်က ဘာတွေဆက်လုပ်သွားမလဲဆိုတာ အားလုံးကသိချင်နေကြပါတယ်။ အဲဒီလိုအောင်မြင်ခဲ့တဲ့ Monster Hunter ဂိမ်းရဲ့ အနာဂတ်ခြေလှမ်းတွေထဲက ပရိသတ်တွေကိုဖမ်းစားနိုင်ခဲ့တဲ့ အကြောင်းအရာတစ်ခုကတော့ ရက်စက်ကြမ်းကြုတ်လှတဲ့ ဂိမ်းထဲကသတ္တဝါပေါင်းများစွာကို ရုပ်ရှင်ဖန်သားပြင်ထက်မှာ လက်တွေ့အဆန်ဆုံးပုံစံနဲ့ အံ့မခန်းကြည့်ရှုကြရမယ့် Monster Hunter Live Action ရုပ်ရှင်ဇာတ်ကားပါပဲ။ Resident Evil ရုပ်ရှင်ဇာတ်ကားစီးရီးရဲ့ ဒါရိုက်တာဖြစ်သူ Paul W. S. Anderson ကိုယ်တိုင် Monster Hunter ဇာတ်ကားကို အသက်သွင်းဖန်တီးနေပြီဆိုတဲ့ သတင်းဟာ ၂၀၁၂ ခုနှစ်ကတည်းက မီဒီယာတွေကြားမှာ ပြန့်နှံ့နေခဲ့တာမှန်ပေမယ့် တကယ်တမ်း ၂၀၁၇ ခုနှစ်နှောင်းပိုင်းမှာမှ ပြင်ဆင်မှုစတင်ခဲ့တာဖြစ်ပါတယ်။ Monster Hunter World ဂိမ်းဟာ ဂိမ်းလောကတစ်ခွင်မှာ ပရိသတ်တွေရဲ့အသည်းစွဲဂိမ်းတစ်ခုဖြစ်တဲ့အပြင် CAPCOM ရဲ့အရည်အသွေးမြင့်ထုတ်ကုန်တစ်ခုဖြစ်တာကြောင့် လာမယ့် Monster Hunter Live Action ရုပ်ရှင်ကားကရော ဘယ်လိုမျိုးအကောင်းဆုံးတွေပြင်ဆင်ထားမလဲဆိုတာ တစ်ချက်လောက်ကြည့်လိုက်ရအောင်လားဗျာ 🤓🎬

Monster Hunter ဆိုတဲ့နာမည်နဲ့ အရည်အသွေးမြင့်ရုပ်ရှင်ဇာတ်ကားအဖြစ် ပွဲထွက်လာမယ့် Monster Hunter ဇာတ်ကားမှာ ပရိသတ်တွေတွေ့မြင်ရမယ့် အဓိကသရုပ်ဆောင်တွေကတော့ အထွေအထူးမိတ်ဆက်ပေးစရာမလိုလောက်အောင် အားလုံးနဲ့ရင်းနှီးပြီးသားဖြစ်တဲ့ Resident Evil ရုပ်ရှင်တစ်လျှောက်လုံးရဲ့ အဓိကဇာတ်ဆောင်မင်းသမီး Milla Jovovich, ပြင်းထန်လှတဲ့တိုက်ကွက်တွေနဲ့ ဒူး၊ တံတောင်ကိုအသုံးချတဲ့ မွေထိုင်းရိုးရာသိုင်းကို အလှအပဆုံးဖော်ကျူးနိုင်တဲ့ Ong-back ဇာတ်ကားရဲ့မင်းသား Tony Jaa, အမေရိကန်အတ္တလန်တမြို့ရဲ့ Trap ရက်ပ်ဂီတကို ဦးဆောင်ဖန်တီးခဲ့တဲ့လက်ဦးဆရာဖြစ်သူ T.I အစရှိတဲ့နာမည်ကျော်တွေအပြင် အခြားသောသရုပ်ဆောင်များဖြစ်တဲ့ Ron Perlman, Diego Boneta နဲ့ Meagan Good တို့က ကျရာနေရာကနေ အကောင်းဆုံးပါဝင်အားဖြည့်ထားကြပါတယ်။ ဒီ Monster Hunter ဇာတ်ကားကို ၂၀၁၈ ခုနှစ်၊ အောက်တိုဘာလအတွင်း တောင်အာဖရိကရဲ့ Cape Town မှာသွားရောက်ရိုက်ကူးထားတယ်လို့သိရပြီး Constantin Film က တာဝန်ယူရိုက်ကူးပေးထားတာဖြစ်ပါတယ်။ အကြမ်းဖျင်းဖော်ပြထားတဲ့ဇာတ်လမ်းကျောရိုးကတော့ ကမ္ဘာ့ကုလသမဂ္ဂအဖွဲ့ (United Nation) ရဲ့အထူးစစ်တပ်ဟာ Portal တစ်ခုကတဆင့် လူသားတွေနဲ့ ခွန်အားကြီးသတ္တဝါတွေ အချင်းချင်းတိုက်ခိုက်ကြတဲ့ အမည်မသိကမ္ဘာတစ်ခုဆီရောက်ရှိသွားရာကနေ ဇာတ်လမ်းစတင်မှာဖြစ်တယ်လို့ သိရပါတယ်။ Live Action ဇာတ်ကားထဲမှာ ဘယ်လိုမျိုးပကတိထိတ်လန့်ဖွာကောင်းတဲ့ သားရဲသတ္တဝါကြီးတွေကိုမြင်ရမလဲ? လူသားတွေဘက်ကရော ဘယ်လိုအစွမ်းထက်တဲ့လက်နက်တွေနဲ့ ပြန်လည်တိုက်စစ်ဆင်ခုခံမလဲ? ဇာတ်လမ်းတည်ဆောက်ပုံနဲ့ ဂိမ်းပရိသတ်တွေကို ဘယ်လိုဆွဲဆောင်သွားမလဲ? အစရှိတာတွေကတော့ စိတ်ဝင်စားဖွယ်စောင့်ကြည့်ရတော့မှာပါ 🦕🌳

CAPCOM ရဲ့နာမည်ကျော်ဂိမ်းကို အခြေခံထားတဲ့ Monster Hunter Live Action ရုပ်ရှင်ကို Sony Pictures Releasing ကအမေရိကန်အတွက်၊ Tencent Pictures ကတရုတ်အတွက်နဲ့ Toho Towa ကဂျပန် အသီးသီးဖြန့်ချိသွားကြမှာဖြစ်ပါတယ်။ ထွက်ရှိလာမယ့်ရက်စွဲကတော့ သိပ်မကြာတော့တဲ့ ၂၀၂၀ ခုနှစ်၊ စက်တင်ဘာလ ၄ ရက်နေ့ဖြစ်တယ်လို့ အတိအလင်းကြေညာထားတဲ့အတွက် ဂိမ်မာများအနေနဲ့ အချိန်ဘယ်လောက်မှစောင့်နေရတော့မှာမဟုတ်ပါဘူး။ အောင်မြင်ကျော်ကြားထားပြီးသား နာမည်ကျော်ဂိမ်းများကို ရုပ်ရှင်သရုပ်ဆောင်များနဲ့ အစားထိုးပြီး Live Action ဇာတ်ကားတွေအဖြစ် ပြန်လည်အသက်သွင်းရိုက်ကူးတဲ့အခါ ဘယ်လောက်တောင်မှ မှန်းချက်နဲ့နှမ်းထွက်မကိုက်တတ်သလဲဆိုတာ ဂိမ်းလောကသားတွေအသိဆုံးဖြစ်ပါတယ်။ ဆိုတော့ကာ ၂၀၂၀ ခုနှစ်၊ စက်တင်ဘာလမှာ ထွက်လာမယ့် CAPCOM ရဲ့ Monster Hunter ဇာတ်ကားကရော ဘယ်လိုတွေအကြောင်းဖန်လာဦးမှာလဲ ဆိုတာကတော့ ဂိမ်းချစ်သူတွေအကုန် စောင့်မျှော်ရင်း အကဲဖြတ်သုံးသပ်ကြရမှာပါ။ အချိန်နှစ်လလောက်ပဲ စောင့်ရမှာဖြစ်တာကြောင့် Monster Hunter ဇာတ်ကားဟာ ဘယ်လိုပုံစံနဲ့ အားလုံးဆီရောက်ရှိလာမှာလဲဆိုတာ မကြာခင်သိရှိရတော့မှာဖြစ်ပါတယ်။ အားလုံးပဲ ဒီသတင်းလေးကိုဖတ်ရင်း ကျေနပ်ကြလိမ့်မယ်ထင်ပါတယ်။ အခုလိုပဲ ဂိမ်းလောကတစ်ခွင်ကစိတ်ဝင်စားဖို့ကောင်းတဲ့ သတင်းအကြောင်းအရာဆောင်းပါးတွေကို အချိန်မှန်တင်ဆက်သွားမှာဖြစ်တာကြောင့် အားလုံးပဲစောင့်ဆိုင်းနိုင်ပါတယ်။ ဖတ်ရှုသူများအားလုံးကို ကျေးဇူးအထူးပဲတင်ရှိပါတယ်။ မကြာခင်မှာ ကျွန်တော်တို့ပြန်လည်ဆုံတွေ့ကြပါမယ် 💚💚

Yan

၂၀၂၀ နှစ်ကုန်ပိုင်းအားလပ်ရက်ရာသီမှာ အသီးသီးထွက်ရှိလာမယ့် Assassin's Creed: Vahalla နဲ့ Cyberpunk 2077 တို့ရဲ့အားပြိုင်မှုမှာ ဘယ်သူကပိုပြီးအားသာနေသလဲ? 💜💚

၂၀၂၀ ခုနှစ်မှာဂိမ်းလောကအတွက် ဂုဏ်ယူဖို့ကောင်းပြီး ရသစုံလင်ပြောင်မြောက်တဲ့ဂိမ်းတွေ အမြောက်အမြားထွက်လာခဲ့ကြသလို တစ်ကမ္ဘာလုံးကဂိမ်းချစ်သူတွေရဲ့အားပေးစောင့်မျှော်မှုတွေကို တစ်ခဲနက်ရရှိထားတဲ့ဂိမ်းတွေဟာဆိုရင်လည်း အားလုံးရဲ့လက်တကမ်းမှာ ထွက်ဖို့ကျန်ရှိနေပါသေးတယ်။ ၂၀၂၀ ခုနှစ်၊ ဇန်နဝါရီလကစပြီး လစဉ်အသီးသီးထွက်ရှိခဲ့ကြတဲ့ Dragon Ball Z: Kakarot, Nioh 2, Ori and Will of the Wisps, Call of Duty: Warzone, Half-Life: Alyx Predator: Hunting Grounds, Final Fantasy Vll: Remake, Resident Evil 3: Remake အစရှိတဲ့ဂိမ်းတွေဟာ နယ်ပယ်အသီးသီးက ဂိမ်းချစ်သူတွေအကြိုက်တွေ့ပြီး သင့်တင့်မျှတတဲ့ဝေဖန်မှုတချို့နဲ့ နာမည်ကောင်းတွေအညွှန့်တလူလူ ဝေဆာခဲ့ကြတဲ့ ဂိမ်းတွေဖြစ်ပါတယ်။ သိပ်မကြာသေးခင်ကပဲ ဂိမ်းတစ်လောကလုံး ခုနှစ်တိုင်တိုင်စောင့်ဆိုင်းခဲ့ရတဲ့ The Last of Us: Part 2 ဂိမ်းဟာလည်း အားလုံးဆီ ဆိုက်ဆိုက်မြိုက်မြိုက်ရောက်ရှိလို့လာခဲ့ပြန်ပါတယ်။ သို့ပေမယ့် ထွက်ရှိလာပြီးချင်းချင်းပဲ ဂိမ်းရဲ့ဇာတ်ကြောင်းဇာတ်အိမ်ယုတ္တိမတန်မှု၊ လူစိတ်မဝင်စားတဲ့ဇာတ်ကောင်သစ်တွေကို ဂိမ်းရဲ့အရေးကြီးအခန်းကဏ္ဍတွေမှာ ထည့်သွင်းထားမှု၊ လူမဆန်ယုတ်ညံ့တဲ့ ဇာတ်လမ်းအချိုးအကွေ့တွေနဲ့ အနောက်တိုင်းနိုင်ငံများရဲ့ဝါဒလမ်းစဉ်ပြဌာန်းထားမှုတွေပါဝင်နေတာကြောင့် ဂိမ်းမီဒီယာကြီးတွေရဲ့ ချီးမြှောက်ဖုံးဖိမှုမြောက်မြားစွာကြားကနေ The Last of Us: Part 2 သတင်းများဟာ အနံ့တလှိုင်လှိုင်သင်းလို့ နာမည်ဆိုးနဲ့ကျော်ကြားခဲ့ရပါတယ်။ ဖြစ်ခဲ့တာတွေကတော့ နလန်မထူခေါင်းမဖော်နိုင်လောက်အောင်ကို ဖြစ်ပျက်ခဲ့ပြီးပါပြီ၊ အဲဒီတော့ ကျွန်တော်တို့ဂိမ်မာတွေအနေနဲ့ အဲဒီအချင်းအရာတွေဆီက သင်ခန်းစာနဲ့ အမှားတွေကိုပြန်လည်ရှာဖွေပြီး ရှေ့ကိုဆက်လက်လျှောက်လှမ်းရမှာဖြစ်တာကြောင့် လာမယ့် ၂၀၂၀ ခုနှစ်ရဲ့နောက်ထပ်နှစ်ဝက်မှာ ဘယ်လိုမျိုးဂိမ်းတွေထွက်ဖို့ကျန်ရှိနေသလဲဆိုတာ တစ်ချက်လောက်ကြည့်လိုက်ကြစို့လားဗျာ ✍️⬇️



လက်ရှိအချိန်ကာလမှာ ဂိမ်းလောကတစ်ခွင်လူပြောအများဆုံးနဲ့ ပရိသတ်တွေရဲ့စိတ်ဝင်စားမှုကို အုံ့လိုက်ကျင်းလိုက် ရရှိနေတာကတော့ CD Projekt Red ရဲ့ Cyberpunk 2077 နဲ့ Ubisoft ရဲ့ Assassin's Creed: Vahalla ဂိမ်းနှစ်ခုပဲ ဖြစ်ပါတယ်။ တိုက်ဆိုင်ချင်တော့ CD Projekt Red နဲ့ Ubisoft ဂိမ်းကုမ္ပဏီနှစ်ခုက ဥရောပတိုက်ရဲ့နာမည်ကျော်ဂိမ်းရေးဆွဲဖန်တီးဖြန့်ချိသူများဖြစ်ကြပြီး လတ်တလောကပဲ ပြိုင်ဆိုင်မှုအချို့ဖြစ်ထားခဲ့တာပါ၊ အဲဒါကဘာလဲဆိုတော့ Witcher ဇာတ်လမ်း Netflix စီးရီးရဲ့ ပြန့်နှံ့အားကောင်းတဲ့အရှိန်အဟုန်ကြောင့် ပိုလန်အခြေစိုက်ဂိမ်းကုမ္ပဏီ CD Projekt Red ရဲ့ The Witcher 3: Wild Hunt ဂိမ်းဟာ ဟိုးလေးတစ်ကျော်ရောင်းအားတတ်သွားခဲ့ပြီး ဥရောပတိုက်ရဲ့ပထမနေရာက တန်ဖိုးအမြင့်ဆုံးဂိမ်းကုမ္ပဏီအဖြစ် Ubisoft ကို ကျော်လွန်သွားခဲ့တာပါပဲ။ ဥရောပတိုက်ရဲ့တန်ဖိုးအမြင့်ဆုံးဂိမ်းကုမ္ပဏီဂုဏ်ပုဒ်ကို ဆယ်စုနှစ်တစ်ခုလောက် ဆွတ်ခူးထားနိုင်ခဲ့တဲ့ ပြင်သစ်အခြေစိုက်ဂိမ်းကုမ္ပဏီ Ubisoft အနေနဲ့ သတိမမူခဲ့စဉ်မှာ လက်မတင်လေးနောက်ကျကျန်ခဲ့တဲ့အတွက် ဖန်တီးမှုလက်ရာပြောင်မြောက်လွန်းလှတဲ့ အမိုက်စားဂိမ်းတွေကိုချပြပြီး CD Projekt Red ကိုပြန်လည်တုံ့ပြန်လာမယ်လို့ ဂိမ်းဂျာနယ်လစ်တွေနဲ့ ဂိမ်းလောကသုံးသပ်သူများက မျှော်လင့်ထားကြပါတယ်။ တကယ်တမ်း အားလုံးထင်သလိုလည်း အခြေအနေဖန်လာခဲ့ဟန်ရှိနေပါတယ်၊ ဘာကြောင့်လဲဆိုတော့ Ubisoft ဘက်က ဧပြီလ ၃၀ ရက်နေ့မှာ အားလုံးပါးစပ်အဟောင်းသားဖြစ်သွားစေတဲ့ ပရိသတ်အကြိုက် Assassin's Creed: Vahalla ထွေလာကို ဆိုင်းမဆင့်ဘုံမဆင့် ချပြခဲ့လို့ပါပဲ။ သတင်းအချက်အလက်ပေါက်ကြားမှုအချို့နဲ့ လွန်ခဲ့တဲ့တစ်နှစ်လောက်ကတည်းက Assassin's Creed ဂိမ်းသစ်ရဲ့ကောလဟာလတွေဟာ ဂိမ်းမီဒီယာတစ်ခွင်မှာ လှည့်လည်နေခဲ့တာ အခုဆိုရင်တော့ Viking ခေတ်မှာဇာတ်အိမ်တည်ထားပြီး အင်္ဂလိပ်ဘုရင့်စစ်တပ်နဲ့ ရင်ဆိုင်မယ့် Assassin's Creed: Vahalla ဂိမ်းဟာ တကယ်အကောင်အထည်ပေါ်လာခဲ့ပါပြီ 🌌🌙

CD Projekt Red ဘက်ကို တစ်ချက်ပြန်ကြည့်မယ်ဆိုရင် Cyberpunk 2077 ဂိမ်းဟာ ၂၀၁၃ ခုနှစ်ကတည်းက ဂိမ်းလောကတစ်ခုလုံးကို ထွေလာနဲ့ အရိပ်အမြွက်ပြအမြည်းကျွေးထားခဲ့တာ အခုဆိုရင် ၇ နှစ်တိုင်တိုင်ကြာမြင့်ခဲ့ပြီဖြစ်ပါတယ်။ နှစ်စဉ်ကျင်းပလေ့ရှိတဲ့ E3 ပွဲတိုင်းမှာ Cyberpunk 2077 ရဲ့ပုံရိပ်တွေကို ပုံမှန်တွေ့မြင်နေရာကနေ နောက်ဆုံးတော့ ၂၀၂၀ ခုနှစ်၊ ဧပြီလ ၁၆ ရက်နေ့ကို ဂိမ်းထွက်ရှိမယ့်ရက်စွဲလို့ တရားဝင်ကြေညာပေးခဲ့ပါတယ်၊ အဲဒီလိုနဲ့ ကြားကာလအတွင်းမှာ အကြောင်းအမျိုးမျိုးကြောင့် ထွက်ရှိမယ့်ရက်ကို ဧပြီလကနေ စက်တင်ဘာလ ၁၇ ရက်အထိ နောက်ဆုတ်သွားခဲ့ပြန်ပါတယ်။ ဒီလိုနဲ့ ဂိမ်းလောကတစ်ခွင်လုံး စက်တင်ဘာလအရောက်ကို စောင့်မျှော်နေရာကနေ CD Projekt Red ဘက်က ထုတ်ပြန်ချက်အသစ်တစ်ခုကို ထပ်မံထုတ်ပြန်ခဲ့ပါတယ်၊ အဲဒါကတော့ ဂိမ်းပရိသတ်တွေမျှော်တလင့်လင့်နဲ့ လည်ပင်းဆန့်ပြီးစောင့်ဆိုင်းရမယ့်နေ့တွေက ပြီးဆုံးသွားခဲ့ပြီဆိုတဲ့ အဆုံးသတ်ထုတ်ပြန်ချက်ပါပဲ၊ ဘာလို့လည်းဆိုတော့ မူလဂိမ်းထွက်ရှိမယ့်ရက်စွဲဖြစ်တဲ့ စက်တင်ဘာလကို ထပ်မံနောက်ဆုတ်ရွေ့ဆိုင်းပြီး ၂၀၂၀ ခုနှစ်၊ နိုဝင်ဘာလ ၁၉ ရက်နေ့မှာ Cyberpunk 2077 ကို တစ်ကမ္ဘာလုံးအတိုင်းအတာနဲ့ တရားဝင်ထုတ်ပေးသွားမယ်လို့ ထုတ်ပြန်ခဲ့တာကြောင့်ပါပဲ။ အချိန်တစ်လလေးစောင့်လိုက်ရတာဟာ ဂိမ်မာတွေအတွက် ဝန်ထုပ်ဝန်ပိုးတစ်ခုမဟုတ်ပါဘူး၊ ဒါပေမယ့် အဲဒီလိုရက်ရွေ့လိုက်တာဟာ ၂၀၂၀ နှစ်ကုန်ပိုင်း၊ အားလပ်ရက်ရာသီမှာမှ ထွက်ရှိမယ့် Ubisoft ရဲ့ Assassin's Creed: Vahalla ဂိမ်းနဲ့ တကူးတက မျက်နှာချင်းဆိုင်လိုက်တဲ့ သဘောသက်ရောက်သွားပါတယ်။ Ubisoft ဘက်ကလည်း CD Projekt Red ရဲ့အခုရက်နောက်ဆုတ်မှုကို လုံးဝမှသဘောမကျပေမယ့်လို့ ကိုယ်ဖန်တီးထားတဲ့ဂိမ်းအပေါ်မှာ ယုံကြည်မှုရှိစွာနဲ့ ၂၀၂၀ နှစ်ကုန်၊ အချိန်ကာလတစ်ဝိုက်မှာပဲ သူတို့ရဲ့ Assassin's Creed: Vahalla ကို ထုတ်သွားမယ့် အနေအထားမှာရှိနေပါတယ် 🤜🤛

ဂိမ်မာများအနေနဲ့ ထွက်လာမယ့်ဂိမ်းနှစ်ခုလုံးရဲ့ သက်ဆိုင်တဲ့ဂိမ်းထွေလာတွေ၊ ဗီဒီယိုအပိုင်းအစတွေကို ကြည့်တန်သင့်သလောက် ကြည့်ပြီးသွားပြီလို့ ယူဆပါတယ်။ ဆိုတော့ကာ CD Projekt Red ရဲ့ Cyberpunk 2077 နဲ့ Ubisoft ရဲ့ Assassin's Creed: Vahalla မှာ ဘယ်သူကပိုပြီးအားသာနေသလဲဆိုတာကတော့ ကိုယ့်အကြိုက်နဲ့ကိုယ်သာဆုံးဖြတ်ရမှာပါပဲ။ သေချာပြန်စဉ်းစားကြည့်မယ်ဆိုရင် RPG နယ်ပယ်ချင်းတူပေမယ့် အမျိုးအစားရော၊ ဂိမ်းဇာတ်ကြောင်းတည်ဆောက်မှုအရပါ လုံးလုံးလျားလျားကွဲပြားနေတဲ့ Assassin's Creed: Vahalla နဲ့ Cyberpunk 2077 ဟာ ၂၀၂၀ ခုနှစ်ရဲ့ဂိမ်းလောကမျက်နှာစာမှာ လွန်စွာစိတ်ဝင်စားဖို့ကောင်းမယ့် လွန်ဆွဲပွဲမျိုးဖြစ်နေပါတယ်။ ဘာကြောင့်လည်းဆိုတော့ အထက်ပါဂိမ်းနှစ်ခုစလုံးဟာ နာမည်ကျော်ဥရောပဂိမ်းကုမ္ပဏီနှစ်ခုရဲ့ နောက်ဆုံးဖန်တီးမှုလက်ရာသစ်တွေဖြစ်တဲ့အပြင် မျိုးဆက်သစ်ဂိမ်းလောကထဲထိ ခြေဆန့်သွားမယ့် ရသစုံအရည်အသွေးမြင့်ဂိမ်းတွေဆိုတာ ငြင်းနိုင်ဖွယ်ရာမရှိလို့ပါပဲ။ အားပေးမယ့်ပရိသတ်တွေအနေနဲ့ကလည်း နှစ်ဦးနှစ်ဖက်စလုံးကို ညီတူညီမျှကြည့်ရှုစောင်မသွားမယ့် အလားအလာမှာရှိနေတာကိုလည်း ဝမ်းသာကြည်နူးဖွယ်တွေ့ရပါတယ်။ ဒါပေမယ့်တစ်ခုရှိတာက အခုတစ်ခေါက် Ubisoft ဘက်ကတိုက်မယ့်စစ်သည်ဟာ Assassin's Creed: Vahalla တစ်ခုတည်းမဟုတ်ဘဲ Watch Dog: Legion လည်းပါဝင်တယ်ဆိုတာပါ။ ၂၀၂၀ မှာ ပွဲဦးထွက်လာမယ်လို့ ကြေညာထားခဲ့တဲ့ လူကြိုက်များပြီးသား Watch Dog ဂိမ်းအသစ်ဟာလည်း Ubisoft ကို ဒီစစ်မြေပြင်မှာ ရှေ့ရောက်အောင်တွန်းတင်နိုင်တဲ့ မျိုးဆက်သစ်ဂိမ်းတစ်ခုပါပဲ။

 Cyberpunk 2077 အနေနဲ့ကတော့ ၂၀၂၀ ခုနှစ်ရဲ့ နိုဝင်ဘာလ ၁၉ ရက်မှာ အရန်သင့်လေးထွက်ရှိလာမှာဆိုတဲ့အတွက် အတိအကျစောင့်မျှော်ရမယ့် ရက်စွဲကိုသိနေရတော့ တစ်ဖက်မှာရင်အေးရပါပြီ။ Assassin's Creed: Vahalla အနေနဲ့က ထွက်လာမယ့်ရက်ကို ထုတ်ပြန်ကြေညာမထားပေမယ့်လို့ ၂၀၂၀ အားလပ်ရက်ရာသီလို့ ဆိုထားတဲ့အတွက် ၂၀၂၀ နှစ်ကုန်ပိုင်းဝန်းကျင်လောက်ပဲ ထွက်နိုင်ချေရှိပါတယ်။ CD Projekt Red နဲ့ Ubisoft တို့ရဲ့ ၂၀၂၀ ခုနှစ်ထုတ်ဂိမ်းတွေကတော့ လက်ရှိဂိမ်းလောကမှာရော၊ မျိုးဆက်သစ်ဂိမ်းလောကအထိပါ အထူးတလည်ပေါက်မြောက်နိုင်မယ့် တစ်ကိုယ်တော်ဇာတ်လမ်းသွားဂိမ်းကောင်းများဖြစ်နိုင်ပါစေလို့ မျှော်လင့်ရင်း ဒီဆောင်းပါးကိုအဆုံးသတ်လိုက်ချင်ပါတယ် (နှစ်ဖက်စလုံးကိုအားပေးနေပေမယ့် ကိုယ်ကိုယ်တိုင် ငယ်ငယ်လေးကတည်းက ဆော့ကစားရင်းကြီးပြင်းလာခဲ့ရတဲ့ Assassin's Creed စီးရီးဖက်ကိုတော့ ပိုပြီးယိမ်းချင်သလိုရှိနေပါတယ်)။ ဂိမ်းပရိသတ်စာဖတ်သူတွေကရော ဘယ်ဂိမ်းကိုပိုကြိုက်သလဲဆိုတာ ောအက်မှာဝင်ပြီး ပြောသွားကြပါဦး၊ ဆွေးနွေးကြတာပေါ့။ အခုလိုမျိုးစိတ်ဝင်စားဖို့ကောင်းတဲ့ဂိမ်းအကြောင်းအရာတွေနဲ့အတူ မကြာခင်မှာ ကျွန်တော်တို့ပြန်လည်ဆုံတွေ့ကြပါမယ်။ ဖတ်ရှုသူတစ်ဦးချင်းစီကို ကျေးဇူးအထူးတင်ရှိပါတယ် ✒️💻



Yan

၂၀၂၀ ခုနှစ်၊ ဇူလိုင်လမှာကျင်းပမယ့် Microsoft Event မှာ Devil May Cry 5: Special Edition ကိုချပြသွားမယ်လို့ ပေါက်ကြားချက်များအရသိရ 📰🗯

Devil May Cry စီးရီးရဲ့အမာခံပရိသတ်တစ်ယောက်ဖြစ်တဲ့ စာရေးသူအတွက်တော့ ဒါဟာ ပြန်လည်ရေးသားတင်ပြရမယ့် သတင်းဆောင်းပါးတစ်ခုပါပဲ။ ယမန်နှစ် ၂၀၁၉ ခုနှစ်၊ မတ်လ ၃၁ ရက်နေ့က ထွက်ရှိခဲ့တဲ့ Devil May Cry 5 ဟာ အချိန်နဲ့အမျှပြောင်းလဲမှုတွေ ဆက်တိုက်ဖြစ်နေတဲ့ မျိုးဆက်သစ်ဂိမ်းများနဲ့ ရင်ဘောင်တန်းနိုင်ခဲ့ရုံသာမက ရိုးရှင်းတဲ့ တစ်ကိုယ်တော်ဇာတ်လမ်းသွားဂိမ်းအမျိုးအစားကိုပါ ပြန်လည်သစ်လွင်လာစေတဲ့ Hideaki Itsuno ရဲ့ လက်ရာြမောက်ဖန်တီးမှုတစ်ခုလည်း ဖြစ်ပြန်ပါတယ်။ ကမ္ဘာတစ်ဝှမ်းကပရိသတ်တွေအကြိုက်တွေ့ကြတဲ့ Devil May Cry 5 ဟာ နာမည်ကျော် DMC စီးရီးတစ်ခုလုံးကို ရှေ့ဆက်လှမ်းဖို့ ခွန်အားတွေပေးခဲ့တဲ့အပြင် ဟိုးအရင် ၂၀၀၀ ခုနှစ်အစကတည်းက နာမည်ကျော်လူကြိုက်များခဲ့တဲ့ ဂိမ်းဇာတ်ကောင်တွေကို ဂိမ်းချစ်သူပရိသတ်များက အခုအချိန်ထိချစ်မြတ်နိုးနေကြဆဲဆိုတာ အတိုင်းသားပေါ်လွင်စေခဲ့ပါတယ်။ DMC 5 ထွက်ရှိခဲ့တာအချိန်တစ်နှစ်ကျော်ခဲ့ပြီမို့ စီးရီးနဲ့ပတ်သက်တဲ့ သတင်းအစအနတွေဟာလည်း ငြိမ်သက်နေခဲ့တာအချိန်အတိုင်းအတာတစ်ခုရှိပါပြီ၊ ၂၀၀၈ ခုနှစ်ကစပြီး ၂၀၁၉ ခုနှစ်အထိ အချိန် ၁၁ နှစ်တိတိကြာမြင့်ခဲ့ပြီးမှ ထွက်ရှိလာခဲ့တဲ့ Devil May Cry 5 အတွက် DMC ချစ်ပရိသတ်များက ဂုဏ်လည်းယူသလို Dante နဲ့ Vergil တို့တွေ့ဆုံအပြီး နောက်ထပ်ဘာတွေထပ်ပြီးဖြစ်လာဦးမလဲဆိုတဲ့ သိချင်ဇောပြင်းပြစွာနဲ့ မေးခွန်းတွေထုတ်လို့နေကြပါတယ် 💙❤️

နောက်ဆုံးထွက်ရှိခဲ့တဲ့ DMC 5 အတွက် အချိန် ၁၁ နှစ်စောင့်ခဲ့ရတဲ့အတွက် အသစ်လာမယ့် DMC 6 ဂိမ်းသစ်အတွက်လည်း အချိန်ဘယ်လောက်ထိ ထပ်မံစောင့်ဆိုင်းရဦးမလဲဆိုတာ မသေချာပါဘူး။ ဒါပေမယ့် ဂိမ်းချစ်သူပရိသတ်တွေအတွက် မျှော်လင့်ချက်ရေးရေးကို ပေးစွမ်းမယ့် သတင်းပေါက်ကြားချက်တစ်ခုက မကြာသေးခင်ကပဲ ထွက်ပေါ်လာခဲ့ပါတယ်။ အဲဒါကဘာလဲဆိုတော့ သိပ်မကြာတော့တဲ့ ၂၀၂၀ ခုနှစ်၊ ဇူလိုင်လမှာကျင်းပမယ့် Microsoft Event မှာထည့်သွင်းချက်အသစ်တွေပါဝင်တဲ့ Devil May Cry 5: Special Edition ကိုပါ ချပြသွားမယ်ဆိုတဲ့သတင်းကြောင့်ပါပဲ။ ဒီသတင်းဟာ 4chan လူမှုကွန်ယက်နေစပြီး Twitter နဲ့ Reddit တို့မှာ စတင်ပြန့်ပွားလာခဲ့တာဖြစ်ပေမယ့် Capcom နဲ့ Microsoft ပါတီနှစ်ဦးနှစ်ဖက်လုံးအတည်မပြုရသေးတဲ့အတွက် အမှန်တကယ်လို့ မှတ်ယူဖို့က အချိန်တစ်ခုကိုစောင့်ရဦးမှာပါ။ သို့ပေမယ့် ပေါက်ကြားလာတဲ့ leak ဟာ Devil May Cry 5: Special Edition ဆိုတဲ့ခေါင်းစဉ်တစ်ခုတည်းမဟုတ်ပါဘူး၊ ဒီဂိမ်းမှာ အသစ်ပါဝင်လာမယ့်အရာတွေ၊ ထပ်မံထည့်သွင်းချက်တွေ၊ ပြင်ဆင်မွန်းမံမှုတွေနဲ့ Devil May Cry 5 ဂိမ်းကို မျိုးဆက်သစ်ဂိမ်းစက်များထဲမှာပါ Port သွင်းဆော့ကစားနိုင်မယ့် အချက်အလက်တွေ အကုန်ပြည့်စုံစွာဖော်ပြထားပါတယ်။ ဆိုတော့ကာ ရင်ခုန်နေတဲ့ပရိသတ်တွေအတွက် Devil May Cry 5: Special Edition မှာ ဘာတွေအသစ်ထပ်မံပါဝင်လာမလဲဆိုတာကို တစ်ချက်လောက်ကြည့်လိုက်ကြရအောင် 🤓⬇️

Devil May Cry 5: Special Edition ဟာ သူ့ရဲ့နောက်က Devil May Cry 4 ရဲ့ Special Edition လိုပဲ Vergil, Lady, Trish အစရှိတဲ့ဇာတ်ကောင်သုံးယောက်ကို အသစ်ထည့်သွင်းသွားမှာဖြစ်ပြီး ကစားသူများကိုယ်တိုင် ကိုင်တွယ်ကစားနိုင်မှာဖြစ်ပါတယ်။ မူရင်းဂိမ်းမှာပါဝင်တဲ့ V ဟာ ဒီ Special Edition မှာ ပြန်လည်ပါဝင်လာမှာဖြစ်ပြီး စွမ်းရည်အသစ်၊ တိုက်ခိုက်ကွက်အသစ်နဲ့ လုပ်ဆောင်နိုင်စွမ်းအသစ်တချို့နဲ့ အစကနေအဆုံးအထိ ဂိမ်းတစ်လျှောက်လုံး မစ်ရှင်တွေအားလုံးကို V နဲ့ ဆော့ကစားနိုင်မှာဖြစ်တယ်လို့သိရပါတယ်။ မူရင်း DMC 5 ဂိမ်းကိုပိုင်ဆိုင်ထားသူများအဖို့ ဂိမ်းတွင်းမှာ ကိုယ်ရောက်ရှိနေတဲ့နေရာ၊ ပိုင်ဆိုင်ထားသမျှအရာတွေအားလုံးကို Special Edition ထဲ ပြောင်းရွေ့နိုင်မှာဖြစ်ပြီး ဇာတ်ကောင်တွေအတွက် ဝတ်စုံအသစ်တွေလည်း ပါဝင်လာဦးမှာပါ။ လတ်တလောသိရသလောက်ကတော့ Lady နဲ့ Trish အတွက် Bikini ဝတ်စုံသစ်တစ်စုံစီနဲ့ Nero နဲ့ Dante အတွက်ကတော့ DMC 4 က ဝတ်စုံတွေ ဆင်မြန်းနိုင်မှာဖြစ်တယ်ဆိုတာပါပဲ။ ကဲ အားလုံးစောင့်မျှော်နေတဲ့အရာဟာ အခုမှလာပါပြီ၊ အဲဒါကဘာလဲဆိုတော့ ဒီ Devil May Cry 5: Special Edition မှာ Vergil အတွက် သီးသန့်ဇာတ်လမ်းကိုထည့်သွင်းထားပြီး တစ်ယောက်တည်း campaign အဖြစ် ဂိမ်း mission ငါးခုကို တစ်ကိုယ်တော်ခရီးစဉ်ဆန်ဆန် ဆော့ကစားနိုင်မှာဖြစ်တယ်လို့ သိရပါတယ်။ အဲဒီဂိမ်းအခန်းငါးခုမှာ Vergil ဇာတ်ကောင်ကိုကိုင်တွယ်ပြီး သူ့ရဲ့ရှုထောင့်ကနေ ဘယ်လိုအရာတွေကို တွေ့မြင်ဆော့ကစားရမှာလဲဆိုတာကတော့ လက်ရှိအချိန်မှာ မသိရသေးပါဘူး (အဲဒီသတင်းကိုကြားပြီးချင်းပဲ ထခုန်မတတ်ဝမ်းသာမိပါတယ်၊ Vergil နဲ့တွေ့ဆုံနိုင်ဖို့ စောင့်မျှော်နေတာ DMC 4 SE ကတည်းကဆိုရင် အချိန် ၆ နှစ်တိတိရှိခဲ့ပါပြီ)။ အထက်ပါဖော်ပြချက်တွေအပါအဝင် Devil May Cry 5: Special Edition မှာ အသစ်ထပ်မံဖန်တီးထားတဲ့ လျှို့ဝှက်တဲ့ဂိမ်းဇာတ်သိမ်းအသစ် (New Secret Ending) DMC ဂိမ်းချစ်သူတွေအားလုံးက မျက်ဝါးထင်ထင် တွေ့မြင်ခံစားရဦးမှာဖြစ်တယ်လို့ သိရပါတယ်။ ဒီလောက်ဆိုရင်တော့ လုံလောက်သွားပါပြီ၊ မကြာခင်ရောက်ရှိလာတော့မယ် ဇူလိုင်လရဲ့ Microsoft Event ရောက်ရင်တော့ ဒီသတင်းတွေမှာ စစ်မှန်ကြောင်းရှိမရှိ သိရတော့မှာပါ 🧐📡

ထပ်မံဖြည့်စွက်ချက်အနေနဲ့ Devil May Cry 5: Special Edition ကို Playstion 5, Playstation 4, X Box Series X, X Box One နဲ့ PC ဖလက်ဖောင်းတို့မှာ ဆော့ကစားနိုင်မှာဖြစ်တယ်လို့ သိရပြီး ၂၀၂၀ ခုနှစ်ရဲ့ အားလပ်ရက်ရာသီမှာ ထွက်ရှိလာနိုင်ဖွယ်ရာရှိတယ်လို့ မျှော်မှန်းရပါတယ်။ ဈေးနှုန်းအနေနဲ့ မူရင်းဂိမ်းရဲ့ဒီဂျစ်တယ်ဗားရှင်းကို ပိုင်ဆိုင်ထားသူများအတွက်ဆိုရင် ဒေါ်လာ ၂၅ ကျပ်တည်းသာ ကျသင့်မှာဖြစ်ပြီး မူရင်းဂိမ်းပါဝင်တဲ့ Special Edition ဂိမ်းတစ်ခုလုံးကို ပြန်လည်ဝယ်ယူမယ်ဆိုရင်တော့ ဒေါ်လာ ၅၀ အတိ တန်ဖိုးရှိတယ်လို့ သိရပါတယ်။ လောလောဆယ် ဂိမ်မာတွေမျှော်လင့်နိုင်တာကတော့ ဒီပေါက်ကြားချက် leak တွေဟာ တကယ့်သတင်းအစစ်အမှန်ဖြစ်ပါစေဆိုတာပါပဲ။ ဂိမ်းလောကသက်တမ်းတစ်လျှောက်မှာ အခုလိုပေါက်ကြားခဲ့တဲ့ leak တွေဟာ အရမ်းတိကျနေလွန်းရင် မှန်ကန်တတ်ပါတယ်၊ ဆိုတော့ကာ အခု Devil May Cry 5: Special Edition နဲ့ ပတ်သက်တဲ့သတင်းတွေဟာလည်း ဘယ်လိုလာမလဲဆိုတာကတော့ အချိန်စောင့်ရင်း မျှော်ရတော့မှာဖြစ်ပါတယ်။ ဒီသတင်းဆောင်းပါးမှာတော့ Devil May Cry 5: Special Edition သတင်းကိုတင်ဆက်ရင်း အားလုံးကိုနှုတ်ဆက်လိုက်ရပါတယ်၊ အခုလိုစိတ်ဝင်စားစရာဂိမ်းအကြောင်းအရာတွေနဲ့ နောင်လာမယ့်ဆောင်းပါးတွေမှာ ကျွန်တော်တို့ပြန်လည်ဆုံတွေ့ကြပါမယ် 💐

Yan

အနာဂတ်ရဲ့ဂိမ်းဖန်တီးသူတွေအပြင် ကျွန်တော်တို့လိုဂိမ်းချစ်သူတွေအနေနဲ့ The Last of Us: Part 2 ကနေ ဘယ်လိုသင်ခန်းစာတွေကို သင်ယူလို့ရမလဲ? 🍂🌫

၂၀၁၃ ခုနှစ်ကနေ ယခု ၂၀၂၀ ခုနှစ်အထိ ၇ နှစ်တိုင်တိုင် ဂိမ်းချစ်သူတွေစောင့်မျှော်ခဲ့ရတဲ့ The Last of Us: Part 2 ဟာ ဇွန်လ ၁၉ ရက်နေ့မှာတော့ ဆိုက်မြိုက်စွာထွက်ရှိလို့လာခဲ့ပါတယ်။ ဂိမ်းမထွက်ခင်နှစ်လလောက်အလိုက ကြိုတင်ပေါက်ကြားခဲ့တဲ့ ဂိမ်းဇာတ်ကြောင်းဗီဒီယိုအပိုင်းအစအချို့နဲ့အတူ ဂိမ်းမီဒီယာကြီးတွေရဲ့ရာနှုန်းပြည့်ချီးမြှောက်မှုများစွာရဲ့ လွန်ဆွဲမှုကြားက The Last of Us: Part 2 ဂိမ်းရဲ့အနာဂတ်ဟာ မရေရာမသေချာမှုတွေဝိုင်းရံလို့နေခဲ့ပါတယ်။ ကြားကာလအတွင်းမှာ ဖြစ်ပွားခဲ့တဲ့ပဋိပက္ခအချို့ကြောင့် ထွက်ရှိမယ့်ရက်ကို နောက်ဆုတ်ရွေ့ဆိုင်းရာကနေ နောက်ဆုံးမှာတော့ The Last of Us: Part 2 ဟာ တစ်ကမ္ဘာလုံးက ဂိမ်းပရိသတ်တွေလက်ထဲကို ရောက်ရှိလို့လာခဲ့ပါတယ်။ ထွက်ရှိလာလာချင်းမှာပဲ ဂိမ်းဇာတ်ကြောင်းဇာတ်အိမ် ယုတ္တိမတန်မှု၊ ပရိသတ်အကြိုက်ဇာတ်ကောင်များရဲ့စရိုက်ကို ပေါ့တန်စွာပြောင်းလဲထားမှု၊ ခြုံငုံထားတဲ့ဇာတ်လမ်းသဘောတရားနဲ့ အသစ်ထည့်သွင်းထားတဲ့ဇာတ်ကောင်တွေဟာ လေးနက်မှုမရှိမှုတွေကြောင့် နာမည်ကျော်မီဒီယာပေါင်းမြောက်များစွာရဲ့ ချီးမွမ်းထောပနာပြုမှုတွေကြားက The Last of Us: Part 2 ဟာ တစ်လောကလုံးကဂိမ်းပရိသတ်များရဲ့ ဝေဖန်ပြစ်တင်မှုများစွာကို ခံခဲ့ရပါတယ်။ မိအေးနှစ်ခါနာသလို ဂိမ်းလောကသားများ ခံပြင်းရတဲ့အချက်တစ်ချက်က အနောက်တိုင်းဂိမ်းဖန်တီးသူကုမ္ပဏီတွေထဲကမှ ရုပ်ရှင်တစ်ကားလိုဇာတ်ကြောင်းလှတဲ့ဂိမ်းတွေနဲ့ ဂိမ်းပရိသတ်များရဲ့အသည်းနှလုံးကိုချူပ်ကိုင်ထားပြီးသားဖြစ်တဲ့ Naughty Dog ကိုယ်တိုင်ဟာ သူတို့ဖန်တီးထားတဲ့ဂိမ်းနဲ့ အားလုံးကိုပြန်သစ္စာဖောက်တယ်လို့ ခံစားလိုက်ရတာပါပဲ။ The Last of Us: Part 2 ဂိမ်းအကြောင်းကို အခုအချိန်မှာအားလုံး သိသင့်သလောက်သိပြီးလောက်ပြီလို့ ယူဆတဲ့အတွက် ဂိမ်းကိုခွဲခြမ်းစိတ်ဖြာတာတွေတော့ ဒီဆောင်းပါးမှာဖော်ပြသွားမှာမဟုတ်ပါဘူး။ 

လောကမှာကျင့်သုံးနေထိုင်သင့်တဲ့ သဘောတရားတစ်ခုလိုမျိုး ဖြစ်ခဲ့ပြီးသွားတဲ့အရာတွေကို ထောက်ရှုပြီးတော့ ကျွန်တော်တို့ဟာ ဒီအဖြစ်အပျက်ကနေ ဘာတွေကိုသင်ယူလို့ရမလဲဆိုတာကို ဒီဆောင်းပါးမှာ တင်ပြသွားမှာဖြစ်ပါတယ်။ ဒီစာစောင်ဟာ The Last of Us: Part 2 နဲ့ပတ်သက်ပြီး ဂိမ်းတွေအပေါ်မှ ာယုံကြည်မှုပျက်ပြားသွားရသူတွေ၊ မီဒီယာကြီးတွေရဲ့လှည့်ဖြားမှုကို အဟုတ်ထင်မိခဲ့တဲ့သူတွေနဲ့ မြန်မာနိုင်ငံအတွင်းက ဂိမ်းကိုချစ်မြတ်နိုးကြတဲ့ဂိမ်းချစ်သူများအတွက် ရည်ရွယ်ပါတယ်။ သိသင့်သိထိုက်တဲ့ကိစ္စရပ်များဖြစ်တာကြောင့် ရှင်းလင်းတိကျစွာ တင်ဆက်ပေးဖို့ရည်ရွယ်ထားတာကြောင့် အာရုံစိုက်ဖတ်ရှုကြဖို့ တိုက်တွန်းလိုက်ရပါတယ်။ အဆင်သင့်ဖြစ်ပြီဆို အားလုံးပဲ စလိုက်ကြရအောင်ဗျာ ✍️

အရှေ့တိုင်း၊ အနောက်တိုင်းနဲ့ တစ်ကမ္ဘာလုံးကဂိမ်းဖန်တီးသူတွေအနေနဲ့ The Last of Us: Part 2 ရဲ့လက်ရှိနောက်ဆုံးရလာဒ်ကိုကြည့်ပြီး သင်ခန်းစာပေါင်းမြောက်မြားစွာ ယူနိုင်ကြလိမ့်မယ်လို့ ကျွန်တော့်အနေနဲ့ မျှော်လင့်မိပါတယ်။ နှစ်စကတည်းက ဘက်ပေါင်းစုံမှာ အခြေအနေဆိုးရွားလှတဲ့ ၂၀၂၀ ခုနှစ်မှာ The Last of Us: Part 2 ရဲ့ဆိုးရွားလှတဲ့ နောက်ဆုံးရသတင်းတွေဟာ ဂိမ်းချစ်သူတွေအတွက်တော့ နောက်ထပ်ကပ်ဘေးတစ်ခုအလားလို့တောင် ထင်မှတ်ရပါတယ်။ ဒီနေရာမှာကိန်းအောင်းနေတဲ့ပြဿနာတစ်ခုက အနောက်တိုင်းကထွက်တဲ့ဂိမ်းအများစုနဲ့ ဂိမ်းဖန်တီးရေးဆွဲသူတွေဟာ လူတစ်ဦးချင်းစီရဲ့လွတ်လပ်တဲ့စံနှုန်းစံထား၊ နိုင်ငံရေးလှုမှုရေးရပ်တည်မှုများ၊ အနောက်တိုင်းစံစနစ်နဲ့ ကွဲပြားတဲ့အယူအဆခံယူချက်တွေကို သူတို့ဖန်တီးတဲ့ဂိမ်းတွေထဲမှာ လိုအပ်သည်ထက် ပိုမိုရောပြွန်းပြီး ထည့်သွင်းထားတတ်ကြတာပါပဲ။ လူသားတိုင်း၊ အသင်းအဖွဲ့တိုင်း၊ အဖွဲ့အစည်းတိုင်းအတွက် ကိုယ်ကိုယ်စားပြုရာအရပ်နဲ့ ပြင်းထန်တဲ့ခံယူချက်လားရာဆိုတာ ရှိရမှာမှန်ပေမယ့် ကိုယ့်ရဲ့အတွေးအမြင်၊ ရှုထောင့်နဲ့ ခံယူချက်သဘောတရားကို လွန်ကျွံစွာရောနှောထည့်သွင်းထားပြီး ထုတ်ကုန်တစ်ခုကိုဖန်တီးတဲ့အခါ ကိုယ့်ရဲ့ကနဦးရည်ရွယ်ချက်ဟာ မစစ်မှန်မသန့်ရှင်းတော့ပါဘူး။ ဒါဟာအနုပညာဖန်တီးသူတွေရော၊ ဖန်တီးမှုလက်ရာမြောက်တဲ့ ထုတ်ကုန်လုပ်ငန်းတွေရဲ့ဖြစ်တည်မှုတိုင်းအတွက် အကျုံးဝင်ပါတယ်။ ကိုယ်ဟာ ဒီဘာသာဝင်မို့ ဒါကိုမလုပ်ဘူးဆိုတာမျိုးပဲဖြစ်ရမယ်၊ ကိုယ်ဟာ ဒီဘာသာဝင်မို့ မင်းတို့ ဒါမျိုးမလုပ်ရဘူးဆိုတာမျိုးဟာ မဖြစ်သင့်ပါဘူး။ အစွန်းတာလက်သင့်ခံလို့ရပေမယ့် တစ်ဖက်ပိတ်တာကတော့ လက်သင့်ခံလို့မရနိုင်ပါ။ အခု ၂၁ ရာစုမှာ ဗီဒီယိုဂိမ်းများဟာ ဒီဂျစ်တယ်အနုပညာလက်ရာများလို့ ကင်ပွန်းတတ်ခံရတဲ့အလျောက် ဂိမ်းဖန်တီးသူများအနေနဲ့ လူပေါင်းရာထောင်သောင်းဆီကို ပြန့်နှံ့သွားမယ့် ကိုယ့်ရဲ့ဖန်တီးမှုလက်ရာဟာ သမာသမတ်ကျပြီး အလယ်အလတ်လမ်းစဉ်ပေါ်မှာ တည်တည်တံ့တံ့ရှိနေဖို့လိုအပ်ပါတယ်။ ဥပမာဆိုရရင် အရှေ့တိုင်းကထုတ်တဲ့ဂျပန်ဂိမ်းတွေကိုပဲ အရင်ဆုံးသုံးသပ်ကြည့်လိုက်ပါ၊ ဂျပန်နိုင်ငံထုတ်ဂိမ်းတွေဟာ ဂျပန်နိုင်ငံရဲ့ဟိုးယခင်ကတည်းကရှိနှင့်ပြီးသား ရိုးရာထုံးတမ်းဓလေ့၊ ယဉ်ကျေးမှုဘာသာစကားနဲ့ ခိုင်မြဲတဲ့လူ့အဖွဲ့အစည်းတည်ဆောက်ပုံတွေကို ဂိမ်းတွေထဲမှာ သွယ်ဝိုက်တဲ့နည်းနဲ့သော်လည်းကောင်း၊ ရိုးရှင်းဖြောင့်မတ်တဲ့ဟန်နဲ့သော်လည်းကောင်း ထည့်သွင်းထားကြပြီး ကိုယ့်နိုင်ငံရဲ့ယဉ်ကျေးမှုအဖုံဖုံကို အလံထူပြသထားတတ်ကြပါတယ်။ သို့ပေမယ့် ဂိမ်းဆော့ကစားသူတိုင်းကို ဂျပန်စာပြေးသင်ဖို့လည်း မတိုက်တွန်းသလို၊ ကီမိုနိုဝတ်ပြီး ဆာမူရိုင်းဓါးကိုင်ဖို့လည်း အားသွန်ခွန်စိုက် မနှိုးဆော်တဲ့အတွက် တွေ့မြင်ခံစားရတဲ့ ဂိမ်းဆော့ကစားသူတိုင်းအဖို့ လှပသေသပ်လွန်းပြီး တည်တံ့ခိုင်မြဲလှတဲ့ ဂျပန်ယဉ်ကျေးမှုဟာ ပကတိမြတ်နိုးစရာပါပဲ ⛩🎌



ဒီနေရာမှာအရှေ့တိုင်းနဲ့ အနောက်တိုင်းကွဲပြားသွားတဲ့အချက် ဘာလဲဆိုတော့ အရှေ့တိုင်းဂိမ်းဖန်တီးသူတွေကိုယ်တိုင်က အရှေ့တိုင်းကဖြစ်တည်တဲ့ယဉ်ကျေးမှုနဲ့ ခံယူချက်သဘောတရားတွေကို သိုသိပ်တဲ့အသိုက်အမြုံလေးတစ်ခုအဖြစ် တင်ဆက်ပြသတတ်ကြပြီး အနောက်တိုင်းဂိမ်းဖန်တီးသူများကတော့ သူတို့ဦးခိုက်ထားတဲ့စံစနစ်နဲ့ အယူအဆတွေကို ဂိမ်းဆော့ကစားသူတိုင်း စိတ်အနှောင့်အယှက်ဖြစ်ရတဲ့အထိ အလွန်အကျွံထည့်သွင်းထားတတ်ကြတာပါပဲ။ ဒါဟာဟိုးယခင်အချိန်များကတည်းက အရှေ့နဲ့အနောက်ရဲ့ကွဲပြားတဲ့ လူ့အဖွဲ့အစည်းတည်ဆောက်ပုံအခြေခံအုတ်မြစ်လို့ မှတ်ယူနိုင်ပေမယ့် အလားတူလုပ်ရပ်မျိုးကို လတ်တလောကမှ ထွက်ရှိလာတဲ့ The Last of Us: Part 2 ဂိမ်းထဲမှာ ဂိမ်းချစ်သူတွေက မျက်ဝါးထင်ထင်တွေ့မြင်နိုင်ပါတယ်။ ဗီဒီယိုဂိမ်းတွေကို အနုပညာမြောက်နည်းပညာဖန်တီးမှုအဖြစ် မှတ်ယူဆော့ကစားကြတဲ့ ကျွန်တော်တို့လို ဂိမ်းပရိသတ်တွေအနေနဲ့ The Last of Us: Part 2 ရဲ့ဖြစ်ကြောင်းကုန်စင်ကို သိရှိပြီးပြီးချင်းပဲ စိတ်နှလုံးနာတဲ့အထိ ခံစားချက်ပြင်းပြခဲ့ပေမယ့် ဖြစ်ပြီးသွားအရာတွေကို ဘယ်လိုမှပြောင်းလဲယူလို့မရနိုင်တဲ့အတွက် အခုလိုမျိုးဖြစ်ရပ်မျိုးအပေါ်မှာ ပြန်လည်အရောင်ထင်ဟပ်ပြီး ဘာတွေကိုသင်ခန်းစာယူနိုင်မလဲဆိုတာကို အာရုံစိုက်တာပဲ အားလုံးအတွက်အကျိုးရှိပါလိမ့်မယ်။ ဒီတော့ ပထမဦးဆုံးသိစေချင်တာက မီဒီယာတိုင်းကလာတဲ့သတင်းတင်ပြချက်တွေ၊ အကြောင်းအရာအပိုင်းအစတွေ၊ သုံးသပ်ကောက်နှုတ်ချက်တွေကို မျက်စိစုံမှိတ်မယုံဖို့ပါ၊ ဒီအကြောင်းအရာကိုပြောပြချင်တာကြာပြီဖြစ်ပေမယ့် အခုအချိန်မှသာ ရေကန်အသင့်၊ ကြာအသင့်ဆိုသလို အကျိုးအကြောင်းသင့်သွားခဲ့တာဖြစ်ပါတယ် 📰



နိုင်ငံရေး၊ လူမှုရေး၊ စီးပွားရေး၊ ဘာသာရေး၊ ဖျော်ဖြေမှုနဲ့ သို့လောသို့လောကဏ္ဍအသီးသီးက အချင်းအရာတွေကို သတင်းအဖြစ်တင်ဆက်နေတဲ့ မီဒီယာတွေအနေနဲ့ သူတို့ရဲ့သတင်းတင်ပြချက်တွေမှာ အမြဲတမ်းလိုလို ဘက်လိုက်တဲ့အတွေးအမြင်၊ တစ်ဖက်ပိတ်တဲ့ထင်မြင်ယူဆချက်တွေကို ထည့်သွင်းထားတာ ဆက်တိုက်တွေ့မြင်နေရပါတယ်။ ဒါဟာသတိမမူမိတဲ့စာဖတ်သူနဲ့ ပြည်သူလူထုကို တစ်ဖက်လှည့်နဲ့ အသိအမြင်တိမ်းစောင်းသွားစေနိုင်တဲ့အပြင် ဂျာနယ်လစ်တွေရဲ့ချမှတ်ထားတဲ့ကျင့်ဝတ်နဲ့ လုံးဝမှမကိုက်ညီတဲ့လုပ်ရပ်ပါ။ အကြောင်းအရာတစ်ခုအပေါ်မှာ အဆုံးသတ်ကောက်နှုတ်ချက်ချတာဟာ စာဖတ်သူဖက်ကအလုပ်ပါ၊ ဖြစ်စဉ်တစ်ခုနဲ့ပတ်သက်ပြီး ဒီအပေါ်မှာ ဘယ်လိုယူဆရမယ်၊ ဘယ်လိုမျိုးမှတ်ယူရမယ်လို့ ဘယ်သူကမှ ကျွန်တော်တို့ကို ပြောပိုင်ခွင့်မရှိပါဘူး။ တိကျမှန်ကန်တဲ့သတင်းအချက်အလက်ကို ပြည်သူလူထုနဲ့ စာဖတ်ပရိသတ်ဆီ ရိုးသားတည့်မတ်တဲ့ရှုထောင့်ကနေ တင်ပြနိုင်ပါမှ ကိုယ်ဟာ ဂျာနယ်လစ်ကောင်းတစ်ယောက်၊ ဆောင်းပါးရေးသူကောင်းတစ်ယောက်၊ မီဒီယာသမားကောင်းတစ်ယောက်လို့ ဆိုထိုက်ပါတယ်။ ဒါဟာအနောက်တိုင်းမီဒီယာတွေမှာမှမဟုတ်၊ တစ်လောကလုံးက မီဒီယာတိုင်းကိုအကျိုးသက်ရောက်ပါတယ်၊ ရည်ရွယ်ချက်ကောင်းပါမှ အဖွဲ့အစည်းကောင်းတစ်ခုဖြစ်မှာပါ။ အဓိကကတော့ ကိုယ်ရဲ့ဆင်ခြင်တုံတရား၊ အတွေးအမြင်ဗဟုသုတ၊ ခံစားချက်ခံယူချက်တွေနဲ့ ချင့်ချိန်ပြီး အကြောင်းအရာတစ်ခုကို စစ်မှန်သည်မဟုတ်မဟုတ်၊ ကိုယ့်ရင်ထဲထည့်သင့်မထည့်သင့် ခွဲခြမ်းစိတ်ဖြာကြည့်ရမှာပါ။ သတင်းဆောင်းပါးတွေနဲ့ မီဒီယာထုတ်ကုန်တွေကိုလေ့လာတာဟာ ကိုယ်မသိသေးတဲ့သတင်းအချက်အလက်ကို သိရှိဖို့ပဲဖြစ်သင့််ပါတယ်၊ သဘောပေါက်နားလည်တဲ့အပိုင်းကတော့ လူတစ်ဦးချင်းစီရဲ့ဖြစ်တည်မှု၊ စိတ်နေသဘောထားအရ ကွဲပြားသွားမှာဖြစ်ပါတယ် 💭🗯



တစ်ကမ္ဘာလုံးကဂိမ်းဖန်တီးရေးဆွဲသူတွေနဲ့ ဂိမ်းဖြန့်ချိသူကုမ္ပဏီများဘက်ကလည်း ဒီဖြစ်စဉ်အပေါ်မှာ သင်ခန်းစာအတော်များများရယူနိုင်လိမ့်မယ်ဆိုတာ ငြင်းနိုင်ဖွယ်ရာမရှိပါဘူး။ ဒါဟာ Naughty Dog ဘက်က လိုလိုလားလားစတေးခဲ့တဲ့လုပ်ရပ်တစ်ခုအလား နောင်လာမယ့်ဂိမ်းတွေအနေနဲ့ အခုလိုထပ်တူကျတဲ့အမှားမျိုးကို နောက်ထပ်မကျူးလွန်မိအောင် အများကြီးပြင်ဆင်နိုင်ခွင့်ရှိသွားတဲ့အပြင် ကိုယ့်ရဲ့လုပ်ငန်းစဉ်နဲ့ နိုင်ငံရေးအယူဝါဒတွေကို ဂိမ်းတွေထဲထည့်သွင်းလိုတဲ့ အနောက်တိုင်းဂိမ်းကုမ္ပဏီများအတွက်လည်း နားထဲကပ်ပြောတဲ့ အနီးကပ်ဆုံးသတိပေးချက်တစ်ခုသဖွယ် ဖြစ်သွားခဲ့ပါပြီ။ ဒါတင်မက ဒီအရှုပ်တော်ပုံဟာ ဂိမ်းလောကအကျိုးတစ်နိုင်တစ်ပိုင်သယ်ပိုးနေတဲ့ ကျွန်တော်တို့လိုဆောင်းပါးရှင်၊ ဂျာနယ်လစ်၊ Content Creator တွေနဲ့ ဂိမ်းပရိသတ်ပြည်သူလူထုအတွက်လည်း ဘယ်ဟာသည် စစ်မှန်သလဲ? ဘယ်ဟာသည် မှားယွင်းသလဲ? ဆိုတာ ဝေဖန်ပိုင်းခြားသင်ယူနိုင်ဖို့ အခွင့်ကောင်းတစ်ခုလည်း ဖြစ်နေပြန်ပါတယ်။ ၂၀၁၇ ခုနှစ်တုန်းက EA ဖက်ကပြောကြားခဲ့တဲ့ "တစ်ကိုယ်တော်ဇာတ်လမ်းသွားဂိမ်းတွေဟာ သေဆုံးနေပြီ၊ အနာဂတ်မှာဆော့မယ့်သူတွေ မရှိလာနိုင်တော့ဘူး" ဆိုတဲ့ တစ်ဖက်စောင်းနင်းပြောကြားချက်ကို တစ်ကမ္ဘာလုံးက ဂိမ်းရေးဆွဲဖန်တီးသူတွေရော၊ ဂိမ်းချစ်သူပြည်သူလူထုကပါ အကျွင်းမဲ့မှားယွင်းကြောင်း တစ်ခဲနက်သက်သေပြခဲ့သလို ဒီတစ်ခေါက် The Last of Us: Part 2 ကိစ္စမှာလည်း အမှန်တရားဘက်ကရပ်တည်တဲ့မီဒီယာအချို့၊ အမှားအမှန်ကို ရိုးသားဖြောင့်မတ်စွာထောက်ပြခဲ့တဲ့ Content Creator တွေနဲ့ ဂိမ်းတွေကိုချစ်မြတ်နိုးကြတဲ့ ဂိမ်မာများဘက်ကပါ တာဝန်ကျေခဲ့ကြပါတယ်။ ဒီနေရာမှာ Sony ရဲ့နှစ်ဆင့်ခံ double standard, Neil Druckmann ကိုယ်တိုင် ဦးညွှတ်နေတဲ့ Identity Politics များ, SJW ရဲ့ကျော့ကွင်းစနက်များနဲ့ The Last of Us: Part 2 ဂိမ်းတစ်ခုလုံးရဲ့အငွေ့အသက်ကို လွှမ်းမိုးခြယ်လှယ်ခဲ့တဲ့ Anita Sarkeesian တို့ရဲ့ကန့်လန်ကာနောက်ကွယ်က လုပ်ရပ်တွေကို ချန်လှစ်ခဲ့ရပါသေးတယ်။ အဲသလိုရှုပ်ထွေးလှတဲ့နိုင်ငံရေးဝါဒ၊ ဆိုရှယ်လူမှုအချင်းအရာတွေကို မြန်မာနိုင်ငံအတွင်းက ဂိမ်းချစ်ပရိသတ်ရာခိုင်နှုန်းအတော်များများ နားလည်သွားတဲ့အချိန်ကျရင် ခေါင်းစဉ်တွေခွဲပြီ တင်ဆက်ပေးဖို့ ရည်ရွယ်ထားပါတယ် 📚



The Last of Us စီးရီးကို လွန်စွာမှမြတ်နိုးကြိုက်နှစ်သက်ရတဲ့ ကျွန်တော်တို့လိုဂိမ်းချစ်သူတွေအတွက်ကတော့ နုနယ်တဲ့ခံစားချက်တွေ ထိခိုက်ခဲ့ရုံသာမက ဒီဂိမ်းစီးရီးအနေနဲ့ အနာဂတ်မှာ ပြန်လည်ရှင်သန်လာမယ်ဆိုတဲ့ မျှော်လင့်ချက်လည်း ကင်းမဲ့ခဲ့ရပါပြီ။ သို့ပေမယ့် ပြီးခဲ့တာတွေကို ပြည်ဖုံးကားချပြီး ဖြစ်ခဲ့တာတွေထဲမှာမှ ဒါတွေက ကျွန်တော်တို့ကိုဘယ်တွေသင်ပြခဲ့သလဲ? ကျွန်တော်တို့ကရော ဘာတွေသင်ယူနိုင်ခဲ့သလဲ? ဆိုတာကပဲ လက်တွေ့ဘဝမှာ အရေးကြီးတာဖြစ်ပါတယ်။ ဂိမ်းလောကအပြင် ရုပ်ရှင်၊ ဂီတ၊ အနုပညာ၊ နိုင်ငံရေး အစရှိတဲ့နယ်ပယ်အသီးသီးမှာ လောင်မြိုက်ချစားနေတဲ့အထက်ပါအချင်းအရာတွေကြောင့် နဂိုကအရည်အသွေးပြည့်ဝပြောင်မြောက်လွန်းလှတဲ့ တည်ဆောက်မှုတွေ၊ franchise တွေအနေနဲ့ ပျက်ခြင်းမလှပျက်သုန်းသွားခဲ့ရပါပြီ။ Star Wars ပရိသတ်တွေ၊ Disney ချစ်သူတွေနဲ့ Game of Throne ကိုတစ်ခဲနက်အားပေးသူတွေကတော့ ဘာကိုဆိုလိုသလဲဆိုတာ တန်းပြီးနားလည်နိုင်မှာပါ။ ဆိုတော့ကာ ပြောသင့်တဲ့အချိန်မတန်ခင်အထိတော့ အားလုံးပဲ အချိန်တစ်ခုစောင့်ဆိုင်းနိုင်ကြလိမ့်မယ်လို့ မျှော်လင့်ပါတယ်။ ဖတ်ရှုလာရင်း ဒီနေရာအထိရောက်ရှိလာသူတိုင်းကို ကျေးဇူးအထူးတင်ရှိပါတယ်။ ဆောင်းပါးတစ်လျှောက်မှာ စာဖတ်သူဂိမ်းပရိသတ်တွေကို စိတ်ရင်းနဲ့ တင်ပြချင်တဲ့အကြောင်းအရာတွေ ပါဝင်နေတာကြောင့် အာရုံစိုက်ပြီးဖတ်ရှုပေးဖို့ ထပ်မံနှိုးဆော်လိုက်ရပါတယ်။ အခုတော့ ဒီလောက်နဲ့ပဲအဆုံးသတ်လိုက်ပါရစေ၊ နောင်လာမယ့်ဆောင်းပါးတွေမှာ အခုလိုစိတ်ဝင်စားဖို့ကောင်းတဲ့ ဂိမ်းသတင်းအကြောင်းအရာတွေနဲ့ ပြန်လည်ဆုံတွေ့ကြပါမယ်လို့ပြောရင်း ဒီကနေ နှုတ်ဆက်လိုက်ရပါတယ်။ ကောင်းမွန်သောနေ့လေးကို ပိုင်ဆိုင်နိုင်ကြပါစေ 🌥🌳



Yan

🍂 The problem with "The Last of Us 2" 🍂

I posted how TLOU 2's player reviews could be bombed when the game is released, and that I am concerned about all those absolute perfect critics ratings. I learned along the way that writers are a bunch of pretentious idiots (mostly gaming journalists), they care so much about their own integrity and how their peers view them, rather than delivering an accurate and truthful piece of information to the audiences. Anybody is entitled to their opinions and I could care less about that, but when we really get utmost factual and keep it real, anybody with common sense and rationality could see there are so many issues, plot holes, inconsistencies and contradictions in TLOU 2.

Fortunately, not only I am one of those level-headed ppl but also being played the first TLOU game so many times, written several articles about upcoming TLOU2 games and promoted that game so much during the early days. I think I have my fair share of concern with this game, to criticize it transparently and factually. First off, I would really like to see ppl stating why would they love this game so much, what makes them love this game and which part do you think this game deserves the perfect score? (except from Joel and Ellie bonding scene and flashbacks). I will only cover my three main problems with this game, they are all story-related and I will leave any gameplay issue since it would be too damn long to explain.

So peep this, first and foremost, the game "The Last of Us" is solely about Joel and Ellie, essentially about their relationship, hardship, struggle and paternal-daughter connection between them. It also reflects one of our basic human traits indicating how human beings can grow and evolve regardless of the environment they are in. It is indeed a deep game, there's no TLOU without Joel nor Ellie, they compliment each other and completes the game itself. So about Joel, we are not upset that he died a tragic death, we are fucking pissed that he died the most imaginably ridiculous, nonsensical and petty death. He was a certified badass until his last breath and I hundred and ten percent fuck with that to the fullest. Imagine how would you feel Kratos was killed by Magni and Modi at the first one or two hours of the game and now you control both of them in turn chasing and trying to kill Aterus huhh? I know for a fact those who dont feel some type of way for Joel's death clearly have a certain mental illness, lacks at emotional intelligence or doesnt really understand what TLOU is about and maybe even a spam bot.

Second thing, is story and execution. I think TLOU 2 is an emotional game, maybe even powerful and touching at some point, but only depending on gameplay and graphics, you could argue this is by far the slightly above-mediocre game scoring like 6/10 in my rating. I play DMC 5 every single day religiously so actions in this game to me pose merely a problem just a press of a button and adapting the situations, but somehow I like the thrill and realistic immersive feel in it. I Even though it contains some moving sequences, TLOU2 story is fucking bullshit, nothing but a terrible awful mess. The best part is the way the story executes itself, woww it is absolutely absurd that I could do nothing but feel gobsmacked and wanna slit my fucking throat and be done with everything. For example, 20+ years experienced hardened veteran survivor and total fucking beast like Joel acting completely out of character and get himself killed by revealing his identity so carelessly, remember how Joel fights a Blister one by one with only a machete, just three slash and it is down. Tell me how did Joel and Tommy happen to meet that man Abby during a bloody blizzard, surrounded by a shit ton of infected. Might not be a coincidence, it is just that man Abby is so goddamn lucky that Buddha might not become enlightened in so many lifetimes but that man Abby will eventually meet Joel and Tommy in the first two hours of the game, absurdity at its finest.

The third and my final concern is how the entire direction, a spectrum it covers and the message of the game is twisted and changed. I can accept that its a story about revenge, could enjoy the brutality, violence and shock value it offers. Plus, its brutality is one of my favored points in this game, a faction of religious white men getting savagely slaughter, check, a pregnant lady stabbed in the throat, check, shooting the body parts out of the infected mutilated, check. While they may entertain a player, this is not what TLOU is about. Remember how the first TLOU started with Joel and his daughter Sarah, building all the tension, emotional intensity and then ripped apart our hearts so suddenly that we felt angry, sad, lost, shocked and empty, all those emotions just in one piece. Where is the portraying of wholesome human connection and paternal relationships in this game, very pure and genuine like Joel and Ellie's? But instead, put a man fucking another man sex scene on the godforsaken boat and makes us feel absolutely disgusted and horrified, do I supposed to feel sexually aroused by watching man porn or at least, growing boner for that man Abby? Get the fuck outta here. Sarah didnt die for nothing, Sarah didnt die for this, but for us players to feel those unique sentiments and to have empathy for Joel, to understand his actions, his emptiness and resonate with him as a man/as a father, because one day what if we will to meet a tragedy like this, lose our child and become dreadful all our entire lives. I grew up without a father my entire fucking life, let alone having a father figure in the household but I resonate with Joel on very much different levels, because at first, I would love my child to be a boy if I were to have him but he kinda put me on a whole new perspective like I now think it might not be that bad when you have a daughter. He taught me to how you should act if you were to become a father, very cautious, protective and ready to sacrifice for my child just like Joel did for Sarah, even for completely stranger like Ellie. So yeah felt like it fucked me in my ass when he did die for nothing but by a character that does not contribute any fucking thing to the story. We dont fucking care Abby nor empathize with her, no no, he and his whole damn crew can go to hell anytime they want and I will gladly send them in real life.

To sum it all up, this game, TLOU2, it insults me, it hurts my feelings so deep, as a fan who values this game so much, I just cant tolerate this kind of mess, my integrity wont allow it, my morals wont allow it, my passion for this game wont allow it. My prayers and condolences go to Joel and Sarah. I pray that they will meet somewhere along the way, hug each other so tight, tell each other's stories and live happily ever after. Little girl Sarah, I am pretty sure that Joel will play a guitar, sing you a song so beautiful and promise you that he wont never ever let you leave again. He still wore a watch you gave him as his birthday present till the day he dies, he loved you to the death, Sarah.

Yan

အထီးကျန်ဆန်တဲ့အမှောင်ထုက ရစ်ပတ်လွှမ်းခြုံထားတဲ့ရွာငယ်လေးနဲ့အတူ လျှို့ဝှက်တဲ့အမျိုးသမီးဇာတ်ကောင်သစ်ကိုပါ မိတ်ဆက်လာတဲ့ Resident Evil 8: Village 🏚🥀

 

မနေ့ကလေးတင်မှ ပူပူနွေးနွေးထွက်ရှိထားတဲ့ Resident Evil 8: Village ရဲ့ထုတ်ဖော်ပြသခြင်းထွေလာကို ပေ့ချ်မှာ ထွက်ထွက်ချင်းပဲ တင်ပေးခဲ့ပါတယ်။ ဒီထွေလာကိုမကြည့်ခင်ကတည်းက Resident Evil 8 ရဲ့ demo ကို စမ်းသပ်ဆော့ကစားကြတဲ့ Capcom အဖွဲ့သားများရဲ့ ပြောစကားတွေကို ကြားသိထားခဲ့တဲ့အတွက် ဂိမ်းထဲမှာဘာတွေပါလာမလဲဆိုတာ အကြမ်းဖျင်းတော့ခန့်မှန်းလို့ရခဲ့ပါတယ်။ ဒါကြောင့်မို့ပဲ အဲဒီကသိရတဲ့သတင်းအချက်အလက်တွေကို စုစည်းပြီး Resident Evil 8: Village ဆိုတဲ့ဆောင်းပါးကို ပေ့ချ်မှာ လွန်ခဲ့တဲ့တစ်လလောက်က ရေးသားတင်ဆက်ပေးခဲ့တာဖြစ်ပါတယ်။ အခုချိန် ဒီဆောင်းပါးကိုဖတ်နေပုံထောက်ရင်တော့ ထွေလာကို ကြည့်ပြီးသွားပြီလို့ ယူဆတဲ့အတွက် Resident Evil 8 ရဲ့ဂိမ်းအကြောင်းကို နောက်ထပ်တစ်ဆင့်ထပ်သွားပြီး ဆွေးနွေးလိုက်ကြစို့လားဗျာ။ ဂိမ်းထွေလာမထွက်ရှိလာခင်ကတည်းက ပေါက်ကြားခဲ့တဲ့သတင်းများဖြစ်ကြတဲ့ နှင်းတွေဖုံးနေတဲ့ရွာငယ်လေးနဲ့ အထီးကျန်ဆန်တဲ့ဂိမ်းလောကတည်ဆောက်မှု၊ မြေခွေးဆန်ဆန်သတ္တဝါရန်သူတွေနဲ့ ဘာသာရေးဂိုဏ်းဆန်ဆန် သဘာဝဖြစ်ရပ်ဆန်းတွေနဲ့ ဆက်နွယ်နေတဲ့ နောက်ခံဇာတ်ကြောင်းတွေ ဒါတွေအားလုံးဟာ ထွေလာမှာပြသခဲ့တဲ့ပုံအရဆိုရင် အားလုံးတိုက်ရိုက်မှန်ကန်နေကြပါတယ်။ ဒါ့အပြင် ဇီဝအကြမ်းဖက်တိုက်ဖျက်ရေးနဲ့ လုံခြုံရေးမဟာမိတ်အဖွဲ့ဝင်ဖြစ်တဲ့ B.S.A.A အေးဂျင့် Chris Redfield ဟာလည်း Resident Evil 8 မှာ ဗီလိန်ဆန်တဲ့ဇာတ်ကောင်အဖြစ် ရှိနေတယ်ဆိုတာဟာလည်း လတ်တလောတွေ့မြင်ရသလောက်ကတော့ မှန်ကန်မှုရှိနေဆဲဖြစ်ပါတယ်။ ဆိုတော့ကာ Resident Evil စီးရီးပရိသတ်တွေရော၊ ဂိမ်းချစ်သူတွေအနေနဲ့ Resident Evil 8: Village နဲ့ပတ်သက်ပြီး သိသင့်တာ ဘာတွေကျန်ရှိနေသေးလဲ? 🕵️‍♀️



Resident Evil 8: Village နဲ့ပတ်သက်ပြီး နောက်ထပ်ထူးခြားတဲ့အချက်တစ်ခုက ဒီဂိမ်းမှာ အရင် RE ဂိမ်းများနဲ့ကွဲပြားခြားနားစွာပဲ သဘာဝလွန်ဖြစ်ရပ်ဆန်းများနဲ့ တစ္ဆေသရဲဆန်တဲ့ခံစားချက်အငွေ့အသက်ကို ပေးစွမ်းလို့နေတာပါပဲ။ သေချာပြန်ပြီးစဉ်းစားကြည့်လိုက်မယ်ဆိုရင် Resident Evil စီးရီးတစ်လျှောက်လုံးရဲ့ ထွက်ခဲ့သမျှဂိမ်းတွေကို အလွန့်အလွန်ဆုံး သိပ္ပံဆန်တဲ့ Sci-fi/Survival Horror ဂိမ်းအမျိုးအစားအဖြစ်သာ ခေါင်းစဉ်တပ်လို့ရရင်ရမယ်၊ သဘာဝလွန်ဆန်းကြယ်တဲ့ Supernatural Survival Horror လို့ ခေါင်းစဉ်တပ်လို့မရပါဘူး။ ဘာကြောင့်လည်းဆိုတော့ Resident Evil ဂိမ်းများရဲ့ နဂိုရှိရင်းစွဲဂိမ်းတည်ဆောက်မှုပုံစံကိုက သိပ္ပံနည်းကျဖော်စပ်ထားတဲ့ဗိုင်းရပ်စ်တွေ၊ ဇီဝအကြမ်းဖက်သန္ဓေပြောင်းသတ္တဝါတွေနဲ့ စမ်းသပ်ချက်မှားယွင်းမှုကြောင့် ဖြစ်ပွားခဲ့ရတဲ့နောက်ဆက်တွဲပြဿနာတွေကြားမှာ အုတ်မြစ်တည်ထားတာကြောင့်ဖြစ်ပါတယ်။ ဒါပေမယ့် ဒီတစ်ခေါက် Resident Evil 8: Village မှာတော့ အရင်ဂိမ်းတွေထဲကကွဲထွက်ပြီး ထူးကဲနေတဲ့အရည်အသွေးတွေကို အထင်းသားတွေ့မြင်ရပါတယ်။ လူသူကင်းမဲ့ပြီး အထီးကျန်ခြောက်ကပ်တဲ့ရွာငယ်လေးရဲ့အသွင်အပြင်ဟာ တကယ်တမ်းမှာ အနောက်တိုင်းရိုးရာတစ္ဆေပုံပြင်များရဲ့ ဇာတ်အိမ်တည်ရာဇာတိနေရပ်လို့တောင် ထင်မှတ်မိပါတယ်။ ဒဏ္ဍာရီဆန်ဆန်ရှေးဟောင်းပုံပြင်များထဲက ကျောချမ်းဖွယ်ရာအကြောင်းအရာများဖြစ်ကြတဲ့ ခိုက်ခိုက်တုန်အောင်ချမ်းအေးတဲ့မြူနှင်းတွေ၊ နှစ်ပေါင်းရာချီကြာမြင့်နေပြီဖြစ်တဲ့ ရဲတိုက်ဟောင်းကြီး၊ ရွာသူရွာသားတွေကို အောက်လမ်းအတတ်ပညာနဲ့ တိတ်တဆိတ်ပြုစားနေတဲ့ မှော်စုန်းမတွေနဲ့ တစ်စုံတစ်ယောက်ကို လူ့လောကထဲပြန်လည်ဆင့်ခေါ်ဖို့ ပြုလုပ်နေတဲ့အစီအရင်တွေ အစရှိတဲ့ လျှို့ဝှက်ဆန်းကြယ် စိတ်ဝင်စားဖို့ကောင်းတဲ့ အချက်အလက်တွေအားလုံးဟာ ဒီဂိမ်းထဲမှာပါဝင်လို့နေပါတယ် 🌫



Resident Evil 8: Village နဲ့ပတ်သက်တဲ့ ယေဘုယျဂိမ်းတွင်းအကြောင်းအရာတွေကို ဒီလောက်ဆိုရင် ထင်သာမြင်သာရှိလောက်ပြီလို့ ယူဆမိပါတယ်။ ပရိသတ်တွေမသိကြသေးတဲ့ နောက်ထပ်မှတ်သားဖွယ်အချက်တစ်ချက်ကတော့ Resident Evil 8 မှာ ဟိုးအရင်ဘယ်တုန်းကမှ စီးရီးတစ်လျှောက်မှာမပါဝင်ဖူးခဲ့တဲ့ အမျိုးသမီးဇာတ်ကောင်သစ်တစ်ယောက်ကို ဂိမ်းဇာတ်လမ်းထဲမှာ ဆော့ကစားနိုင်မယ့်ဇာတ်ကောင်အဖြစ် ထည့်သွင်းထားတယ်ဆိုတာပါပဲ။ အဲဒီအမျိုးသမီးဇာတ်ကောင်ဟာ မြူနှင်းတွေဖုံးအုပ်လို့နေတဲ့ တောင်တန်းတွေကြားမှာတည်ထားတဲ့ ရွာငယ်လေးအတွင်းက ရွာသူတစ်ဦးဖြစ်ပြီး ထူးဆန်းစွာပျောက်ဆုံးသွားတဲ့ သူမရဲ့ဖခင်ကို လိုက်လံရှာဖွေနေတာပဲဖြစ်ပါတယ်၊ အဲဒီမိန်းမပျိုလေးရဲ့နာမည်ကတော့ Emily ဖြစ်ပြီး သူမဟာ အသက်နှစ်ဆယ်စွန်းစွန်းအရွယ်သာရှိပါသေးတယ်။ တဖြည်းဖြည်းဂိမ်းဇာတ်ကြောင်းရှေ့ဆက်လာတာနဲ့အမျှ Emily ဟာ Resident Evil 8 မှာ ပြန်လည်ပါဝင်လာမယ့် Ethan နဲ့ တွေ့ဆုံပြီး ဇာတ်လမ်းတစ်လျှောက်မှာ တစ်ယောက်နဲ့တစ်ယောက် လိုအပ်တဲ့နေရာတွေမှာ ကူညီထောက်ပံ့သွားမှာဖြစ်တယ်လို့ သိရပါတယ်။ Emily ဟာ Resident Evil 8 မှာ ကိုယ်ကိုယ်တိုင် ဝင်ရောက်ဆော့ကစားရမယ့် ဇာတ်ကောင်တစ်ယောက်ဖြစ်ပြီး သူမနေရာမှာ ဘယ်လိုမျိုးဂိမ်းအခန်းတွေကို ဖြတ်သန်းရမှာလဲဆိုတာကတော့ တကယ့်ကိုစိတ်ဝင်စားစရာပါပဲ။ လောလောဆယ်အထိ Chris ရဲ့အခန်းကဏ္ဍကတော့ ထွေလာမှာ ပြသခဲ့တဲ့သလောက်ပဲ သိရှိရသေးပြီး ဒီကြားကာလမှာ ထပ်မံသိရှိရသမျှကို အခုလိုဆောင်းပါးတွေနဲ့ တင်ဆက်ဖော်ပြသွားပေးဦးမှာပါ 📰✍️



Reveal ထွေလာကြည့်ပြီးသွားသူများအနေနဲ့ ဒီဆောင်းပါးကို ထပ်မံဖတ်ရှုပြီး Resident Evil 8: Village ရဲ့ဇာတ်ကြောင်းတည်ရာလောကနဲ့ ဂိမ်းပတ်ဝန်းကျင်တစ်ခုလုံးကို ပိုမိုသိရှိသွားစေဖို့ ရည်ရွယ်ပါတယ်။ ဆိုတော့ကာ ၂၀၂၁ ခုနှစ်မှာထွက်ရှိလာမယ့် Resident Evil 8: Village မှာ Chris Redfield, Ethan Winter နဲ့ Emily တို့ ဇာတ်ကောင်သုံးယောက်ဟာ ဂိမ်းဇာတ်ကြောင်းတစ်လျှောက် ဘယ်လိုမျိုးအရေးကြီးတဲ့ဇာတ်ကွက်တွေမှာ ပါဝင်သွားမှာလဲ? သူတို့သုံးယောက်ရဲ့ချိတ်ဆက်မှုနဲ့ ဂိမ်းရဲ့အဓိကရန်သူကရော ဘယ်သူလဲ? နောက်ထပ်ထွက်ရှိဦးမယ့် အချက်အလက်တွေကနေရော ဘာတွေကိုထပ်မံသိရှိနိုင်မှာလဲ? အစရှိသဖြင့် Capcom က တရားဝင်ထုတ်ပြောသွားမယ့် သတင်းတွေကို စောင့်စားရင်း ၂၀၂၁ ခုနှစ်အထိ စိတ်ရှည်ရှည်စောင့်လိုက်ကြစို့လို့ တိုက်တွန်းလိုက်ရပါတယ်။ ဖတ်ရှုလာရင်း ဒီနေရာအထိရောက်ရှိလာသူများအားလုံးကို ကျေးဇူးအထူးတင်ရှိပါတယ်။ နောက်လာမယ့် အခုလိုမျိုးစိတ်ဝင်စားစရာဂိမ်းအကြောင်းအရာတွေနဲ့အတူ ကျွန်တော်တို့ပြန်လည်ဆုံတွေ့ကြပါမယ်။ အားလုံးပဲ သာယာတဲ့နေ့လေးကို ပိုင်ဆိုင်နိုင်ကြပါစေ 🖤🌥



Yan

၂၀၃၆ ခုနှစ်မှာဇာတ်အိမ်တည်ထားတဲ့ Bright Memory: Infinite ဒါမှမဟုတ် လူတစ်ဦးတည်းက ရေးဆွဲဖန်တီးထားတဲ့ AAA စံနှုန်းထားနဲ့ ဂိမ်းတစ်ခု 🌺✨

ဂိမ်းချစ်သူပရိသတ်တွေကို စိတ်ဝင်စားစရာဂိမ်းဆောင်းပါးတွေ ပုံမှန်တင်ဆက်ပေးဖို့ အချိန်ကျရောက်လို့လာပြန်ပါပြီ။ လတ်တလောမှာ ဖော်ပြလိုတဲ့အကြောင်းအရာပေါင်းများစွာရှိတဲ့ထဲကမှ ဒီတစ်ခေါက်ကိုတော့ ဂိမ်းချစ်သူတွေကို အရင်ဆုံးသိစေချင်တဲ့ Bright Memory: Infinite ဆိုတဲ့ ဂိမ်းတစ်ခုနဲ့ မိတ်ဆက်ပေးလိုက်ပါရစေ။ ဘာကြောင့်လည်းဆိုတော့ အဲဒီဂိမ်းဟာ လူတစ်ဦးတစ်ယောက်တည်းက အစစအရာရာ ခေါင်းစခြေဆုံးဖန်တီးထားခဲ့တဲ့ AA အဆင့်အတန်းမှီတဲ့ ဂိမ်းတစ်ခုဖြစ်လို့ပါပဲ။ အားလုံးပဲ အဆင်သင့်ဖြစ်ပြီဆိုရင် ကျွန်တော်တို့ ဆက်သွားကြစို့ဗျာ။ လက်ရှိအချိန်ဟာ မျိုးဆက်သစ်ဗီဒီယိုဂိမ်းတွေကို စင်တင်ပွဲဦးထုတ်မယ့် အချိန်ကာလဖြစ်တာမို့ ဂိမ်းလောကတစ်ခုလုံးဟာ ဟိုးအရင်အချိန်တွေတုန်းကထက်ကိုပိုပြီး စိတ်လှုပ်ရှားရင်ခုန်နေကြပါတယ်။ တစ်ကမ္ဘာလုံးကပရိသတ်တွေဟာ ကိုယ်နဲ့ငယ်စဉ်ကတည်းက ရင်းနှီးကျွမ်းဝင်တဲ့ ဂိမ်းပလက်ဖောင်းအလိုက် ရသစုံပေးစွမ်းပြီး အရည်အသွေးမြင့်တဲ့ ဂိမ်းပေါင်းများစွာကို နှစ်ခြိုက်မြတ်နိုးစွာ ဆော့ကစားခဲ့ကြတာ အခုချိန်ထိပါပဲ။ အခုလိုမျိုးပူပူနွေးနွေးအချိန်မှာ မျိုးဆက်သစ်ဂိမ်းဖန်တီးထုတ်လုပ်သူများဟာ သူတို့ဘက်က ချပြနိုင်တဲ့အမိုက်စားဂိမ်းတွေကို စနစ်တကျ အစီအစဉ်အလိုက် ပရိသတ်တွေဘဝင်ခိုက်စေဖို့ ထုတ်ဖော်ပြသလာကြပါတယ်။ အဲဒီလိုထုတ်ဖော်မှုတွေထဲမှာမှ သိပ်မကြာခင်ကပြုလုပ်ခဲ့တဲ့ X Box ရဲ့ May 7 Inside X Box Event မှာ ပြသသွားတဲ့ Bright Memory: Infinite ဂိမ်းကတော့ ပရိသတ်တွေရဲ့ရင်ထဲထူးခြားစွာပဲ စွဲကျန်လို့နေခဲ့ပါတယ်။ အဲဒါဟာ ဂိမ်းမှာပါဝင်တဲ့ သွတ်လတ်မြန်ဆန်ပြီး စတိုင်ကျလွန်းတဲ့ ဂိမ်းစနစ်ကြောင့်လား? သိပ္ပံအက်ရှင်ကားထဲကဇာတ်ဝင်ခန်းတွေလို ရင်သပ်ရှုမောဖွယ်တွေ့မြင်ဆော့ကစားနိုင်တဲ့ အပစ်အခတ်ကစားဟန်ကြောင့်လား? ဒါမှမဟုတ် လန်ပြန်ထွက်နေတဲ့ဇာတ်ကောင်ဒီဇိုင်းတွေနဲ့ ရှုမငြီးဖြစ်စေတဲ့ရုပ်ထွက်ဂရပ်ဖစ်ကြောင့်လား? သေချာပြန်စဉ်းစားကြည့်တဲ့အခါမှာတော့ အခြားဂိမ်းတွေနဲ့မတူတဲ့ ဒီဂိမ်းရဲ့ကွဲပြားတဲ့အကြီးမားဆုံးအချက်က ဘာလဲဆိုတော့ ဒီ Bright Memory: Infinite ဂိမ်းဟာ လူတစ်ဦးတစ်ယောက်တည်းက ရေးဆွဲဖန်တီးခဲ့တဲ့ဂိမ်းတစ်ခု ဖြစ်နေတာကြောင့်ပါပဲ 🌱🌳

၂၀၂၀ ခုနှစ်အရောက်မှ ဂိမ်းပရိသတ်တွေနဲ့ မီဒီယာကြားထဲတစ်စတစ်စ လူသိများလာခဲ့တယ်ဆိုပေမယ့် Bright Memory ဂိမ်းရဲ့ ကနဦးခရီးစဉ်ဟာ လွန်ခဲ့တဲ့သုံးနှစ် ၂၀၁၇ ခုနှစ်ကတည်းက စတင်ခဲ့တာပါ။ ဒီဂိမ်းကိုရေးဆဲဖန်တီးတဲ့ တစ်ဦးတည်းသော developer ကတော့ Zeng Xiancheng လို့အမည်ရတဲ့ တရုတ်နိုင်ငံသားဂိမ်းရေးဆွဲသူဖြစ်ပါတယ်။ Zeng ဟာ လွတ်လပ်တဲ့ ဂိမ်းရေးဆွဲသူတစ်ဦးဖြစ်ပြီး FYQD ဆိုတဲ့ဂိမ်းစတူဒီယိုကို တည်ထောင်ထားပါတယ် (တစ်ဦးတည်းပိုင်တဲ့ ဂိမ်းစတူဒီယိုဖြစ်ပါတယ်)။ ဒီ Bright Memory ဂိမ်းဟာ ၂၀၁၉ ခုနှစ်၊ ဇန်နဝါရီလ ၁၂ ရက်နေ့မှာ အကြိုဝင်ဆော့ကစားနိုင်တဲ့ early access ကိုဖွင့်ပေးခဲ့ပြီး ဂိမ်းရဲ့ပထမဦးဆုံးအခန်းဖြစ်တဲ့ Episode 1 ကို ထုတ်ပေးခဲ့ပါတယ်။ Zeng ဟာသူရဲ့အားလပ်ချိန်တွေမှာ ဒီဂိမ်းကိုအပတ်တကုတ် အားထုတ်ဖန်တီးနေတာဖြစ်တယ်လို့ ပြောပြထားပြီး Bright Memory ဆိုတဲ့နာမည်ကနေ ဂိမ်းတစ်ခုလုံးရဲ့အမည်ကို Bright Memory: Infinite လို့ပြောင်းလဲမှည့်တွင်လိုက်တယ်လို့ ဆိုပါတယ်။ Bright Memory: Infinite ဂိမ်းဟာ Zeng တစ်ဦးတည်းဖန်တီးတဲ့ ဂိမ်းတစ်ခုဖြစ်ပေမယ်လို့ ဂိမ်းကောင်းတစ်ခုဖြစ်မြောက်လာဖို့ ကဏ္ဍပေါင်းစုံကဝန်းရံဖို့လိုအပ်တာကြောင့် သူငယ်ချင်းဖြစ်တဲ့ ဂျပန်ဂိမ်းဖန်တီးသူ Playism က လိုအပ်သမျှကို ကူညီထောက်ပံ့ပေးတယ်လို့ သိရပါတယ်။ Zeng ဟာ ဂိမ်းတစ်ခုလုံးကို Unreal Engine 4 နဲ့ ခေါင်းစခြေဆုံးဖန်တီးခဲ့တာဖြစ်ပြီး သူ့ရဲ့ဂိမ်းလေးစတင်အကောင်အထည်ပေါ်လာချိန်မှာတော့ Epic Games ရဲ့ Unreal Developer Grants ဆီက ပရောဂျက်ရဲ့ကုန်ကျစရိတ်အတွက် ဘတ်ဂျက်အထောက်အပံ့ကို ရရှိခဲ့ပါတယ်။ နာမည်ကျော်ဂိမ်းဖန်တီးသူစတူဒီယိုများရဲ့ ခေတ်ကိုထပ်ဟပ်တဲ့ ရသစုံဂိမ်းတွေလောက် အစစအရာရာပြီးပြည့်စုံရှိတယ်လို့ မဆိုသာပေမယ့် Bright Memory: Infinite ဟာ အချို့သော AAA ဂိမ်းများထက် သာလွန်တဲ့အတွေ့အကြုံကို ပေးစွမ်းနေတယ်ဆိုတာ အနေအထားကိုအကဲခတ်လိုက်တာနဲ့ အသေအချာသိမြင်နိုင်ပါတယ် 🎮✨

Bright Memory: Infinite ရဲ့ဂိမ်းအမျိုးအစားဟာ သိပ္ပံအက်ရှင်အမျိုးအစားဖြစ်ပြီး ၂၀၃၆ ခုနှစ်မှာ ဂိမ်းဇာတ်အိမ်ကိုတည်ထားပါတယ်။ ကိုယ်ဟာ လျှို့ဝှက်ဆန်းကြယ်သိပ္ပံအချင်းအရာများကို စူးစမ်းလေ့လာတဲ့ SRO (Supernatural Science Research Organization) အဖွဲ့ထဲက အဖွဲ့ဝင် Shelia အဖြစ် ဝင်ရောက်ဆော့ကစားရမှာပါ။ အဓိကဇာတ်ကောင်ဖြစ်တဲ့ Shelia ဟာ အတိုက်အခိုက်ကျွမ်းကျင်ပြီး ရဲရင့်ပါးနပ်တဲ့ မိန်းမသားသူရဲကောင်းတစ်ယောက်ဖြစ်ပြီး Zeng အနေနဲ့ ဒီဂိမ်းမှာအခြားသော ဂိမ်းတွေနဲ့မတူတဲ့ ကွဲပြားခြားနားမှုကိုပေးစွမ်းဖို့ ရည်ရွယ်ထားပုံပါပဲ။ Bright Memory: Infinite ဟာ First Person Shooter Hack and Slash ဂိမ်းတစ်ခုဖြစ်ပြီး အပစ်အခတ်သာမက အတိုက်အခိုက်အခုတ်အထစ်နဲ့ စတိုင်ကျတဲ့အက်ရှင်ဇာတ်ကွက်တွေကြားမှာ ရန်သူတွေကို အပြတ်တိုက်စစ်ဆင်ရမယ့်အနေအထားပါပဲ။ ဂိမ်းဆော့ကစားရမယ့်ပုံစံကို မြင်သာအောင်ပြောရမယ်ဆိုရင်တော့ Titanfall ရဲ့အသွားအလာပုံစံ၊ အပစ်အခတ်စနစ်နဲ့ Devil May Cry ရဲ့ဟန်ပန်ကျတဲ့ အတိုက်အခိုက်စနစ်ကို ပေါင်းစပ်ထားတဲ့ ဖော်မြူလာကိုအခြေခံထားပါတယ်။ ကိုယ်တီထွင်နိုင်စွမ်းကွန့်မြူးရင် ကွန့်မြူးနိုင်သလောက် ရန်သူတွေကို မြေလျှိုးမိုးပျံ အကွက်ကျကျတိုက်ခိုက်ရမယ့် ဂိမ်းတစ်ခုလို့ဆိုရင်လည်းမမှားပါဘူး။ 

ဒီဂိမ်းနောက်ကွယ်က ရေးဆွဲဖန်တီးသူဖြစ်တဲ့ Zeng ဟာ ဂိမ်းဇာတ်ကြောင်းမှာ အချိန်ကိုနောက်ပြန်သွားလို့ရတဲ့ အာကာသယာဉ်ပျံကြီးနဲ့အတူ လွန်ခဲ့တဲ့နှစ်တစ်ထောင်လောက်က ဆာမူရိုင်းခေတ်ကနေ အခုလက်ရှိအချိန်အထိ ကြားကာလမှာဘာတွေဖြစ်ခဲ့သလဲဆိုတာကို ရှာဖွေရမှာဖြစ်တယ်လို့လည်း အရိပ်အမြွက်ပြောထားပါသေးတယ်။ ကနဦးတုန်းက Bright Memory: Infinite ကို PC, Playstation နဲ့ X Box အစရှိတဲ့ ပလက်ဖောင်းအားလုံးမှာ ဖြန့်ချိဖို့ရာထားပေမယ့် အခုလောလောဆယ်မှာတော့ PC, X Box One နဲ့ X Box Series X ပလက်ဖောင်းတွေအပေါ်မှာပဲ တွေ့မြင်ခံစားနိုင်ပါတယ်။ Zeng ရဲ့ကြိုးစားအားထုတ်ထားမှုနဲ့ သူကိုယ်တိုင်အကောင်အထည်ဖော်နိုင်ခဲ့တဲ့ ဒီ Bright Memory: Infinite ဂိမ်းဟာ အတော်လေးတော့ ချီးကျူးဖို့ကောင်းသလို ဂိမ်းချစ်သူတစ်ယောက်အနေနဲ့ရော၊ ဂိမ်းလောကတစ်ခုလုံးကပါ အားပေးထောက်ပံ့သင့်တဲ့လုပ်ရပ်မျိုးပါပဲ။ အဲဒါကြောင့်မို့ပဲ Zeng ဟာ သူပေးဆပ်ထားတာနဲ့ ပြန်လည်ကိုက်ညီတဲ့ တန်ပြန်မှုကိုအခုချိန်မှာ ခံစားနေရတာဖြစ်ပါတယ်။ ဒီ Bright Memory: Infinite ဂိမ်းကို ပရိသတ်တွေကြားထဲပိုမို ပြန့်နှံ့စိမ့်ဝင်သွားစေဖို့ ရည်ရွယ်ချက်နဲ့ရော Zeng ရဲ့လုပ်ရပ်ကို အားပေးတဲ့အနေနဲ့ပါ ဒီဆောင်းပါးကိုရေးသားတင်ဆက်ပေးရခြင်း ဖြစ်ပါတယ်။ ကိုယ်ကိုယ်တိုင်ကလည်း တစ်တပ်တစ်အား ရရာနေရာကနေ Zeng ကို အားပေးနေသလို ဒီဆောင်းပါးနဲ့အတူ shoutout လုပ်လိုက်ရပါတယ်။ ဆိုတော့ကာ Bright Memory: Infinite ကို စိတ်ဝင်စားသူများအနေနဲ့ အင်တာနက်ကွန်ယက်တွေမှာ ဂိမ်းတွင်းဗီဒီယိုတွေကို ရှာဖွေကြည့်ရှုနိုင်ပြီး ကိုယ်တိုင်ဆော့ကစားလိုသူများကလည်း demo ကို ဒေါင်းလုဒ်လုပ်ဆော့ကစားနိုင်သလို ဒေါ်လာ ၁၀ ကျပ်နှုန်းနဲ့ Episode 1 ကို Steam မှာ ရယူနိုင်ပါတယ် ☄️☄️

ကဲ ဒီတစ်ခေါက်တင်ပြလိုတဲ့အကြောင်းအရာကတော့ ဒီလောက်ပါပဲ။ သိပ်မကြာခင်မှာပဲ အခုလိုစိတ်ဝင်စားဖို့ကောာင်းတဲ့ ဂိမ်းဆောင်းပါးတွေနဲ့ ကျွန်တော်တို့ ပြန်လည်ဆုံတွေ့ကြပါမယ်။ ဖတ်ရှုသူတစ်ဦးတစ်ယောက်ချင်းစီကို ကျေးဇူးအထူးတင်ရှိကြောင်းပြောရင်း Bright Memory: Infinite ဂိမ်းတစ်ခုလုံးရဲ့ အမြည်းကိုတော့ ပို့စ်မှာပါတဲ့ ဓါတ်ပုံတစ်ပုံချင်းစီကိုထောက်ရင်း ကြည့်ရှုခံစားနိုင်ပါတယ် 📱🖱

Yan