The Last of Us (Part 2) - Ellie's Transformation 🧝‍♀️🏹

ေလာင္ၿမိဳက္ျခင္းေပါင္းစုံျပည့္ေနတဲ့ ဒီလူ႔ဘဝထဲစေရာက္ရွိလာကတည္းက Ellie အတြက္ေတာ့ "ၿငိမ္းခ်မ္းတဲ့ကမာၻေလာကႀကီး ဟုိးတစ္ခ်ိန္ကရွိခဲ့တယ္" ဆုိတာ ယုံတမ္းစကားသာသာ အ႐ုိးစိမ့္ေအာင္ခ်မ္းတဲ့ႏွင္းျမဴေတြၾကားက ဝုိးတဝါးအိပ္မက္လုိပါပဲ။ အသက္ ၁၄ ႏွစ္ကေန အခု The Last of Us: Part 2 မွာ အသက္ ၁၉ ႏွစ္ကုိေရာက္ရွိလာေပမယ့္ ဆယ္ေက်ာ္သက္အရြယ္ထဲမွာပဲရွိေနေသးတဲ့ Ellie ဟာ ငယ္ရြယ္ႏုပ်ိဳလြန္းေသးတဲ့ မိန္းမသားတန္မဲ့ ရွင္သန္လာခဲ့တဲ့ဘဝတစ္ေလွ်ာက္လုံးမွာ လက္ေတြ႔ဘဝငရဲေပါင္းမ်ားစြာကုိ ရင္ဆုိင္ျဖတ္ေက်ာ္ခဲ့ၿပီးပါၿပီ ⏳

The Last of Us ဟာ ဘယ္လုိ႐ႈေထာင့္ကၾကည့္ၾကည့္ ေတာက္ေျပာင္ေနတဲ့စိန္တစ္ပြင့္ျဖစ္တာေၾကာင့္ ဒီ masterpiece မွာစ်ာန္ဝင္ေမ်ာပါသြားခဲ့တဲ့ ဂိမ္းခ်စ္သူတစ္ေယာက္အေနနဲ႔ ဒီဂိမ္းကေပးတဲ့ အေတြးအျမင္၊ သက္ဝင္ခံစားမႈ၊ ေပးစြမ္းတဲ့ရသေ အစရွိတာေတြကုိ The Last of Us: Retrospective Chapter အျဖစ္ မၾကာခင္ေပ့ခ်္မွာတင္ဆက္ဖုိ႔ ရည္ရြယ္ထားပါတယ္။ ရက္လႏွစ္အခ်ိန္ေတြနဲ႔အတူ တရိပ္ရိပ္ဆင့္ကဲေျပာင္းလဲလာတဲ့ Ellie ရဲ႕ပုံစံဟာ The Last of Us: Part 2 မွာ ဘယ္လုိျဖစ္မလဲဆုိတာ ကၽြန္ေတာ္ကေတာ့ ဒီဗီဒီယုိၾကည့္ရင္း အေတာ္ေလးရင္ခုန္ေနပါၿပီ 🙌

🌺 စူးရွထက္ျမက္ၿပီး အရာရာကုိရင္ဆုိင္ဖုိ႔အသင့္ရွိတယ္၊ အမွန္တရားဘက္ကအၿမဲရပ္တည္ၿပီး ေက်းဇူးနဲ႔ သစၥာတရားကုိေစာင့္သိတဲ့ Ellie အတြက္ လာမယ့္အနာဂတ္ခရီးလမ္းဟာ ဘယ္ေလာက္ေတာင္မ်ားၾကမ္းတမ္းဦးမွာလဲ? 🌺

Link to the video - https://youtu.be/JclKytWG9Ro
Subscribe to Playstation - https://www.youtube.com/PlayStation

၂၀၀၀ ခုနှစ်ဝန်းကျင်တုန်းက မသိသူမရှိလောက်အောင် ကြောက်စရာကောင်းခဲ့တဲ့ The Grudge (Ju-On) ရုပ်ရှင် Remake ၂၀၂၀မှာ ထွက်ရှိမယ် 💀💀

လက်ရှိအချိန်မှာ The Grudge ရုပ်ရှင်ဟာ Trilogy သဘောမျိုးနဲ့ ဇာတ်ကားပေါင်းသုံးကား ထွက်ရှိခဲ့ပြီး ၂၀၀၄ ခုနှစ်မှာတစ်ကြိမ်၊ ၂၀၀၆ ခုနှစ်မှာတစ်ကြိမ်နဲ့ ၂၀၀၈ ခုနှစ်မှာတစ်ကြိမ် သုံးခွေဇာတ်တိုက်ထွက်ရှိခဲ့ပါတယ်။ ဂျပန်နိုင်ငံမှာ ၂၀၀၂ ခုနှစ်ကတည်းက ပေါက်မြောက်နှင့်ပြီးသားဖြစ်တဲ့ Takashi Shimizu ရဲ့ Ju-On: The Grudge မူရင်းဇာတ်လမ်းကို မှီငြိမ်းပြီး The Grudge ဆိုတဲ့အမည်နဲ့ အမေရိကန်အသွင် ပြန်လည်ရိုက်ကူးခဲ့တာကြောင့် တကယ်တမ်း ထွက်ရှိလာချိန်မှာ ၂၀၀၀ ခုနှစ်တဝိုက်က Horror ပရိသတ်တွေရဲ့ ရင်ထဲမှာစွဲငြိခဲ့ရတဲ့ ဇာတ်ကားလည်းဖြစ်ပါတယ်။ The Grudge ရဲ့ သွေးပျက်ဖို့ကောင်းတဲဇာတ်လမ်း၊ အခြား horror ကားတွေနဲ့မတူတဲ့ခြောက်ခြားမှု၊ စိတ်ထဲစွဲမှတ်သွားစေမယ့် Kayako ရဲ့ ပုံရုပ်တွေကြားမှာ မျက်လုံးကိုပိတ်၊ နားကိုကွယ်ရင်း ကြည့်ခဲ့ရတဲ့အချိန်တွေလည်း ရှိခဲ့ပါတယ် 😱😭

ဒါပေမယ့် အဲဒီလိုသွေးပျက်ထိတ်လန့်ဖို့ကောင်းတဲ့ Ju-On ရုပ်ရှင်ဟာ လာမယ့် ၂၀၂၀ ခုနှစ်မှာ The Grudge Remake ဆိုတဲ့အမည်နဲ့ ထွက်ရှိလာမှာဖြစ်တယ်လို့ ၂၀၁၉ ခုနှစ်၊ New York မြို့မှာကျင်းပတဲ့ Comic Con ပွဲမှာ ကြေညာခဲ့ပါတယ်။ ၂၀၁၄ ခုနှစ်ကတည်းက ရိုက်ကူးဖို့အတွက် ပြင်ဆင်နေခဲ့ပေမယ့် The Grudge Remake ဟာ တကယ်တမ်း ၂၀၂၀ ခုနှစ်၊ ဇန်နဝါရီလ ၃ ရက်နေ့မှာမှ ကမ္ဘာရုပ်ရှင်ရုံအနှံ့အပြားမှာ တင်ဆက်ပြသသွားမှာဖြစ်ပါတယ်။ ဇာတ်အိမ်နဲ့ပတ်သက်ပြီး ဘာမှမသိရသေးပေမယ့် အမျက်ကြီးလွန်းတဲ့ကြိမ်စာဟာ ဂျပန်ပြည်ကနေ အမေရိကန်ကိုကူးစက်လာခဲ့ပြီး အရင်ဇာတ်ကားတွေနဲ့လည်း တစ်နည်းနည်းဆက်နွယ်မှုရှိသလို ပိုပြီးလည်းစက်ဆုပ်ကြမ်းတမ်းတယ်လို့ဆိုပါတယ်။ လတ်တလောကမှ သုံးကားစလုံးပြန်ကြည့်ဖြစ်ခဲ့ပေမယ့် ၂၀၂၀ ခုနှစ်၊ ဇန်နဝါရီလ ၃ ရက်နေ့မှာ ထွက်လာမယ်လို့ ပြောထားတဲ့ The Grudge Remake ကိုတော့ ကျွန်တော်တို့ Horror ပရိသတ်များက စောင့်ကြည့်ရဦးမှာပါ 🎬

ဒီ Grudge (Ju-On) ဇာတ်ကားသုံးကားလုံးကို ဟိုးဆယ်ကျော်သက်အရွယ်ကတည်းက ကြည့်ခဲ့ဖူးတဲ့အတွက် Kayako ရဲ့ပကတိထိတ်လန့်ဖို့ကောင်းတဲ့ပုံရိပ်တွေကို အခုအချိန်ထဲ စိတ်ထဲကဖျောက်ဖျက်မရ စွဲမှတ်နေဆဲဖြစ်ပါတယ်။ မကြာခင်ရောက်ရှိလာတော့မယ့် ၂၀၂၀ မှာထွက်ရှိမယ့် The Grudge ဇာတ်ကားအသစ်ဟာလည်း ပရိသတ်အဟောင်းတွေကိုရော၊ အခုမှ franchise ကိုစကြည့်မယ့် ပရိသတ်သစ်များကိုပါ သူမတူတဲ့အကြောက်တရားတွေပေးစွမ်းသွားမယ်ဆိုတာ ချွင်းချက်မရှိယုံကြည်ပါတယ်။ နောက်ပြီး ၂၀၂၀ ရဲ့ The Grudge Remake ရုပ်ရှင်ဇာတ်ကား့ထွေလာအသစ်ကို react လုပ်ထားတဲ့ reaction ဗီဒီယိုကိုလည်း မနက်ဖြန်ကျရင် ပေ့ချ်မှာတင်ပေးသွားမှာဖြစ်ပါတယ်။ ကဲ ဒီတော့ လာမယ့် ၂၀၂၀ နှစ်သစ်ဟာ အမိုက်စားဂိမ်းတွေရော၊ အားလုံးစောင့်မျှော်နေကြတဲ့ရုပ်ရှင်ဇာတ်ကားကောင်းမြောက်မြားစွာပါ ထွက်ရှိလာမယ့်နှစ်ဖြစ်တာကြောင့် အားလုံးအတူတူ ဒီဆောင်းပါးကိုဖတ်ရင်း ဘာတွေကိုတွေ့ကြုံခံစားရမလဲဆိုတာ အတူစောင့်ကြတာပေါ့ဗျာ 🎊

Yan

The Grudge 2020 Remake Trailer Reaction 💀

This is fricking terrifying. The Grudge trilogy has been one of my favorite horror franchise since early 2000s. So I did a reaction to upcoming "The Grudge 2020 Remake" trailer. 😱😨

PLS PUT YOUR HEADPHONES ON!! 🎧❗️❗️

Link to the video - https://youtu.be/O2NKzO-fxwQ
Subscribe to Sony Picture Entertainment - https://www.youtube.com/SonyPictures

ဂိမ်းချစ်သူများအားလုံးစောင့်ဆိုင်းနေကြတဲ့ Ghost of Tsushima ဂိမ်းဟာ ၂၀၂၀ ခုနှစ်မှာ ဂိမ်းလောကတစ်ခုလုံးကို တုန်လှုပ်သွားစေမှာလား? 👹⚔️☀️

နှစ်စဉ် ဒီဇင်ဘာလတိုင်းမှာကျင်းပနေကြဖြစ်တဲ့ Sony ရဲ့ State of Play မှာ Resident Evil 3 Remake ကိုကြေညာပြသခဲ့လို့ ဂိမ်မာတွေအတော်လေးစိတ်ကျေနပ်ခဲ့ရပါတယ်။ အဲ ဒါပေမယ့် အချိန်သိပ်မကြာလိုက်ပါဘူး၊ အခုလေးတင်ပဲ ဂိမ်မာများအတွက်သတင်းကောင်း နောက်တစ်ခုကိုတင်ဆက်ပေးဖို့အချိန်ကျလာပြန်ပါပြီ။ အဲဒါကတော့ အခြားမဟုတ်ပါဘူး၊ အလားအလာရှိတဲ့ Playstation Exclusive ဂိမ်းသစ်အဖြစ် ၂၀၁၇ နှစ်ကုန်ပိုင်းကတည်းက ဂိမ်းနယ်ပယ်တစ်ဝိုက်မှာရေပန်းစားနေတဲ့ Ghost of Tsushima ဂိမ်းပါပဲ။ လွန်ခဲ့တဲ့ ၇ နာရီလောက်ကပဲ Playstation ချန်နယ်ကတင်ပေးခဲ့တဲ့ Ghost of Tsushima ဂိမ်းရဲ့ The Ghost ဆိုတဲ့ဂိမ်းထွေလာအသစ်ကို အားလုံးပဲကြည့်ပြီးသွားလောက်ပြီထင်ပါတယ်။ စာရေးသူအနေနဲ့ကတော့ ဒီဆောင်းပါးကိုအဆုံးသတ်ပြီးသွားမှပဲ အဲဒီထွေလာကို အစအဆုံးကြည့်ပြီး reaction လေးလုပ်သွားဖို့ ရည်ရွယ်ထားပါတယ်။ နည်းပညာတွေ အံ့မခန်းတိုးတတ်လာတဲ့ခေတ်ကြီးမှာ မျိုးဆက်သစ်ဂိမ်းလောကအနေနဲ့ ဘယ်လိုမျိုးခြေလှမ်းတွေပဲ ဆက်လှမ်းလာလာပါ၊ စာရေးသူကတော့ ဇာတ်အိမ်ဇာတ်ကြောင်းနဲ့ ဇာတ်ကောင်စရိုက်၊ ဂိမ်းကစားဟန်ပြောင်မြောက်မှုအပေါ်မှာပဲ လုံးလုံးလျားလျားအသားပေးထားတဲ့ Single Player Game တွေ ဒါမှမဟုတ် Linear Game ဂိမ်းအသစ်တွေ ထွက်ရှိလာတဲ့အပေါ်မှာ လွန်စွာမှ ဝမ်းသာအားရမိပါတယ်။ ကဲ ဒီတော့ဗျာ၊ ရှည်ရှည်ဝေးဝေး စကားနွှေးမနေတော့ပဲ မူရင်းအကြောင်းအရာဖြစ်တဲ့ Ghost of Tsushima ဂိမ်းရဲ့ကောင်းမွန်တဲ့အလားအလာနဲ့ အနာဂတ်အခြေအနေကို ကျွန်တော်တို့တစ်ချက်လောက်ဆွေးနွေးသုံးသပ်ကြည့်ကြရအောင် 📚

ကျွန်တော်တို့ဂိမ်မာများဟာ ဟိုးငယ်စဉ်ကတည်းက စိတ်ဝင်စားဖို့ကောင်းပြီး ရင်တစ်လှပ်လှပ်ဖြစ်စေမယ့်အချို့ကွေ့များနဲ့တည်ဆောက်ထားတဲ့ ဇာတ်အိမ်အသားပေး၊ story-driven ဂိမ်းများနဲ့ ထိတွေ့ရင်းနှီးခဲ့ရတာဖြစ်ပါတယ်။ ဗီဒီယိုဂိမ်းဆိုတာကြီးနဲ့ စတင်ရင်းနှီးသွားပြီဆိုကတည်းကိုက Single Player ဂိမ်းတစ်ခုခုမှာတော့ သက်ဝင်စီးမျောသွားပြီး ကမ္ဘာသစ်တစ်ခုမှာ ကျင်လည်ရတဲ့အတွေ့အကြုံခံစားချက်ကို အကြိုက်တွေ့သွားတယ်ဆိုတဲ့သဘောပါပဲ။ လက်ရှိအချိန်ထိ ဂိမ်းလောကကိုထိုးဖောက်နေဆဲဖြစ်တဲ့ God of War စီးရီး၊ Resident Evil စီးရီး၊ The Elder Scrolls စီးရီးနဲ့ Legend of Zelda ဂိမ်းများဟာ ဥပမာပေးစရာ သက်သေသာဓကကောင်းများပါပဲ။ ဒါဆိုရင်လာမယ့် ၂၀၂၀ ခုနှစ်မှာ ပရိသတ်အားလုံးလက်ထဲထည့်ပေးမယ့် စစ်သမိုင်းကြောင်းနဲ့ဇာတ်အိမ်ပုံပြင်အသားပေး Ghost of Tsushima ဂိမ်းကရော ဘယ်လိုမျိုးအနေအထားရှိမလဲဆိုတာ စိတ်ဝင်စားဖို့တော့ကောင်းနေပါပြီ။ Ghost of Tsushima ရေးဆွဲဖန်တီးသူများဖြစ်တဲ့ Sucker Punch ဟာ ဒီဂိမ်းရဲ့ပွဲဦးထွက်ထွေလာကို၂၀၁၇ ခုနှစ် E3 ပွဲမှာချပြခဲ့သလို ဆာမူရိုင်းအတိုက်အခိုက်ဂိမ်းကစားဟန်၊ ၁၃ ရာစုဂျပန်ခေတ် သဘာဝရှုခင်းနဲ့အလှအပ၊ ဂိမ်းလောကကျင်လည်ရပုံနဲ့ ဇာတ်အိမ်အသွားအလာအစရှိတာတွေ တင်ဆက်ပေးခဲ့တဲ့ Gameplay ဗီဒီယိုများကိုလည်း ဂိမ်မာများအားလုံး ကြည့်ပြီးသွားလောက်ပြီ ထင်ပါတယ်။ မှတ်မှတ်ရရပါပဲ၊ ဒီဂိမ်းထွေလာထွက်ရှိလာတဲ့ ၂၀၁၇ ခုနှစ်နှောင်းပိုင်းကာလတစ်ဝိုက်မှာပဲ Ghost of Tsushima နဲ့ပတ်သတ်တဲ့ဆောင်းပါးရှည်တစ်ခုကို စာရေးသူရေးသားပြီး မီဒီယာတစ်ချို့ကတင်ဆက်ပေးခဲ့သလို ၂၀၁၉ ကုန်ဆုံးခါနီး အခုအချိန်ထိလည်း ဒီဂိမ်းဟာ မထွက်ရှိသေးတာကြောင့် နောက်တစ်ပုဒ်ရေးရဖို့ အကြောင်းဖန်လာတာတော့အမှန်ပါပဲ။ Ghost of Tsushima ဂိမ်းဟာ မြေရှင်ပဒေသရာဇ်ဂျပန်ခေတ်၊ ၁၃ ရာစုကနဦးပိုင်းမှာ ဖြစ်ပွားခဲ့တဲ့ ဂျပန်၊ မွန်ဂိုစစ်သမိုင်းအပေါ်မှာ ဇာတ်ကြောင်းတည်ထားတဲ့ဂိမ်းဖြစ်တဲ့အပြင် ဟိုးတစ်ချိန်က ဂုဏ်သိက္ခာနဲ့သစ္စာစောင့်သိလွန်းတဲ့ ဂျပန်စစ်သူရဲကောင်းများဖြစ်တဲ့ ဆာမူရိုင်းများဘက်က ဇာတ်အိမ်ယူထားတာဖြစ်တဲ့အတွက် ဒီဂိမ်းအကြောင်းစစသိကတည်းက သမိုင်းကြောင်းစိတ်ဝင်စားတဲ့သူတစ်ယောက်ပီပီ ရင်ခုန်ခဲ့မိရာကစပြီး ဆောင်းပါးတစ်ပုဒ်လုံး ရေးဖြစ်ခဲ့တာဖြစ်ပါတယ် 🤓✒️

၂၀၂၀ ခုနှစ်မှာထွက်ရှိလာမယ့် Ghost of Tsushima ရဲ့နောက်ထပ်အပိုင်းအစအသစ်တွေကို The Ghost ထွေလာမကြည့်ရသေးတဲ့အတွက် ဘာတွေထည့်သွင်းပြသထားသလဲကိုတော့ သေချာမသိသေးပါဘူး။ ဒါပေမယ့် နာမည်ကျော် Linear Game တွေကို ဖန်တီးတဲ့နေရာမှာ အရည်အသွေးပြောင်မြောက်တဲ့ Sucker Punch ကတော့ ဂိမ်မာတွေရင်ထဲစွဲထင်ကျန်စေခဲ့မယ့်အရာမျိုးကို ဒီဂိမ်းထဲမှာချပြသွားမယ်ဆိုတာ ချွင်းချက်မရှိယုံကြည်ပါတယ်။ ၂၀၂၀ ဟာ ဂိမ်းလောကအတွက်တော့ ရင်ခုန်စရာခုနှစ်ဖြစ်သလို ဂိမ်မာများအားလုံးစောင့်မျှော်နေကြတဲ့ဂိမ်းတွေချည်းပဲ ထွက်ရှိလာမှာဖြစ်တဲ့အတွက် အတော်ပွဲကြပ်တဲ့နှစ်လည်းဖြစ်ပြန်ပါတယ်။ ဟိုးတစ်ခေတ်က သွေးချောင်းစီးတဲ့သမိုင်းကြောင်းကိုအခြေခံထားတဲ့ ဂိမ်းဇာတ်လမ်းနဲ့ပတ်သက်ပြီး ဂိမ်းလောကကျွမ်းကျင်သူများက သီအိုရီတွေထုတ်နေကြသလို တစ်ချို့ကလည်းဆွေးနွေးခန်းများဖွင့်ပြီး ဂိမ်းမီဒီယာများကတဆင့် ပရိသတ်တွေဆီတင်ပြလာကြပါတယ်။ ဒါပေမယ့် Ghost of Tsushima အနေနဲ့ ဘယ်လိုအကောင်အထည်မျိုးရှိသလဲဆိုတာကို အချိန်နဲ့တစ်ပြေးညီစောင့်ကြည့်ရမှာကတော့ ဂိမ်မာများရဲ့တာဝန်ပါပဲ။ ဒီနှစ်လိုပဲ လွန်ခဲ့တဲ့တစ်နှစ်ကျော် ၂၀၁၇ ခုနှစ်၊ ဒီဇင်ဘာလမှာရေးသားဖြစ်ခဲ့တဲ့ " ၁၂၇၄ ခုနှစ် ဂျပန်၊ မွန်ဂိုစစ်သမိုင်းဇာတ်အိမ်ထဲက သေရွာပြန်စစ်သူရဲကောင်းတစ်ယောက်ရဲ့ကလဲ့စား Ghost Of Tsushima " ခေါင်းစဉ်နဲ့ ဆောင်းပါးလင့်ခ်ကိုလည်း ဒီပို့စ်အောက်မှာ တစ်ခါတည်းထည့်သွင်းဖော်ပြပေးလိုက်ပါတယ်။ Story-driven နဲ့ Linear Game ချစ်သူများအနေနဲ့ကတော့ လွန်ခဲ့တဲ့ခုနှစ်နာရီလောက်ကမှ ထွက်ရှိခဲ့တဲ့ Ghost of Tsushima: The Ghost ထွေလာကိုကြည့်ရင်း လတ်တလောတော့ စိတ်ဖြေနိုင်လိမ့်မယ်ထင်ပါတယ်။ ဒီတော့ Ghost of Tsushima နဲ့ပတ်သက်တဲ့ ဒီဒုတိယမြောက်ဆောင်းပါးကို စာဖတ်သူများဆီ လောလောလတ်လတ် တင်ဆက်ပေးရင်း ၂၀၂၀ ခုနှစ်၊ နွေရာသီအားလပ်ရက်မှာ ထွက်ရှိလာမယ့် Ghost of Tsushima ဂိမ်းကို ကျွန်တော်တို့အားလုံးအတူ စောင့်ဆိုင်းကြတာပေါ့ဗျာ 💜

Yan

မကြာတော့အချိန်အတွင်းမှာချပြလာတော့မယ့် Resident Evil 3 Remake ရဲ့ဂိမ်း Cover Art တစ်ချို့ပေါက်ကြားခဲ့

Resident Evil စီးရီးနဲ့အတူအသက်ကြီးပြင်းခဲ့ရပြီး ခပ်ကြမ်းကြမ်းခပ်ရမ်းရမ်း၊ သည်းထိပ်ရင်ဖိုဇွန်ဘီဖုတ်ကောင်တွေနဲ့ပြည့်နေတဲ့ ဂိမ်းလောကမျိုးထဲမှာမှ အသက်ရှင်ရုန်းကန်ချင်တဲ့ Survival Horror ချစ်သူများအတွက် သတင်းကောင်းတစ်ခုက စောင့်ကြိုလို့နေပါတယ်။ အဲဒါကတော့ မကြာခင်မှာ CAPCOM ကထုတ်ပြတော့မယ်လို့ ယူဆရတဲ့ Resident Evil 3 Remake ရဲ့ဂိမ်းအဖုံး Cover Art ဓါတ်ပုံအချို့ အချိန်စောပြီးပေါက်ကြားလာခြင်းပဲဖြစ်ပါတယ်။ ဒါကဂိမ်မာများအတွက်၊ အထူးသဖြင့် RE စီးရီးရဲ့ချစ်သူများ Yahoo ရမယ့်ကိစ္စတစ်ခုပါပဲ။ အပြိုင်အဆိုင်တွေများတဲ့ မျိုးဆက်သစ်ဂိမ်းလောကထဲမှာ CAPCOM ကတော့ ထုတ်လုပ်နိုင်စွမ်းမြင့်တဲ့ ဂိမ်းရေးဆွဲဖန်တီးထုတ်လုပ်သူကုမ္ပဏီကြီးတစ်ခုပီပီ သူဟာ တစ်ကမ္ဘာလုံးနဲ့ချီရင်ဘောင်တန်းနေတာဖြစ်တယ်လို့ အားလုံးကိုကြေညာနေပါပြီ။ ဒီပို့စ်မှာဖော်ပြထားတဲ့ပုံများဟာ ဒီသတင်းကိုရေးသားရင်းတန်းလန်းနဲ့ လွန်ခဲ့တဲ့အချိန်ခြောက်နာရီလောက်ကတည်းက လူသိများပြီးနာမည်ရှိတဲ့ဂိမ်းမီဒီယာဝက်ဘ်ဆိုဒ်တွေဖြစ်တဲ့ Polygon, PC Gamer, Eurogamer, Gematsu နဲ့ အခြားသောဆိုဒ်များအပြင် Forbes ကပါ တင်ထားပြီးတာကြောင့် သတင်းအချက်အလက်မှန်ကန်တယ်လို့ ရာခိုင်နှုန်းပြည့်အတည်မှတ်ယူနိုင်ပါတယ် 💯🧐

ရုတ်တရတ်ကြီး YouTube ကြည့်နေရင်းက အစွန်းအဖျားလေးတွေ့လိုက်မိတဲ့အတွက်တော့ အခန်းမီးကိုပြန်ဖွင့်၊ လက်ပ်တော့ကိုပလပ်အမြန်ထိုးပြီး ဂိမ်းချစ်သူတွေအားလုံးကို ဦးဦးဖျားဖျားသိစေချင်တဲ့ဆန္ဒနဲ့ ဒီသတင်းဆောင်းပါးလေးကို ရေးဖြစ်ခဲ့တာပါ။ ဒီတစ်ခေါက်မှာ CAPCOM က Resident Evil စီးရီးနဲ့အတူ ဘယ်လိုမျိုးအံ့သြငေးမောစရာတွေ လုပ်လာဦးမလဲမသိပေမယ့် နောက်လာမယ့်တစ်ပါတ်မှာကျင်းပသွားမယ့် ၂၀၁၉ ခုနှစ်ရဲ့ The Game Awards 2019 မှာ ဒီဂိမ်းကိုကြေညာသွားမယ်လို့ ဂိမ်းလောကသုံးသပ်သူများက ထင်မြင်ချက်ပေးကြပါတယ်။ ဘာတွေပဲပြောပြော ဂိမ်းချစ်သူများအနေနဲ့ မကြာတော့တဲ့အချိန်မှာကျရောက်လာမယ့် The Game Awards 2019 ကိုလည်းစိတ်လှုပ်တရှားကြည့်ရင်း CAPCOM ရဲ့ Resident Evil 3 Remake သတင်းကိုပါ စောင့်မျှော်လိုက်ကြတာပေါ့ဗျာ။ အဲ နောက်ပြီး ဒီဇင်ဘာ ၁၂ ရက်နေ့မှာ ကျင်းပသွားမယ့် The Game Awards 2019 ပွဲအကြောင်းဆောင်းပါးကိုလည်း တင်ဆက်ပေးသွားဖို့ရှိတဲ့အတွက် အဲဒီတစ်ခေါက်ကျမှပဲ စာဖတ်ပရိသတ်များနဲ့အတူ ပြန်လည်ဆုံကြတာပေါ့ဗျာ။ ဖတ်ရှုသူများအားလုံးကို ကျေးဇူးအထူးတင်လျက် 💜

Yan

👾 Warframe - 1 Hour Arbitration Survival Run 👾

၂၁ ရာစုရဲ့ မျိုးဆက်သစ် Playstation 5 ဂိမ်းစက်ကို ၂၀၂၀ ခုနှစ်အဆုံးပိုင်းမှာ ထုတ်ပေးသွားမယ်လို့ Sony တရားဝင်ကြေညာ 🎮🧬

Sony ကတော့ သူ့ရဲ့ ၆ လကြာ ငြိမ်သက်နေတဲ့တိတ်ဆိတ်မှုကို ဖွင့်ဟလိုက်ပါပြီ။ ဘာကြောင့်လည်းဆိုတော့ ယမန်နေ့၊ အောက်တိုဘာလ ၈ ရက်နေ့က ဂိမ်းလောကတစ်ခုလုံး စိတ်ဝင်စားနေကြတဲ့ မျိုးဆက်သစ် Playstation 5 ဂိမ်းစက် ထွက်ရှိလာမယ့်အချိန်ကို ဘလော့ပို့စ်နဲ့အတူ တရားဝင်တင်ပေးခဲ့လို့ပါပဲ။ Sony အနေနဲ့ မျိုးဆက်သစ်ဂိမ်းစက်တစ်ခုကို ထုတ်ပေးသွားမယ်ဆိုတဲ့အကြောင်းကို ဒီနှစ် ဧပြီလမှာ အားလုံးကိုအသိပေးပြီးကတည်းက အခုအချိန်အထိ Sony ရော Playstation ဆီကပါ ဘာသတင်းမှမကြားခဲ့ပါဘူး။ အဲဒီတုန်းကတော့ ဂိမ်းစက်မှာပါဝင်တဲ့နည်းပညာတွေ၊ အသစ်ထပ်မံထည့်သွင်းထားတဲ့ ရုပ်ထွက်တိုးမြှင့်မှုတွေနဲ့ အရင် PS4 ထက်ုပိပြီး ဆပေါင်းများစွာ သွက်လက်မြန်ဆန်တဲ့ လုပ်ဆောင်နိုင်စွမ်းတွေကိုပဲ သိခဲ့ရတာဖြစ်ပြီး ထွက်ရှိမယ့်ရက်စွဲနဲ့ ပတ်သက်ပြီး ဘာဆိုဘာမှမသိခဲ့ရပါဘူး။ ဘယ်လောက်တောင်သိုဝှက်ထားသလဲဆိုရင် နောက်ဆုံးထွက်လာမယ့် Playstation ရဲ့ မျိုးဆက်သစ်ဂိမ်းစက်ရဲ့အမည်ဟာ အခြားမော်ဒယ်နာမည်အသစ်နဲ့ထွက်လာမှာလား? Playstation 5 ဆိုတာတောင် ဟုတ်ရဲ့လား? ဆိုတာကို အသေအချာမသိခဲ့ပါဘူး 🧐

ဒါပေမယ့် လွန်ခဲ့တဲ့တစ်ရက်ကပဲ ဂိမ်းလောကတစ်ခုလုံးနဲ့ စောင့်မျှော်နေကြသူပရိသတ်များအတွက် Sony ကနေ အနာဂတ်မှာလာမယ့် ၂၁ ရာစုရဲ့ မျိုးဆက်သစ်ဂိမ်းစက်ဟာ Playstation 5 ဖြစ်ပြီး ထွက်ရှိလာမယ့်အချိန်ဟာ ၂၀၂၀ ခုနှစ်၊ အားလပ်ရက်ရာသီဖြစ်ကြောင်း အတိအကျသတင်းထုတ်ပြန်ခဲ့ပါတယ်။ Sony ရဲ့ထုတ်ပြန်ချက်အရ Playstation 5 ထွက်ရှိမယ့်ရက်ဟာ အားလပ်ရက်ရာသီလို့ဆိုခဲ့တာတစ်ကြောင်း၊ အရင် PS3, PS4 အပြင် Microsoft ရဲ့ XBox 360, XBox One တို့ပါ နိုဝင်ဘာလတစ်လတည်းမှာ ထွက်ရှိခဲ့တာတစ်ကြောင်း အကြောင်းကြောင်းကြောင့် မျိုးဆက်သစ် Playstation 5 ဟာ ခရစ်စမတ်ကာလမတိုင်ခင် အချိန်တစ်လနှစ်လောက်အလိုမှာ ထွက်ရှိလာနိုင်ခြေရှိတယ်လို့ ဂိမ်းလောကခန့်မှန်းသူများနဲ့ မီဒီယာများက သုံးသပ်ကြပါတယ်။ နောက်တစ်ချက်က Sony အနေနဲ့ Playstation 5 ကို အားလပ်ရက်ရာသီအတွင်း ထုတ်လိုက်ခြင်းကြောင့် ဈေးကွက်မှာ အားသာချက်ပေါင်းများစွာ ရှိနေတဲ့အပြင် အနားယူအပန်းဖြေချိန်ဖြစ်တာကြောင့် ထွက်လာပြီဆိုတာနဲ့ အားလုံးကအပြေးအလွှားဝယ်ယူကြတော့မှာဖြစ်ပါတယ်။ ကဲ လက်ရှိသိရတဲ့အချက်အလက်တွေအရတော့ Sony ရဲ့အလားအလာဟာ ကောင်းပြီးရင်းကောင်းသွားဖို့ပဲရှိနေပါတယ်။ ဒီတော့ Playstation 5 ထွက်ပြီဆိုတာနဲ့ ပြေးဝယ်မယ့်သူတွေထဲမှာ ဘယ်သူတွေများပါနေကြလဲဆိုတာ ကွန်မန့်မှာ တစ်ချက်ဝင်ပြောပေးသွားပါဦး 💙💙

Yan

ပုံစံအသစ်နဲ့တွေ့ရမယ့် DC ရဲ့ Wonder Woman 1894 ရုပ်ရှင်ထွေလာကို ဒီနှစ် ဒီဇင်ဘာလမှာ ထုတ်ပြသွားဖို့ရှိကြောင်းသိရ 🦸‍♀️✨

ရသမြောက်လွန်းတဲ့ Joker ရုပ်ရှင်ကိုကြည့်ပြီးသွားတာ တစ်ပါတ်တောင်မပြည့်သေးပေမယ့် DC ကတော့ တစ်လှမ်းပြီးတစ်လှမ်းဆိုသလို အရှေ့ကိုဆက်တိုက်သွားနေပါပြီ။ ၂၀၁၇ တုန်းကထွက်ရှိခဲ့တဲ့ Wonder Woman ဇာတ်ကားဟာ ပရိသတ်များနဲ့မီဒီယာများက DC အပေါ်မှာ ထားရှိတဲ့အမြင်ကိုပြောင်းသွားစေတဲ့ လက်ရာမြောက်ဇာတ်ကားဖြစ်ပါတယ်။ Wonder Woman ရဲ့ ပကတိလှပကျော့ရှင်းမှုနဲ့ ရဲရင့်မှုကို ထိထိမိမိဖော်ကျူးခဲ့တဲ့ Gal Gadot ဟာ ဒီဇာတ်ကောင်ကိုသရုပ်ဖော်ဖို့ ရည်ရွယ်ချက်နဲ့ မွေးဖွားလာလေသလားလို့ ပရိသတ်များက အမွှန်းတင်ကြပါတယ်။ ၂၀၁၇ ခုနှစ်မှာ တစ်ကိုယ်တော်ဇာတ်ကားထွက်ခဲ့ပြီး လက်ရှိ ၂၀၁၉ ခုနှစ်အထိ ဒုတိယမြောက်အခွေနဲ့ပတ်သက်တဲ့ ဘာသတင်းအစအနမှာမကြားခဲ့ရပေမယ့် လာမယ့်ဒီဇင်ဘာလမှာ Wonder Woman 1984 ရဲ့ပထမဆုံးထွေလာကို ထုတ်ပေးသွားမယ်လို့ ဒါရိုက်တာ Patty Jenkins က အရိပ်အမြွက်ပြောခဲ့ပါတယ် 🗣💬

ဒုတိယမြောက် Wonder Woman ဇာတ်ကားရဲ့အမည်ဟာ Wonder Woman 1984 လို့သိရပြီး နောက်နှစ် ၂၀၂၀ ခုနှစ်၊ ဇွန်လ ၅ ရက်နေ့မှာ တစ်ကမ္ဘာလုံးအတိုင်းအတာနဲ့ ရုံတင်ပြသသွားမှာဖြစ်ပါတယ်။ အင်တာနက်ပေါ်တတ်လာတဲ့ ဓါတ်ပုံတွေအရတော့ Wonder Woman 1984 မှာ Diana ကို လုံးဝမတွေ့ဖူးတဲပုံစံအသစ်နဲ့တွေ့မြင်ရမှာဖြစ်ပြီး ရွှေရောင်ဝင်းနေတဲ့ချပ်ဝတ်တန်ဆာကို ဝတ်ထားတာလည်း တွေ့ရမှာဖြစ်ပါတယ်။ ဇာတ်ကြောင်းဇာတ်အိမ် ဘယ်လိုလာမလဲမသိပေမယ့် ဒါရိုက်တာ Patty Jenkins ကတော့ ပရိသတ်တွေကိုလှုံ့ဆော်တဲ့အနေနဲ့ Wonder Woman 1984 ထဲကမြင်ကွင်းတချို့ကို ထွေလာမှာ ပြသချင်နေပုံပါပဲ။ နောင်လာမယ့်နှစ်တွေမှာထွက်ရှိလာမယ့် ပရောဂျက်တွေအရ Wonder Woman အပါအဝင်အခြား DC ဇာတ်ကောင်များရဲ့ ရုပ်ရှင်ပိတ်သားပေါ်က အနာဂတ်လမ်းကတော့ ဖြောင့်ဖြူးလို့နေပါတယ်။ အဲဒီတော့ ဒီဇင်ဘာလမှာချပြမယ့် Wonder Woman 1984 ထွေလာမှာ ဘာတွေကိုတွေ့ရမလဲ? ဘယ်လိုမျိုးရင်ခုန်ဖို့ကောင်းတဲ့ ဇာတ်ကြောင်းတွေနဲ့ တည်ဆောက်ထားမလဲ? Diana နဲ့ရင်ဆိုင်မယ့် အဓိကရန်သူကရော ဘယ်သူလဲ? အစရှိတာတွေကိုတော့ လာမယ့်ဒီဇင်ဘာလမှာထွက်လာမယ့် Wonder Woman 1984 ထွေလာမှာ ပရိသတ်အားလုံးက သိရှိရတော့မှာဖြစ်ပါတယ် 🎞🎞

Yan

အနုပညာလက်ရာမြောက်လွန်းခဲ့တဲ့ ၂၀၁၉ ခုနှစ်ရဲ့ Joker ဇာတ်ကားကို ရုပ်ရှင်လောကနဲ့ မီဒီယာကြီးတချို့က ဘယ်လိုမြင်လဲ? ♟♟

ကဲ အခုအချိန်ဟာအားလုံးရင်ခုန်စိတ်လှုပ်ရှားစွာနဲ့ အချိန်အကြာကြီးစောင့်ဆိုင်းခဲ့ရတဲ့ အခိုက်အတန့်ပါပဲ။ DC Comics Universe ရဲ့ နာမည်ကျော်လူသိအများဆုံး တစ်ကမ္ဘာလုံးကပရိသတ်တွေ အရူးအမူးကြိုက်ကြတဲ့ Batman ရဲ့မဟာရန်သူတော်ဗီလိန် Joker ရဲ့ တစ်ကိုယ်တော်ဇာတ်ကားဟာ ၂၀၁၉ ခုနှစ်ရဲ့ ရုပ်ရှင်ပိတ်ကားထက်ကို ရောက်ရှိလို့လာပါပြီ။ တိုက်ဆိုင်မှုတစ်ခုကတော့ ယမင်နှစ်ကထွက်ရှိခဲ့တဲ့ God Of War ဂိမ်းသစ်ကို ဂိမ်းမီဒီယာကြီးတွေ ဘယ်လိုမြင်သလဲဆိုတဲ့ခေါင်းစဉ်နဲ့ ဆောင်းပါးကို ၂၀၁၈ ခုနှစ်၊ ဧပြီလတုန်းက ကျွန်တော်ရေးခဲ့ဖူးသလိုပဲ တူညီတဲ့ခေါင်းစဉ်အောက်မှာ ၂၀၁၉ ခုနှစ်ရဲ့ Joker ဇာတ်ကားအကြောင်းကို ကျွန်တော်ရေးသားရပြန်ပါပြီ။ ရုပ်ရှင်သမိုင်းတစ်လျှောက်လုံးမှာ DC Comics ရဲ့အချစ်တော်ဗီလိန် Joker အဖြစ် တကယ့်အရည်အချင်းရှိပြီး နာမည်ကြီးတဲ့သရုပ်ဆောင်မင်းသားပေါင်းများစွာ ဝင်ရောက်သရုပ်ဆောင်ခဲ့ဖူးပါတယ်။

ပြောင်းလဲလာတဲ့ခုနှစ်၊ သက္ကရာဇ်နဲ့အတူ ရုပ်ရှင်အနုပညာလောကဟာလည်း တရွေ့ရွေ့ခရီးဆက်လာတာနဲ့အမျှ အချို့သော Joker ဇာတ်ကောင်တွေရဲ့ အနုပညာတင်ဆက်မှုဟာ အံ့မခန်းပြောင်မြောက်လွန်းတာမို့ မေ့မရနိုင်တဲ့ဂန္တဝင်သရုပ်ဆောင်အဖြစ် လက်ရှိမျက်မှောက်ခေတ်အထိ ချီးမွမ်းလေးစားခံခဲ့ရတဲ့သူတွေ ခေတ်အဆက်ဆက်မှာ ထွက်ပေါ်လာခဲ့တာ အားလုံးလည်းမျက်မြင်ကိုယ်တွေ့ပါပဲ။ ကဲ ၂၀၁၉ ခုနှစ်၊ အောက်တိုဘာလ ၄ ရက်နေ့မှာ နိုင်ငံတကာရုပ်ရှင်ရုံတွေမှာ တင်ဆက်ပြသခဲ့တဲ့ Joker ဇာတ်ကားကို ဒါရိုက်တာ Todd Phillips, တွဲဖက်ဇာတ်ဖန်တီးသူ Scott Silver တို့နဲ့အတူ ရွှေကမ္ဘာလုံးဆုသုံးဆုနဲ့ ဂရမ်မီတစ်ဆုပိုင်ရှင်၊ ပရိသတ်တို့ရဲ့အသည်းစွဲ သရုပ်ဆောင်တစ်ဦးဖြစ်သူ Joaquin Phoenix တို့က ဘယ်လိုမျိုး အစွမ်းကုန်အားစိုက်ထုတ်ပြီး ခေတ်တစ်ခေတ်ကိုထင်ဟပ်တဲ့ အနုပညာမြောက်လက်ရာတစ်ခုဖြစ်အောင် ဖန်တီးခဲ့တယ်ဆိုတာ ငြင်းစရာလုံးဝမရှိပါဘူး။ လွန်ခဲ့တဲ့တစ်လနီးပါးက ပြင်သစ်နိုင်ငံ၊ Venice ရုပ်ရှင်ပွဲတော်မှာ premiere ပြသခဲ့ချိန်မှာ ပွဲတတ်ရောက်သူပရိသတ်များအားလုံးရဲ့ ရှစ်မိနစ်တိတိ လက်ခုပ်သြဘာပေးမှုကို ရရှိခဲ့တဲ့ ဒီ Joker ဇာတ်ကားဟာ တကယ်တမ်းတရားဝင်ပိတ်သားပေါ်ကိုတတ်လာချိန်မှာ အနုပညာလောကနဲ့ လူသိများတဲ့မီဒီယာကြီးတချို့က ဘယ်လိုမြင်လဲဆိုတာ ရင်ခုန်စိတ်လှုပ်ရှားစရာတော့ ကောင်းနေပါတယ်။

Movie – Joker (2019)
Directed by – Todd Phillips
Written by – Todd Phillips, Scott Silver
Starring – Joaquin Phoenix, Zazie Beetz, France Conroy, Robert De Niro
Release Date – October 4, 2019 (United States)

Gamespot

ဒီဇာတ်ကားကိုကြည့်ပြီၤးရင် စိတ်မသက်မသာခံစားရနိုင်တဲ့အပြင် တကယ့်ဇာတ်ကားကောင်းကြီးတွေ ပေးတဲ့ခံစားချက်အတိုင်း ခန်းစီးတွေပိတ်၊ ရုံသိမ်းပြီး လူတွေအားလုံးပြန်သွားတာတောင် ကိုယ့်ရဲ့စိတ်နဲ့ အတွေးတွေထဲမှာ တရိပ်ရိပ်ထင်ပေါ်နေမယ်ဆိုတာ အာမခံတယ်။

- Michael Rougeau

Time Magazine

ဒါရိုက်တာ Phillips က လက်ရှိခေတ်ရဲ့ ပျက်စီးပျောက်သုန်းနေတဲ့ ယဉ်ကျေးမှုနဲ့ လူ့အဖွဲ့အစည်းအကြောင်းကို ဒီ Joker ကားထဲမှာပြောပြချင်တာလို့ ခင်ဗျားတို့အနေနဲ့ ထင်ကောင်းထင်လိမ့်မယ်။ ဒါပေမယ့် တကယ်တမ်းတော့ Phillips က အားလုံးနဲ့အနီးစပ်ဆုံးဖြစ်နေတဲ့ ဥပမာတစ်ခုကို ပြခဲ့တာပဲ။

- Stephanie Zacharek

The Guardian

ဒီ Joker ဇာတ်ကားဟာ ဂုဏ်ကျက်သရေဝင့်ကြွားစွာနဲ့ တရင်းတနှီးရှိပေမယ့် ပေါက်ကွဲမှုတွေပြည့်နေတဲ့ ဇာတ်ကားတစ်ကားပါ။ ရုပ်ရှင်ရဲ့ဇာတ်ကြောင်းဟာ ဇာတ်ကားထဲက အဓိကသရုပ်ဆောင်လိုပဲ နားလည်ရခက်ပြီး ရှုပ်ထွေးလွန်းလိုက်တာ ဘယ်အရာကိုမှဂရုမစိုက်တဲ့ မင်းမဲ့ဆန်ဆန်စရိုက်ကို အသားပေးပြီး ဦးညွှတ်သွားတယ်။

- Xan Brooks

The Wrap

DC ဒါမှမဟုတ် Marvel Universe တွေအပေါ်မှာ အခြေခံပြီးရိုက်ထားတဲ့ ရုပ်ရှင်ပေါင်းမြောက်မြားစွာရှိတဲ့ထဲမှာမှ ဒီ Joker ဇာတ်ကားဟာ ပထမဦးဆုံးသော အနုပညာမြောက်တဲ့ရုပ်ရှင်တစ်ကားလို့ ပြောရင် တစ်ချို့လူတွေကလက်ခံဖို့ တွန့်ဆုတ်ကြလိမ့်မယ်။ ဒီဇာတ်ကားဟာ ဟိုးအရင်ကရှိခဲ့ပြီးတဲ့အရာတွေဆီကနေ ခွဲထွက်ပြီး အရဲစွန့်တဲ့အလောင်းအစားတစ်ခုသဘောမျိုး ဖန်တီးထားတယ်။ Joker ကို Comic ထဲက မူလအရည်အသွေးလည်းမပျက်စေဘဲ ထက်မြက်ပြီး ထိတ်လန့်ဖို့ကောင်းတဲ့ဇာတ်ကောင်မျိုးဖြစ်အောင် ဖန်တီၤးပေးထားတာ လက်ရာမြောက်လွန်းတယ်။

- Alonso Duralde

IGN

Joker ဇာတ်ကားဟာ တကယ်တော့ DC Comics အပေါ်မှာ အခြေခံထားတဲ့ဇာတ်ကားကောင်းဖြစ်ရုံသာမက ကိုယ်ပိုင်အရည်အသွေးနဲ့ သီးခြားရပ်တည်နေတဲ့ ရုပ်ရှင်ကားကောင်းတစ်ခုလို့လည်း ဆိုနိုင်တယ်။ ရက်စက်ပြီးစာနာစိတ်မဲ့တဲ့ လူ့အဖွဲ့အစည်းထဲမှာ မသေချာတဲ့မေးခွန်းတွေအတွက် အဖြေတိုင်းကမလွယ်ကူဘူး။ Joaquin Phoenix ရဲ့ အပြည့်အဝစိတ်နှစ်မြှုပ်ပြီး ပြောင်မြောက်လွန်းတဲ့ သရုပ်ဆောင်ကွက်တွေနဲ့ Todd Phillips ရဲ့သမ္ဘာရှိတဲ့ဖန်တီးမှု ပေါင်းစည်းလိုက်တဲ့အခါမှာ DC Comics အပေါ်မှာ အခြေခံထားတဲ့ရုပ်ရှင်ဖြစ်ပေမယ့် တစ်မူထူးခြားပြီးဆန်းကြယ်လွန်းတဲ့ တီထွင်မှုအသစ်တစ်ခု ဖြစ်ပေါ်လာတဲ့အတွက် ဒီဇာတ်ကားကို Comics ပရိသတ်တွေသာမက ရုပ်ရှင်ကားကောင်းကြိုက်တဲ့ပရိသတ်တွေကပါ တစ်ခဲနက်အားပေးမြတ်နိုးကြလိမ့်မယ်ဆိုတာ အသေအချာပဲ။

- Jim Vejvoda

ကဲ ဖတ်ရှုရင်းဒီနေရာကိုရောက်လာပြီဆိုရင်တော့ ၂၀၁၉ ခုနှစ်ရဲ့ Joker ဇာတ်ကားဟာ ဘယ်လောက်တောင်ကောင်းပြီး အလားအလာရှိတဲ့ရုပ်ရှင်တစ်ကားလည်းဆိုတာ ခန့်မှန်းလို့ရလောက်ပါပြီ။ လာမယ့်နှစ် ၂၀၂၀ ခုနှစ်ရဲ့ အော်စကာဆုပေးပွဲမှာရော ဘယ်လိုမျိုးနေရာတွေမှာ ဘယ်လိုဆုတွေအထိ ရာထူးခံရမလဲဆိုတာ ကျွန်တော်ကတော့ အခုအချိန်ကတည်းက တွေးပြီး ဝမ်းသာပီတိပွားရင်ခုန်နေပါပြီ။ တကယ်တမ်းအားလုံးသိရမှာက ဒီ Joker ဇာတ်ကားဟာ အော်စကာဆု ဘယ်နှစ်ဆုရမှာလဲမဟုတ်ဘူး၊ ဇာတ်ကောင်တစ်ကောင်အဖြစ်အသက်ဝင်လာတဲ့ Joker အနေနဲ့ လာမယ့်အနာဂတ်မှာ နောက်ထပ် အော်စကာဘယ်နှစ်ဆုကို ထပ်ယူသွားဦးလဲဆိုတာပါပဲ။ ဖတ်ရှုသူများအားလုံးကို ကျေးဇူးတင်ပါတယ်။ နောက်လာမယ့်အခုလိုဆောင်းပါးတွေမှာ ပြန်လည်တွေ့ဆုံကြပါမယ်လို့ ပြောရင်းအားလုံးကိုနှုတ်ဆက်ရင်း Joker ဇာတ်ကားကို မကြည့်ရသေးသူများလည်း သွားရောက်ကြည့်ရှုဖို့ တိုက်တွန်းလိုက်ရပါတယ်။

Yan

Joker နေရာမှာပါဝင်ရတဲ့သရုပ်ဆောင်တိုင်း ဘာဖြစ်လို့အစွမ်းကုန်ကြိုးစားပြီး သရုပ်ဆောင်ကြတာလဲ? 🃏🃏

ပရိသတ်များအသည်းစွဲကြိုက်နှစ်သက်ကြတဲ့ DC ရဲ့နာမည်ကျော်ဗီလိန် Joker ကို Comics ထဲမှာသာမက ရုပ်ရှင်ဖန်သားပြင်ပေါ်မှာပါ တွေ့မြင်ခံစားနိုင်စေဖို့အတွက် ၁၉၉၀ ခုနှစ်ကတည်းကစလို့ အခုအချိန်အထိ အရည်အချင်းပြည့်ဝတဲ့ သရုပ်ဆောင်ပေါင်းများစွာ ဝင်ရောက်သရုပ်ဆောင်ခဲ့ပါတယ်။ သေချာပြန်ကြည့်လိုက်မယ်ဆိုရင် သက်တမ်းတစ်လျှောက်မှာ Joker ဇာတ်ကောင်ကို သက်ဝင်ခံစားစွာ ပုံဖော်ခဲ့ကြသူများဟာ ကိုယ်ပိုင်ထူးခြားတဲ့ပုံစံကိုယ်စီနဲ့ အမျိုးအစားကွဲပြားတဲ့ ဗားရှင်းစုံ Joker တွေအဖြစ် တစ်ယောက်တစ်မျိုးပုံဖော်ခဲ့ကြပါတယ်။ ဒါပေမယ့် အားလုံးသိချင်နေတဲ့မေးခွန်းတစ်ခုက Joker နေရာမှာပါဝင်သရုပ်ဆောင်ခဲ့သူများအားလုံးဟာ ဘာကြောင့်သူတို့ရဲ့ role အပေါ်မှာ အစွမ်းကုန်ကြိုးစားပြီး သရုပ်ဆောင်ခဲ့ကြတာလည်း ဆိုတာပါပဲ 🤹‍♂️

အဲဒီမေးခွန်းရဲ့အဖြေကိုရှာဖို့ဆိုရင် အရင်ဆုံး Joker ဆိုတဲ့ဇာတ်ကောင်ရဲ့ဖြစ်တည်မှုကို ထဲထဲဝင်ဝင်သိဖို့လိုပါတယ်။ အဓိကကတော့ တရားဥပဒေနဲ့ လူ့ဘောင်အပြင်ဘက်က ခန့်မှန်းမရတဲ့နည်းလမ်းတွေနဲ့ အလုံးစုံပျက်စီးခြင်းတွေကို ဆောင်ကျဉ်းလာတဲ့ DC ရဲ့တစ်ဦးတည်းသော Joker ဖြစ်တဲ့အတွက် ဝင်ရောက်သရုပ်ဆောင်သူများအနေနဲ့ ဘယ်လိုမျိုးခန့်မှန်းမရတဲ့အပြုအမူတွေ၊ စကားပြောနဲ့ လုပ်ရပ်တွေကို အကောင်းပကတိဖြစ်နေတဲ့ပုံမှန်စိတ်နဲ့ ပေါင်းစပ်ပြီး ကြည့်ရှုနေတဲ့ပရိသတ်များကို ဘယ်လိုချပြရမလဲဆိုတဲ့အပေါ်မှာ အတော်လေးအားထုတ်ရပါတယ်။ ဒါတင်မက Joker အဖြစ်ထင်ရှားကျော်ကြားတဲ့နောက်ထပ်အချက်တစ်ချက်က Joker ရဲ့ အကောင်အထည်ဖမ်းဆုပ်မရတဲ့ စိတ်အခြေအနေကြောင့်ပါပဲ။ အဲဒီတော့ သရုပ်ဆောင်တွေအနေနဲ့ မူလဖန်တီးသူများကိုယ်တိုင်နားလည်ရခက်ခဲ့တဲ့ Joker ဆိုတဲ့ဇာတ်ကောင်ကို ရုပ်ရှင်ဇာတ်ကားဗီလိန်တစ်ယောက်အဖြစ် ပရိသတ်ဆီခေါ်ဆောင်လာဖို့ဆိုတာ လွန်စွာမှခက်ခဲလှတဲ့အရာတစ်ခုပါပဲ 🎭

ဟိုးလေးတစ်ကျော်ပေါက်မြောက်ခဲ့တဲ့ DC ရဲ့ ၂၀၀၅ ခုနှစ်က Dark Knight ကစပြီး Joker နေရာမှာ သရုပ်ဆောင်ဖို့ဆိုတာဟာ ကိုယ့်ဘက်ကလည်းဇာတ်ကောင်ကိုသရုပ်မှန်ပေါ်စေဖို့ မှန်းဆလို့မရတဲ့ အတိုင်းအတာတစ်ခုထိ စိတ်ရောကိုယ်ပါ နှစ်မြှုပ်ပေးဆပ်ဖို့လိုအပ်လာပါတယ်။ ၂၀၀၉ ခုနှစ်၊ ဖေဖော်ဝါရီလ ၂၂ ရက်နေ့မှာ စူပါဟီးရိုးဇာတ်ကားနဲ့ အော်စကာဆုကိုဆွတ်ခူးနိုင်ခဲ့တဲ့ Health Ledger ဆိုရင် Joker ရဲ့စိတ်အခြေအနေနဲ့ စရိုက်မှန်ပေါ်ထွက်လာဖို့အတွက် ဟိုတယ်ခန်းထဲမှာ အချိန်တစ်လကြာတဲ့အထိ ကိုယ့်ကိုယ်ကိုယ်တစ်ယောက်တည်း ပိတ်ထားတာမျိုး၊ Suicide Squad မှာ Joker အဖြစ်ပါဝင်ခဲ့တဲ့ Jared Lato ဆိုရင်လည်း Joker ရဲ့ဇာတ်ရုပ်ကို ရိုက်ကူးမှုကာလပြီးတဲ့အထိ အမြဲခံစားနေရအောင်လို့ တွဲဖက်သရုပ်ဆောင်တွေကို တိရစ္ဆာန်အသတွေ လက်ဆောင်ပေးတာမျိုး၊ ၂၀၁၉ ခုနှစ်ရဲ့ Joker အဖြစ်သရုပ်ဆောင်ခဲ့တဲ့ Joaquin Phoenix ဆိုရင်လည်း အလေးချိန် ၅၁ ပေါင်ကြီးများတောင် လျှော့ချခဲ့ပြီး စိတ်ကစဉ့်ကလျားဖြစ်နေတဲ့ Joker ရဲ့ရယ်သံကို အဆက်မပြတ်လေ့ကျင့်တာမျိုး အစရှိသဖြင့် အစွန်းရောက်တဲ့လုပ်ရပ်များကို စိတ်လိုက်မာန်ပါလုပ်သည်အထိ လေ့ကျင့်ကြပါတယ် 🧩🧩

အဲဒီလိုမျိုးဇာတ်ကောင်စရိုက်သွင်းခြင်းဟာ အန္တရာယ်ရှိနိုင်တယ်ဆိုပေမယ့် Joker လိုမျိုးဇာတ်ကောင်ဖြစ်လာဖို့အတွက် အနည်းဆုံးကိုယ့်ဘက်ကတော့ ပုံမှန်မဟုတ်ဘဲ ပြောင်းလဲသွားတဲ့စိတ်အခြေအနေမျိုးဖြစ်နေမှ အကောင်းဆုံးပုံဖော်နိုင်မှာ ဖြစ်ပါတယ်။ နောက်လာမယ့် Joker တွေအနေနနဲ့ ဘယ်လောက်တောင်ပြင်းထန်တဲ့နည်းမျိုးသုံးပြီး Joker ဇာတ်ကောင်ကို သွင်းပါစေ၊ လက်ရှိအချိန်မှာ ကျွန်တော်တို့အနေနဲ့ Joaquin Phoenix ရဲ့ Joker အဖြစ်ပြောင်းလဲသွားခြင်းဟာ ဘယ်လိုမျိုးပြောင်မြောက်သလဲဆိုတာ စောင့်ကြည့်ရတော့မှာပါပဲ။ ဒီတော့ ၂၀၁၉ ခုနှစ်ရဲ့ Joker ဇာတ်ကားဟာ ဘယ်လောက်တောင် ပရိသတ်များမျှော်လင့်ထားတဲ့အတိုင်းဖြစ်လာမလဲ? ဒါမှမဟုတ် မထင်ထားတွေချည်းပဲ ဆက်တိုက်ဖြစ်လာမှာလားဆိုတာကတော့ အားလုံးကိုယ်တိုင်ကိုယ်ကျ ရတဲ့နည်းနဲ့ကိုကြည့်ရှုခံစားကြည့်ရတော့မှာပါ 🧐🧐

Yan

Fortnite မှာပါဝင်လာတော့မယ့် Gotham မြို့ရဲ့အမှောင်ထုသူရဲကောင်း Batman နဲ့ Batwoman 🦇🌃

Epic Games ရဲ့ရှေ့ဆက်မယ့်ခြေလှမ်းတွေကတော့ သွက်လတ်လွန်းနေပါတယ်။ ဘာကြောင့်လည်းဆိုတော့ ဂိမ်းလောကနဲ့ ရုပ်ရှင်လောကက ချစ်ပရိသတ်တွေရဲ့အသည်းစွဲ Gotham မြို့က အမှောင်ထုသူရဲကောင်း Batman နဲ့ သူ့ရဲ့နောက်လိုက် Catwoman တို့ကို Fortnite ဂိမ်းထဲ ထည့်သွင်းခဲ့လို့ပါပဲ။ Fortnite ချစ်ပရိသတ်များအနေနဲ့ Batman နဲ့ Catwoman တို့စုံတွဲကို အောက်တိုဘာလ ၆ ရက်နေ့မှာ စတင်ပြီး ဂိမ်းတွင်းဇာတ်ကောင်တွေ အဖြစ်ဆော့ကစားနိုင်ပြီး Batman ရဲ့ဝတ်ရုံ၊ Dark Knight ရုပ်ရှင်ဗားရှင်းဝတ်စုံနဲ့ အခြားဂိမ်းတွင်းအသုံးအဆောင်များပါဝင်တဲ့ ပက်ကေ့ချ်တွေင်မသာ Catwoman ရဲ့ဝတ်စုံတွေကိုပါ ပိုင်ဆိုင်နိုင်တဲ့အခွင့်အရေးနော်။

နောက်ထပ်ပိုပြီးစိတ်ဝင်စားဖို့ကောင်းတာက Batman နဲ့ Catwoman တို့ နှစ်ယောက်အပြင် DC ရဲ့နာမည်ကျော်ပြည်သူ့ဘက်တော်သားကြီး Batman ကိုယ်တိုင်စောင့်ကြပ်ကာကွယ်တဲ့ Gotham မြို့ကိုပါ Fortnite ဂိမ်းထဲ ထည့်သွင်းပေးသွားမှာပါ။ Gotham မြို့ကြီးထဲမှာ လေပေါ်ဝဲတဲ့ Glider နဲ့ လေဟုန်စီးသွားလို့ရတယ်၊ Batman ရဲ့အသုံးအများဆုံးလက်နက်တွေထဲကတစ်ခုဖြစ်တဲ့ Batarang နဲ့ပစ်ခိုက်ပြီး တိုက်ခိုက်နိုင်တယ်၊ ဒါ့အပြင် တကယ့် Batman တစ်ယောက်လိုခံစားချက်ကို ရရှိစေဖို့အတွက် Grapple Gun ကိုပစ်ပြီး အမြင့်ကိုတတ်နိုင်သလို အမှောင်ထုထဲမှာ ကိန်းအောင်းပြီး ဒုစရိုက်မှုတွေကို ကာကွယ်ဖို့အသင့်ပဲလေ။ ဒီတော့များများစားစားတွေးမနေကြနဲ့တော့၊ လာမယ့်အောက်တိုဘာလ ၆ ရက်နေ့မှာ Fortnite ဂိမ်းထဲ Batman နဲ့ Catwoman တို့အပြင် Gotham မြို့ကြီးကိုယ်တိုင်ပါလာပြီဆိုတော့ Fortnite ဂိမ်းချစ်သူတွေ အားရပါးရကြီးကို ပျော်နိုင်ပြီပေါ့။

Death Stranding ချစ်သူများအတွက် အထူးသီးသန့်ဒီဇိုင်းနဲ့ Limited Edition ဖြစ်တဲ့ Playstation 4 Pro Console ထွက်ရှိမယ်

ဂိမ်းလောကတစ်ခုလုံးစောင့်မျှော်နေတဲ့ Death Stranding ဂိမ်းဟာ ၂၀၁၉ ခုနှစ်၊ နိုဝင်ဘာလ ၈ ရက်နေ့မှာ

ထွက်ရှိလာမှာဖြစ်ပြီး အဲဒီတစ်နေ့တည်းမှာပဲ Death Stranding ဂိမ်းချစ်သူများအတွက် အထူးသီးသန့်ဒီဇိုင်းနဲ့ တည်ဆောက်ဖန်တီးထားတဲ့ Playstation 4 Pro Console ကို ထုတ်ပေးသွားမှာဖြစ်ပါတယ်။ ပုံမှာတွေ့ရတဲ့အတိုင်း ထူးခြားပြီး သစ်လွင်တဲ့ဒီဇိုင်းနဲ့ လုပ်ဆောင်ချက်တွေတိုးမြှင့်ထားတဲ့ Playstation 4 Pro ကို မြင်သူတိုင်း လူချင်ကြမှာ အမှန်ပါပဲ။

ထွက်ရှိလာမယ့်ရက် နီးလာတာနဲ့အမျှ Death Stranding ဂိမ်းရဲ့အကြောင်းကို ပိုပိုပြီးသိလာရတာတော့ အမှန်ပါပဲ။ စက်တင်ဘာလအတွင်းမှာကျင်းပတဲ့ ၂၀၁၉ ခုနှစ်ရဲ့ တိုကျိုဂိမ်းပြပွဲ (Toyko Game Show) မှာ Death Stranding ဂိမ်းဖန်တီးရေးဆွဲသူနဲ့ ဒါရိုက်တာဖြစ်သူ Kojima က အကြမ်းတစ်နာရီစာရှိတဲ့ ဂိမ်းတွင်းလုပ်ဆောင်ချက်နဲ့ Death Stranding ဂိမ်းကစားဟန်ကို ကစားပြခဲ့ပါတယ်။ အဲဒီနေ့မတိုင်ခင်တစ်ရက်အလိုတုန်းကလည်း Kojima Production နဲ့ Sony တို့က Death Stranding ရဲ့ ၇ မိနစ်စာရှိတဲ့ဂိမ်းထွေလာကို ပြသခဲ့ပါသေးတယ်။

လတ်တလောကမှကျင်းပပြီးစီးသွားတဲ့ စက်တင်ဘာလရဲ့ Playstation ရဲ့ State of Play အပြီးမှာ Sony ဘက်က Death Stranding ရဲ့အထူးထုတ် Playstation 4 Pro Console နဲ့ပတ်သက်တဲ့ အသေးစိတ်အချက်အလက်တွေကို ဘလော့မှာတင်ပေးထားပါတယ်။

Yan

နှစ်ပေါင်းနှစ်ဆယ်ကျော်ကြာမြင့်ခဲ့ရတဲ့ ငယ်ဘဝဆန္ဒကိုဖြည့်ဆည်းပေးမယ့် Final Fantasy VII Remake

၂၀၁၉ ခုနှစ်၊ ဇွန်လမှာစပြီး Final Fantasy 7 Remake ထွက်လာမယ့်အကြောင်းကို တရားဝင်ကြေညာခဲ့ပေမယ့် တကယ်တမ်းမှာ Final Fantasy 7 ဂိမ်းဖန်တီးခဲ့ရမှုဟာ ထင်သလောက်တော့ မဖြောင့်ဖြူးခဲ့ပါဘူး။ Final Fantasy 7 Remake ကိုစောင့်ခဲ့ရတာဟာ နှစ်ပေါင်း ၂၀ ကျော်ပြီလို့ပြောရင် အားလုံးအံ့သြသွားရပါလိမ့်မယ်။ ဟုတ်ပါတယ်၊ Square Enix ကဖန်တီးရေးဆွဲပြီး ၁၉၉၇ ခုနှစ်မှာထုတ်လုပ်ခဲ့တဲ့ Final Fantasy စီးရီးရဲ့ သတ္တမမြောက်ဂိမ်းအနေနဲ့ ထွက်ရှိလာခဲ့တဲ့ Final Fantasy 7 ဟာ ဂျပန်နိုင်ငံမှာတင်သာမက တစ်ကမ္ဘာလုံးအတိုင်းအတာနဲ့ တစ်ဟုန်ထိုးအောင်မြင်ခဲ့တဲ့ ဂိမ်းဖြစ်ပါတယ်။ Final Fantasy 7 ရဲ့အောင်မြင်မှုဟာ ဂိမ်းဖန်တီးထုတ်လုပ်ခဲ့တဲ့ Square Enix ကိုရော Final Fantasy စီးရီးကိုပါ ကမ္ဘာတဝှမ်းကပရိသတ်တွေသိရှိသွားစေခဲ့ပြီး နည်းပညာတွေတိုးတတ်လာတာနဲ့အမျှ အသည်းစွဲကြိုက်ကြတဲ့ပရိသတ်တွေက ဂိမ်းတစ်ခုလုံးကို ပြန်လည်ပြင်ဆင်မွန်းမံပြီး အချောသတ်ထပ်မံထုတ်ပေးဖို့ တောင်းဆိုလာကြပါတယ်။ Square Enix အနေနဲ့ နောက်ထွက်မယ့် Final Fantasy ဂိမ်းတွေအပေါ် အာရုံစိုက်ခဲ့ပေမယ့် များပြားလှတဲ့တောင်းဆိုမှုတွေနဲ့ အတည်တကျမရှိတဲ့ကောလဟာလတွေကြောင့် Final Fantasy 7 ကို Remake အဖြစ် ပြန်လည်ထုတ်ပေးဖို့ စတင်ပြင်ဆင်ခဲ့ပေမယ့် အကြောင်းအမျိုးမျိုးကြောင့် ဘယ်လိုမှရှေ့မဆက်နိုင်သေးဘဲ ကျွန်တော်ဂိမ်မာတွေအနေနဲ့ စောင့်ပြီးရင်းသာစောင့်နေခဲ့ရပါတယ်။

၂၀၀၀ ခုနှစ် Playstation 2 ခေတ်ရောက်တဲ့အခါ Final Fantasy 8, 9 တို့နဲ့အတူ Final Fantasy 7 Remake ကို ထုတ်ပေးသွားမယ်လို့ ကြေညာခဲ့ပေမယ့် နှစ်အတော်ကြာသည်အထိ တိတ်ဆိတ်နေခဲ့ပြန်ပါတယ်။ အဲဒီလိုနဲ့ ၂၀၀၅ ခုနှစ် Playstation 3 ခေတ်ကို ကူးပြောင်းလာချိန်မှာ ရုပ်ထွက်ဂရပ်ဖစ်အသစ်တွေနဲ့ ပေါင်းစည်းပြီး Final Fantasy 7 Remake ထွက်ရှိလာမယ်လို့ ကောလဟာလတွေ ထွက်ခဲ့ပေမယ့်လည်း နည်းပညာအခက်အခဲတွေ ကြားခံခဲ့တာကြောင့် ထုတ်ပေးဖို့မဖြစ်နိုင်ခဲ့ပါဘူး။ အချိန်တွေဟာ တဖြည်းဖြည်းကုန်လွန်လာခဲ့ပြီး Sony ရဲ့ မျိုးဆက်သစ်ဗီဒီယိုဂိမ်းစက်ဖြစ်တဲ့ Playstation 4 ထွက်ရှိလာပါတယ်။ အဲဒီအချိန်ကာလောက်မှာ Final Fantasy စီးရီးရဲ့ပရိုဂျူဆာ Shinji Hashimoto က တစ်ချိန်မှာ Final Fantasy 7 Remake ရဲ့ ပရိုဂျူဆာဖြစ်လာမယ့် Yoshinori Kitase နဲ့ ဒါရိုက်တာ Tetsuya Nomura ကို ပရောဂျက်အကြမ်းပြရင်း “အချိန်တွေသာကုန်သွားတယ် အခုအသက်အရွယ်မှာ ငါတို့သာ Final Fantasy 7 Remake ကို တာဝန်ယူပြီး မထုတ်ဘူးဆိုရင် Square Enix က ဘယ်သူမှအဲအလုပ်ကိုလုပ်မှာမဟုတ်ဘူး၊ နောက်လာမယ့်မျိုးဆက်သစ်တွေကို တာဝန်ပေးရအောင်ကလည်း ဒီလောက်နှစ်အကြာကြီးသမိုင်းရှိခဲ့တဲ့ Final Fantasy 7 ကိုစင်းလုံးချော Remake ပြန်ထုတ်ပေးဖို့ အဆင်မပြေနိုင်ဘူး” လို့ပြောရကနေ အခုအားလုံးတွေ့မြင်နေရတဲ့ Final Fantasy 7 Remake ကိုစတင်ဖန်တီးခဲ့တာဖြစ်ပါတယ်။

ကဲ ငယ်စဉ်ဘဝကနေ စောင့်ဆိုင်းနေကြတဲ့ ဂိမ်မာများအတွက် Final Fantasy 7 Remake ကို Square Enix က ၂၀၂၀ ခုနှစ်၊ မတ်လ ၃ ရက်နေ့မှာ တရားဝင်ဖြန့်ချိသွားမှာဖြစ်ပါတယ်။ အားလုံးလွမ်းဆွတ်တမ်းဆနိုင်စေဖို့ Final Fantasy 7 Remake ရဲ့ Playstation 4 အခွေ Box Art ကို ၁၉၉၇ ခုနှစ်က Official Box Art ဖြစ်တဲ့ Cloud Strife ရဲ့ပုံကို ပြန်လည်ထားရှိပါတယ်။ သမိုင်းကြောင်းအရ ထွက်မယ်၊ ထွက်မယ်နဲ့ နှစ်နှစ်ဆယ်ကျော်အကြာ ၂၀၂၀ ခုနှစ်မှာ တကယ်ကြီးထွက်လာတဲ့အခါ Final Fantasy 7 Remake ဟာ အိပ်မက်လား၊ တကယ်လားလို့ မေးရလောက်အောင် အချိန်နှစ်ပေါင်းများစွာကြာမြင့်ခဲ့ပါတယ်။ ထွက်ရှိလာတဲ့အချိန်မှပဲ အားရပါးရဆော့ကစားကြဖို့ ဒီကနေ Final Fantasy ချစ်သူများအားလုံးကို တိုက်တွန်းလိုက်ရပါတယ်။ ဖတ်ရှုမှုများအတွက် ကျေးဇူးအထူးတင်ရှိပါတယ်။ နောက်လာမယ့်အကြောင်းအရာတွေဟာ ဘယ်လောက်ထိစိတ်ဝင်စားဖို့ကောင်းမလဲဆိုာတ စောင့်မျှော်ပေးကြပါဦးလို့ပြောရင်း နှုတ်ဆက်လိုက်ပါတယ်။

Yan

ဂိမ်းလောကတစ်ခုလုံးစောင့်မျှော်နေတဲ့ The Last of Us (Part ll) ရဲ့ ထွက်ရှိလာမယ့်ရက်စွဲကို Reveal Trailer နဲ့တကွ ဖော်ပြခဲ့

ပထမဦးဆုံးပြောချင်တာကတော့ ဝမ်းသာပီတိဖြစ်နေကြတဲ့ ဂိမ်မာတွေအားလုံးနဲ့ ထပ်တူထပ်မျှခံစားနေတဲ့အကြောင်းပါပဲ။ ကိုယ်လိုချင်တဲ့အရာကို တစ်စိုက်မတ်မတ်နဲ့ အနှောင်အဖွဲ့ကင်းကင်း ဆုတောင်းပြုရင် တစ်ချိန်မှာတကယ်ဖြစ်လာတယ်ဆိုတဲ့ Law of Attraction ဟာ အမှန်တကယ်အလုပ်လုပ်ကြောင်းကို ဒီသတင်းက သက်သေပြလိုက်တယ်လို့တောင် ခံစားမိပါတယ်။ ဘာကြောင့်လဲဆိုတော့ ဂိမ်မာတွေအားလုံးရဲ့ အသည်းထဲစွဲထင်ကျန်နေခဲ့တဲ့ The Last of Us ပထမဂိမ်းထွက်ခဲ့တာ အချိန်ခြောက်နှစ်တင်းတင်း ရှိခဲ့ပြီလေ။ ၂၀၁၃ ခုနှစ်၊ ဇွန်လ ၁၄ ရက်နေ့မှာ ထွက်ရှိခဲ့တဲ့ The Last of Us ဂိမ်းအကြောင်းကို တဖွဲ့တနွဲ့နဲ့ ညွှန်းဆိုမယ်ဆိုရင်တောင် ဘယ်လောက်ထိအနုပညာမြောက်သလဲဆိုတာ ဖော်ပြဖို့ခက်ပါတယ်။ ရှိရှိသမျှဂိမ်းမီဒီယာကြီးတွေအားလုံး review နဲ့ rating အပြည့်ပေးခဲ့ကြတဲ့ The Last of Us ဂိမ်းရဲ့ ပြောင်မြောက်မှုနဲ့ အနုပညာဆန်မှုကို ကိုယ်တိုင်ကိုယ်ကျဆော့ကြည့်ဖူးသူများမှသာ သိနိုင်ပါလိမ့်မယ်။ ၂၀၁၆-----ူစူူုE3 ပွဲမှာကတည်းက The Last of Us (Part ll) ထွက်ရှိလာမယ်ဆိုတဲ့အကြောင်း ဂိမ်းလောကတစ်ခုလုံးကို အသိပေးခဲ့တာဖြစ်ပေမယ့် မနေ့ကမတင်ခင်အထိ The Last of Us ll ရဲ့ ရေရာသေချာတဲ့သတင်းအကျအနကို မကြားသိခဲ့ရပါဘူး။

ဒါပေမယ့် နှစ်ရှည်လများစောင့်ဆိုင်းခဲ့ရတဲ့ ဂိမ်မာများအားလုံးရဲ့ဆန္ဒပြည့်ဝခဲ့ပါပြီ။ ဘာကြောင့်လည်းဆိုတော့ ၂၀၁၉ ခုနှစ်၊ စက်တင်ဘာလ ၂၄ ရက်နေ့အချိန်မှာ Playstation ရဲ့ YouTube ချန်နယ်ကနေ The Last of Us (Part ll) Reveal Trailer ကို ထွက်ရှိလာမယ့်ရက်စွဲနဲ့တကွ ဖော်ပြပေးခဲ့လို့ပါပဲ။ အဲဒီထွေလာမှာ အရင်ဂိမ်း The Last of Us ထဲကလို ဆယ်ကျော်သက်ကလေးမလေးမဟုတ်တော့ဘဲ ရဲရင့်ပြတ်သားတဲ့ မိန်းမငယ်တစ်ယောက်ဖြစ်လာတဲ့ Ellie ကို အသားပေးပြသခဲ့ပြီး ဂိမ်းအတွင်းကျင်လည်ရမယ့် ပတ်ဝန်းကျင်တချို့၊ တိုက်ခိုက်ကွက်တစ်ချို့နဲ့ ဇာတ်အိမ်ဇာတ်ကွက်တစ်ချို့ကို အချိုးကျကျရောနှောပြီး တင်ဆက်ပေးခဲ့လို့ပါပဲ။ Playstation က နှစ်စဉ်နဲ့အမျှကျေင်းပလေ့ရှိတဲ့ State of Play အစီအစဉ်မှာ ထုတ်ဖော်ပြသလိုက်တဲ့ The Last of Us (Part ll) ဂိမ်းနဲ့ Reveal Trailer မကြာတော့တဲ့အချိန်အတွင်းမှာ ဂိမ်းလောကတစ်ခုလုံးကို ဂယက်ရိုက်သွားဖို့ မြင်နေပါတယ်။ The Last of Us ဂိမ်းကိုဖန်တီးရေးဆွဲတဲ့ Naughty Dog ကဒါရိုက်တာ Neil Druckmann ရဲ့ ပြောကြားချက်အရ ကုမ္ပဏီတည်ထောင်ခဲ့တဲ့သက်တမ်း ၃၅ နှစ်အတွင်းမှာ The Last of Us ll ဂိမ်းကိုဖန်တီးတည်ဆောက်ချိန်ဟာ စုစုပေါင်းအချိန်ငါးနှစ်တာ ရှိပြီး အဲဒီအချိန်ကာလဟာ Naughty Dog အတွက်တော့ ဂိမ်းတစ်ခုကိုဖန်တီးခဲ့တဲ့ အကြာဆုံးသောအချိန်အတိုင်းအတာဖြစ်တယ်လို့ ဆိုပါတယ်။

ထွေလာမှာပြသခဲ့ပုံအရဆိုရင် The Last of Us (Part ll) ထွက်ရှိလာမယ့်နေ့စွဲကတော့ ၂၀၂၀ ခုနှစ်၊ ဖေဖော်ဝါရီလ၊ ၂၁ ရက်နေ့ဖြစ်ပြီး ကျွန်တော်တို့အားလုံး အချိန်ငါးလလောက် စောင့်ဆိုင်းရဦးမှာပါ။ Naughty Dog ရဲ့ပြောင်မြောက်တဲ့အနုစိတ်လက်ရာတစ်ခုဖြစ်တဲ့ The Last of Us ll အနေနဲ့ ဘယ်လိုမျိုးပုံစံနဲ့ အားလုံးဆီကိုရောက်ရှိလာမှာလဲ? ငါးနှစ်အကြာမှာတွေ့ရတဲ့ Ellie ရဲ့ရင့်ကျက်လာမှုတွေနဲ့ ရဲရင့်ပြတ်သားလာမှုတွေဟာ အရာအားလုံးကိုရင်ဆိုင်ကျော်ဖြတ်ဖို့ လုံလောက်ပါ့မလား? Joe ကိုယ်တိုင်ကရော ဘယ်လိုအခန်းကဏ္ဍကနေ ပါဝင်မှာလဲ? အဖြေရှာမရတဲ့သတ္တဝါတွေအပြင် ဘယ်လိုမျိုးရန်သူတွေနဲ့ ရင်ဆိုင်ရမှာလဲ? အစရှိတာတွေကိုတော့ The Last of Us (Part ll) ဂိမ်းထွက်ရှိလာတဲ့အချိန်မှာသာ ကိုယ်တိုင်ကိုယ်ကျ ဝင်ရောက်ခံစားဖို့ တိုက်တွန်းရင်း အားလုံးကိုနှုတ်ဆက်လိုက်ရပါတယ်။ နောင်လာမယ့် ဂိမ်းအကြောင်းအရာတွေမှာ ပြန်လည်ဆုံတွေ့ကြပါမယ်။ ဖတ်ရှုမှုများအားလုံးအတွက် ကျေးဇူးအထူးတင်ရှိပါကြောင်းပြောရင်း The Last of Us (Part ll) ဂိမ်းထဲက ဇာတ်ဝင်ခန်းတချို့နဲ့ အငွေ့အသက်ကိုပြန်လည်ခံစားလိုသူတွေအတွက် အောက်မှာ The Last of Us ll ဂိမ်းတွင်းဓါတ်ပုံတွေကို ဖော်ပြပေးလိုက်ပါတယ်။

Yan

ဂိမ်မာများအားလုံးရဲ့ငယ်ဘဝကို အရောင်စုံလင်စေခဲ့တဲ့ နှစ်ပေါင်း ၁၃၀ ပြည့် Nintendo ရဲ့မွေးနေ့အား ဂုဏ်ပြုဆုတောင်းရင်း

ဂိမ်မာတွေအားလုံးရဲ့ ငယ်ဘဝကို အရောင်စုံလင်စေခဲ့ပြီး ကြည်နူးဖွယ်အမှတ်တရတွေ ဖန်တီးပေးခဲ့တဲ့ Nintendo ဂိမ်းတွေဟာ ကျွန်တော်တို့ရင်ထဲ ဘယ်တော့မှ မေ့ပျောက်သွားမှာမဟုတ်တဲ့ ဖန်တီးမှုတွေပါပဲ။ မျက်မှောက်ခေတ်ရဲ့ လူငယ်ထုမျိုးဆက်သစ်တွေသာမက ကျွန်တော်တို့ကိုပြုစုပျိုးထောင်ပေးခဲ့ကြတဲ့ လူကြီးမိဘများကိုယ်တိုင်တောင် Nintendo ဂိမ်းတွေကို ဆော့ပြီး ငယ်ဘဝကို ဖြတ်သန်းခဲ့ရတာပါ။ ဘယ်လိုမျိုး မျိုးဆက်သစ်ဂိမ်းတွေနဲ့ ဗီဒီယိုဂိမ်းတွေပဲ ထွက်ပေါ်လာပါစေ၊ Nintendo ကတော့ ကမ္ဘာနဲ့အဝှမ်း လူကြီးလူငယ်မရွေးဆော့ကစားသူပေါင်းများစွာနဲ့ ဂိမ်းလောကကို ပထမဦးဆုံးချဲ့ထွင်ခဲ့သူတွေအဖြစ် ဈေးကွက်မှာထိပ်ဆုံးက ရပ်တည်လို့နေပါတယ်။ ၁၈၈၉ ခုနှစ်၊ စက်တင်ဘာလ ၂၃ ရက်နေ့မှာ ဒါရိုက်တာ ဖူဆာဂျီနို ရာမအုချီ (Fusajino Yamauchi) က စတင်တည်ထောင်ခဲ့တဲ့ Nintendo Kappai ဂိမ်းကုမ္ပဏီဟာ အခုအချိန်မှာတော့ Nintendo အဖြစ်နဲ့ နှစ်ပေါင်း ၁၃၀ တင်းတင်းပြည့်ခဲ့ပြီ ဖြစ်ပါတယ်။ Nintendo ဆိုပြီးစတင်ဖြစ်ပေါ်လာစဉ်က ကတ်ကစားနည်းများကို တစ်မူထူးတဲ့အိုင်ဒီယာများနဲ့ ဂျပန်နိုင်ငံအတွင်း ထိုးဖောက်မယ့် ကုမ္ပဏီတစ်ခုအဖြစ်နဲ့ စတင်ခဲ့ပေမယ့် ဒုတိယကမ္ဘာစစ်အပြီး ၁၉၄၇ ခုနှစ်မှာတော့ ဒါရိုက်တာဟောင်း ရာမအုချီ ရာထူးကဆင်းသွားပြီး ြမေးဖြစ်သူ ဟီရိုရှီ ရာမအုချီ (Hiroshi Yamauchi) က အရိုက်အရာကို ဆက်ခံခဲ့ပါတယ်။ အဲဒီကနေစပြီး အခုအချိန်မှာ ကျွန်တော်တို့အားလုံးသိကြတဲ့ Nintendo အဖြစ် အသွင်ပြောင်းခဲ့တယ်လို့ ဆိုရမှာဖြစ်ပါတယ်။

မြေးဖြစ်သူ ရာမအုချီရဲ့စီမံခန့်ခွဲမှုအောက်မှာ Nintendo ဟာ နိုင်ငံတကာထိထိုးဖောက်မယ့် မျှော်မှန်းချက်နဲ့ ကွဲပြားတဲ့ထုတ်ကုန်သစ်များကို ထုတ်လုပ်ပြီး စတင်ထိုးဖောက်ခဲ့တာဖြစ်ပါတယ်။ ၁၉၆၃ ခုနှစ်မှာတော့ Nintendo Co.,Ltd (နီတန်းဒိုး ကုမ္ပဏီလိမိတက်) ဆိုတဲ့အမည်ကို တရားဝင်ပြောင်းလဲခဲ့ပြီး ထူးကဲပြီးကွဲပြားတဲ့ စီးပွားရေးလုပ်ငန်းတွေကို တစ်ဟုန်ထိုးလုပ်ဆောင်ခဲ့တာဖြစ်ပါတယ်။ ဒါပေမယ့် ဘယ်လုပ်ငန်းမဆို အနိုင်၊ အရှုံးဒွန်တွဲနေတာဖြစ်တဲ့အတွက် Nintendo ရဲ့တက္ကစီဝန်ဆောင်ရေး၊ အစားအသောက်ထုတ်ကုန်များနဲ့ နာမည်ဆိုးနဲ့ကျော်ကြားခဲ့တဲ့ ချစ်ရေးချစ်ရာတည်းဆိုဆောင်များဟာ Nintendo ရဲ့ သင်ခန်းစာယူစရာ ခြေလှမ်းများဖြစ်ပါတယ်။ ဒီလိုနဲ့ ကုမ္ပဏီဒေဝါလီခံရလုနီးနီး အခြေအေနေကို ရောက်ခဲ့ရာကနေ ဂိမ်းဒီဇိုင်နာ ဂန်ပိုင်း ရိုကိုးအိ (Gunpei Yokoi) နဲ့ တွေ့ဆုံချိန်မှာတော့ အရာအားလုံးပြောင်းလဲဖို့ စတင်ခဲ့ပါတော့တယ်။ အဲဒါကတော့ ဟိုးအရင်ကတည်းက Nintendo ရဲ့အထင်ကရထုတ်ကုန်ဖြစ်တဲ့ ကတ်ကစားနည်းတွေကို ပြောင်းလဲလာတဲ့ခေတ်ပေါ်နည်းပညာနဲ့ ပေါင်းစပ်ပြီး လက်ကိုင်ဂိမ်း Game & Watch နဲ့ နာမည်ကျော် Game Boy အဖြစ်ြပောင်းလဲထုတ်လုပ်ခဲ့တာပဲဖြစ်ပါတယ်။ Game Watch နဲ့ Game Boy လက်ကိုင်ဂိမ်းတွေကြောင့် Nintendo ဟာ ၁၉၇၀ နဲ့ ၁၉၈၀ ခုနှစ်တွေအထိ နိုင်ငံတကာဈေးကွက်ကို ရရှိခဲ့ပြီး ကုမ္ပဏီရဲ့ ပထမဦးဆုံးစီးပွားရေးအောင်မြင်မှုကို ဆွတ်ခူးနိုင်ခဲ့ပါတယ်။

တစ်ကမ္ဘာလုံးအတိုင်းအတာနဲ့ တစ်ဟုန်ထိုးအာင်မြင်ဖို့ မှန်ကန်တဲ့ခြေလှမ်းကို ရွေးချယ်ဖို့လိုအပ်နေတဲ့ Nintendo ဟာ ၁၉၈၀ နောက်ပိုင်းကာလမှာတော့ ဒါရိုက်တာ ရာမအုချီရဲ့ကြီးမားတဲ့အမျှော်အမြင်နဲ့ တွန်းအားပေးမှု၊ ဂိမ်းဒီဇိုင်နာ ရိုကိုးအိရဲ့ ကျွမ်းကျင်တဲ့နည်းပညာနဲ့ ဂိမ်းရေးဆွဲမှု၊ တစ်ချိန်မှာ Mario ဇာတ်ကောင်ကိုဖန်တီးသူအဖြစ် လူသိများလာမယ့် လူငယ် ရှီဂဲယူ မီရာမိုတို (Shigeru Miyamoto) ရဲ့ ကွဲထွက်တဲ့အမြင်နဲ့ ကျွမ်းကျင်တဲ့ဂိမ်းဖန်တီးမှုတို့ ပေါင်းစည်းပြီး Game & Watch, Game Boy လက်ကိုင်ဂိမ်းတွေကနေတဆင့် တီဗီဖန်သားပြင်နဲ့ ချိတ်ဆက်ပြီးဆော့ကစားနိုင်မယ့် အီလက်ထရွှန်းနစ် ဗီဒီယိုဂိမ်းများကို စွန့်ဦးတီထွင်ထုတ်လုပ်ခဲ့ရာမှာတော့ Nintendo ဆိုတဲ့ဟာ တစ်ကမ္ဘာလုံးက ဂိမ်းလောကနဲ့ဈေးကွက်မှာ ဖျောက်ဖျက်မရလောက်အောင်ကို စွဲထင်သွားခဲ့တာဖြစ်ပါတယ်။ ကဲ ဒါကတော့ Nintendo ရဲ့အစပြုရာ သမိုင်းကြောင်းဖြစ်ပါတယ်၊ ၂၀၁၉ ခုနှစ်၊ စက်တင်ဘာလ ၂၃ ရက်နေ့မှာ နှစ်ပေါင်း ၁၃၀ ပြည့်သွားတဲ့ Nintendo ရဲ့ မွေးနေ့ကို ဂုဏ်ပြုသောအားဖြင့် အခုလိုရေးသားတင်ဆက်ပေးရခြင်းဖြစ်ပါတယ်။ ငယ်ဘဝကိုအမှတ်ရနေစေမယ့် ဂိမ်းဇာတ်ကောင်များနဲ့ ဂိမ်မာများအာလုံးကိုမွေးဖွားပေးခဲ့တဲ့ Nintendo ဂိမ်းတွေဟာ ကျွန်တော်တို့အားလုံးရဲ့ ပျော်ရွှင်မှုကိုရှာဖွေရာနေရာဖြစ်သလို စိတ်ရဲ့ထွက်ပေါက်တစ်ခုလည်းဖြစ်ပါတယ်။ ဒီတော့ နှစ်ပေါင်း ၁၃၀ ပြည့် Nintendo ကို ပျော်ရွှ့င်စရာမွေးနေ့ဖြစ်ပါစေလို့ ဆုမွန်ကောင်းတောင်းရင်း ဒီဆောင်းပါးကို အဆုံးသတ်လိုက်ရပါတယ်။ ဖတ်ရှုသူများအားလုံးကို ကျေးဇူးအထူးတင်ကြောင်းပြောရင်း နောက်လာမယ့်စိတ်ဝင်စားဖွယ် အကြောင်းအရာတွေမှာ ကျွန်တော်တို့ပြန်လည်ဆုံတွေ့ကြပါမယ်။

နှစ်ပေါင်း ၁၃၀ ပြည့်မှစ နောက်နှစ်ပေါင်းထောင်သောင်းမက မျိုးဆက်သစ်ဂိမ်မာများကိုမွေးထုတ်ပေးနိုင်ပါစေလို့ ဆုတောင်းရင်း။

Yan

မဖိတ်ခေါ်ဘဲရောက်လာတဲ့ နတ်ဆိုးကို ကြိုဆိုရမလား? တံခါးပိတ်ထားရမလား? (Annabelle Comes Home Movie Rating)

ကလေးကစားစရာအရုပ်ကလေးတစ်ရုပ် အသွင်ဆောင်ထားပေမယ့် ရက်စက်ကြမ်းကြုတ်ပြီး ထိတ်လန့်ဖွယ်ကောင်းတဲ့ Annabelle အကြောင်းကို လူတိုင်းနီးပါးသိကြပါတယ်။ Annabelle ကို ပိုင်ဆိုင်ခဲ့သူတိုင်းဟာ အသက်မဆုံးရှုံးခဲ့ရင်တောင်မှ လက်မတင်လေး အသက်လုခဲ့ရတဲ့အဖြစ်အပျက်မျိုးစုံနဲ့ တွေ့ကြုံခဲ့ပြီးမှ အဲဒီအရုပ်ရဲ့နောက်ကြောင်းရာဇဝင်နဲ့ ဘယ်လိုဖြစ်တည်မှုမျိုးက စွဲကပ်နေတာလဲဆိုတာကို သိခဲ့ရတာဖြစ်ပါတယ်။ သွေးပျက်စရာအတိနဲ့ ခြောက်ခြားဖို့ကောင်းတဲ့ ၁၉၈၀ တစ်ဝိုက်က ဖြစ်ရပ်မှန်တချို့အပေါ်မှာ မှီငြိမ်းဇာတ်အိမ်တည်ထားတဲ့ Annabelle ရုပ်ရှင်ဇာတ်ကားကို ဒါရိုက်တာ Gary Daubermen က ညွှန်ကြားဖန်တီးပြီး Warners Bros Picture ကနေ ၂၀၁၄ ခုနှစ်မှာ ဖြန့်ချိပေးခဲ့တာဖြစ်ပါတယ်။ လက်ရှိအချိန်မှာ Annabelle ဆိုတဲ့နာမည်နဲ့ ထွက်ရှိခဲ့တဲ့ဇာတ်ကားများဟာ ၂၀၁၉ ခုနှစ်ရဲ့ Annabelle Comes Home အပါအဝင်ဆိုရင် စုစုပေါင်းသုံးကားရှိခဲ့ပြီဖြစ်ပြီး Conjuring Universe ထဲမှာဆိုရင် ခုနှစ်ကားမြောက်ဖြစ်တဲ့ Annabelle Comes Home ဟာ ပြီးခဲ့တဲ့ ဇွန်လ ၂၆ ရက်နေ့မှာ ထွက်ရှိခဲ့တာဖြစ်ပါတယ်။ ကဲ ဒီတော့ ဒီတစ်ခေါက်ဆောင်းပါးမှာ Conjuring Universe ထဲက နောက်ဆုံးထွက်ရှိထားတဲ့ Annabelle Comes Home ဇာတ်ကားရဲ့ အညွှန်းနဲ့ အကဲဖြတ်သုံးသပ်ချက်ကို အားလုံးအတွက် တင်ဆက်ပေးသွားမှာဖြစ်ပါတယ်။ အားလုံးပဲ အဆင်သင့်ဖြစ်ပြီဆိုရင် စကြည့်လိုက်ရအောင်လားဗျာ။

၂၀၁၄ ခုနှစ်မှာ Annabelle၊ ၂၀၁၇ ခုနှစ်မှာ Annabelle: Creation နဲ့ ၂၀၁၉ ခုနှစ်မှာ Annabelle Comes Home ဆိုပြီးခေါင်းစဉ်အသီးသီးနဲ့ ထွက်ရှိခဲ့ကြတဲ့ဒီ horror ဇာတ်ကားတွေဟာ နတ်ဆိုးအသုံးချနေတဲ့ Annabelle အရုပ်ရဲ့ ဖြစ်ရပ်မှန်ဇာတ်ကြောင်းအပေါ်မှာ အခြေခံပြီးရိုက်ကူးထားတာ ဖြစ်ပါတယ်။ တကယ်တမ်းမှာ Annabelle ဟာ ဟိုအရင်တစ်ချိန်က သက်ရှိထင်ရှားရှိခဲ့တဲ့ ဘာသာရေးဂိုဏ်းဝင်မိန်းမသားတစ်ဦးရဲ့ အမည်ဖြစ်ပေမယ့် Annabelle ဆိုပြီး အမှောင်ထုရဲ့အရုပ်တစ်ရုပ် ဖြစ်လာခဲ့တဲ့အကြောင်းကို spoil သလိုဖြစ်သွားမှာစိုးတဲ့အတွက် အကျယ်တဝန့်တော့ မရှင်းပြတော့ပါဘူး။ ရှေ့နှစ်ကားကို ကြည့်ပြီးသွားသူတွေကတော့ Annabelle ဇာတ်ကားတွေရဲ့ ဇာတ်အိမ်ဇာတ်ကွက်၊ ဇာတ်ကောင်ဖန်တီးမှုနဲ့ ထိတ်လန့်ခြောက်ခြားစရာတွေအပေါ်မှာ တရင်းတနှီးရှိမှာမှန်ပေမယ့် Annabelle Comes Home ဇာတ်ကားကို အခုမှစကြည့်မယ့်သူများအတွက်ကတော့ ကြည့်ရှုရသမျှအရာအားလုံးဟာ သစ်လွင်နေမှာဖြစ်ပါတယ်။ ပရိသတ်အသစ်များအနေနဲ့ ရှေ့နှစ်ကားကြည့်ဖူးစရာမလိုဘဲ ဒီဇာတ်ကားကိုကြည့်ရှုနိုင်သလို ပရိသတ်ဟောင်းများအနေနဲ့လည်း Annabelle ဇာတ်ကားဟာ ထူးခြားချက်တစ်ချို့နဲ့ မျှော်လင့်မထားတဲ့ဇာတ်ကောင်တွေကို တွေ့ရမယ်ဆိုတာ အာမခံပါတယ်။ အဲဒါဘာလို့လည်းဆိုတော့ အပနှင်သူလင်မယားနှစ်ယောက်ဖြစ်တဲ့ Ed နဲ့ Lorraine တို့ကိုယ်တိုင် အခန်းတစ်ခန်းထဲမှာ စုစည်းပြီး ထိန်းချူပ်ထားတဲ့ ကျိန်စာသင့်ပစ္စည်းတွေ၊၊ နတ်ဆိုးစွဲကပ်တဲ့အသုံးအဆောင်တွေနဲ့ ပရလောကအစီအရင်တွေမှာ အသုံးပြုတဲ့ကိရိယာပေါင်းများစွာရဲ့ ကိန်းအောင်းနေတဲ့ ခြောက်ခြားဖွယ်ရာတစ်ချို့ကို Annabelle Comes Home မှာ မျက်ဝါးထင်ထင်မြင်တွေ့ရတော့မှာ မို့လို့ပါ။ ဒါဟာ Annabelle ဇာတ်ကားတွေကို ကြည့်ရှုခဲ့ဖူးတဲ့ပရိသတ်ဟောင်းများရဲ့ မျှော်လင့်ချက်ကိုဖြည့်ဆည်းပေးလိုက်တာဖြစ်သလို ပရိသတ်သစ်များအတွက်လည်း Annabelle အပြင်အခြားသော ရင်ထိတ်သည်းဖိုကဏ္ဍတွေကို ခံစားရစေမယ့် ရည်ရွယ်ချက်နဲ့ ဖန်တီးထားခြင်းဖြစ်ပါတယ်။

အဓိကကတော့ အရင် Annabelle ကားတွေနဲ့မတူဘဲ အခြားထိတ်လန့်ဖို့ကောင်းတဲ့ဖြစ်တည်မှုတွေကို ပရိသတ်နဲ့မိတ်ဆက်ပေးလိုက်ခြင်းးဟာ ထွက်ခဲ့ပြီး Annabelle ကားတွေနဲ့ကွဲထွက်ခဲ့ရတဲ့အချက်ပါ။ ကြည့်ခဲ့ပြီးသားပရိသတ်ဟောင်းတွေ ဟိုးအရင်ကတည်းကသိချင်ခဲ့တဲ့ Ed နဲ့ Lorraine တို့ရဲ့ တားမြစ်အခန်းထဲက အမှောင်ထုလွှမ်းခြုံနေတဲ့ပစ္စည်းတွေရဲ့ နောက်ကြောင်းတချို့နဲ့ ကိန်းအောင်းနေတဲဖြစ်တည်မှုတွေကို မျက်ဝါးထင်ထင်တွေ့ရမှာဖြစ်တဲ့အတွက် အနိမ့်မြင့်အတက်အကျတွေနဲ့ ရသစုံခရီးစဉ်တစ်ခုကို ဖြတ်သန်းနေရသလို ခံစားရစေမှာပါ။ ဒါတင်မက ယခင်ကားတွေကလို အဓိကဇာတ်ဆောင်ဖြစ်တဲ့ အပနှင်သူ Ed နဲ့ Lorraine တို့ရဲ့ ဇာတ်ဆောင်နေရာဟာ အားလုံးထင်မှတ်ထားသလိုမဟုတ်တဲ့အပြင် မျှော်လင့်မထားတဲ့ဇာတ်ကွက်တချို့ကိုလည်း ဒီဇာတ်ကားမှာတွေ့ရှိရမှာပါ။ ဒီတော့ ပရိသတ်အသစ်များပဲဖြစ်ဖြစ်၊ အဟောင်းများပဲဖြစ်ဖြစ် Annabelle Comes Home ဟာ ကြည့်သင့်တဲ့ဇာတ်ကားတစ်ကားဖြစ်ကြောင်း ညွှန်းပေးလိုက်ရင်း ဒီကားအပေါ်မှာသတ်မှတ်ထားတဲ့ rating က ဘယ်လောက်ရမလဲဆိုတာကတော့ အောက်ပါဖော်ပြပေးလိုက်ပါတယ်။ ဖတ်ရှုမှုများအတွက် ကျေးဇူးတင်ပါတယ်။ နောက်လာမယ့် ဆောင်းပါးတွေမှာလည်း ပြန်တွေ့ဆုံတွေ့ကြပါမယ်လို့ပြောရင်း အားလုံးကိုနှုတ်ဆက်လိုက်ရပါတယ်။

Rating: 7.5/10 (7.5 Out Of 10)
Genre: Horror
Directed By: Gary Dauberman
Written By: Gary Dauberman
Cast: Mckenna Grace, Madison Iseman, Katie Sarife, Patrick Wilson, Vera Farmiga
Studio: New Line Cinema

Yan

နော့စ်နတ်ဘုရားအားလုံးကျဆုံးပြိုလဲမယ့် နော့စ်ဒဏ္ဍာရီရဲ့နေဝင်ချိန်နိဂုံးဟာ God of War 4 မှာ ဘယ်လိုစတင်ခဲ့သလဲ? 🍂🌘

ကမ္ဘာ့ရောင်းအားအကောင်းဆုံးဂိမ်းစာရင်းဝင်သွားတဲ့ God of War 4 ဂိမ်းအကြောင်းကို အားလုံးလည်းသိတန်သလောက် သိပြီးနှင့်ပြီထင်ပါတယ်။ ထွက်ရှိပြီးပြီးချင်း အချိန်ကာလအနည်းငယ်အကြာမှာပဲ ဂိမ်းပရိသတ်တွေရဲ့ရင်ကိုလှုပ်ခတ်စေခဲ့ပြီး အတိုင်းအဆမရှိအောင်ကို တစ်ခဲနက်အားပေးခဲ့သူတွေကြောင့် အချိန်ငါးနှစ်တာကာလ မရပ်မနားဘဲဖန်တီးရကျိုးနပ်ခဲ့တဲ့ ၂၀၁၈ ခုနှစ်ရဲ့ God of War 4 ဟာ ဂိမ်းချစ်သူတွေရဲ့ရင်ထဲမှာနေရာထပ်ယူလို့ သွားပြန်ပါပြီ။ God of War 4 ဂိမ်းကို အခုအချိန်မှာ ပရိသတ်အတော်များများ ဆော့ကစားပြီးသွားသလို မဆော့ရသေးတဲ့သူတွေအနေနဲ့လည်း ဖန်တီးထားတဲ့ဂိမ်းလောက၊ တည်ထားတဲ့ဇာတ်ကြောင်းဇာတ်အိမ်၊ ကွဲပြားထူးခြားတဲ့ဂိမ်းကစားဟန်တွေနဲ့ ရင်ထဲစွဲမှတ်လောက်စရာ ဇာတ်ညွှန်း၊ ဒိုင်ယာလော့တွေ ဘယ်လောက်တောင်ပြောင်မြောက်တယ်ဆိုတာ သိကြပါတယ်။ အားလုံးရဲ့အချစ်တော် Kratos အနေနဲ့ ဒီတစ်ခေါက်မှာ နော့စ်ဒဏ္ဍာရီထဲရောက်သွားပြီး သားဖြစ်သူ Atreus နဲ့အတူ ကြမ်းတမ်းရှည်လျားတဲ့ခရီးစဉ်ကို ဖြတ်သန်းတဲ့အချိန်အတန့်တိုင်းဟာ မေ့ပျောက်ဖို့မဖြစ်နိုင်တဲ့ အထင်ကရပြကွက်ချည်းပါပဲ။

ဒါပေမယ့် အခုကျွန်တော်တို့သိပြီးသွားတဲ့ နော့စ်ဒဏ္ဍာရီထဲက Kratos ရဲ့ဇာတ်လမ်းနဲ့ ဂိမ်းတစ်လျှောက်တွေ့ကြုံခဲ့ရတဲ့ဖြစ်ရပ်တွေကို ကြည့်မယ်ဆိုရင် ကျွန်တော်တို့သိတဲ့အကြောင်းအရာတွေဟာ တကယ်တမ်းမှာ ကြီးမားလွန်းတဲ့အဖြစ်အပျက်တွေရဲ့ အစသာသာပဲရှိပါသေးတယ်။ ဘာကြောင့်လည်းဆိုတော့ နော့စ်နတ်ဘုရားတွေအနေနဲ့ အိုလံပီယာနတ်ဘုရားတွေနဲ့ ထပ်တူညီတဲ့ကံကြမ္မာဆိုးမျိုးကို မကြာတော့တဲ့အချိန်မှာ မရှုမလှကြီးကြုံတွေ့ရတော့မှာမို့ပါပဲ။ ဒါဘာတွေကိုဆိုလိုသလဲ? နောက်လာမယ့်အနာဂတ်မှာ ဖြစ်လာမယ့်အဖြစ်အပျက်တွေက ဘာတွေဖြစ်မလဲ? တကယ့်နော့စ်ဒဏ္ဍာရီသမိုင်းအစစ်အမှန်နဲ့ ဖြစ်သွားတဲ့ဖြစ်ရပ်တွေက ဘာကိုဦးတည်နေသလဲ? အစရှိတာတွေကို သိရဖို့အတွက် စိတ်ဝင်စားတယ်ဆိုရင် ဆက်သွားလိုက်ကြရအောင်ဗျာ။ တစ်ပုံချင်းစီထောက်ပြီး ဖတ်ရှုနိုင်ပါတယ် ➡➡

နော့စ်ဒဏ္ဍာရီထဲက နတ်ဘုရားတွေရဲ့နောက်ခံဇာတ်ကြောင်းနဲ့ သမိုင်းဝင်ဖြစ်ရပ်အစစ်အမှန် 📜📜

နောက်ဆက်ပြီးဘာတွေဖြစ်လာမလဲဆိုတာကို ပြောမယ်ဆိုရင် God of War 4 မှာ ကျွန်တော်တို့အားလုံးသိရှိခဲ့ရတဲ့ နော့စ်နတ်ဘုရားတွေအကြောင်းနဲ့ သူတို့ကြားကဆက်နွယ်ပုံတွေကို အရင်ဆုံးသိမှဖြစ်ပါလိမ့်မယ်။ ဂရိဒဏ္ဍာရီထဲကလာတဲ့ စစ်နတ်ဘုရားဟောင်း Kratos နဲ့ သူ့ရဲ့သွေးသားဆက်ခံသူမျိုးဆက် Atreus နှစ်ယောက်ကို ဖယ်ပြီး ဂိမ်းအတွင်းမှာပါဝင်တဲ့အခြားနော့စ်နတ်ဘုရားတွေရဲ့အကြောင်းနဲ့ နဂိုမူလနော့စ်ဒဏ္ဍာရီက နတ်ဘုရားအချို့ကို အရင်သိဖို့လိုပါတယ်။ God of War 4 ထဲမှာရော နော့စ်ဒဏ္ဍာရီမှာပါ ပါဝင်တဲ့နတ်ဘုရားတွေထဲက ပထမဆုံးသိရမှာ Kratos နဲ့ အကြိတ်အနယ်တိုက်ခိုက်ခဲ့သူဖြစ်တဲ့ နော့စ်နတ်ဘုရား Baldur ပါပဲ။ Baldur ဟာအက်စဂတ် (Asgard) ကိုအုပ်စိုးတဲ့ နတ်ဘုရား Odin နဲ့ မိခင်ဖြစ်သူ Freya တို့ရဲ့ သားဖြစ်ပြီး မှေးမှိန်ပျောက်ကွယ်ခြင်းရဲ့နတ်ဘုရားမ Nanna ရဲ့ယောကျ်ားဖြစ်သလို နတ်ဘုရား Forseti ရဲ့ဖခင်လည်းဖြစ်ပါတယ်။ Baldur ဟာ Thor နဲ့ညီအစ်ကိုတော်ပြီး Thor ရဲ့သားနှစ်ယောက်ဖြစ်တဲ့ Magni နဲ့ Modi တို့ရဲ့ ဦးလေးတော်တယ်ဆိုရင်လည်း မမှားပါဘူး။ နောက်ထပ်သိရမယ့် နော့စ်နတ်ဘုရားတွေကတော့ လှည့်ဖြားမှုပရိယာယ်တို့ရဲ့ အရှင်သခင် Loki, မြင်ကွင်းမဲ့နတ်ဘုရား Hodr, မြေအောက်ငရဲကိုအုပ်စိုးတဲ့ နတ်ဘုရားမ Herr နဲ့ Odin ရဲ့နောက်ထပ်သားဖြစ်သူ Hermod တို့ပါပဲ။ ဘာကြောင့်သူတို့ကိုသိသင့်သလဲဆိုတာ နောက်တဖြည်းဖြည်းချိတ်ဆက်မိလာပါလိမ့်မယ်။

​

သမိုင်းကြောင်းအမှန်ဆီက မှီငြိမ်းထားတဲ့ God of War 4 ထဲက Baldur ရဲ့ဇာတ်ကြောင်း 👤

ဂိမ်းကိုဆော့ဖူးတဲ့သူတွေဆို God of War မှာဖော်ပြခဲ့ပြီးသား Baldur ရဲ့အကြောင်းကို ဖန်သားပြင်မှာပြသခဲ့သလောက် သိကြမှာပါ။ ဒါပေမယ့် အားလုံးသိထားကြတဲ့ Baldur ရဲ့ဖြစ်ရပ်တွေဟာ အမှန်တကယ်မှာ နဂိုမူလနော့စ်ဒဏ္ဍာရီသမိုင်းထဲက မှီငြိမ်းပြီး ဂိမ်းနဲ့အံ့ဝင်ခွင်ကျဖြစ်အောင် ပြန်လည်ပြင်ဆင်ဖြည့်စွက်ထားတာဖြစ်တဲ့အတွက် ဒီနေရာမှာ Baldur ရဲ့သမိုင်းကြောင်းအမှန်ကိုပဲ ပြောပြရပါလိမ့်မယ်။ နတ်ဘုရားတို့ရဲ့မျိုးဆက် ဒါမှမဟုတ် နတ်ဘုရားသွေးပါတဲ့သူတွေဟာ တစ်နည်းမဟုတ်တစ်နည်းနဲ့ ကိုယ်ပိုင်စွမ်းရည်တစ်ခုခုကို ပိုင်ဆိုင်တတ်ကြပါတယ်။ Odin နဲ့ Freya ရဲ့သားဖြစ်သူ Baldur မှာလည်း ထိုနည်းလည်းကောင်းပါပဲ။ အခြားနတ်ဘုရားတွေနဲ့မတူတဲ့ Baldur ရဲ့ နတ်ဘုရားစွမ်းရည်ကတော့ ဘယ်လောက်ပဲအဖျက်စွမ်းအားကြီးကြီး၊ ဘယ်လိုမျိုးအန္တရာယ်ရှိရှိ၊ အလုံးစုံတဲ့ထိခိုက်မှုမှန်သမျှဟာ သူ့အပေါ်မှာအကျိုးအာနိသင်သက်ရောက်မှု မရှိတာပဲဖြစ်ပါတယ်။ တစ်နည်းဆိုရရင် Baldur ဟာ နာကျင်မှုဝေဒနာမခံစားရတဲ့ အပြီးသတ်ချေမှုန်းလို့မဖြစ်နိုင်တဲ့ နော့စ်နတ်ဘုရားလို့ ဆိုရမှာပါပဲ။ Baldur ငယ်စဉ်အရွယ်က သွေးသားနီးစပ်သူနော့စ်နတ်ဘုရားတွေဟာ သူ့ကိုလက်နက်မျိုးစုံနဲ့ပစ်ခတ်ပေမယ့်လည်း ထိရောက်မှုမရှိ တန်ပြန်လာတာကိုကြည့်ပြီး အပျော်ရှာတတ်ကြသလို Baldur ကိုလည်းကျီစယ်တတ်ကြတယ်လို့ ဆိုပါတယ်။

လက်တွေ့ဖြစ်လာမယ့်အိပ်မက်ဆိုးနဲ့ မိခင်ဖြစ်သူ Freya ရဲ့အစွန်းရောက်သားချစ်တဲ့စိတ် 💔

God of War 4 နဲ့နော့စ်ဒဏ္ဍာရီနှစ်ခုကြားမှာ ဇာတ်ကြောင်းကွဲလွဲမှုအနည်းငယ်ရှိပေမယ့် အဓိကကျောရိုးခံထားတဲ့အကြောင်းအရာကတော့ တစ်ခုတည်းပါပဲ။ ဂိမ်းကိုဆော့ခဲ့ပြီးသူတွေဆိုရင် Baldur အနေနဲ့ မိခင်ဖြစ်သူ Freya ကို နာနာကျည်းကျည်းကို မုန်းတီးနေတာ တွေ့ရမှာပါ။ ဒါဟာဘာကြောင့်လည်းဆိုရင် ဟိုးနှစ်များအကြာက Baldur နဲ့ Freya တို့မြင်မက်ခဲ့တဲ့ သတ်ဖို့လုံးဝမဖြစ်နိုင်တဲ့ Baldur ရဲ့သေဆုံးမှုအိပ်မက်ကြောင့်ပါပဲ။ နော့စ်နတ်ဘုရားတွေရဲ့ အယူအဆအရ နတ်ဘုရားတွေဆီမှာမြင်မက်တဲ့ အိပ်မက်ဟာ အနာဂတ်တစ်ချိန်ကဖြစ်ရပ်လို့ သတ်မှတ်တဲ့အတွက် သားကိုချစ်တဲ့ Freya ဟာ အိပ်မက်ဆိုးရဲ့လှုံ့ဆော်မှုကြောင့် ရှိရှိသမျှနတ်ဘုရားတွေအပါအဝင် နော့စ်ဒဏ္ဍာရီလောကကိုးသွယ် (The Nine Realms) ရဲ့ နေရာမှန်သမျှကိုသွားရောက်ပြီး Baldur ကိုထိခိုက်နိုင်ရန်ပြုနိုင်တဲ့အရာမှန်သမျှ ဘယ်သောအခါမှ Baldur ကို အန္တရာယ်မပြုပါစေသား ဆိုပြီး အားလုံးကို သစ္စာတိုင်တည်စေတာ ဖြစ်ပါတယ်။ ဒါပေမယ့် God of War ထဲကဇာတ်ကြောင်းမှာတော့ Baldur သေဆုံးမှာကို စိုးရွံ့တဲ့အနေနဲ့ ကြိမ်စာဆန်ဆန်မှော်ဂါထာမန္တာန်ကို အသုံးချပြီး သားဖြစ်သူကို အကာအကွယ်ပေးခဲ့တာဖြစ်ပါတယ်။ အဲဒီအချိန်မှာမှ Baldur ဟာ ဘယ်လိုထိခိုက်မှုမျိုးမှ မသက်ရောက်တဲ့စွမ်းရည်ကို ပိုင်ဆိုင်သွားခဲ့တာပါ။ ဒါပေမယ့် အဲဒီမှော်မန္တာန်ရဲ့ဆိုးကျိုးကတော့ ထိခိုက်မှုတင်သာမက ဘယ်လိုမျိုးအထိအတွေ့အာရုံခံစားမှုကိုမှ ခံစားလို့မရနိုင်တဲ့အပြင် အပြင်းအထန်စိတ်ခံစားမှုပြောင်းလဲတာမျိုး၊ စိတ်လွတ်တာမျိုးဖြစ်တာပါပဲ။ အဲဒီအချိန်ကပြီး Baldur ဟာ အမေဖြစ်သူအပေါ်မှာ အငြိုးအတေးနဲ့မုန်းတီးပြီး ဖခင် Odin ရှိရာ Asgard မှာ အနှစ်တစ်ရာတိုင်တဲ့ထိ သွားရောက်နေထိုင်ခဲ့တာဖြစ်ပါတယ်။

နော့စ်နတ်ဘုရားတွေအားလုံး မလွဲမသွေကြုံရမယ့်ကြမ္မာဆိုး သို့မဟုတ် Asgard ပျက်သုန်းပြိုလဲခြင်း Ragnärok 🌊🍃

အခုလက်ရှိမှာဆောင်းပါးဖတ်နေကြသူတွေအနေနဲ့ ဒီလိုမျိုးအတွေး တွေးကောင်းတွေးနေမှာသေချာပါတယ်။ God of War 4 ထဲက နောက်ဆုံးဗီလိန် Baltur အကြောင်း ဘာကြောင့်ဒီလောက်ထိအထွေအထူးရှင်းပြနေရတာလဲ? Kratos သတ်လိုက်လို့ အဆုံးမှာသေသွားတဲ့ Baltur ဟာ အခုပြောမယ့်အကြောင်းတွေနဲ့ ဘယ်လိုမျိုးသက်ဆိုင်လို့လဲ? ဘာကိုဆိုလိုတာလဲ? အစရှိတဲ့မေးခွန်းတွေအတွက် အဖြေပေးမယ်ဆိုတာထက် အကြောင်းအချက်ကိုပဲ ပြောပြသွားပါမယ်၊ အားလုံးလိုက်ပြီး တွေးကြည့်ရင် ကွက်ကွက်ကွင်းကွင်း သိရမှာပါ။ တကယ့်တကယ်တမ်း အားလုံးစောင့်မျှော်နေကြတဲ့ အခိုက်အတန့်က အခုမှလာပါပြီ။ လွန်ခဲ့တဲ့နှစ်နှစ်ကထွက်ခဲ့တဲ့ Marvel က Thor ရဲ့Ragnärok ကားကို အားလုံးမှတ်မိလိမ့်မယ် ထင်ပါတယ်။ အဲဒီရုပ်ရှင်ရဲ့နာမည် Ragnärok ဆိုတဲ့စကားလုံးဟာ ဟိုးနှစ်ပေါင်းများစွာကတည်းက ရှေ့ဖြစ်ဟောကိန်းဖြစ်တဲ့ Asgard ပျက်စီးပြိုလဲခြင်းနဲ့ တစ်ချိန်မှာကျရောက်လာမယ့် နော့စ်ဒဏ္ဍာရီရဲ့အဆုံးသတ်ကို ဆိုလိုခြင်းဖြစ်ပါတယ်။ အနာဂတ်မှာဖြစ်လာမယ့် Ragnärok ဟာ နတ်ဘုရားတွေ နောက်ဆုံးရေးတဲ့သမိုင်း၊ Asgard ရဲ့ကျဆုံးခြင်းနိဂုံး၊ ရှောင်လွှဲမရတဲ့ကြမ္မာဆိုးကို ဖော်ပြတဲ့စကားလုံးလည်း ဖြစ်ပါတယ်။ အနားလည်လွယ်ဆုံးနည်းနဲ့ပြောရင် Kratos ရဲ့လက်ချက်ကြောင့် အိုလံပီယာနတ်ဘုရားတွေ အရေးနိမ့်တဲ့နောက်ဆုံးတိုက်ပွဲဟာ The Fall of Olympus ဆိုရင် နော့စ်နတ်ဘုရားတွေရဲ့အဆုံးသတ်နိဂုံးဟာ Ragnärok ပါပဲ။

ဒါဆိုရင် မေးစရာကရှိလာပါပြီ၊ အထက်ကပြောခဲ့တဲ့ Baldur နဲ့ Asgard ရဲ့ကျရှုံးခြင်း Ragnärok နဲ့ ဘယ်လိုများသက်ဆိုင်နေသလဲ? သိပ်ကိုသက်ဆိုင်ပါတယ်၊ အနာဂတ်ဟောကိန်းအရ နော့စ်ဒဏ္ဍာရီတစ်ခုလုံးပျက်သုန်းခြင်း Ragnärok ရဲ့ရှေ့ပြေးလက္ခဏာ၊ အကြိုနိဒါန်းနဲ့ ပထမဦးဆုံးဖြစ်လာမယ့်ဖြစ်ရပ်ဟာ Baldur ရဲ့သေဆုံးခြင်းဖြစ်တယ်လို့ ဟောကိန်းထုတ်ခဲ့လို့ပါပဲ။ God of War 4 နောက်ဆုံးအခန်းမှာ Atreus က အိမ်ရှေ့ကို Thor လာမယ်ဆိုပြီး အိပ်မက်မက်တဲ့အကြောင်းနဲ့ သူ့ရဲ့အိပ်မက်ကဘယ်လောက်ထိ လက်တွေ့ဆန်ကြောင်း Kratos ကို ပြောပြတာ အားလုံးမှတ်မိကြမယ် ထင်ပါတယ်။ နတ်ဘုရားမျိုးနွယ်တွေရဲ့ အိပ်မက်ဟာ အမှန်တကယ်အနာဂတ်ဖြစ်ကြောင်းကို ရည်ညွှန်းတာဖြစ်ပါတယ်။ ဒါတွေအားလုံးဟာ တိုက်ဆိုင်မှုလို့ ထင်ပါသလား? အခုဆိုရင် အထက်မှာပြောခဲ့တဲ့အကြောင်းအချက်အလက်တွေ အားလုံးချိတ်ဆက်သွားနိုင်ပြီ ထင်ပါတယ်။

နော့စ်ဒဏ္ဍာရီပျက်သုန်းခြင်းကို Kratos နဲ့ Atreus တို့ ဘယ်လိုမျိုးရင်ဆိုင်ရှင်သန်မလဲ? ထပ်မံဖြည့်စွက်ချက်နဲ့ စာရေးသူအနှစ်ချူပ် 💙📝

နှစ်ဖက်စလုံးရဲ့တိကျသေချာတဲ့အကြောင်းအချက်တွေကို ထောက်ကြည့်မယ်ဆိုရင် Kratos အနေနဲ့ Baldur ကိုသတ်ခဲ့မိတာ သိပ်မှားပါတယ်။ အခုအခြေအနေက ကိုယ့်မျိုးနွယ်မဟုတ်ဘဲ ပြင်ပလောကတစ်နယ်တစ်ကျေးက သူစိမ်းကြောင့် နော့စ်ဒဏ္ဍာရီကြီးတစ်ခုလုံး ပျက်သုန်းရမယ်ဆိုတော့ နော့စ်နတ်ဘုရားတွေအနေနဲ့လည်း ဒေါသအိုးပေါက်ကွဲချင်စရာပါပဲ။ အရေးကြီးတဲ့နောက်တစ်ချက်က Baldur အနေနဲ့ Kratos က မသတ်လိုက်လည်း အနာဂတ်ဟောကိန်းအရ တစ်ချိန်မှာသေကိုသေမှာပါပဲ။ ဒါပေမယ့် Kratos လုပ်ရပ်ကြောင့် နောက်ထပ်ရာစုနှစ်တစ်ခုကျော်မှ ဖြစ်ရမယ့်ဖြစ်ရပ်တွေအနေနဲ့ ရုတ်တရတ် အမြန်နှုန်းနဲ့ အဆင့်ကျော်ပြီး ဖြစ်ခိုင်းလိုက်သလို ဖြစ်သွားတာတော့ အမှန်ပါပဲ။ တကယ့်နော့စ်ဒဏ္ဍာရီမှာ လှည့်ဖြားခြင်းပရိယာယ်တို့ရဲ့အရှင်သခင် Loki ရဲ့ကြိုးကိုင်မှုကနေတဆင့် မြင်ကွင်းမဲ့နတ် Hodr ဟာ Baldur ရဲ့တစ်ခုတည်းသော အားနည်းချက်ဖြစ်တဲ့ mistletoe ကို လက်ကိုင်လှံအဖြစ်ပြောင်းပြီး Baldur ရင်ဝတည့်တည့်ကို ပစ်ခွင်းလိုက်ခြင်းကနေ Baltur သေဆုံးရတာဖြစ်ပါတယ်။

ဘယ်လိုအချင်းအရာမျိုးပဲဖြစ်ဖြစ် Ragnärok က နတ်ဘုရားတွေကိုယ်တိုင် ရှောင်လွှဲမရတဲ့ ဟောကိန်းပါ။ မျက်နှာမှာထင်ရှားတဲ့အမှတ်အသားနဲ့ သူရဲကောင်းက တစ်ချိန်မှာ အိုလံပီယာတစ်တောင်လုံးကို မျိုးဖြုတ်ဖျက်ဆီးပစ်လိမ့်မယ်ဆိုတဲ့ ဟောကိန်းကြောင့် မျက်နှာမှာအမှတ်ပါတဲ့ Kratos ရဲ့ညီ Daimos ကို Ares နဲ့ Athena တို့က မှားယွင်းခေါ်ဆောင်သွားပေမယ့် အိုလံပီယာတောင်ပျက်တာကို မကာကွယ်နိုင်သလိုပါပဲ။ ဒီတစ်ခေါက်လည်း ဖြစ်ကိုဖြစ်မှာပါ။ အဲလိုမှမဟုတ်ရင် Kratos အနေနဲ့ မိခင်အရင်းခေါက်ခေါက်ဖြစ်တဲ့ Freya ရှေ့မှာ သားဖြစ်သူ Baldur ကို သတ်လိုက်စရာဇာတ်ကြောင်း လုံးလုံးလျားလျားမှမရှိပါဘူး။ အဲဒါအပြင် Baldur ဟာ Thor နဲ့ ညီအစ်ကိုတော်စပ်ရုံသာမက Odin ရဲ့သားလည်းဖြစ်တဲ့အပြင် နော့စ်နတ်ဘုရားအားလုံးက ချစ်ခင်နှစ်သက်ရတဲ့ အလင်းနတ်ဘုရား (God of Light) ပါ။ စာဖတ်သူတွေအနေနဲ့ အသေအချာစဉ်းစားကြည့်မယ်ဆိုရင် Kratos ကြောင့်သာလျှင် Asgard ပျက်သုန်းမှုကို ဖြစ်စေတဲ့ Ragnärok ဟာ နော့စ်ဒဏ္ဍာရီဆီ အချိန်စောပြီးရောက်လာခဲ့တာပါ။ နောက်တစ်ချက်သုံးသပ်ကြည့်ရမှာက ကိုယ်နဲ့သွေးမတော်သားမစပ်သူဖြစ်သလို နတ်ဘုရားမျိုးနွယ်ချင်းလည်းမတူတဲ့ Freya နဲ့ Baldur သားအမိနှစ်ယောက်ရဲ့ မိသားစုကိစ္စကို ဝင်ရောက်စွက်ဖက်ပြီး Baldur ကိုပါသတ်ခဲ့တဲ့အပြင် နော့စ်ဒဏ္ဍာရီနဲ့ Asgard တစ်ခုလုံးကို ပျက်ဆီးစေမယ့် ကြမ္မာဆိုးကိုဆောင်ကျဉ်းလာတဲ့အထိ လက်လွန်ခဲ့တဲ့ Kratos မှာ လာမယ့်ဖြစ်ရပ်အတွက် လုံးဝကို တာဝန်အကြီးကြီးရှိပါတယ်။ ဒီဆောင်းပါးမှာပြောချင်တာကတော့ ဒီလောက်ပါပဲ၊ ဒါပေမယ့် ပိုပြီးရင်ခုန်ဖို့ကောင်းသွားအောင် နောက်ထပ်လာမယ့် God of War မှာ ပါဝင်နိုင်ဖွယ်ရာရှိတဲ့ဖြစ်ရပ်တချို့ကို အသေအချာစီစစ်ပြီး ပြန်လည်မျှဝေလိုက်ရပါတယ်။

လာမယ့် God of War ခွေအသစ်မှာ နော့စ်ဒဏ္ဍာရီပျက်သုန်းခြင်း Ragnärok နဲ့အတူ ပါဝင်ဖို့ကြမ်းသေပါဝင်ဖို့ကြမ်းသေနေတဲ့ ဖြစ်စဉ်တွေကတော့ ⬇⬇

- Baltur ရဲ့သေဆုံးခြင်းဟာ ဟောကိန်းထဲကအဆိုအရ Ragnäork ရဲ့ ပထမဦးဆုံးအဆင့်ဖြစ်တယ်။

- အရာအားလုံးစတင်တော့မယ်ဆိုတဲ့ ရှေ့ပြေးလက္ခဏာအဖြစ် အလွန်တရာခက်ထန်ကြမ်းတမ်းတဲ့ Timbulwinter နှင်းမုန်တိုင်း သုံးနှစ်တိုင်တိုင် အဆက်မပြတ်ကျရောက်စေတယ်။

- Sköll နဲ့ Hadi တို့နှစ်ယောက်ဟာ နေနဲ့လကို အသီးသီးဝါးမြိုပြီး Asgard ရဲ့ပြိုလဲပျက်သုန်းမှု စတင်ပြီဖြစ်တယ်ဆိုတဲ့အကြောင်း နော့စ်နတ်ဘုရားတွေအားလုံးကို အသိပေးလိုက်တယ်။

- မီးနတ်ဘီလူးဖြစ်တဲ့ Suntr ဟာ သူ့ရဲ့မီးလျှံဓါးကို အသုံးပြုပြီး Asgard တစ်ပြည်လုံးကို မီးလောင်တိုက်သွင်းလိမ့်မယ်။

- နော့စ်နတ်မျိုးနွယ်နှစ်စုဖြစ်တဲ့ Aesir နဲ့ Vanir တို့ရဲ့ အဆုံးမဲ့စစ်ပွဲကြီး ပြန်လည်စတင်ခဲ့တယ်။

- Fenir နဲ့ Odin တို့ရဲ့နောက်ဆုံးတိုက်ပွဲမှာ တစ်ဖက်နဲ့တစ်ဖက် အကြိတ်အနယ်တိုက်ခိုက်ရင်း နှစ်ယောက်လုံးအသက်ဆုံးရှုံးမယ်။

- နော့စ်ဒဏ္ဍာရီတစ်ခွင်မှာ အင်အားအကြီးဆုံးနဲ့ ရဲစွမ်းသတ္တိအပြည့်ဝဆုံး Thor နဲ့ Jörmungandr တို့ရဲ့ တိုက်ပွဲဟာ အလွန်ပြင်းထန်လာခဲ့တယ်။

- Kratos နဲ့ သားဖြစ်သူ Aterus တို့နှစ်ယောက် Asgard ရဲ့နောက်ဆုံးသမိုင်း Ragnärok ကြားဝင်ရောက်ပတ်သက်ခဲ့တယ်။

ဒီအချက်တွေဟာ တစ်ကမ္ဘာလုံးက God of War ပရိသတ်တွေအနေနဲ့ ဂိမ်းရဲ့လက်ရှိဇာတ်ကြောင်းအခြေအနေ၊ နော့စ်ဒဏ္ဍာရီရဲ့အဆုံးသတ်နဲ့ သမိုင်းအချက်အလက်တွေကို အသေချာလေ့လာစူးစမ်းပြီး တစ်ဦးချင်းစီ အကျိုးပြုထားတဲ့ တရားဝင်အချက်အလက်တွေ ဖြစ်ပါတယ်။ ဆောင်းပါးနဲ့အတူ ဒီအချက်လေးတွေကိုပါ မှတ်သားဖွယ် ထည့်သွင်းဖော်ပြလိုက်ရပါတယ်။ နောက်လာမယ့်ဆောင်းပါးတွေမှာလည်း အခုလိုစိတ်ဝင်စားစရာအကြောင်းအရာတွေကို သုတ၊ ရသ အစုံအလင်နဲ့ တင်ဆက်သွားပါ့မယ်။ စာဖတ်သူများအားလုံးကို ကျေးဇူးအထူးတင်လျက်ပါ 😇🙏

Yan
Ref: Wikia, Youtube

အပြင်းထန်အကြမ်းတမ်းဆုံး Apex Legends တိုက်ပွဲတွေမှာ အသစ်ပါဝင်လာတော့မယ့် Crypto နဲ့ Meltdown Season 3

ဖေဖော်ဝါရီလ ၄ ရက်နေ့၊ ၂၀၁၉ ခုနှစ်ကတည်းက ထွက်ရှိလာတဲ့ Apex Legends ဂိမ်းဟာ Free-to-Play ဂိမ်းဖြစ်တဲ့အပြင် အချိန်အနည်းငယ်အတွင်းမှာပဲ ဆော့ကစားသူပေါင်း ၅၀ မီလီယံရှိခဲ့တာကြောင့် Fortnite ကို ယှဉ်ပြိုင်နိုင်မယ့် Battle Royale ဂိမ်းတွေထဲကတစ်ခုလို့ ဂိမ်းမီဒီယာများနဲ့ ဂိမ်းလောကက သတ်မှတ်ထားတဲ့ဂိမ်းလည်းဖြစ်ပါတယ်။ ဂိမ်းလောကထဲမှာ နှစ်ပေါင်းများစွာရပ်တည်လာခဲ့တဲ့ EA Entertainment ကထုတ်လုပ်ပေးပြီး Respawn ကဖန်တီးရေးဆွဲထားတဲ့ Apex Legends ဂိမ်းဟာ မှိုလိုပေါက်နေတဲ့ 1st Person Battle Royale ဂိမ်းတွေထဲမှာမှ စစ်မှန်တဲ့အရည်အချင်း၊ စစ်မြေပြင်အကြောင်းနားလည်မှု၊ ပုန်းခိုပစ်ခတ်တတ်မှုနဲ့ အဖွဲ့ရဲ့စည်းလုံးညီညွှတ်မှုတွေအပေါ်မှာ အခြေခံပြီးတည်ဆောက်ထားတဲ့ တစ်မူထူးခြားတဲ့ဂိမ်းလည်း ဖြစ်ပါတယ်။ ထွက်ရှိခဲ့တာ ရှစ်လအတိုင်းအတာပဲ ရှိသေးပေမယ့် Apex Legends ဂိမ်းအနေနဲ့ ကွဲပြားခြားနားတဲ့ဆုကြေးတွေပါဝင်လေ့ရှိတဲ့ ဂိမ်းရာသီ Season တွေနဲ့ လာရောက်ဆော့ကစားသူများကို စွဲဆောင်နေဆဲဖြစ်ပါတယ်။ လတ်တလောမှာကျင်းပပြီးစီးသွားတဲ့ Season တွေကတော့ မတ်လ ၁၉ ရက်နေ့ကနေ ဇွန်လ ၁၈ ရက်နေ့အထိ ကြာမြင့်ခဲ့တဲ့ Wild Frontier (Season 1) နဲ့ ဂျူလိုင်လ ၂ ရက်နေ့မှာ စတင်ပြီး အောက်တိုဘာလ ၁ ရက်နေ့မှာမှ ပြီးဆုံးမယ့် Battle Charge (Season 2) တို့ပဲဖြစ်ပါတယ်။ Apex Legends ဂိမ်းရာသီ Season တွေရဲ့ ထူးခြားချက်တွေထဲက တစ်ခုကတော့ Season တစ်ခုချင်းစီမှာ စွမ်းရည်အသစ်၊ လုပ်ဆောင်ချက်အသစ်တွေနဲ့ အားလုံးအကြိုက်တွေ့မယ့် Legend ဇာတ်ကောင်အသစ်တစ်ယောက်ကို ထည့်သွင်းပေးထားတာပါပဲ။

Apex Legends ဂိမ်းရဲ့ပြီးဆုံးသွားတဲ့ Season တွေကို ပြန်ပြောင်းကြည့်မယ်ဆိုရင် မတ်လ ၁၉ ရက်နေ့မှာစပြီး ဇွန်လ ၁၈ ရက်နေ့မှာ အဆုံးသတ်ခဲ့တဲ့ ပထမဦးဆုံးရာသီ Wild Frontier (Season 1) အတွက် အပြေးမြန်ပြီး လျင်မြန်သွက်လက်တဲ့စွမ်းရည်နဲ့ Octane ပါဝင်လာခဲ့သလို ဂျူလိုင်လ ၂ ရက်နေ့မှာ စတင်ပြီး အောက်တိုဘာလ ၁ ရက်နေ့မှာအဆုံးသတ်မယ့် Battle Charge (Season 3) အတွက်ဆိုရင်တော့ လျှပ်စစ်ထောင်ချောက်တွေကိုအသုံးပြုပြီး အဖွဲ့သားတွေရဲ့ကျည်ကာတွေ ပြန်လည်ဖြည့်တင်းပေးတဲ့ Wattson လိုမျိုး ဂိမ်မာတွေလုံးဝအကြိုက်တွေ့တဲ့ Legend သစ်တွေနဲ့ မိတ်ဆက်ပေးခဲ့တာချည်းပါပဲ။ အဲဒီတော့ မကြာတော့တဲ့ အောက်တိုဘာလ ၁ ရက်နေ့မှာ အဆုံးသတ်တော့မယ့် Battle Charge Season 2 အပြီးမှာ ဘယ်လိုမျိုးထူးခြားချက်တွေပါဝင်တဲ့ Season တွေ ဆက်လာမလဲဆိုတာ အားလုံးကရင်ခုန်စိတ်လှုပ်ရှားစွာ စောင့်မျှော်နေကြပါပြီ။ အဲဒါဆိုရင်တော့ အားလုံးအတွက် သတင်းကောင်းလေးတစ်ခုကို ပြောပြလိုက်ပါရစေ။ ဘာကြောင့်လည်းဆိုတော့ ဒီတစ်ပါတ်ထဲမှာပဲ Respawn Entertainment ကနေ နောက်လာမယ့် Season ရဲ့ခေါင်းစဉ်နဲ့ အဲဒီထဲမှာပါဝင်လာမယ့် ဇာတ်ကောင်သစ်တစ်ယောက်ကို ထုတ်ဖော်ပြသလိုက်လို့ပါပဲ။ ဒီတစ်ခေါက် Apex Legends ရဲ့ ဂိမ်းရာသီသစ် Meltdown (Season 3) မှာ Wattson နည်းတူပဲ အသစ်ပါဝင်လာမယ့်ဇာတ်ကောင်ကတော့ နည်းပညာပိုင်းမှာတစ်ဖက်ကမ်းခတ်ကျွမ်းကျင်ပြီး နာကျည်းချက်တစ်ချို့ကြောင့် Legend တစ်ယောက်ဖြစ်လာခဲ့သူ Crypto ပဲ ဖြစ်ပါတယ်။

စက်တင်ဘာလ ၁၉ ရက်နေ့က Apex Legends ရဲ့ YouTube ချန်နယ်မှာတင်ခဲ့တဲ့ ဗီဒီယိုအရ နောင်တစ်ချိန်မှာ Legend တစ်ယောက်ဖြစ်လာမယ့် Crypto နဲ့ ညီမဖြစ်သူ Mila Alexander တို့ရဲ့ ဇာတ်လမ်းအကျဉ်းကို ဖော်ပြပေးထားပါတယ်။ ဇာတ်လမ်းအရ Crypto နဲ့ Mila ဟာ အရာအားလုံးဆီက လွတ်မြောက်အောင် ရုန်းထွက်မယ့်နည်းလမ်းအပေါ်မှာ ဆွေးနွေးတိုင်ပင်နေကြပေမယ့် တိကျတဲ့အဖြေမထွက်လာခဲ့ပါဘူး။ ဒီလိုနဲ့ နောက်တစ်နေ့ရောက်တဲ့အခါ Mila ဟာရုတ်တရတ်ပျောက်ဆုံးသွားပြီး အဲဒီအဖြေရှာမရတဲ့ပျောက်ဆုံးမှုအတွက် Crypto ကို ထောင်ချောက်ဆင်လာရောက်ဖမ်းဆီးခဲ့ကြပါတယ်။ ဒါပေမယ့် ဟက်ကာတစ်ယောက်ဖြစ်သူ Crypto ဟာ သူကျွမ်းကျင်တဲ့နည်းပညာကိုအသုံးပြုပြီး လက်နက်ကိုင်တပ်ဖွဲ့ဝင်တွေလက်ကနေ လွတ်မြောက်အောင်ထွက်ပြေးလာခဲ့ပါတယ်။ အဲဒီနောက်မှာတော့ Crypto ဟာ ညီမဖြစ်သူ Mila ရဲ့ဖြစ်ရပ်မှန်က ဘာလဲဆိုတာကို ရှာဖွေဖို့အတွက် နည်းပညာဖက်မှာတစ်ဖက်ကမ်းခတ် ကျွမ်းကျင်တဲ့ Legend တစ်ယောက်အဖြစ် ကိုယ့်ကိုယ်ကိုယ် ပြောင်းလဲခဲ့ပါတော့တယ်။ ကဲ Apex Legends ဂိမ်းထဲမှာ အသစ်ပါဝင်လာမယ့် Crypto ရဲ့ဇာတ်လမ်းအကျဉ်းကတော့ ဒါပါပဲ။ Legend တစ်ယောက်ဖြစ်တဲ့ Crypto ရဲ့ တိုက်ပွဲမှာအသုံးချနိုင်တဲ့စွမ်းရည်တွေနဲ့ passive က ဘာတွေလဲဆိုတာကိုတော့ အောက်တိုဘာလ ၁ ရက်နေ့ Meltdown Season 3 စတင်ချိန်ကျမှပဲ သိရမှာဖြစ်တဲ့အတွက် အားလုံးအတူစောင့်ဆိုင်းကြဖို့ Apex Legends ပရိသတ်များကို ဒီကနေတဆင့် ပြောကြားလိုက်ရပါတယ်။ ဖတ်ရှုမှုများအတွက် ကျေးဇူးအထူးတင်ရှိပါကြောင်း။

Yan
Ref: gamesrader, engadget, cnet

နိုဝင်ဘာလမှာ စတင်ရိုက်ကူးတော့မယ့် Venom 2 ရုပ်ရှင်ကားသစ်မှာ Venom ကို Spiderman နဲ့အတူ တွေ့ရမလား?

Marvel ပရိသတ်တွေသာမက Comic ချစ်သူများကြားမှာပါ ရေပန်းစားခဲ့တဲ့ ၂၀၁၈ ခုနှစ်ရဲ့ Venom Anti-Hero ရုပ်ရှင်ဇာတ်ကားကို အားလုံးပဲမှတ်မိကြမှာပါ။ ထပ်ချည်းတလဲလဲဖြစ်နေတဲ့ Marvel ရဲ့ ထွက်ရှိခဲ့ပြီးသား လူစွမ်းကောင်းဇာတ်ကားတွေနဲ့မတူပဲ Anti-hero ဇာတ်ကားမျိုးဖြစ်မယ်လို့ အသေအချာမျှော်လင့်ချက်ပေးခဲ့ပေမယ့် တကယ်တမ်းထွက်ရှိလာတဲ့အချိန်မှာတော့ Marvel ပရိသတ်များတင်သာမက သတင်းမီဒီယာတွေရဲ့သုံးသပ်ချက်မျိုးစုံကို ရရှိခဲ့ပါတယ်။ IMDb က 6.7, Rotten Tomato က 29%, Metacritic က 35% အစရှိသဖြင့် အမျိုးစုံတဲ့ ရုပ်ရှင်မီဒီယာတချို့ရဲ့ rating တွေနဲ့အတူ ဟိုးလေးတစ်ကျော်ပေါက်မြောက်သွားတဲ့ superhero ရုပ်ရှင်တစ်ကားလို့ မဆိုနိုင်ပေမယ့် Marvel အနေနဲ့ Spiderman ရဲ့မဟာရန်သူတော်တွေထဲက တစ်ယောက်ဖြစ်တဲ့ Venom ရဲ့ တစ်ကိုယ်တော်ဇာတ်ကားကိုတော့ စောင့်မျှော်နေတဲ့ပရိသတ်တွေဆီ အရောက်ပို့ပေးနိုင်ခဲ့တာတော့ အမှန်ပါပဲ။ ယမင်နှစ် ၂၀၁၈ ကမှထွက်ရှိထားတဲ့ ရုပ်ရှင်ဖြစ်ပေမယ့် Sony အနေနဲ့ Venom ရဲ့နောက်ဆက်တွဲ အပိုင်း ၂ ကို လာမယ့်နိုဝင်ဘာလ ၂၅ ရက်နေ့မှာ စတင်ရိုက်ကူးတော့မှာဖြစ်တယ်လို့ သတင်းတင်ပြချက်များအရ သိရပါတယ်။

မျှော်လင့်ထားသလိုဖြစ်မလာတဲ့ The Amazing Spider-man 2 အနေနဲ့ ပိုမိုကျယ်ပြန့်တဲ့ပရိသတ်နဲ့ မချိတ်ဆက်နိုင်ခဲ့တဲ့အတွက် အဓိကဇာတ်ဆောင်နေရာမှာ Tom Holland ကိုအစားထိုးသရုပ်ဆောင်စေခဲ့ပြီး Marvel Universe ထဲသွတ်သွင်းလိုက်တာ အားလုံးမျက်မြင်ပါပဲ။ Marvel အနေနဲ့ သူတို့ရဲ့ Universe ကိုတိုးချဲ့ရင်း နာမည်ကျော်လူကြိုက်များတဲ့ Comic ဇာတ်ကောင်တွေကို တစ်ဦးချင်းအခြေခိုင်အောင်တည်ဆောက်လာပေမယ့် Sony ကတော့ Spider-man ရဲ့ နာမည်ကျော်အထင်ကရဗီလိန်တွေကို အားလုံးရှေ့မှောက် ချပြဖို့အတွက် ပိုအာရုံစိုက်ခဲ့တာဖြစ်ပါတယ်။ Venom ဇာတ်ကားဟာ မီဒီယာတွေဆီကနေ အကောင်းအဆိုးရောယှက်နေတဲ့ reivew နဲ့ rating တွေကို ရရှိခဲ့တာမှန်ပေမယ့် တကယ်တမ်းမှာ ရုံဝင်ငွေအမြောက်အမြားရရှိခဲ့တဲ့ superhero ဇာတ်ကားတစ်ကားဖြစ်ပြီး ၂၀၁၈ ခုနှစ်၊ အောက်တိုဘာလရဲ့ all-time opening record ကိုကျော်လွန်တဲ့အထိ ဖြစ်ခဲ့ပါတယ်။

Venom ဟာ မီဒီယာတွေဆီက review မကောင်းပေမယ့် ငွေကြေးပိုင်းကဏ္ဍမှာ အောင်မြင်ခဲ့တဲ့ရုပ်ရှင်ဖြစ်တာကြောင့် ကြိမ်းသေနောက်ဆက်တွဲဇာတ်ကားထွက်မယ်လို့ ရုပ်ရှင်လောကလေ့လာသုံးသပ်သူများက ခန့်မှန်းထားကြပါတယ်။ အခုတော့ အဲဒီကြိုတင်တွက်ဆချက်ဟာ တကယ်ကိုအကောင်အထည်ပေါ်လာပြီဖြစ်ပြီး လာမယ့်နိုဝင်ဘာလ ၂၅ ရက်နေ့မှာ Venom 2 ကို ရိုက်ကူးမှုစတင်တော့မှာဖြစ်ပါတယ်။ Venom ဟာ Spider-man ရဲ့နာမည်ကျော်ဗီလိန်တွေအထဲကတစ်ယောက်ဖြစ်တာကြောင့် သေချာတာတစ်ခုကတော့ Spider-man ကိုတောက်လျှောက်အားပေးလာခဲ့တဲ့ အနယ်နယ်အရပ်ရပ်က ချစ်ပရိသတ်များကတော့ Venom 2 ဇာတ်ကားအပေါ်မှာ စိတ်ဝင်စားကြမှာအမှန်ပါပဲ။ ဒါပေမယ့် Venom အဓိကရင်ဆိုင်ရမယ့် comic ဇာတ်ကောင် ပြည်သူ့အချစ်တော် Spider-man အနေနဲ့ Venom 2 ထဲမှာ ပါလာမှာလားဆိုတာကတော့ အခုအချိန်မှာအားလုံးကမေးခွန်းထုတ်လာကြပါပြီ။ Sony အနေနဲ့လည်း ရုပ်ရှင်လောကမှာ ပြောစမှတ်တွင်ပြီး နာမည်ကောင်းတစ်ခုရဖို့ လိုအပ်နေတဲ့အတွက် Venom ကို Spider-man နဲ့အတူ ပိတ်သားပြင်ပေါ်မှာ ပူးတွဲချပြဖို့ အခွင့်ကောင်းတစ်ခုဖြစ်ပါတယ်။ လာမယ့် Venom 2 ဇာတ်ကားမှာ Tom Hardy က Venom အဖြစ်ပြန်လည်ပါဝင်လာမှာဖြစ်ပြီး Michelle Williams က Anna Weying, Woody Harrelson က Carnage အဖြစ် အသီးသီးဝင်ရောက်အားဖြည့်ထားကြပါတယ်။ ဘာတွေပဲပြောပြောပါ၊ အနာဂတ်မှာလာမယ့် Venom 2 ဟာ ဘယ်လိုဇာတ်ကြောင်းဇာတ်ကွက်နဲ့ တစ်မူထူးတဲ့ superhero ဇာတ်ကားတစ်ကားဖြစ်မလားဆိုတာကတော့ အားလုံးစောင့်ကြည့်ရတော့မှာပါ။

Yan
Ref: wikia, screenrant

ဆယ်စုနှစ်နှစ်စုကျော်တိုင်အောင် တိတ်ဆိတ်နေခဲ့တဲ့ Mortal Kombat ရုပ်ရှင်ကို စတင်ရိုက်ကူးနေပြီဖြစ်ကြောင်း တရားဝင်ကြေညာခဲ့

ဂိမ်းလောကမှာ အချိန်ရဲ့ရိုက်စားမှုဒဏ်ကို ကျော်လွန်လာခဲ့ပြီး ကျွန်တော်တို့ငယ်စဉ်ဘဝကနေ အခုချိန်အထိလူကြီးလူငယ်မရွေး အားပေးလာခဲ့ကြတဲ့ နာမည်ကျော်ဂိမ်းပေါင်းမြောက်မြားစွာရှိပါတယ်။ အဲဒီထဲကမှ Mortal Kombat ဂိမ်းဟာလည်း ဂိမ်းချစ်သူတွေအသည်းစွဲခဲ့ရတဲ့ ဇာတ်ကောင်ပေါင်းများစွာနဲ့ ဝေဝေဆာဆာဖြစ်နေဆဲ ဂိမ်းတစ်ခုလို့ဆိုရင်လည်း မမှားပါဘူး။ နည်းပညာတွေအဆင့်မြင့်မားပြီး ဂိမ်းနဲ့ရုပ်ရှင်လောကဟာ ပိုမိုဆက်နွယ်လာတာနဲ့အမျှ နာမည်ကြီးဂိမ်းအများစုဟာ တီဗီဖန်သားပြင်တွေထက်ကို ကူးပြောင်းဖို့ကြိုးစားအားထုတ်လာကြတာကို ကျွန်တော်တို့ပရိသတ်တွေအားလုံး မျက်မြင်ကိုယ်တွေ့ပါပဲ။ ဒါပေမယ့် အဲဒီလိုအကူးအပြောင်းကာလမှာ အဆင်ပြေချောမွေ့စွာနဲ့ ဂိမ်းနဲ့တစ်ပြေးညီ ရုပ်ရှင်ကားကောင်းတစ်ကောင်းဖြစ်ဖို့ဆိုတာဟာ နာမည်ကြီးဂိမ်းအများစုအတွက်တော့ လွန်စွာမှခက်ခဲတဲ့ကိစ္စဖြစ်ပါတယ်။ အဲဒီလိုဆိုရင်တော့ ၁၉၉၅ ခုနှစ်က ထွက်ရှိခဲ့တဲ့ Mortal Kombat ရုပ်ရှင်ကိုအားလုံးပဲ မှတ်မိကြမယ်ထင်ပါတယ်။ နှစ်နှစ်ဆယ်ကျော်ကျော်ကြာခဲ့ပေမယ့် သူ့ခေတ်သူ့အခါတုန်းကတော့ အောင်မြင်မှုအတိုင်းအတာတစ်ခုရခဲ့တဲ့ Mortal Kombat Live Action ဇာတ်ကားဟာ ပထမတစ်ကားအပြီး နောက်ထပ်တစ်ကားရိုက်ကူးဖို့ ပြင်ဆင်မှုတွေရှိခဲ့ပေမယ့် ကျွန်တော်တို့ပရိသတ်တွေသာ အသက်ကြီးလာတယ် အခုအချိန်အထိ ရေရေရာရာခရီးမရောက်ခဲ့ပါဘူး။ ဒါပေမယ့် စောင့်မျှော်နေသူများရဲ့အိပ်မက်တွေကို ပရိသတ်တချို့နဲ့ရင်းနှီးပြီးသား နာမည်ကျော် ဒါရိုက်တာနဲ့ ပရိုဂျူဆာ James Wan ရဲ့တိုက်တွန်းမှုကြောင့် သြစတေးလျှဒါရိုက်တာ Simon McQuiod ကဦးဆောင်ပြီး အားလုံးလက်ထဲကိုအရောက်ထည့်ပေးတော့မှာပါ။

James Wan ဟာပေါ်မြောက်တဲ့ DC film တစ်ခုဖြစ်တဲ့ Aquaman ကိုဖန်တီးခဲ့သူ ဒါရိုက်တာလည်းဖြစ်တဲ့အပြင် အခြားသောနာမည်ကျော်ဇာတ်ကားများဖြစ်တဲ့ Saw, Billy The Puppet, Insidious, Insidious: Chapter 2, Conjuring: 1 and 2, Fast and Furious: 7 ဇာတ်ကားများကိုလည်း လက်ရာမြောက်စွာထုတ်ပေးခဲ့သူတစ်ဦးဖြစ်တဲ့အတွက် အားလုံးဟာ အခုစတင်ရိုက်ကူးနေပြီဖြစ်တဲ့ Mortal Kombat ဇာတ်ကားအပေါ်မှာ အတော့်ကိုမျှော်လင့်ထားကြပါတယ်။ ဒါပေမယ့် ဒီ Mortal Kombat ဇာတ်ကားအတွက်ကတော့ ဒါရိုက်တာ Simon McQuoid က အဓိကတာဝန်ယူသွားမှာဖြစ်ပြီး James Wan ဟာ တွဲဖက်ဖန်တီးသူဒါရိုက်တာနေရာလောက်မှာ ရှိနေပါတယ်။ တကယ်တမ်းမှာ Mortal Kombat ဂိမ်းဟာ လက်ရှိခေတ်မှာရုပ်ရှင်ဇာတ်ကားတစ်ခုအသွင်အဖြစ် ဘယ်ပရိသတ်နဲ့မှမရင်းနှီးတဲ့အတွက် လုပ်ခဲ့သမျှပရောဂျက်တွေထဲမှာ တာဝန်အကြီးဆုံးဖြစ်သလို အတော်လေးစိတ်ရောကိုယ်ပါ အားထုတ်ရမယ့်ရုပ်ရှင်လည်းဖြစ်နေပြန်ပါတယ်။ လက်ရှိအခြေအနေမှာတော့ ရုပ်ရှင်ဇာတ်ညွှန်းဆရာဖြစ်သူ Greg Russo ကနေပြီး သရုပ်ဆောင် Joe Taslim ကို Sub-Zero အဖြစ်၊ Ludi Lin ကို Liu Kung အဖြစ် ထိပ်ဆုံးမှာ အသီးသီးနေရာပေးထားပါတယ်။ နာမည်ကျော် New Line Cinema ကလည်း Mortal Kombat ဇာတ်ကားမှာပါဝင်ဖို့အတွက် ကိုက်ညီမယ့် သရုပ်ဆောင်ပေါင်းများစွာကို လူစစ်ရွေးချယ်ပြီး ရိုက်ကူးရေးစဖို့ ပြင်ဆင်နေပါပြီ။

ဇာတ်ညွှန်းဆရာ Russo ရဲ့အတည်ပြုမှုအရဆိုရင်တော့ ဒီ Mortal Kombat ဇာတ်ကားကို သြစတေးလျှမှာ ရိုက်ကူးမှုပထမဦးဆုံးရက်စတင်နေပြီလို့ ဆိုပါတယ်။ အားလုံးတက်ညီလက်ညီနဲ့ အကောင်းဆုံးတွေလုပ်ဆောင်သွားဖို့ အချိန်အလုံအလောက်ရတဲ့အတွက် ဒီဇာတ်ကားဟာ ပြောစမှတ်ပြုလောက်စရာ ဂိမ်းရုပ်ရှင်မျိုးဖြစ်မယ်လို့ ဂိမ်းနဲ့ရုပ်ရှင်ပရိသတ်များအားလုံးက စောင့်မျှော်နေကြပါတယ်။ ထွက်ရှိလာမယ့်နေ့အတိအကျသတ်မှတ်ထားပေမယ့် မတ်လ၊ ၂၀၂၀ ခုနှစ်မရောက်ခင်အထိတော့ ထုတ်ပြောခွင့်ရှိမှာမဟုတ်သေးဘဲ အဲဒီအချိန်လောက်ကျရင် ရိုက်ယူစရာရှိတာတွေအားလုံး ပြီးစီးသွားလောက်ပြီဖြစ်ပါတယ်။ ၂၀၂၁ ခုနှစ်တည်းမှာထွက်ရှိလာမယ်လို့ အားလုံးကမှန်းဆကြတဲ့အတွက် အချိန်တစ်နှစ်နီးနီး ပြန်လည်ပြင်ဆင်တည်းဖြတ်ခွင့်နဲ့ အနုပညာအမြောက်ဆုံးဖန်တီးဖွင့် အချိန်အပြည့်အဝရတယ်လို့ဆိုပါတယ်။.ကဲ ဒီတော့ နောက်ထပ်နှစ်နှစ်လောက်ထပ်စောင့်ရဦးမယ့် ဂိမ်မာများအသည်းစွဲ Mortal Kombat ဂိမ်းရုပ်ရှင်ဟာ ဘယ်လိုမျိုးဖြစ်မလဲ? R-rated fatalities တွေကို ဂိမ်းထဲကလို အထိအမိဆုံးဇာတ်ကွက်တွေအဖြစ် ဘယ်လိုဖန်တီးသွားမလဲဆိုတာကတော့ အားလုံးအတူစောင့်ဆိုင်းကြတာပေါ့လို့ တိုက်တွန်းရင်း နောက်လာမယ့်ဆောင်းပါးတွေမှာ ပြန်လည်ဆုံတွေ့ကြပါမယ်။ ဖတ်ရှုသူများအားလုံးကို ကျေးဇူးအထူးထင်ရှိပါတယ်။

Yan

Ref: screenrant